兩草 (銅鑼灣道) (已結業)

兩草呢個名聽咗好耐，但係一直都冇食過，今日出開銅鑼灣，就同個朋友嚟試吓，試完之後結論係自己都煮到嘅質（sorry to be mean🤧），可能一開始係個價錢贏到話題，所以咁多人慕名而來。由細鋪搬大舖，兩間嘅距離其實大概70步，好近。我哋差唔多每樣都order 咁滯：1- 肉骨茶小籠包：肉骨茶唔重胡椒味，但係有肉骨茶味嘅；小籠包入面有湯汁，加分。2- 脆邊蛋煎肉餅飯：可能期望太大，所以都幾失望。。。望落去靚仔嘅，只可惜肉餅冇乜味，蛋黃都做唔到可以撈飯，整體係靠佢嘅秘製撈飯豉油攞味。。。。3- 滑蛋叉燒飯：同煎肉餅飯差唔多，簡單講都係靠撈飯豉油，個蛋係屬於正常或但質素，當然無出名嘅冰室做得咁滑溜。。。。4- 咖央多士：咖央超甜，好重椰糖味，牛油就好香好味，講真，第一次食呢種味嘅咖央，同新加坡同馬來西亞本地嘅完全唔同味簡單總括一下，如果你哋係想飲有質素肉骨茶嘅，唔使嚟呢度，想食有質素叉燒滑蛋飯嘅，可以去上環，想食有質素咖央多士可以去返深水埗或者太子。但！如果想貪得意又想趁下熱鬧，又想試吓嘅，黎一次無妨。雖然唔係好，但唔係差， 屬於一般質素，對得住個價錢。

#銅鑼灣sis肉餅煎蛋飯$30 非常靚仔嘅窿邊蛋 蛋黃晶瑩剔透飯係一粒粒 沾上甜豉油同埋豬油 一啖食哂三樣野 好滿足 非常之香口 好貼地既價錢滑蛋叉燒飯 $30 雞蛋滑溜 叉燒就正常細細粒 相對會遜色少少 但係佢嘅豬油味都好香 蛋炒腸粉$20 甜豉油又有唔會好鹹 微微窿邊好香口 腸粉滑溜 胡椒肉骨茶小籠包$35呢個配搭見到有少少古怪 但係兩樣都想試 好重胡椒味 小籠包有驚喜入口多汁 有鮮肉味而無比肉骨茶蓋過 整體全部食物都唔錯 冇花巧野 款式亦都唔多 價錢親民 不妨試下-兩草 (銅鑼灣)銅鑼灣銅鑼灣道110-114號永興閣地舖

其實前段時間在大坑經過時已經見到這間排長龍的食店，之後上網search這間食店叫兩草色原因是想食物的售價都可以是$20。今天終於可以一嘗滋味，今次我們避开了繁忙時間，再大概兩點後排了不夠15分鐘便可入座。這次我們叫了兩個飯，兩個餸和一杯飲品，總價120 ，足夠飽肚，在銅鑼灣算是中下價錢，性價比高。到了點評時間！先是是這杯薏米水，味道不甜，清涼好滋味，略嫌不足的是配上了細飲筒，吃不到薏米這味餸叫煎魚餅，相比起其他食物這個食物相對遜色，味道跟普通的魚肉差不多。55分。這味叫做斑斕咖央西多士，两片脆脆的面包夹上自制的咖央醬，非常嘢味，但小心吃到周围都是醬， 75分！到了重頭戲！香煎蛋肉餅飯！只能說是色香味俱全！大大塊的煎肉餅加上太陽蛋，臨上豉油，蔥，賣相非常好，對於我來說完全可以吃兩碟，90分！

上次經過大坑嘅時候見到好多人排隊，所以今日我哋特登去到銅鑼灣試呢間。今次嚟到都好似之前咁樣要等位，等左大概15分鐘左右。入面有啲迫，但係都算乾淨。而且侍應都好熱情有禮貌。我哋研究左一輪之後，就決定叫咗兩個香煎脆邊蛋肉餅飯、一份斑蘭咖央西多士 ，一份煎魚餅。肉餅飯係幾好味，蛋煎得好脆，，但係煎魚餅就麻麻哋，可能因為我哋都鍾意陵魚肉嘅味，而斑蘭咖央西多士係我哋最唔鍾意既，因為佢完全唔同我地去新加坡食果隻味，純粹係得個甜字。總結來講呢間就比較平，但嘢食嘅平均水平都係普通，下次我哋都未必會再嚟。

I didn't want to walk too far this time after my trip to Mongkok under that blazing heat over the holiday so I just wandered around my hood until I passed by a cafe beside a hotel. I noticed a closed green gate with a sign showing the restaurants' relocation point. It wasn't that far so I followed its directions and saw that the restaurant has more space compared to their previous spot. It was a full house with many people choosing to take out than dine in. It didn't have a queue too so that was

