兆鳥 (已結業)

一間睇裝修以為係日本人主理新開嘅鳥燒…點知一入去…已經Feel到唔對路…唔緊要…食個晏啫…個Lunchset收$158未計加一…我揀咗AAA…刺身二點、豚肉鍋、炸雞胸軟骨…其他嘢都冇咩好講…都係啲一般嘅港式中價貨…最驚喜反而係個炸雞胸軟骨…真係同用嚿膠炸咗佢冇乜分別…炸工又差…衰過快餐店…勉強食咗一半就放棄咗…咁都攞得出嚟俾客食…我就真係冇藉口唔將畢生人第一次寫嘅食評奉獻俾你啦！可能…你晚市個串燒或者好好食…但係我已經唔再夠膽去冒第二次險嘞！就留返俾啲有緣人去試完晚市評價吓啦。