影片
再一次 离开香港回归湿冷之地 当然有少少唔舍得 不过慢慢习惯了最后一晚 跟以往一样约左秘密好友出黎食消夜倾下计各自已经食左晚饭 所以唔叫太多野了室外天气唔算冻 坐系路旁一边食一边吹水 感觉不俗的小弟食历浅薄 是晚为首次食呢种型式既串烧店 有个不解之惑 自己系路边揾位后再去店内落单 但居然系食完走先比钱 问题系有好几张座位真系几遥远的!唔通老板当真咁相信善良既香港人唔会一时鬼迷心窍 做霸王 入正题讲番食物种类其实唔多全部大约有30几款食物上下 算系麻雀虽少五脏俱全啦我地两人一共点左7串 全部要少辣等得几耐 不过旨在同秘密好友吹水 所以冇咩所谓第一碟黎既有尢鱼须,牛舌,扇贝同埋烧韭菜海鲜类烧得唔错 尢鱼须火候控制得几好 咬落去有口感之余又唔会太UN扇贝同样好食 加上有小小麻辣 够香又唔会过辛辣相反烧牛舌绝对不合格 第一太单薄 第二冇牛味 一早都知唔会厚舌 但点都估唔到比茶餐厅既牛片更薄...食完有种梳乎厘既感受....空气.....至于韭菜却系意想不到地出色㖞 秘密好友素来不好菜蔬类 谂住自己一个食哂串韭菜啦 谁知大少姐食一啖后竟大赞好食! 因为菜烧得够爽够香 一啲都唔老 当然好食啦 尢鱼须实在系一流既助酒物 忍唔住去附近间7-11买左啲啤酒 因为间野好似冇啤酒卖 真系怪~番到黎台上已经多左两碟野食有香港人最爱既烧猪颈肉 平时食泰式猪颈肉通常系片状 呢到既猪颈肉系一大粒一大粒的 啖啖肉口感加上油脂充足 做得唔错同碟既重有司华力肠 已经多年冇食过 自升中后都冇食过了 今次系想回味一吓xd 条肠唔系一串咁上 剪开左细细旧细细旧 我钟意一条过多啲 真系可惜 不过粒粒肠都有好处既 方便几个人分享吗 最后 主角出场!系一大片紫白色既巨物-烧茄子 原条西式大茄一分为二 又阔又大条我同秘密好友冇谂过会咁大条 第一个反应系惊讶 第二个反应都系惊讶><白肉上布满了大量蒜泥大量青葱大量香料 睇见都流哂口水啦 真系用mouth-watering黎形容最贴切!呢个烧大茄明显为此铺主力之一 水准比之前既烧肠烧牛吞好得多好食在于紫色既外皮焦焦脆脆 同时间内里既茄肉却保持到软硬适中一件茄子 脆口,软滑,香味 三样有哂! 你话唔系主角系咩 XDXD原本打算再黎多round食多次大茄 可惜见时间唔早 惊又要等多20分钟先黎 唯有把呢位大茄留待下次再会啦....总括黎讲好坏参半 主角好食游水既都唔错 可惜其他都唔好食 可能下次再食会叫两条大茄 xdxd睇番此店以往既食评先知 原来加左好多价!!!! 大茄甚至加左近四成有多.....所以都唔知有冇下次了.....
继续阅读
早排去红磡附近探朋友, 见到呢间小舖见到有D肚饿, 咪入去睇下有咩好食喇, 经靓仔老板既介绍下, order左呢个原条烧茄子, 因为出面冇乜边间会有原条烧既, 而老板又极力推介, 一定有返咁上下水准既~~由于呢度系用心制作, 即叫即烧既, 所以我都耐心咁等待... 佢地好细心架, 会了解左客人既要求再去作出恰当既调味, 唔会好似出面个D系咪都落野落去, 怕你地唔够咸OR辣, 搞到D食物冇晒原有既味道, 呢一点真系值得一赞!! 都唔太记得等左几耐, 我谂都有7~8分钟吧, 香喷喷既烧茄子完成喇!!卖相都OK吸引架, 由于唔我食葱, 所以老板同我走左葱, 上面个D蒜蓉好多好香呢~ (我见到系用李X记架) 入口味度好够, 又烧得好香, 真系好好味, 等咁耐都系值得既!! 希望再有机会去食埋其他野, 同埋见一见亚靓仔老板喇~~ 有得食又有靓仔睇, OK 架~
继续阅读
由串烧店开店便惠顾至今,终于忍不住上来留一个言串烧店口味是我喜欢的四川风味,下了孜然粉,香气十足我最近很喜欢的是烧墨鱼咀,只是$8而已,但口感好好还有牛舌,鸡软骨亦不错,茄子亦是招牌菜虽然夏天天气闷热,但还是放弃不了串烧哈哈,看见其他食评指价钱太贵,我认为都$6-$8算合理吧鱼蛋都要$5啦...还有喜欢这店的原因是老板很细心,会记得你的口味,而且用心的烧,值得一赞
继续阅读
份量好少, 价钱唔平, 仲以为以质素取胜......原来自己想得太多.....$6 三小块烧鸡皮: 但盐就一D 都唔吝啬, 习惯浓油赤酱的我都顶唔顺$7 OR $8 两片粟米(加埋都无半条): 好彩都算几甜下, 同样价钱去附近串烧阿姐度应该会有一个DOUBLE 温馨提示: 有时间先好去, 因为D野要烧好耐架 (EVEN 当时只有自己一个客而已)
继续阅读
去完红磡揾朋友, 路过见到呢间好多人, 咁o岩口痕就试一试因为食饱饭, 所以只系点左三样1/ 鸭胸, 我o既至爱, 烧得几香, 味道适中, 我钟意 2/ 牛舌, 店主推介, 有少少四川调味料, 都唔错3/ 茄子, 都系镇店之宝, 由于即叫即烧, 条茄子又成碌警棍咁粗, 等左好耐先有得食, 味道不过不失, 略嫌食得麻烦到我俾钱走人o既时候, 食材近乎卖清, 好似几好生意。想食即烧串烧, 又唔怕等, 可以试下, 不过最好十点半前, 唔系黎到卖哂就无瘾啦
继续阅读