兩合特色餐廳

营业中

休息中

叫人落單 叫左5分鐘 職員就不停 裝水 好忙咁唔知佢做咩係都唔落單即係唔落唔緊要 我可以起身走最後我叫左另一個人落單叫左粥同粽 送黎 諗住唔會有事啦個女職員發緊夢咁 倒瀉 豉油你say 過sorry 都好，扮晒冇事走左去。最後我自己沬啦屋苑唔好有咩要求呢間越做越差啦30年居民的評語食粥附近冇選擇，唔想行局揀啦粥本親都仲ok 普普通通都大碗的都係那句38蚊碗粥 屋苑 唔好諗咩有咩好服務環境尚可 唔算太迫 都有位坐的 冷氣都夠 唔會太熱 有d畫掛在牆咁

我最近都在屯門醫院工作人人都知道醫院周邊根本飲食荒漠黎我已經成個月無啖好食今日特登行去地鐵站附近搵到E家餐廳Menu選擇好多有一般茶餐廳的菜單也有日式的以一間茶餐廳黎講選擇算係好多我最後叫左一個蛋包飯然後個蛋包飯竟然唔係單純蛋包住飯真係蛋汁同飯有混埋一齊食起黎非常好食再配上有流心芝士的漢堡扒對係醫院做左更多日野的我黎講簡直如同上天國咁而且咁好食加凍飲都只係$58但食物質素完全不輸大餐廳黎屯門做野E間絕對值得一試

全日餐四十蚊。雪菜肉絲餸多，再配兩款餸和包！ 抵食碗粉夠大碗！抵讚。用心經營小店，牆上有不小漫畫畫作。不時還有特價餐。 食物水準味道不錯，希望可一直經營。祝生意興隆。

晚飯粟米斑塊$68海味什菜煲 $78咕嚕蝦球 $78灼鯇魚皮 $42白飯(跟餐)例湯整體好味指數 4/5 🍭🍭🍭🍭{今日簡左間簡簡單單既茶餐廳食晚飯 賣相和味道都唔錯 粟米斑塊睇落唔係好多件 但每件都好厚身 炸粉很薄肉很多 醬汁亦很適中夠配飯 海味什菜材料豐富 菜好多 湯亦好甜 咕嚕蝦球雖然份量唔多 但蝦肉新鮮大隻 醬汁酸酸甜甜好開胃 灼鯇魚皮很爽口 份量都好多 上面還配上蔥和花生增加了不同口感}

鋪頭設計風格好特別餐牌標明又學生優惠，但係佢話一年前㗎，心諗：一年前又點，你餐牌冇改就係㗎啦。anyway, 我問佢攞餐具姐，佢反我白眼，服務態度好差。不推薦大家去

因為要去拜呂祖。要食素。所以點咗個茄蛋飯。總價$64。個蕃茄好新鮮。隻蛋好香滑。混入白飯好開胃。杯熱奶茶好飲。成間茶記，最大特色係掛滿港漫。有李志清三國作畫，有邱福龍個大拳。門口有龍虎門及甘小文作畫。重有司徒劍橋個超神Z作畫。動漫迷一定要捧場。

屯門醫院探完家人，十二人去附近兆康苑商場兩合特色餐廳食晚飯，點了十個餸每樣小菜都有水準，例湯係送的，每樣小菜又好味又夠鑊氣，價錢又親民，唔怪得之晚飯時間座無虛席

今日同爸爸媽媽要去青松拜山同探親戚，就諗住求其係兆康商場食啲野再過去，望到商場外觀都知道無乜野好食就决定速食個茶餐廳算數。茶餐廳位置於二樓，外觀好一般，貼滿哂餐牌係窗口度。一入去用手指示意三位，店員就好快俾左張超級長超級舒展既卡座俾我地。餐廳老闆應該好鐘意漫畫？😆整個場都佈滿左漫畫作品，好有趣。呢個喇沙海鮮湯烏冬有驚喜，有海量既海鮮，仲有炸魚塊？😆又有豆卜同埋雜茹，烏冬略為硬身左少少，湯底幾野味，大大碗，唔錯，速食既話，推介。

