全球美食 (已結業)

舊年去過食兩次，整體都唔錯。每次去都叫唔同既野食，焗薯蓉好食，pizza好食，士多啤梨朱古力好飲。一直都未試漢堡，好可惜今次諗住黎試時舖頭已結業，請問有冇人知呢間舖搬左去邊？Thanks.…查看更多

悶悶地紅磡做完野行去崇潔街搵下下午茶食，行到入崇潔街尾，聞到好香牛肉味，就比佢引左入去！望到個靚女老闆娘，更加唔洗諗！入去試下佢手勢！就跟佢推介叫左個手打牛肉漢堡包餐！老闆娘係即刻同牛肉打個漢堡扒出黎！估佢唔到小小店咁有驚喜！塊牛扒超 JUICY!!! 包脆！Sauce 又多！薯條又係熱辣辣、脆 bok bok！加杯凍檸茶！正到暈！環境 : 小店經營，坐位不多衛生情況 : 良好呀時間 : 要有耐性，因為係即製，所以要等一下。一定有下次！…查看更多

星期六唔得閒煮飯，一直知道全球美食有好多好評，但未試過，今次有機會試下，所以揀左喱到外賣入到黎見到餐廳好寧靜舒適，餐點人員有善，下次可以堂食或來飲野！今次試左炸雞肉醬意粉同煙三文魚沙律炸雞意粉,正!炸雞負夠脆，唔會油淋淋意粉揀左肉醬汁仲有煙三文魚沙律煙三文魚大大件，沙律唔係用觀頭什果好足料好味！杯即磨咖啡仲掂值得推介！！…查看更多

兒時對於紅磡美食的記憶最深印像的便是加太賀 - 一個個大紅燈籠高掛，遍佈整條街巷，令人真如置身日本的感覺，到時在仍然很深刻。不過現在好吃的日本菜開到成行成市，加太賀質素下降劣評如潮，昔日風光不 再，反而該條窄巷現在卻開滿了各式各樣的美食，是一個尋寶的好地方。而今次便正正遇上這個驚喜 - 全球美食。向來找尋平民美食都是小弟的嗜好，因相信香港藏著很多街坊生意、價廉味美的餐廳，全環美食亦乎合這個條件。一個set lunch 連沙律及餐飲亦不過$40-$50，份量十足美道超埴。先來一個薯仔沙律，味道是很香的蛋黃醬味，作餐前開胃小食份量剛剛好。因為<星星>熱的關係(其實都無乜闗係)，order 了一個炸雞意粉。雖然表面炸得有點過燶，但亦因此皮炸得非常開脆，上枱時還不住冒煙，熱辣辣的非常吸引，抵食夾大件。白汁意粉的味道也不錯，但下次會比較想試肉醬味的。女友order 的是手打漢堡，亦同樣份量十足。漢堡十分厚身，咬落啖啖肉，十分滿足！不過口感就比較乾身一點，另外如多些薯條會更加豐富。最後雖然沒有拍照，但女友大讚這裏的熱奶茶較香滑！原來奶茶亦是這裏的招牌之一呢．．這種街坊小鋪美中不足是座位較小較窄，不過服務態度相當好，就當作是街坊小店的一種特色吧？…查看更多

午飯時間, 女友選了這間話想試試, 雖然見佢好似出名係HOTDOG同PIZZA, 但食午飯又想食飽一點, 所以都叫了他們的午餐, 一個吉列豬扒意粉, 一個黑椒炸雞扒意粉, 兩杯熱奶茶.可能是午飯時間, 都要等一段時間才有, 但她們的服務很好, 很NICE:), 來到後還很細心再每人比多一隻碟, 就是比我們將塊扒放在另一隻碟上. 份量OK的, 不算少, 炸雞扒炸得很出色, 不太油, 雞肉很滑, 皮炸得脆又不乾, 控制得很好,吉列豬扒不過不失, 可能炸雞扒實在太好, 意粉都一樣做得很好, 而且應不是便宜貨, 熱奶茶更是非常的好, 很滑很滑, 我女友飲奶茶會有胃痛但她又喜歡飲又滑又香濃的奶茶, 她去每間都幾乎會叫奶茶去飲少少試下, 這次她竟然忍不住飲了大半杯 !! 一直說不能再飲又忍不住又飲, 哈哈 !相信她們其他食物都有一定水準, 希望她們能繼續保持 !!但舖位較細坐位較少, 繁忙時間就未必有位, 但她們絶對不會因此而做一些動作趕客, 非常好:):):)…查看更多

