元気寿司 (已結業)

無聊和二哥去元氣吃，當然是他請的！元氣，越開越多，食物水準卻退步了。不知這是否食肆的定律？今次，還是點了最愛吃的軟殼蟹手卷、炸蝦壽司，還有其他記不起的壽司(因為我是坐sushi bar)。感覺卻真的不如尖沙咀好！寫到這裡，也沒心機了！

去元氣, 必吃之選有：1.軟殼蟹手卷, 2.牡丹蝦壽司/刺身, 3.辣味三文魚, 4.帶子壽司, 5.赤貝壽司....但近日收到消息, 牡丹蝦已"永遠"停止供應, 太失望了~~

公司聖誕party叫左這裡的sushi及sashimi到會服務都ok初時送貨的姐姐忘了帶冰立刻回去拿冰(不過又帶唔夠!)兩種食物都算新鮮但見到有幾件不新鮮夾雜其中同事話部份sushi比堂食的還要新鮮

6月28日今早與友人MSN時,無啦啦問我今晚去唔去食壽司,本來猶疑緊架,點知佢無端端話請我...在貪小便宜之下就去了,在此謝謝F君的請客!約在六點幾去到,以為唔駛排隊啦,點知都要,不過好快就有位喇,四個人,食既都係個d啦,特別想講既係,我覺得呢度既大金槍同銅鑼灣個間差不多,都係一咬落去就好多魚油湧出黎,所以到而家都唔明,點解葵芳既可以差幾班囉......另外食左咩野就請自行去我個相簿望下啦,因為大部分都之前講過,所以唔再細評喇!三個小時內四個人,食左五百幾蚊,飽到七個一皮,低到爆啦!

6:30pm 去到,等左一陣,可能係比較早既關係,好快就有位,見到條壽司帶,我都唔知揀邊碟好,好似碟碟都擺左一段時間咁,揀唔落手,咁就睇下menu,記得前幾個食評都話軟殼蟹手卷好得,咁就試下,不過佢有得就咁叫軟殼蟹,我有猶豫過,結果都係order 左軟殼蟹手卷,but....有少少後悔,就咁食軟殼蟹好過。之後都有食三文魚刺身,都幾夠新鮮,仲有其他sushi,冇咩特別,又唔係話特別新鮮。因為之前食過幾次元綠,都覺得幾好,人地話元氣好d,先去試下,點知....我唔會再去。

妹妹生日有八折咭，四個去叫了以下食物1.辣味三文魚x2(都幾好味)2.芥辣八爪魚x2(真係幾辣)3.小柱x2(仍然鮮甜)4.海膽魷魚x2(味道幾好)5.海膽三文魚魚籽(海膽好味,三文魚籽都幾新鮮)6.油甘魚(冇食)7.元氣卷(冇食)8象拔丰(冇食)9.波士頓卷(差左)10.燉蛋(冇食)11.芝麻八爪魚(冇食,見到個樣己沒有胃口)12.三文魚(好味非超市能比)13.三個三文魚手卷(又係好好味)143.壽司Ｂ（＄６０）包括2件北寄貝(冇食)1件白色魷魚,三文魚,蟹籽,燒三文魚,甜蝦,帶子(全部也唔差)今次第一次黎,原來呢間地方都幾大,可能今天假期,所以好靜,都唔洗等位.服務唔差,因為有人經常斟綠茶

燉蛋好味~唔會太咸油甘魚好新鮮手卷d醬勁好食~

第一次食元氣因為次次見到條長人龍就即刻嗌走今次星期日一時多一行三人等了五分鐘已經有位都算意料之外我想因為這間鋪位較大，位置算是有點偏僻味道唔錯.....不過運輸帶上面的選擇不多要跟侍應落order魚生夠新鮮service都算唔錯....

好開心官塘區終於有間元氣啦，唔駛走到旺角個邊食。閑日6:30pm去到，前面已經排左十幾人，等左兩三個字到啦，終於入到去!!一坐低，食番幾塊酸薑開下胃先，之後第一時間order軟殼蟹手卷，一如以往，勁好味~~ 另外例牌要食既炸蝦卷、三文魚壽司、鰻魚壽司等等...... 不過最有驚喜反而係佢而家做梗promotion個款檸檬汁既沙甸魚(忘記叫咩名)上面有檸檬汁有少少蔥花(我估係蔥卦)，酸味味好好味。

2005年7月19日係第一次到apm元氣食, 一行6人,由6:30pm 等到7:10pm 左右先有位. 叫左一個壽司併盤,軟殼手卷真係幾好食,我一人就食左3卷, 而其他三文魚,炸蝦卷,北寄貝等等都一般. 可能係坐正風口位..好鬼凍.

呢間既環境同其他的唔同, 迴轉位好"綠"!!~order 枱都幾好!!~總之好過其他分店, 成間快餐店咁~近年d日本店都走高檔路線, 元氣都應該啦!!~食物方面都ok, 同其他既差唔多,加入左d新野, 好似象拔蚌, 整體都幾好!!

好多人, 包括我, 食飯最憎要排隊. 唯獨是食魚生/壽司, 都係搵"人龍店"穩陣, 因為人流夠的店, 魚生都新鮮d.上次到元氣係朗豪店, 再上次係荃灣店, 每次都扁住個咀走人. 飯硬, 又凍, 又實, 魚生瘀色, 軍艦紫菜濕到咬唔開, d壽司膠蓋滿佈手指模, 問你怕未?!如果今次唔係因為我好趕, 預20分鐘食飯, 連foodcourt果層都唔願上, 都唔會揀元氣. 此店裝修較新底, 用木椅."apm別注" menu有豆腐沙律及甜蝦沙律. 豆腐沙律的豆腐好滑, 加上胡麻醬, 蕃茄粒, $27都算ok.另2碟壽司, 一碟"東風螺軍艦"(不知正名, 樣子就是像灼熟了的東風螺), 一碟三文魚反卷. 這裡的"飯"比較正常, 與板前的差不多.希望係, 有競爭就有進步啦.

2005年6月5日下午一時多到apm的元氣分店, 排了數分鐘隊便可入內。環境算不錯, 地方夠大, 壽司轉帶夠長, 所以轉出來的款式也齊。不過相比起同樣是apm的和花亭, 我覺得元氣較差。首先, 飯太黏, 感覺糊口。而且款式一般, 三文魚算不錯, 但不及和花亭大件。其他如吞拿魚﹑帶子﹑象拔蚌﹑劍魚等等也極之普通。如果以差不多的價錢來選, 我會選和花亭。

個日考完試，到此地食野average!但唔知為何，ｄ象拔蛑suzi上有ｄ黑色一點點，環境幾好，座位得幾舒服，由於岩岩考試完，好多野傾，傾到２，３點，但d waitress 成日係旁邊企嚮到，好似趕住咁！三文魚沙拉ｓｕｚｉ好正，１２蚊蝶，

呢間食過一次,裝修幾靚，食物質素有連鎖店保證，都幾貴ＧＡ！