我知疫情大家搵食辛苦，但都唔係咁唔耐煩呀？下午肚餓去食個T，一入門口掃安心嗰下已經聽到嘆氣聲，我都當冇事算數。一坐低就不停催落單，一邊講就一邊jip，好似好趕咁，明明全場只係得3-4枱客，如果你係澳牛咁我會接受。到我準備食野仲見到佢望住我口嗡嗡咁，即刻覺得俾人加左料咁，唔食即走！如果大家唔想俾人咁對待，建議唔好幫襯疫情已經難搵食，仲要咁樣對客人。等執！我又唔係要酒店級服務，正正常常咁咪ok囉香港人 共勉之

由荃灣西跑到屯門之後，去到呢度食早餐，客人都比較多，所以要搭枱，但無嘢隔住😐 價錢方面都ok，味道唔錯（始終肚餓咩都會好食嘅）份量都幾多，尤其係個雞扒好邪惡好正，最鍾意飲熱杏霜。

今日返工之前係兆康西鐵站嗰個商場嗰度，求其搵咗間餐廳食咗個早餐，呢啲民生舖頭應該就冇伏。我叫左個沙爹牛肉公仔麵，加埋腸仔煎蛋多士同一杯嘢飲，40蚊左右就正常價。佢既上餐速度好快，唔使5分鐘就黎曬啲嘢。所有食物都熱辣辣，係呢個咁凍嘅朝早，為我帶來了一絲絲暖意。這個餐加埋個份量都幾足，可以食飽，去到午飯時間都唔肚餓。這個餐正正常常，烘底多士脆嘅 。沙爹麵味道同平時啲茶餐廳差唔多。麵質唔硬，亦都唔太淋，仲有啲彈性。算係正常嘅一般茶餐廳，有時間過嚟食早餐都唔錯。

夜晚唔知食咩好，求其去左附近餐廳食左個常餐，揀左葡汁焗雞球飯，夜晚有老火湯送， 今次既老火湯係青紅蘿蔔豬骨湯，飲落都係味精湯既感覺，不過幾好飲。以為焗飯會等得耐少少，點知都幾快上菜，等左大約十分鐘就有，個焗飯其實不過不失，葡汁份量都好夠黎撈飯，雞球可以再滑啲，再加三蚊有凍飲。對晚餐要求唔太高既人都可以係度求其食一餐。佢其他小菜配飯價錢就會比較貴，不過見佢份量都幾多，適合幾個人 share 一齊食多啲，總括而言都係不過不失既一餐。

話說放工肚餓，周圍冇乜野食，又唔想行，就貪方便去呢度食。叫咗一個京都炸醬麵，一上枱，碗野的醬係鮮紅色，心知不妙，不同平常食開的橙色，炸醬也不像，係肉絲炒面的肉絲，一入口完全唔係果回事，不如叫茄汁肉絲麵，真係超級不似預期，我只係想食一碗正常普通的京都炸醬麵，唔識整好心唔好拿出來賣，好彩仲有碗正常既湯可以用來洗麵洗走晒啲醬。呢間野上次食艇仔粥d材料都係古古怪怪，無端端會有魚片，但又冇咗大路野。 如果想挑戰味蕾，不妨一試。如果想放工食個平常飯，建議响呢度食返啲茶餐廳野比較穩陣。

去食個早餐，個曲髮戴眼鏡既呀姐落單，講得非常清晰，西式早餐係要全熟蛋，黎到個蛋黃係全生既。塊午餐肉薄到一個點。已經好有禮貌唔該前唔該後，果個咁既呀姐，串77咁，我：煎蛋麻煩你全熟蛋吖。呀姐：即係熟蛋啦係咪呀我：凍檸水少冰少甜呀姐：即係凍檸水少冰甜啦係咪呀。語氣係串你果種，唔係覆單果種。第一次幫襯，亦都係最後一次

今天入屯門探親戚，想吃下午茶，到了兆康商場兩合特色餐廳。到達後點了一個醒神麵餐，沙爹牛肉出前一丁配餐肉煎蛋牛油方包。沙爹牛肉丁面還可以，但沙爹汁有點鹹，方包就只有一點點牛油，餐肉薄到一張紙。餐肉也不是什麼貴價食材，希望能改善