有時都會來這間餐廳吃晚餐 有一日老闆哥哥同我講之後會嘗試推出漢堡包已厭惡快餐店漢堡包的我當然非常歡迎啦因為晚飯時又多一份選擇了今日午飯時間來到這間餐廳 老闆哥哥跟我說已經推出了漢堡包立即order了一個來吃漢堡包除了足料外 入面的牛肉有濃郁牛肉味 價錢又公道 比外間的漢堡包好吃得多了(太好吃 忘記了照相 大家自己去食就知道) 另外這餐廳的熱狗,羊扒和薄餅都有超一流的水平餐廳的裝潢亦令人感到很舒服當大家對於晚飯的抉擇很疑惑時這間餐廳絕對是一個美好的選擇大家不去嘗試簡直暴殄天物 …查看更多

今日去一個幾年無去既地方, 但唔係去返同一間野度食, 反而去左一間cafe. 如果係果邊工作, 地方絕對唔難搵, 當然對於我呢d成日坐的士既就更加唔難啦. 講返間食店, 門口招牌好明顯係講左有咩食, 我最鐘意就係一去到門口就知有咩食, 唔駛要我估黎估去.今日食左一個9吋pizza, 一個鴨胸意粉, 一個三色法包, 一隻大熱狗, 仲有一杯凍奶茶.pizza既粉好足, 餅底唔會太鬆, 更唔會太硬, 芝士味唔會過濃, 仲有芝士粉比你自己加上去.意粉唔會硬, 易入口, 味道均勻.呢個三色法包簡直要推介, 配個沙律真係好味到暈..最重要係個沙律唔會酸, 有好多地方既沙律都酸到唔想放入口之後黎隻大熱狗, 有無攪錯, 好食到咁....點形容呢...um....配料新鮮, 條腸唔會咸最後係一杯好正既凍奶茶, 大家都知唔係間間野既凍奶茶都咁正, 呢間真係好好飲.ps : 個三色法包無相, 因為......太好味, 我未影就已經食哂.....sorry.聽大廚講, 黎緊仲會加新嘗試 = 漢堡包, 下次我一定要去試, 試完再同大家講佢得唔得…查看更多

今日去左食pizza，叫左個千島風情pizza、香草羊架意粉同至尊熱狗。話甘快就黎啦，雖然即叫即整但都好快。因為本人好中意食芝士，所以落單既時候就話要多芝士，估吾到個pizza真係勁多芝士，一撕開個pizza d芝士可以拉到勁高，簡直係正呀！d羊架好juice意粉夠彈牙爽口，好食！最後個熱狗拉，佢地好好服務幫我地切開左一半。哇d汁好多條腸都好大條，好抵食^_^呢間d野食真係好好食，好過pizza •••！大家不妨去試試，真係好正！下個星期開派對，我都叫呢間既到會先！…查看更多

