元気寿司 (已結業)

相信元氣都係香港人心中日本壽司第一間諗起既舖，今日去左灣仔間店到食，但真係有D失望。愛人好LIKE三文魚，所以必定叫。點知上台既時候已經見到三文魚無咩色水，眼望落D肉質好散同”鞋”。再夾上黎既時候，好多水好似介乎解凍同未解凍之間～點解會咁架～唔通係咩人去所以D魚生無預備俾客？老實講三文魚相信是基本款，無可能咁樣俾客，唔通專業的師博都發現唔到有問題？仲有叫海膽，帶子等等的壽司。以往三文魚會再叫，但今次唔敢啦～

平時放工肚餓都會去呢間飯堂食壽司，貪佢平日無咩人排隊，同埋質素都唔錯，不過今日有小小失準。我地叫左好多款壽司，有紫菜包住既壽司都差左，主要應該係廚房放得太耐，塊紫菜都「臨」曬，好影響賣相同觀感，即係唔係新鮮整，係一早整左放入雪櫃／轉左唔知幾多個round果D。另外，大滿足既$10赤海蝦好腥臭好唔新鮮，好似食緊坑渠D垃圾咁。同樣係$10既三文魚腩好薄，仲好大陣雪味。炸蝦卷入面既炸蝦一樣中左伏，似翻炸再翻炸咁，食落有一陣油「益」味。最後有樣好既係炸八爪魚，差唔多係食完曬壽司先黎，可能無咩人點，所以相對新鮮。炸粉少同入味，炸得都幾好食，但$37得4粒炸八爪魚，性價比低。甜品係會員送既泡芙，還可以啦。整體都一般，用呢個價錢食壽司都唔可以要求咁多。值得一讚既係呢間元氣師傅比較大方，每一樣既份量都相對較多，所以都會再試下既。

朋友同我都好喜歡去元氣食壽司，因為款式多，又美味，所以我地諗唔到食咩既時候，元氣就係我地既首選啦。接完朋友放搭船去灣仔，碼頭附近就有一間元氣 芥辣八爪魚壽司，口感爽口又滑，一啖食落口有強勁既芥辣味。元氣卷每次都一定要叫，新鮮的三文魚加上壽司飯包住香脆的軟殼蟹和青瓜。 三文魚腩肥美又新鮮。赤海蝦大隻又鮮甜。赤貝壽司口感爽脆中帶點幼嫩，雙重口感。

兩點半，最愛去元氣食返個下午茶灣仔呢間元氣無乜人又唔駛等位，兩點半一到，我同友人即刻坐低叫左三個下午茶，總共有5款，可以揀壽司同兩個小食，埋單車加一一百蚊有找😊😊

去到灣仔諗住食完午餐行會展展覽，又見好耐無食壽司結就去咗食元氣。 綠菜：一開始就自己整返杯綠茶飲先，啖啖綠茶味唔會話好濃。之後叫咗幾款唔同壽司，而整體味道都唔錯。（最右）韓式豬扒卷：表面有好多紅色嘅辣椒粉，而內裡包住炸豬扒，食落去好特別辣辣地，有小小泡菜味而飯粒軟硬分明，加上炸豬扒香脆，三樣嘢夾埋一齊食口感好豐富。 芥末八爪魚軍艦：芥末味勁重，鍾意食辣嘅朋友一定喜愛，而八爪魚亦很彈牙，味道唔錯。芝士鰻魚卷：賣相唔算討好，但很有內涵，飯卷內裡是香軟嘅鰻魚同cream芝士，食落去有好香芝士味，而鰻魚亦好香好滑，整體壽司味道都唔錯。

今朝食左個幾差下嘅大家樂早餐，跟住就去左貿發局試酒，試左一個朝早，都冇乜好野，今日都好似冇乜食神！飲左成朝酸野，下晝兩點幾都幾餓，想揾間穩穩陣陣嘅食肆食個下午餐，最後揀左元氣壽司，應該穩陣掛！睇餐牌，幾得意喎，下午茶可以自由選擇，輕食同埋小食都可以三選一，壽司盛就五選一，仲可以加錢食手卷、刺身、甜品同飲汽水。最後叫咗:輕食: 湯烏冬小食: 炸多春魚壽司盛: 長鰭呑拿、三文魚、螺片、海蝦同牛肋片HK$48加左: 呑拿魚手卷HK$8、秋刀魚壽司兩件HK$16同埋一件獅魚壽司HK$12。套餐未到已經喺輸送帶擺左兩碟壽司食住先。秋刀魚壽司，聽朋友講秋刀魚係秋天時今食品，所以攞左碟，魚係輕輕燒過嘅，上面嘅燒汁能夠帶出秋刀嘅鮮甜，魚本身亦係好新鮮嘅chill 貨，好有水準！秋刀魚壽司獅魚係好有甜味嘅魚，今次呢塊都好甜，而且幾厚身，食落好爽。獅魚壽司由輕食講先，用料唔錯，烏冬係急凍煙煙靭靭果隻，而唔係最平放即食麵隔離果種，湯係木魚湯，合格有餘。湯烏冬跟住壽司盛到，長鰭呑拿魚味道個人認為淡口，唔知係因為咁，佢地放左少少微辣帶花椒味嘅辣油喺面提味。馬刀貝壽司爽口鮮甜。三文魚切得算大塊，肥美甘香。海蝦爽口

