元祖和風食堂虎藏

营业中

休息中

返工前好肚餓 但撞岩食飯時間 周圍都好多人 錦岩經過元洲街 忽然發現居然會有一間日本野出現係呢一個老人區 而且又好好彩唔洗等位 一於就試試佢先 一坐底就即刻睇下個menu先 選擇都算多 除左一般既丼飯 仲有拉麵 便當 花多眼亂 都唔知點簡好 由於我太肚餓既關係 所以就叫左一個拉麵+飯+前菜既餐 先講講個拉麵先 湯底都算有味 但好明顯同平時既拉麵店有分別 好明顯唔係用壓力煲煲出黎個飯就令人喜出望外 顆粒分明既日本米 加上燒雞肉 同平時既日本料理一定有所差距 但一分錢一分貨 50幾蚊既價錢食到錦多野都算物超所值

由於今年農曆新年裡面的「年初二」，恰巧在星期日公眾假期裡面，所以農曆新年裡面本來為農曆新年初一至三的公眾假期，被迫順延一日，上班族到了「年初四」這一天，仍然繼續有公眾假期。不過受制於最近香港，無論是政治抑或是醫療衞生，都處於非常不穩定的狀態，所以我在年初一前往長沙灣戲院購票看電影的時候，已經發現實際上購買看電影的觀眾，數目大不如前。跟著我到了年初四，趁香港仍然在公眾假期期間，再坐車去長沙灣戲院，購買戲票時發現電影戲票價錢雖然已經便宜了很多，但是以前農曆新年期間電影院全場滿座，坐無虛席的壯觀場景已經一去不復返。我在購票完畢之後，見時間尚早，所以徒步返回長沙灣「元州商場」去，看看「元州商場」有沒有食店在香港去到農曆年初四之時，已經重新啟市營業。結果我發現到「元州商場」樓下，「元州街」旁邊某個大型舖位裡面，有一間日本菜食店已經啟市營業，食店的名稱叫做「元祖和風食堂虎藏」。「元祖和風食堂虎藏」作為在「深水埗」區裡面，非常少有的日本菜餐廳，「元祖和風食堂虎藏」除了食品定價價錢偏向便宜之外，餐廳整體氣氛感覺也都比較平民化，很多港式茶餐廳卡座座位。雖然我知道以現在香港的實際環境狀況，已經不太可能會再

今日午餐行行下發現左呢間日本野，價錢合理，而且選擇多。我食左和風醬油拉麵，抹茶芝士蛋糕，加杯熱奶茶。拉麵係細size，但對女黎講係夠食。拉麵湯底濃味，聲稱係鰹魚醬油，不過就無乜鰹魚味。抹茶芝士蛋糕奶味重，抹茶味太輕。奶茶唔夠熱。不過一個有甜品既午餐只需54蚊，真係食得幾開心！

以晚飯的價錢，有飯，有拉麵，有炸雞，六十幾蚊係幾抵。見到其他人食其他set，係配抹茶蛋糕，望落都幾吸引。不過拉麵同炸雞就麻麻地，普普通通。我地仲叫左小食，野菜薯餅，南瓜薯餅同蟹肉餅。外皮酥脆，都幾好食。總體係抵食，但味道一般

呢間野都食過好幾次㗎啦，老老實實質素其實好一般，同區有大把好選擇過佢。當日我一個人入去食，要我同另一個人搭對面都已經有啲不爽，坐落咗大家一齊點餐。點完之後個師奶伙記剩係比單對面無比我，我都覺得怪怪地。等咗成二十分鐘有多，我追問佢係咪漏落單，因為我無單，個伙記查完一大輪就同我講漏咗單，仲問我認唔認得邊個落。大佬我鬼記得咩，落單都要認住邊個。我咪話係師奶黎囉，佢話呢到個個都係師奶，個下我真係火都黎，呢啲係咩服務態度！呢間野永無下次！

