元気寿司 (已搬遷) 新店位置

元氣好多地方都有，做左會員可以遙距拎飛。選擇都算多，三個人都可以叫好多野食。先叫左三文魚腩壽司（$10/件），三文魚壽司（$14/兩件），燒三文魚壽司（$17/兩件），北寄貝壽司（$17/兩件），灸燒牛油帶子（$17/兩件）。其實三文魚腩都真係幾抵食，比起一般三文魚更重油脂味。而且又唔貴厚燒玉子（$12/件）係熱辣辣，啖啖蛋香。好正呀！波士頓卷（$19/三件）入面好大舊芝士。最後必食，一定係炸蝦壽司（$22/3件）！！極級推介！！外面有蟹子，入面有炸得好香的蝦，配埋紫菜+飯，真係超好食架！！元氣最好食推介！！有得俾你慢慢揀，而且選擇多！

相信大家對這間店不會陌生畢竟開得全港很多地方都有他們的店。最近她們不斷重整鋪頭用車跟軌運送壽司的確既新穎有趣又方便。這件是辣味三文魚壽司，辣汗不少都鋪滿在切碎件的三魚魚生上，所以一啖咬下去會覺得不會太乾感覺咬感飽滿。接下來還有三文魚魚腩，肉質算是肥美，不會有很瘦很判的口感，而且飯的份量適中可以一口把整件滿滿塞誰口裡感覺很讚。接下來是我最喜歡的海鹽左口群邊魚，不是常常有，擠完檸檬汁點上海鹽除了咬下時肉質彈口，也會有種清新卻有點鹽的味道。另外有玉子飯，少甜且熱騰騰的。雖然價錢不便宜但還算品質較有保證。

同屋企人去食下午茶,叫咗3個下午茶餐,鰻魚手卷紫菜夠脆,唔會林哂。烏東同沙律味道唔錯,但係我下次未必會再揀沙律,因為佢個沙律改咗,唔係之前果個,新呢個麻麻地,冇咁好食。

今天同老公想食日本菜，於是選了屋企付近的壽司店，服務算良好，食品方面，食材也頗新鮮，較平日來比較,款式也比平日多，個人推介該處的刺身抨盤，新鮮抵食，之後便是熟食日式焞蛋，烏冬等，份量剛好，迴轉帶上的壽司也尙算新鮮和款式多，如果order壽司和蟹籽沙律，會更新鮮好味，整體okay啦～

中午Lunch時段雖然客量只得半滿，員工仍然應接不暇，連menu都要客人喺隔離枱自取，服務欠佳，客人未完成order，侍應接過order紙之後，已急不及待轉身走，完全不尊重客人。

06/08/2017原本打算食下午茶抵啲點知點知星期日好似要3:00先有？所以就冇食到Lu TT-迴轉壽司繁忙時間都唔多選撰轉來轉去都係個蝦天婦羅個款幸運地拎左三文魚//玉子//赤貝然後叫左烏冬份量唔多 彈牙 唔錯既飽肚選擇叫左個spicy既三文魚小卷點知係加左辣椒油 -0-好似有少少唔係咁夾咁諗住係三文魚係已經有辣味仲有簡簡單單又好清新既青瓜卷 nice🙊🙊總結來說食唔到下午茶有啲失望元氣其實價錢係唔平質素就都係咁上下差唔多啦

今日放假10點左右起身同老公去左打羽毛球，打完波都12點啦，由於早餐只食左半只面包，啱運動完都覺得有d肚餓，於是近近地系附近食元氣，貪佢清清地外，份量彈性高😆由於暫時未有太多人等位，所以好快就入座啦👍🏻我每次食迴轉壽司都只會落order😆不喜歡直接於迴轉帶上拎，因感覺上會新鮮d😅落左order，食物好快送上啦我至愛既油甘魚刺身，都ok新鮮👍🏻甘香😋鰻魚壽司😋同三文魚都新鮮帆立貝壽司-帆立貝都算好大粒👍🏻仲叫左蒸蛋，熱辣辣，蒸得好夠滑。