在紅磡廣場開店的我*每天下班都煩惱吃甚麼*今天下班後我又操控著疲倦的身軀覓食*夜晚的紅磡和日間截然不同*很多商店已關門街道也不是五光十色*我選擇崇潔街*這裡有很多餐廳任我選擇*我喜歡這餐廳的裝修和燈光給我溫暖的感覺*平時常常吃茶餐廳*今次很想吃薄餅和熱狗*問了店主知道是即叫即製的就很放心不怕不新鮮*我們點了王牌熱狗和9"pizza(sorry沒有刻意記住名字)因為熱狗太巨大*所以店主細心地把它切開*這絕對是king size*巨大脆皮腸+鬆軟麵包+很多配料*Pizza材料和醬汁都很豐富*店主絕不吝嗇*最重要是不會硬和乾*相比現在流行的大pizza放一會已經又硬又乾*我在這裡坐了很久pizza都不會又硬又乾*這值得一讚*幸好兩個人一起吃才把食物吃光*下次試午飯叫外賣或再過來試意粉*晚餐不是茶餐廳質素只用數十元確是很抵*…查看更多

第1次寫食評，希望大家俾啲意見︰來崇潔街除咗加太賀之外，仲有啲咩好食呢，我哋都諗咗一陣！見到呢間熱狗算係呢條街裏面最企理嗰間，咪走咗去試吓囉，原本都唔會話抱太大期望，因為始終熱狗呢啲對我來講係快餐來啫嘛，但係食過之後......得喎，原全唔係快餐貨仔喎，好有驚喜！除咗upload咗上來嗰2張相嘢食相，我哋其實總共食咗下面咁多嘢，都係咁好味︰白汁磨菇龍利意粉︰嗰汁真係好濃郁，的芝士好厚咁鋪咗係面，個龍利仲好肥美，唔知係唔係咁形容，總之我食落去就有咁嘅感覺。美式至尊Pizza︰9''當然無Pizza Hurt嗰啲咁大，但係淨係食佢嘅話，我諗2個人都够飽，佢個皮仲係好脆，面頭啲料真係好多，好好味呀！挪威三文魚意大利包︰第1次食意大利包，相當鬆軟，裏面啲料多到呢，一句︰食過翻尋味！香草焗羊架配蜜糖芥末醬︰連我呢個唔食羊嘅都纖滅咗2入，唔使講都知係咩事啦！美式皇牌熱狗︰除咗條珍寶法蘭腸，上面仲有好多煙肉同埋磨菇碎，好滿足！下次睇下仲有冇機會過來呢頭，一定返來再食過！…查看更多

不好意思，因爲忙碌而沒有寫這篇食評。其實這吃了下午茶~（因爲紅磡偏向土瓜灣方向很少cafe，所以就選擇這個cafe）選了個焗香草芝士美味熱狗，23元一個餐包括可樂~~用刀叉來切熱狗還不錯!芝士和香草的配搭非常香口，所以配搭香腸就會更美味！雖然一直以來空調是這傢店需要改進的地方（有時候冷，有時候熱），不過環境還相當舒適！來個小茶也是值得一來！…查看更多

上星期六,一家人本來想去紅墈食日本菜,但那裡很多人,而我們又不想等位,就打算去看看別處有沒有其他東西吃,半路中途見到一間新開張的食店,又剛好有位子,而且時間已經不早了,便走進去吃。:)裡面的裝潢簡約適,相比起旁邊的食店顯得非常簡樸,給人一種舒服的感覺。裡面賣的食物大多都是意大利式的食物,老闆好客熱情,推介我們先來幾杯飲料:檸檬梳打,100%純果汁(由日本空運到港),都是大力推介其中赤葡萄汁限量發售的喔!!我們試了一份三文魚意大利包,份量十足,三文魚新鮮,配上鬆軟的意大利包,絕對有一種清新的感覺。然後我們又叫了一份千島醬pizza,pizza底十分鬆軟,芝士熔化在鮮味的腸仔上,吃過必定齒甲留香。接首我們叫了一份焗意粉,意粉硬度洽到好處,配上惹味的醬汁,十分yummy!!!!>.<"最後我們叫了一份茄蛋三文治,感覺十分清新。如果在夏天沒胃口吃東西,這也是個很好的選擇。遺憾的是,未能嘗試他們的熱狗,因為老闆說已經沽清了:(…查看更多