呢日星期五又去長沙灣嗰邊搵朋友食晏，之前經過元州商場見到呢間日式餐廳幾抵食咁，今日就嚟試下，好彩朋友搵定位先，我行到去見到門口都企咗唔少人等緊，真係估唔到，因為行埋入去發現餐廳其實好大下。不過環境好鬼嘈，唔係好緊到計😅。餐廳有做set好抵，就算單點亦好平，不過就唔包嘢飲，要額外俾錢。食物選擇花多眼亂，最終我揀咗個餐係飯同麵都有😝，一次過滿足兩個願望。我要咗虎藏牛肉飯拉麵定食($54)，顧名思義有個🐮牛肉飯仔，雖然細細哋，但都有一個白飯🍚嘅size，牛肉份量亦好多，味道幾好夠鹹夠多汁👍。除咗飯，仲有個拉麵仔，其實唔太細。湯底有得揀和風醬油、豬骨湯或味噌，我就要咗最前者。🍜拉麵正正常常啦，有塊叉燒有啲筍同半隻熟蛋，同想像中差唔多，不過估唔到呢隻麵質到最後都有少少浸淋咗，但又唔太大影響嘅。個餐仲有前菜仔(小砵)，有菠菜同牛蒡。Overall來説我覺得都算好味嘅，而且份量好足，夠哂飽😊。朋友就要咗🐷滑蛋豬扒飯定食($46)，佢呢個就有得跟麵豉湯或者飲品。我食咗一嚿豬扒都覺得唔錯，朋友就嫌蛋份量好似唔夠多🤭。但成個飯量就好多，佢食唔哂。另外，雖然唔包嘢飲，但餐廳有提供熱水比我哋自己斟。總括嚟講，

哩間店舖開左都好一段時間，還記得新開張時，我地好驚訝係一個屋邨地方開間好似幾有質素價錢唔算好貴既食店,有無得做呀？ 新開張果時排隊排到痴晒線，依家食飯時間都會排隊，不過無之前咁誇張啦。咁我地都食過好幾次，款式多，有貪心既款，有小食多姿味既，亦有大胃口既選擇，我地比佢吸引既係其中一款小食，薯餅系列。講返今次，食左咁多次點解要出post,因為我真係覺得佢已經差左，好希望佢改進下。泡菜豚肉拉麵，麵底都好大係夠飽既，泡菜同豚肉都唔小算足料，但個湯底係唔熱嫁，暖暖地only,拉麵係熟既但仍然偏硬身，sorry!我今次只係食晒啲餸同兩啖麵已經停手。牛肉薯餅，上台好熱，即炸好香噴噴，薯味無以前咁濃郁了，味道還可以

<<可能係長沙灣最平既高質日本野>>One of the best Japanese cheap eats in Cheung Sha Wan 引頸期盼好想食好耐張既日本速食餐廳果然聚望所歸，超平又美味！Have always wanted try this out, now finally got the chance, yo!單點滑蛋吉列豬排蓋飯 $38：大大份，個飯有汁底，個蛋整得好，豬排吸到蛋汁，有蔥白花伴面，同日本食到既口味差唔多！A la carte pork chop with scrambled egg rice bowl, $38 only for authentic Japanese flavour, highly recommended!鐵板羊定食：個羊非常新鮮，有應該有既羊味得黎又唔係so臭，個汁好惹味又唔太咸，椰菜份量足夠，配白飯同麵豉湯，一流Lamb on sizzling plate with rice and miso soup: very fresh meats with a wonderful sauce, delic

呢間日本嘢開喺屋邨商場，啲嘢算正常偏好除咗賣拉麵定食，亦有門面賣各式各樣炸薯餅同埋雪糕呢啲薯餅出面賣緊$1x 正常口味，佢款款都係$10睇個樣好脆咁～～～仲有雪糕賣見幅圖就知大杯，一直唔敢挑戰$10大大杯，仲可以有唔同味今日咁熱，一於挑戰吓姐姐冇昆我，啲雪糕係由底fill滿嘅我要了淨白桃味，不兩溝賣相同幅圖都好似一樣咁大杯，好重手真係擔心食唔晒食第一啖，唔錯，有白桃味嘅唔算太甜，少少酸個筒都好脆，厚身嘅食到大半，開始feel到由白桃味變為益力多味酸酸地唔係唔好食只係越食越似益力多味真係好大杯挑戰成功食到最後個cone會淋，不過佢好叻㗎啦我食咗好耐，個筒先叫淋咗少少

星期一6:45pm入座，唔洗等（不過食食吓勁多人）呢間店好在可以用平民價，一次過食到拉麵、飯、甜品.......因為佢啲定食有部分係既有拉麵又有飯實食得飽你此外，亦有單點，拉麵$3x起由於想吃拉麵同飯，同埋太肚餓，我們點了：煎餃子拉麵定食（明太子紫菜飯，豬骨拉麵湯底）個碗飯可選白飯、明太子紫菜飯同、紫菜木魚花飯跟餐的餃子有5隻，平時去拉麵專門店食淨點餃子都$3x呢個set先$66餃子個樣望落唔錯，底部金黃，以為好脆但應該放咗一段時間，所以唔熱又唔脆，面頭啲皮有啲硬餡料就不會希望有驚喜，唔驚嚇就已足夠正常餃子菜肉餡另一個餐係，豬肉泡菜飯拉麵定食（醬油湯底)，有飯有麵，跟漬物泡菜豬肉飯啲泡菜多到呢～～可以啖啖泡菜送飯不過豬肉偏少，得3粒細細舊，而且有啲柴同un不過$54有麵有飯就算了跟餐個拉麵可選豬骨、醬油、味噌湯底我選了醬油好笑有半隻熟蛋（其實好啱我唔食生嘢），有一塊好薄的豬肉，又係柴湯底清，夠味有醬油香麵質不錯，粗粗地，而且爽口彈牙有麵粉香2人一餐有飯有麵有餃子，都係$127埋單填肚之選

