全記小店

营业中

休息中

西檸雞 同乾炒牛河 都好難食西檸雞等於檸檬汁點炸雞完全接受不了乾炒牛河非常乾，d河粉炒到爛曬。真係非常非常非常非常非常非常非常非常難吃。另外地方又唔乾淨，唔建議黎食

首先 要講下野食尚算可以😗不過不失。問題係 幫我落單果個人（我諗佢應該係部長呱，套制服唔同色）企係兩米遠 幫我落單，仲要喝我 講快啲啦 快啲講，有好多人催我出貨！（我講完又聽唔到，又唔覆單，結果落錯單啲嘢黎到錯晒）個態度欠佢錢咁！咁我都明白，喺茶餐廳唔可以要求太高，但係基本要求落單應該要做到囉！（如果個腦記唔到咁多嘢，應該搵張紙抄低先啦），同埋個女待應究竟要我幾大聲落單？同埋佢哋做開茶餐廳落錯單見慣不怪，但係作為食客只驚佢會加料

今日出咗西貢，食早餐經過見呢間門面幾好，有2層又多位，於是入去試，坐2樓冷氣夠凍，2樓幾大環境可以但有啲舊，叫個雞扒米，牛角酥，凍檸茶少甜，雪菜肉絲米，凍好立克走甜，奶油豬。個雞扒米同雪菜肉絲米都正常無高低，啲米粉正常，而最大問題都係佢啲包同多士，又凍，又硬，隔夜，牛角酥完全唔鬆軟唔香，多士又硬又凍叮熱都無，奶油豬又係凍嘅，嘢飲又係一個問題，凍檸水勁甜，凍檸茶叫少甜都係甜，凍好立克走甜都係甜，唔知係個水吧唔識字定係咩問題好唔掂，整體唔抵食。

今日入西貢划獨木舟 划前又係食少少野先✨沙牛炒蛋公仔麵配凍華田 $42+$3麵有啲細碗 食完都唔係幾夠飽😅😅 個湯勁清 完全冇味咁濟 連公仔麵啲調味粉都冇落咁🤦‍♀️🤦‍♀️ 炒蛋都係冇咩調味 🙈 沙牛都有四五片 味道普普通通 🙈 凍華田偏甜✨豬扒炒蛋齋多配凍齋啡 $45+$3豬扒幾腍 多士都脆嘅但係齋啡唔包埋走甜 🙈🙈 蛋都係冇咩蛋味同調味🤦‍♀️🤦‍♀️總括黎講呢餐真係當填飽個肚就算🙈🙈 環境方面坐近門口天氣又熱所以覺得冷氣唔係幾夠明明餐牌話早餐到十一點半但係到十一點就催人拿拿林落單味道❤️❤️💔抵食❤️❤️💔服務❤️❤️💔環境❤️❤️💔💰早餐人均～$45❌再幫襯

內部裝修一般，環境較狹窄。蝦乾梅菜蒸鯇魚飯58元，蝦乾頗大隻，軟身味濃。梅菜惹味得來不會太咸。鯇魚肥美，沒有蒸過熟，味道鮮。菜心翠綠。白飯軟硬適中。櫻花蝦海鮮蛋白炒飯58元，櫻花蝦香口，蝦肉彈牙，菜心粒翠綠，炒飯乾身，不算太肥膩。例湯為冬瓜豬肉湯，味道正常。熱奶茶香濃。熱菜蜜很甜。

相信好多人去西貢玩水嘅時候，早餐都會去茶記食飽飽, 我都不時去玩水, 食過呢排幾間, 全記算係比較好但今日經歷真係唔太好, 朝早八點幾入到去嗌左個麵餐, 寫明「送半份多士」, 但係到我order嘅時候就同我講送晒大佬朝早八點幾點會冇貨呢？ ！擺明就係假日縮數唔想俾, 但如果係咁, 你就唔好寫喺個餐牌度, 呃人入嚟啦, 唔通你話送冷熱飲品，入到嚟你又會同人講嘢飲賣晒?最吊鬼係之後見到佢出餐，其實又繼續出多士㗎喎咁根本就唔係冇貨，只係唔俾啦，明晒咁你食早餐就係想食得飽啲，你咁樣呃左我份多士，我真係嬲，雖然食咗好多年， sorry但係真係冇下次Fool me once, shame on youFool me twice, shame on me

一入到去餐廳其實個空間都幾大，估唔到入咗新界之後啲餐廳都好似空間特別大。食物質素幾有水準但係估唔到個炒蛋竟然會加三色豆。有少少出人意料，不過係第一次食咁樣嘅炒蛋，所以其實幾特別。火腿就味道適中唔係話太鹹。茄汁焗豆食幾啖就冇咗，如果可以多啲會更加好。隨餐會奉上一杯港式熱奶茶。成個早餐加埋都唔需要$40。性價比幾高。

去完滘西州打完Golf,落左船就去左全記食個lunch,叫左個粟米雞絲飯，不過太多汁,濕淋淋,唔係太好食！例湯就好大碗,不過鹹左Ｄ;好彩奶茶就夠熱夠滑,幾有奶味先補番數

