元祖和風食堂虎藏

营业中

休息中

係餐廳附近工作，所有同事都推介依間餐廳話係必試餐廳！但因為帶飯一直都無機會試！今日放工6點黎食，一個人就唔洗等位，但餐廳6點3到已經坐爆，餐牌應該全日都一樣，所以夜晚食就真心抵食！叫左份迷你拉麵配抹茶芝士蛋糕，48蚊超抵食！女仔食就一定夠飽！醬油湯底會配雞蛋，其他湯底好似就無雞蛋，所以我為左雞蛋揀左醬油湯底😍拉麵份量比較少，塊肉就一般般，不過食完拉麵再食芝士蛋糕就岩岩好！我為左試去抹茶芝士蛋糕，果然無令人失望👍🏻

今日lunch經過見到有新店開張，緊係要試下啦喺長沙灣黎講日本菜真係買少見少~ 平民價錢食物水準OK, 果然沒有失望^^ 門口仲可以外賣軟雪糕以後同事們又多一間飯堂啦

難得長沙灣開左間日本餐廳就去試下啦，其實本身都冇乜期望，但最後真係劣到冇人有：0）首先講最重要既味道，真係咸到痴線，從來未試過一餐飯要飲成5-6杯水。基本上所有菜色都係過咸，咸到食唔出食材本身既味道，可能直接成包鹽隊落口都冇呢到d野咁咸😂其次係座位安排，位置窄，坐落唔舒服，同埋當餐廳有位果時又叫你等等唔比入，轉個頭又唔記得有人等緊位，簡直浪費時間🤗最後係出餐方面，唔知係漏單定點啦，等塊炸薯餅等左半個鐘都未有，個主餐都就食完~催完再等多陣先有得食😒其實價錢60-70蚊唔算貴，但呢到d野唔值呢個價，最重要既係味道……好咸好咸好咸😧其實我對食物都唔係太高要求，極小寫差間餐廳，但呢間就真係要寫出黎為民除害😂小心食到腎虧

未到7點就要排隊，好彩都係排左15分鐘左右就可以入得。我揀左吉列豬扒拉麵定食套餐有一份吉列豬扒, 一碗迷你拉麵同一碗飯飯可選擇白飯($72)、紫菜木魚花飯($76) 或明太子紫菜飯($78)飲品就要加錢, 水就免費任飲吉列豬扒幾香口，迷你拉麵都唔算迷你，仲幾大碗添而且有塊义燒，唔錯～不過明太子真係有ＤＤ失望囉，Menu都好似好多咁，但出黎其實好少，紫菜又好林身我先生就叫左帶子蟹肉飯拉麵定($75)帶子好薄，冇乜鮮味，又冇俾芥末喎額嫌飯太多料好少另外加左個飲品同塊薯餅，薯餅就好好食，10蚊一塊大大塊(冇影到)2個套餐加埋都係$170, 唔駛加一, 我地走左都仲有好多人等位~

元州商場向街地鋪，有好多間食肆，有越南餐廳，粥麵餐廳，呢間日本拉麵餐廳晚晚大排長龍，今晚我先至第一次試。滿口嘅裝飾好吸引，好有日本風格，今晚嚟到差不多九點鐘，所以客人們大部份已經散去，等左唔使5分鐘就可以入座。睇咗個餐牌，又真係好抵食喎，一碗拉麵＋1款小食再加埋凍飲，竟然係＄50都唔使！雖然拉麵份量唔係好大，但係湯底都好甜好正，最鍾意佢就係配埋個綠茶蛋捲，好啱我嘅心水，其實佢仲有其他唔同嘅組合可供選擇！綠茶蛋捲裏面嘅原來係雪糕，好得意又好味！＄48嘅價錢去邊度搵，唔怪得咁多人幫襯啦！

職員按排座位非常差派飛職員將我張飛派比另一個客🙄人多要等勁耐，兩位唔駛等位walk in直入前面87號飛一樣人多六位又係等到㷫安排座位嘅職員可以將啲客掉在門口等就算，完全冇理過之後排後面嘅又係六位可以有位另一男職員仲要話有問過係咪分枱，但其實派飛職員只問過87號飛；理都冇理過我哋90號飛 😡😡😡😡😡😡😡😡😡男職員話你唔分枱就等45分鐘都要等但個point 係我哋一行人比門口派飛個職員掉入去等後，從來冇人問過係咪拆枱，冇人理過我哋，由得我哋自生自滅😡仲要想再拆開我哋咁一開始我哋拆成3pairs 仲好啦可以walk in 直入唔駛等添一行人六位落咗六個餐外加兩份小食另一女職員落單可以只落$10 嘢😓真係經典食物質素可以接受，但management 同服務質素 👎🏻👎🏻👎🏻👎🏻👎🏻成間鋪啲職員全部都魂遊緊

呢間餐廳算是在附近比較便宜又有質素的日式餐廳，所以每次經過都好多人排隊，今次決定去排下隊試下。吉列豬扒拉麵: 吉列豬扒唔吉列，似酥炸豬扒多啲。但味道，質地都唔錯。揀左豬骨湯拉麵，湯底一定冇啲名拉麵店咁濃郁，但都唔算削，麵嘅軟硬度亦適中。跟餐有碗迷你明太子飯，話明迷你，份量真係唔多，不過加埋頭先碗拉麵就啱啱好。雜錦串燒定食: 雞翼燒得幾好食，魷魚三文魚串燒都好特別，整個定食材料豐富，好抵食。忌廉蟹肉薯餅: 外皮炸到脆卜卜，但係入面既忌廉蟹肉係熱辣辣咁流出尼，以$16尼講真係好抵食！