呢間平民價錢的日本菜是我喜愛的飯堂之一。門外有薯餅櫃方便外賣。整潔、光猛。炸雞普通，拉麵湯底，望落都幾濃郁。叉燒正，飯ok。滑蛋豬扒飯是我每次指定菜式連醃菜我次次都清晒。

之前曾在藍田的虎藏和風食堂吃過午餐，覺得食物水準不錯，服務不錯，而且價錢大眾化，這天在長沙灣遇上他的分店，當然不會錯過。點了抹茶蛋捲配拉麵餐，又點了抹茶芝士蛋糕配拉麵餐，拉麵有三款湯頭可供選擇，分別是豬骨湯、味增湯和醬油湯，我們選了豬骨湯，飲品點了凍檸檬茶凍咖啡。先說拉麵，豬骨湯不夠濃，拉麵份量較少。抹茶蛋卷抹茶味濃，好吃。抹茶芝士蛋糕抹茶味較淡，蛋糕質感太軟，不及抹茶蛋卷好吃。感覺上這店的食物不及藍田分店好吃，不過店舖給人整潔乾淨的感覺，侍應的態度也不錯，加上價格親民，若剛好在附近隨隨便便找地方吃午餐，也可一試。

長沙灣越開越多食肆，樓多就自然嘢食多，今次同呀媽呀爸來試下和風速食。😊😊✌🏻✌🏻平時爸爸都鍾意來呢度食飯，作為牛魔王嘅佢平時多數揀鐵板牛🐮🐮🐮，但今日因爲佢太遲食個Tea，所以食唔落飯，所以佢揀左食牛肉醬油拉麵，媽咪就揀左Cheap Cheap 的和風醬油拉麵，而我就揀左Cheap Cheap Cheap 滑蛋豬扒飯。話説呢度嘅餐確係平，而且快，無加一既情況下，水係要自己斟的。。但係Okay la~~😂😂😂 雖則佢係平，其實質素都唔差的。。就好似我個滑蛋豬咁，勁大碗，次次都吔唔晒啲飯，不過豬扒就薄身少少，同整定的，所以炸皮會林左少少😰😰，但都公平啲講句，之前我食過，但個炸皮係無林的。。拉麵坦白個質素普通，有啲麵同幾塊肉咁啦，好食過公仔麵，但湯底麻麻地。😂😂😂😂其實佢呢度個雪糕都好出色，有時我行過都會外賣食下。😂😂👍🏻👍🏻🍦🍦

成日經過元州商場，今日咁岩俾我留意到呢一間元組和風食堂虎藏既日式食店😍見到餐牌有好多款拉麵餐、定食餐、仲有甜品添！我自己比較鐘意食牛肉，而且今日比較肚餓🤷🏽‍♀️所以我就叫左一個虎藏牛肉飯拉麵定食外賣！有飯又有麵應該夠曬飽。首先講下份量先，呢個餐真係夠晒份量，飯加拉麵一定飽肚。跟住講下配菜，食落普普通通無咩特別。再來就係碗拉麵，我簡左味噌味，可能因為我外賣到回家花了20分鐘，番到去拉麵變得比較林，但整體都不錯。最後就係牛肉飯，牛肉份量多、雖然隔左咁耐先食，牛肉變左過熟，但食落都好好味。我建議都係堂食比較好！會好食好多！值得一讚係外賣速度好快，order完5分鐘就拎到！

成日經過都好多人，見裝修都唔錯，覺得以為係一間貴價嘅食店，但係入到嚟睇，餐牌又唔係太貴，其實都係日本快餐。甫坐下都好似日本嘅裝修，格局好日本。有單碗拉麵，單碗飯，有麵有飯，冷麵，甜品餐，都好多款式。而且三款拉面，包括和風醬油拉麵，味噌拉麵，豬骨湯拉麵，都是可以自由搭配，所以實啱口味。燒三文魚親子拉麵定食$78, 飯由半碗三文魚子和三文魚碎組成的飯，來到三文魚子較小，有點失望。下次唔叫。豬扒飯幾好又抵。沿路見到好多大大碗拉麵、飯及冷麵，好大份量，絕對可以再吃!