早餐原本以為是一般般的茶餐廳，但一入去，感覺乾淨，企理，舒服，餐廳夠大，還有二樓，不用跟人搭枱👍再看餐牌價錢，有貴有平，好合理，和別的茶餐廳相比價錢差不多，但環境好很多，當然下次也同樣會選擇這間。

第一次幫襯西貢這食店，感覺其食物也不錯呀！～茄汁豬扒意粉茄汁另上，濃淡味由食客決定，真是貼心。茄汁用上了鮮蕃茄煮成，味道特別純，又不會過甜，估計糖的份量不會太多。意粉煮法是港式，但亦算不俗。豬扒竟然有兩大塊，質感完全不韌，味道適中。～上海粗炒烏冬看似材料不多，吃起來便知配料也多元化，計有肉絲、冬菇絲、椰菜和紅蘿蔔絲。最重要的是炒烏冬面上還灑了香芝麻粒，零舍不同。烏冬軟硬適中，醬油份量恰當，味道不俗。吃畢，再來熱飲一杯，非常滿足。

去西貢玩完獨木舟，就係西貢搵間下午茶全記小店入到去餐廳，環境企理乾淨，冷氣夠凍，睇一睇餐牌，叫左呢個雞扒辛辣面配檀島咖啡。雞扒係用南乳再炸香，非常可口，檀島咖啡亦好香，可惜辛辣面可能出得太快，有d硬，如果煮多1分鐘可能好一點，不過見到佢嘅雞扒再加送小量韓國泡菜亦加左不少分數，經過值得一試。

平時去開西貢多數帶埋隻狗仔..所以基本上都一定要搵啲坐出邊嘅餐廳..有時唔想下下去到食海鮮酒樓嗰啲..我哋一家人都會嚟呢度食..食到小菜之餘又會食到海鮮..價錢就一般茶餐廳貴少少..一碟小菜平均$70起西蘭花炒大頭班腩魚塊都大大件..有魚油香..西蘭花就偏淡咗少少清湯牛腩煲嚟到嘅時候會熱住食..不過因為坐出邊又加上而家夏天嘅關係..我哋一家都覺得唔需要滾住咁樣食..最後店員都幫我哋轉咗放碟上就可。牛腩煲有濃濃胡椒味，感覺好似食緊胡椒豬肚湯底..好惹味..牛腩肥瘦均勻唯一係覺得啲蘿蔔太老了，好多筋。啫啫雞煲雞件同豬潤份量都唔少。都有D鑊氣

係西貢行行下🚶‍♀️，覺得有d餓，就睇下有邊間下午茶好食。咁岩經過呢間餐廳🏬，見都幾多人食，而且價錢唔太貴，就決定試一下了🤓📖打開餐牌，見下午茶嘅選擇都幾多，下午茶餐包一杯熱飲☕️。由於一般茶餐廳比較少有冬陰公食，所以今次就簡了冬陰公海鮮湯河🍜1️⃣ 🍜冬陰公海鮮湯河（$44）👍🏻味道評分: 6/10下午茶黎講，份量都唔少，配料十足，有魷魚🦑、蝦🦐、青口🦪、魚肉🐟、豆卜、河粉、芫荽和蔥。咁多配料，呢個價錢黎講真係幾抵😆味道方面，整體上都還好，只係覺得湯底既味道未夠濃，同埋唔辣，令冬陰公既味道不太突出，如果再濃味d就更好味了💛筆者認為員工既服務真係幾唔錯，因為送餐既時候，佢地突登比多隻碟我扔殼；飲品亦用蓋子蓋住，避免入塵，真係幾貼心👍🏻❣️

夜晚同屋企人出開西貢，醒起之前成日想試嗰間全記小店..依家終於可以堂食，決定一家四口去試吓..唔知佢同全記海鮮有冇關係既呢？裝修風格係一般茶記由於我哋都唔係好肚餓所以只係叫咗四個小菜食..鮮蝦滑蛋扒西蘭花蝦雖然係用上急凍蝦仁，但係食落都爽脆...蔥爆飛魚子蝦米銀絲煲粉絲炒得夠乾身，每條都佈滿左飛魚子..個口感食落去好特別..西檸雞個汁係分開上嘅，目的係令到個雞扒保持脆口..食落去都係外脆內軟。另一個豉油王煎蝦..食得出全部都係用上新鮮蝦..有啲個蝦頭仲有膏嘅添...香脆到連埋個蝦殻成隻食..四個小菜再加四碗飯一支啤酒埋單都係4百零...響西貢呢個價錢食到小菜又食到海鮮真係超值👍🏽

今日難得放假去左西貢玩下見肚餓就隨便走咗入去依間全記小食叫了一個酸辣肥牛湯米線 配上涷檸檬茶，效率都幾快，叫餐無耐，就有得食了一黎到陣陣酸辣香味已經傳入我的鼻入面有豆卜、酸菜、芽菜、芫荽、蔥，當然唔少得既主菜肥牛啦！平時多數食開連鎖式既酸辣店，今次就試一試小店，肥牛都幾大件，食落有口感，不太簿，茶餐廳黎講都算比得大件了另外米線配上酸辣湯底依個絕配，無可挑剔，好食，配菜用料十足，下次經過想食下午茶可以黎試下！