元気寿司 (石塘坊)

最近去左壽司郎光顧咗米芝蓮一星廚嘅自創壽司,今日又係時候光顧吓元氣壽司,有幾款壽司我嚟襯都必點嘅,包括北海道帶子、炙燒生蠔、拖羅、而最最最重要嘅中拖大拖同左口魚群邊係每次必點嘅。今次發現有一個問題,嚿壽司挾起諗住輕輕點少少豉油食啦！我都已經好小心咁挾,但嚿嚿壽司挾起點豉油嗰陣都散,結果要喺碟豉油到執起嚿飯食,次次係咁點掂呀！壽司郎唔係未試過有咁問题,但無咁誇張,希望好好訓練吓呢間店啲員工點樣整到嚿飯實啲唔易散,呢點對鐘意食壽司嘅食客好掃興。…查看更多

下午茶諗唔到食乜，見到間元氣就試吓！估唔到有下午茶餐！50零60有烏冬、小食同埋壽司！比平時午餐同夜晚抵好多😋😋壽司好新鮮，啲三文魚夠凍，同埋好滑，唔會有腥味。個章魚燒小食，即炸辣口，出面脆入面辣，同喺日本食差唔多😍😍不錯不錯！環境好舒服，因為冇乜人，卡位位置也闊落。唯一一個位，就係CP值問題，個餐唔係太飽，所以再嗌多幾件壽司好正🤩🤩…查看更多

今日下午茶時段明明好多位，但侍應徧徧就要客人坐得密密碼碼咁，老實講又唔係午餐趕頭趕命，食得下午茶都係想坐得濶濶落落，優優閒閒咁啦，最後擾攘一輪，就打算掃二維碼自己下單，突然個待應拎走哂成兜裝滿wasabi的兜，想玩野呀？所以我唯有用隔離果兜wasabi啦，之後又過一陣，個侍應好似玩完咁就拎番出來，全部都唔係做生意架，下次我都唔會再去。差差差，這就是香港待客之道嗎?係咪想迫人全部去大陸消費先安樂呀？好好反省吧…查看更多

跟朋友晚上過來打卡創業中心元氣寿司店，拿號等了半個多小時才有位置，叫了一些刺身，元貝，鱼籽海胆都新鲜，泡芙甜品和雪糕也不错，小丸子也是推荐之一酱油有些咸，总体体验不错…查看更多

香港大學站終於開左元氣啦！🥳🥳平時想食平靚正壽司，一係要過堅尼地城，一係出銅鑼灣，而家終於喺石塘坊開左，實在太開心啦，仲係小朋友最鍾意嘅高速線！平日晚上6點幾用app㩒飛，3人以上要等7張枱，都等左差不多40分鐘先入座。呢間係高速線，列車是改良版，毋須㩒掣，只要將列車上所有物件取走就會自動駛走。點左平日愛吃的赤海蝦、油甘魚、鮑魚兩味、吞拿魚三點、螺片、池魚、蟹肉蟹膏手卷等等……所有壽司都保持一貫水準，味道同其他分店差不多。值得一提係兩款期間限定壽司，兩款都好有驚喜，好好味😋步步高陞雙重厚切油甘魚配柚子醋果凍🧧兩片油甘魚疊住一齊食，配上柚子醋果凍，口感好豐富。金玉滿堂帆立貝黃金燒🎉帆立貝配上海膽醬，比平時食嘅帆立貝更加香口鮮味，用紫菜包住放入口，食完真係好滿足。急不及待食完壽司先發現壽司碟上每一句都好有意思，幽默感十足😂…查看更多