大坑穩世新加坡美食由於咁大個女都未去過大坑，聽聞好多野食，所以呢日就同男朋友由銅鑼灣行入去大坑，發現原來好多鋪頭三點鐘就截單，要到晚市先再開🤦🏾‍♀️於是就行返出去銅鑼灣個陣，經過呢一間兩草，見到門口都多人排隊，雖然啲嘢食睇落好似好簡單，但係嗰陣肚餓就不如試吓啦！驚喜就係你冇準備嘅時候出現啦😳依間兩草 主要係新加坡食物，點左個簡單既肉餅煎蛋飯，同埋 #肉骨茶，點知出嚟個效果非常之意外地好好食😳雖然細細碗要$30，但個肉餅煎得非常之香，同埋攪爛個 太陽蛋撈埋飯一齊食，好味到覺得一碗唔夠食！好嘅食材雖然簡單咁烹調，但就好突出到當中廚師嘅功架！呢個肉餅煎蛋飯值得食過翻尋味👍🏽而個肉骨茶就不過不失啦～

🍳大坑平價美食 流心香煎脆邊蛋肉餅飯🍚大坑餐廳林立 好多價位都係中上 但呢間餐廳就係例外 唔知餐廳名兩草係咪解兩草野搞掂埋單？價錢貼地親民 $30有個飯 選擇貴精不貴多 只做好幾款菜就只賣幾款 款款都好味🍚香煎脆邊蛋肉餅飯 $30肉餅飯份量唔太大 啱哂女仔 如果男士可以加多個小食豬肉餅煎過更加香口 肥豬肉偏多油脂可口 口感軟熟唔會過硬 調味恰到好處唔會過咸最中意燶邊蛋 脆脆地加埋流心蛋黃撈飯仲有佢地自家製熟豉油 完美🥟小籠包胡椒肉骨茶$35呢到有幾款肉骨茶揀 排骨/鮮蝦/小籠包係偏藥材味嗰隻胡椒湯 連埋小籠包食個感覺好似食湯餃咁😂皮比較厚🍳蛋炒豬腸粉$20比想像中做得好 炒得好香 用埋個熟豉油連埋蛋炒 正!🍋凍檸檬薏米水$22

一間價錢非常貼地親民既餐廳，「兩草」俗語=$20，舖頭意思係用好平既價錢就可以埋單，呢度款式選擇不多，座位亦不多，不過個香煎脆邊蛋肉餅飯隻蛋真係好得，太陽蛋堅脆邊，肉餅味道適中，再加埋個豉油，正！滑蛋叉燒飯都好食，不過我就鍾意脆邊蛋多d小籠包胡椒肉骨茶就一般般，皮較厚，我本身好怕藥材味既肉骨茶，呢度係胡椒淡味style，岩我咖央多士係食唔到班蘭味的，不過勝在又薄又脆全部野食都咁平仲要食到好飽，呢個價錢，無野挑剔罷

大坑野食普遍都遍貴都幾多出名茶餐廳今次第二次食兩草，經濟又好味不過佢依家轉左舖位都係前面街姐之前d位真係好陝窄，佢碟碟都好細碟慳好多位，寫紙遞出去就okay 份量細細碗好處係可以食埋其他試更多胡椒肉骨茶，重胡椒味，我自己鐘意藥材味多d班蘭咖央西多士，烘得夠脆不過我覺得冇乜班蘭味蛋炒豬腸粉，又幾惹味滑蛋叉燒飯。但好似少左d蛋食哂d餸d飯都未食哂🤭香煎脆邊蛋肉餅飯，簡單又好味整體我係完全滿意對於我呢d胃口又唔大又想試多d唔同野食既人岩哂唔怕食唔哂而浪費，亦都唔太貴

上次食過大坑一間叉蛋飯，今次食另一間又係排到嘔嘅小店～食午餐嘅話其實選擇得兩款,好多人會黎食多士,不過呢日太肚餓,一定要食飯!滑蛋叉燒飯 $30外表睇落足料夠曬誠意，雖然唔係好大碗，但呢個份量都算剛剛好，叉燒切到細細粒方便進食，同蛋完美混埋一齊，佢係偏甜，配合淋淋地嘅米飯，加埋特製醬油，整個組合係和諧嘅！香煎脆邊蛋肉餅飯 $30隻蛋真係全邊脆卜卜，仲保持到荷包蛋效果，加上隻蛋蛋黃漿好濃稠，撈飯完美，肉餅幾有口感亦無算太鹹，同叉燒飯叮噹馬頭！