放工肚餓可以試吓屋企樓下新開嘅元祖和風食堂，見佢平時啲雪糕同埋炸物都好多人幫襯。炸物嘅選擇都幾多，醬油炸雞，炸蟹柳，北海道牛肉薯餅（六點已經賣晒），南瓜薯餅，雜菜薯餅，而我今次就點左咖喱薯餅。好日本風嘅包裝～大小大約係麥當勞薯餅咁上下，再厚身少少。啱啱炸起，攞上手熱辣辣。個吉列皮好脆，皮底少少軟熟，厚薄均勻，啲炸粉唔會散開晒，食落唔論盡。咖喱微辣，紅蘿蔔同埋洋蔥好琳，薯蓉好軟熟唔會一粒粒。食到最尾見到薯蓉同埋咖喱撈得唔好，突然間有一部份淡味左，但係整體來講$10係滿足嘅。

終於有間街坊又多款式嘅日式食店喺長沙灣喇~款式較多選擇，價格亦中等唔算太貴。帶子蟹肉飯拉麵定食，個飯同拉麵都唔算少又唔會太多，分量都好適中，細食人士有機會食唔晒，所以叫飯食定食人士，要食得晒先好叫啊~ 帶子蟹肉都算幾好，帶子算新鮮，蟹肉似係罐頭食品。如果拉麵配了豬骨湯底，就冇雞蛋，所以叫咗味噌湯底，麵質較彈牙。虎藏牛肉飯拉麵定食，拉麵係同帶子蟹肉飯拉麵定食一樣。而牛肉就唔會過乾及太靭，配了一些薑及小食，味道唔錯~日本煎餃子味道都幾好~ 加埋杯凍檸茶做完結~ 加埋杯凍檸茶做完結。呢間食店可以Encore再嚟試其他嘢啊~

第一次幫襯, 原本入來之前打算叫炸雞定食, 但入面見到有個蟹肉帶子定食好似更吸引, 結果就轉了.個定食有一碗蟹肉帶子飯, 一碗叉燒拉麵, 一碟仔配菜.蟹肉帶子飯, 有一件帶子切成三片, 另外仲舖了一層薄薄的蟹肉, 飯係熱的, 我覺得同帶子刺身完全唔配, 蟹肉好食但份量唔多, 如果碗飯食了一半就無餸了.叉燒拉麵又係迷你版, 有兩片叉燒, 湯底算係唔錯.另加7蚊有飲品, 杯咖啡普普通通, 唯一可取係自動少甜, 環境 : 干淨光猛, 但冷氣唔夠, 食完碗細麵都已經成頭汗.招呼 : 無乜特別, 但唔主動提供水, 要自己出去斟.價格 : 一碗麵由38起, 算合理, 我個定食+飲品好似係82, 唔算超值, 但叫可以接受.

整體上 嚟講都係抵食嘅 ，可能新開鋪食物質素有待改善， 如果個冷面唔好用沙律蛋黃醬， 改為芝麻醬就更好啦! 另外個鐵板牛肉都唔錯 分量又夠， 有個 雜菜墊底，係牛肉咸咗D啲。另外我叫咗個北海道海鮮丼,個飯嚟嘅時候仲暖笠笠都大碗, 上面啲料都仲可以ka份量小咗D囉。但個飯如果加返啲調味同 日本醋咁就更加好了，又冇wasabi 提供(依樣純屬個人口味)。個人推介佢個薯餅都唔錯嘅 我哋叫咗個牛肉薯餅同什菜薯餅 都幾多人叫ka。 另外佢個綠茶蛋捲都唔錯! 個蛋糕好味，Dcream又好有綠茶味好smooth 。

依間店最近新開，經過幾次都見好多人排隊，就諗住等到2：30先食冇咩人，點知都等左15分鐘先入座😅不過都算值嘅😂因為以依個價，有齊小拉麵、抹茶蛋糕、一杯凍飲，質量中高水平，真心唔錯😍👍🏻.叫左兩款，分別係抹茶意大利芝士蛋糕配拉麵（$48）/抹茶卷蛋蛋糕配拉麵（$48）1. 抹茶意大利芝士蛋糕🍰抹茶同芝士味道唔算特別香濃，但都夠細滑，雖然雪得勁左仲有層薄冰係度，但反而多左層口感，而且碟邊仲有大量抹茶粉，鍾意食濃抹茶嘅朋友就可以點D啦😂彤樂評分：7/102. 抹茶卷蛋蛋糕🍵對比起cheese cake，依件平平無奇嘅卷蛋反而喜出望外😍抹茶cake濃，中間嘅抹茶cream更濃而且又多，雖然我唔係特別喜好抹茶，但真心覺得唔錯😁😁😁彤樂評分：9/103. 和風醬油拉麵🍜本來想試下豬骨湯，但比店員說一說話冇蛋，我就點左和濃醬油😅不過我可以好肯定同大家講，唔洗為隻蛋而一定要叫和風醬油，因為隻蛋太熟，似放大耐，唔好食😖不過講返個湯底，初時都唔大期待，但第一啖，又真係令我幾驚喜，湯底有香香嘅和風醬油味，濃度鹹度啱啱好，拉麵幼身又煙煙韌韌，其他配料就中規中距😂細細碗女仔好OK，男仔就未必夠飽啦🙈🙈🙈彤樂評分

響長沙灣元洲邨開一間平價日式餐廳， 論價錢無得輸，開業至今都超多人。但食完。。。發覺好香港口味，但以呢個價錢，合理啦! 試過拉麵+甜品+飲品餐，50蚊， 綠茶蛋糕not my favour, 但又覺得唔錯喎。其他就。。。麻麻喇。。。