自從千両轉menu 後就冇咗筋子食唯有喺元氣叫但元氣質素超級參差求其叫幾樣搭住筋子有失望但鬼叫你鍾意筋子壽司咩！！！好彩都幾好食又爆juicy 粒粒花之戀三文魚勁肥美mayo smoothlove the rice too親子元氣卷就麻麻地啦入面有炸得好硬嘅嘢除咗嗰樣其他都新鮮又肥美又滑個辣左口魚軍艦紫菜唔脆極咸超級難食 唔好試新嘢啦Concentrate on ur old menu pleaseservice was not very attentive

今日遲左放飯,又趕住開會,所以去元氣飯堂打打元氣~1點几去到理應要食飯的人都差唔多走得7788,但服務員姐姐仍將我安排去左人堆之中~相信佢係想預留多D空位比其他三四人一齊黎的客人坐掛,我諗住我一條冷,坐邊都冇所謂由於都有少少趕時間,就快快手咁點几樣心水~三文魚腩壽司 – 睇落好肥美,但入口就冇乜味道,就連基本的三文魚味都冇,講唔出食緊D乜野,有點失望海鹽左口魚壽司 –左口魚本身唔錯,算厚肉,有好濃的魚味,只係放左片檸檬喺上面,搵粒鹽黎睇下都冇,失色左少少,歛魚腩壽司 – 出品尚算好味~至少唔會腥~一定唔會係放左好耐的貨仔~軍艦壽司 - D紫菜上枱時已經淋晒冇脆卜卜爽口的感覺~ 經過午巿時段,去貨應該去得好快,好少出現咁情況整體黎講,今日的出品都比較失色~

又一farwell lunch，今次去了吃元氣壽司， 謝謝同事的邀請對上次來，已經是好幾個月前了，一般都很少吃壽司，因為實在有太多不同的食物想食，根本沒有足夠的quota，最近吃得多其他食物，吃吃壽司也是一個不錯的選擇。兩個人，叫了十數碟的壽司，另外還有芝士年糕和炸墨魚咀，全部都不錯吃壽司，不知道為什麼總是要點三文魚，其實三文魚真的很多機會都會吃到，但不吃的感覺總是像缺少了些什麼似的。海膽尤魚也是必吃之選，自從上次吃過後，就對這個深深不忘，雖則看不見有整粒海膽，但尤魚是充滿了海膽味的，真的十分好吃呢另外的炸蠔軍艦也很好，蠔炸得不錯，入口即溶，外層非常脆，估不到元氣的炸蠔也做得不錯。芝士年糕是我的最愛，我最愛吃芝士又愛吃糯米的食物，不過覺得這個迷你版味道有點遜色。炸墨魚咀也炸得不錯。黑糖腐皮，一開始看到這個，心想:為什麼黑色的，原來是黑糖~~好似沒有普通的甜，有點燒燶的味道，黑糖本身就是這個味麻~喜歡黑糖的會喜歡~另外叫了一件筋子，其實筋子與三文魚子的分別到底在那???炸蝦卷十分好吃，炸得很脆，入口即溶，而且蝦很熱，是即炸即包的，很好!!而芝士饅魚卷也很好，很大塊芝士呢，這兩樣都可以一試

這是上星期與同事的愉快午餐 我大概幾年沒有吃過元氣壽司了，因為我喜歡吃放題，可以放肆地把刺身放進肚裡一行五人，坐左張卡位三文魚x3，都算新鮮ar，這些是從迥轉上拎的，同事說:根據蠟筆小新的說法，是不可以拎有兩個蓋或以上個碟，又岩wor，係會新鮮d生海蝦x2 這個我就覺得普遍~新香三文魚卷 我不知道什麼是新香，只覺得個味道好怪，可能那些怪味就是新香其實一試無妨的，只是味道怪怪~~不過都ok~前 芥辣八爪魚x2 ,我覺我真係好重wasabi 味，食到我流哂眼水....後 海膽墨魚x3 好好味wor,雖然睇唔到有海膽，不過好濃的海膽味，果然好介紹特大帆立貝x2 好大舊帶子喔,正 我的最愛炸蝦卷x2, 好fresh，即炸的，仲炸得好乾身 好好味~海鮮刺身井x2 好豐富wor，其實個size好似細左少少，不過d刺身都好新鮮，所以合格la由於同事有member card，所以有9折~即係唔洗加1，幾好，每人盛惠$80，都ok抵食