呢間鋪頭個名就代表店主想顧客可以用$20食到好味嘅嘢。餐牌上面最貴嘅單點食物都係$40真係好有良心。門面唔大入邊頂盡坐20個人，但係返枱率都應該唔錯。留意番佢哋晏晝遊樂場，夠鐘係真係會唔俾你叫嘢食㗎，好決絕嘅。飯嘅份量啱啱好唔會太大份可以俾你試埋鋪頭入邊唔同嘅嘢食，食物嘅菜式可以話係國際化又有馬拉野又有本地薑。我試咗小籠包肉骨茶，聽落好似好奇怪食落去冇問題。肉骨茶係似潮州style, 胡椒味濃。小籠包就真係唔好諗住個皮好薄啦不過都幾好食。香煎脆邊蛋肉餅飯，隻蛋真係冇得輸，肉餅都夠味不過可以質感好啲例如加啲馬蹄。比滑蛋叉燒飯我會鍾意食肉餅飯多啲。如果佢可以有埋黯然銷魂飯就不得了。班蘭咖央多士亦都係好好食，出面就算有咖央多士都唔係好多都有班蘭味食。唔會太多牛油太肥。每一份亦都係大細剛好。

初嘗試！性價比高的餐廳！價錢便宜：今時今日幾十元就食到個有質素既飯，是多麼難既事。餐單選擇不多，樣樣都心機出品。可以叫哂全店食物，埋單都唔貴！絕對適合一試再食！食物方面：咖因多，壓到超扁超脆，入面一邊搽左牛油、花生醬，食上口既感覺又滑又脆，好似食緊餅乾咁！滑蛋叉燒飯，好足料，滑蛋同上面鋪滿蔥花，好夾、連我比較少食蔥既，都覺得好豐盛！而脆邊蛋飯，蛋邊超級脆，仲有塊肉餅，有午餐肉感覺，都唔差！魚餅煎到外脆內嫩，腸粉加上有蛋去煎、好香名哂味！置於肉骨茶，就冇藥材味，有著胡椒味，係另類風味！

早前收藏了這間餐廳的資料，這次避開了星期一的店休日，星期二中午終於成行，來一次＂兩草＂之行。由天后開始，沿著銅鑼灣道一步步地深入，看見的卻是關閉著的綠色鐵製百頁式店門，走近細看店家在門前豎立的告示牌，原來是搬鋪了，新址就在不遠处，還好不至於空跑一次。新址店鋪外觀是暗紅色配玻璃窗的格局，與原來綠色百頁鐵門的店鋪風格反差很大，店招也不顯眼。中午 12:30 左右，剛開鋪不久，客人有六至七成在座，不需要排隊等候，直接入內即可。四方型的店堂內，安置著六張圓檯，每張檯可以坐五至六個人，總共可以供三十人左右同時就坐用餐。檯面上放著一疊點餐紙，上面印製了所有食物名稱供客人自行✔，簡單明了。點餐紙上共有五大類食物，分別為：［胡椒肉骨茶系列］價錢由HK$ 35 -- 40 元，分［肉骨胡椒肉骨茶］、［鮮蝦胡椒肉骨茶］和［小籠包胡椒肉骨茶］三種。［飯系列］價錢 HK$ 30 元/份，分［煎蛋肉餅飯］和［滑蛋叉燒飯］兩種。［小食系列］價錢由 HK$ 15 -- 20 元，分［蛋炒豬腸粉］、［斑蘭咖央多士］、［香煎魚餅］和［油菜］四種。［飲品系列］價錢由 HK$ 10 -- 20 元，有［罐裝汽水及檸檬茶］，

很少寫食評，但今次不得不抒發一下。次次經過都見到人排隊，最近轉左新舖，地方大左又唔駛等位，一於試下。燶邊煎蛋肉餅飯：細細碗，燶邊蛋係幾香口，肉餅質感可以，但淡淡地冇乜味，靠d豉油味。肉骨茶小籠包：一碗鹹鹹既湯浸住4粒小籠包，勁似即食湯包粉，小籠包都係急凍野，一個字- Hea!煎魚餅: M記薯餅咁上下大，普通魚餅，不過夠熱囉。班蘭咖央多士: 極度失望! 塊多士又凍又淋，個醬又甜，發生咩事？係咪咁樣先係正宗？同場加映：想叫杯水，兩個店員輪流聽唔到，有一個終於聽到，但望一望我地就繼續同人傾計，唔通我地講緊外星話？兩個人食，係唔飽，但唔想再叫野食喇，寧願行番去天后食街邊小食

“兩草”由從原有鋪位搬前一點, 餐廳面積似乎又大一點, 希望生意也會再好一點. 畢竟大坑裡食肆數目, 和之前比較已少了很多, 更重要是大部分食肆收費並不經濟, “兩草”的出現或多或少有”窮人恩物”的意味.三款菜式一共八十多元, 兩個人吃平均每人五十元也不用. 吃的是家常馬拉菜, 像是肉骨茶是沒有藥材味, 反而充滿胡椒味, 辛口中帶咸香, 和大坑中另一星馬名店”肉骨皇”的做法相映成趣. 另一名菜煎肉餅蛋飯則是充滿童年味道, 配上咸咸甜甜的豉油, 充滿小時回憶, 肉餅就是簡單的做法, 沒有加其他配料, 三十元一碗飯, 我也不會要求甚麼”花臣”吧!