出外吃飯，很怕要排長長的龍，但更怕去一些很少人去皆因食物不好吃的餐廳。今次到灣仔，出奇地竟然沒有人在元気門外排隊，所以就選擇這一間來享用晚膳了。炸魚皮想不到在迴轉帶上會看到這款甚傳統的中國食品，相信是三文魚皮來的。很脆，厚厚的，有口感。炙燒蔥牛肉只是表面一層燒過，仍保存著一點生牛肉味，與蔥味很配合。海膽軍艦極有海水味，新鮮非常，正。炸魷魚鬚喜歡它一點都不韌，末端還脆脆的。炙燒赤海蝦時令食品之一，想不到與蔥蒜也頗配合。珍寶帆立貝一向都喜歡吃帆立貝，大大粒，又新鮮，oishi.池魚一款魚質不滑，味略咸的魚肉，身邊朋友們都不太喜歡，但自己就頗like，因為當這味魚與飯一起吃時其實很夾。三文魚手卷一個較低於水準之作，三文魚肉比較少，未能盡興。波士頓卷一個fusion 的壽司款式，很喜愛它的芝士味。

行完會展腳仔軟，唯有到附近的元氣醫醫肚。這裡的地方較闊落，拿飛等位期間可在店內坐坐，不用在門外排隊。店員是用 Palm 下單的，好像比其他分店優勝。我和男朋友仔仍舊吃以往會叫的，雖然沒有什麼新意，但也很享受啊。因大地震久違了的「海鹽帆立貝」回歸，最驚喜的是夏日限定的「宇治金時芝士蛋糕」。唔知下次可唔可以淨買一件 cake take away 架呢（！）壽司類：三文魚、腐皮、玉子、海鹽帆立貝軍艦類：炸蠔、辣味三文魚、蟹子沙律卷物：元氣卷（這個設計真的很差，把軟殼蟹切到那麼小，硬硬的）、加洲小卷、波士頓卷。全部卷物賣相都不精美，味道就還可以啦。例牌叫的軟殼蟹手卷和芝麻豆腐，保持水準。這晚的亮點：宇治金時芝士蛋糕！啪啪啪！其實內裡還有紅豆的，最讚是芝士層和綠茶層的配合。

元氣其實已來了很多次，本來都不打算再寫的了，但是次試了新出不久的灸燒左口魚裙邊 ($9@)，令我不得不再為這餐廳留下一個笑臉。左口魚的外表令我以為它的質感是偏韌，就是有點爽口的那一種，怎知原來相反！ 灸燒了的左口魚裙邊魚香滿溢，咬下去是腍腍的，入口更有融化的感覺，讓我十分驚喜。 相信這會成為繼元氣卷後的必點之選之一。PS 這分店較偏僻，人少些而且坐位亦很舒適。

一想到食得清D，　　　就會想起　日本菜環境舒服！set lunch 好細份．　味道還可．　但湯味精太重waiter 做野好慢．　想order 都舉了五分鐘手　寿司都唔錯

hehe,小妹岩岩加入Openrice呢個大家庭自己有時都成日同朋友「搵食」所以決定打低自己嘅食評比大家同自己以後參考:>眼見就到聖誕本來打算約另外2位好友一齊去大吉食放題係Openrice睇左好多有關嘅食評, 甚至打埋去book但係都只係屬於Waiting list 上面, 可能因為臨到聖誕「想係聖誕前同朋友食餐冇咁貴既飯」咁諗嘅唔只我一個而且大吉放題個邊明明話之後一日嘅3點回覆我可惜都係要自己多番打去催促問結果最後先得到吧枱嘅位而已但因為唔想同朋友坐得咁唔舒服加上食放題當然要放到成枱食物先開心所以最後選擇食元氣元氣係中價位食肆平時都有食開近自己個間元氣但因為就番朋友地點所以攞大家嘅中間點就揀左灣仔呢間元氣我從來未黎過灣仔呢間元氣亦係因為見到Openrice灣仔鋪張相, 覺得好似好大咁啵所以最後同朋友拍板係灣仔食!!我一向去開嘅元氣都係細細間的見到呢間鋪好有空間感而且冇咩人, 又唔洗等一入去已經可以安排我地坐低我地一行3個人 比侍應安排左卡位 (我好鐘意坐近迥轉壽司帶嘅卡位<3)坐得好舒服因為都係想坐得舒服啲同朋友傾計一坐低之後就唔客氣啦大家都係咁叫鐘意嘅野食