今天好攰，睡醒感餓，提議食元氣，中午好好，不用等位，但午餐不吸引好食，所以還是叫好單點食物吧！鰻魚下單點的質素比轉帶上的味好，而且仲有醬油添加。飛魚籽好爽口，但其實店員下錯了單，點了一客，來了四件。吞拿魚都ok，一口一件，兩下手食完幾塊。藍鰭吞拿切到有點斷，但肉是半溶，價錢上，相當滿意。不停叫左成三次😍三文魚，色不美，見刺身又細，樣唔掂，是日慘烈沒下單，眼見同行者點了壽司，也全讓對方一個清。炙醬油左口魚裙邊，千萬不會點不熟的，因爽口無味的不好食，這相反，入口即溶，又是很久沒食過的一道。蘋果汁價錢正常，微酸挺開胃。食後感：職員狂漏單。。。

九點幾入坐，唔知係咪等收工，感覺好hea。就咁一碟。d 三文魚唔知點解咁深色，同埋片得好薄，刀功了得。唔太新鮮。全部壽司食落去感覺就係一舊飯加wasabi味，唔知自己食緊d咩。原來元氣係咁既味，我係咪太耐無食啦。個蝦捲同加州捲一樣味。得d 蟹子口感，同一舊飯味，d 飯散既。元氣捲裡面係軟殼蟹，但只食到有舊炸物係中間，食唔出係蟹。鰻魚咁細件，收1x蚊，都係好薄。食完，即刻走人，速食一樣。感覺買爭鮮外賣好過。

當日掛左颱風 但碰巧約左朋友當日慶生 事緣橫風橫雨 所以本身既計劃都泡湯了 就同朋友相約係就近既元氣食豪啲過生日 甘岩大家都愛食日本野 身為元氣小粉絲既我其實係快樂既 平時吾會太係元氣食晚餐 特別選 tea time時間去 特別抵食朋友深知我係粉絲 所以就交比我叫野食 我就點左啲都係自己愛食同埋勁愛食既item依個係個時新出薯波 食落入面係薯蓉甘但帶煙韌 有令我驚喜而依碟就勁 有好多我既最愛 左口魚邊 炙燒牛油赤蝦 辛辣3文魚腩啊特別個赤蝦係勁大隻 但只係10蚊! 係大滿足既價錢但食到珍寶甘既size 而左口魚更係燒到入口即溶 另外3文魚腩既魚脂加上佢既辣醬兼沙律醬 勁惹味又好食 有時候愈簡單既食物愈美味 愈垂手可得偶爾食到都會為其喝彩~

為左睇屍殺列車系附近隨便揾間四周圍都冇野好食勁耐冇去元氣食因為想食壽司 所以選擇好似系唯一一間壽司店飛魚子壽司 麻麻地其他都不錯牛肉炸薯餅 入面D牛肉系牛肉蓉 偏甜 吾好食但都食得落個沙拉D青瓜系一片片 吾系一條條 份量太少 不過D青瓜好脆👍🏻 系好味嘅不過我同朋友系坐迴轉壽司位 而吾系車廂位坐得麻麻

媽媽回去內地探親，唯有自己食晚飯，剛巧想起元氣開了已有一段時間，還沒有去嚐過，便決定去嚐一嚐。由於當天是平日，加上已經九點了，所以一去就有位置。我一向最喜歡食三文魚和鰻魚，因此一誰去就馬上點了這兩樣，還有元氣卷、炸蝦卷、油甘魚和辣味三文魚軍艦。三文魚軍艦賣相有點差，飯都露了出來，感覺做的時候有點隨便，三文魚有點小，跟飯的比例不對，吃下去咬了兩口三文魚就沒了，感覺像是在食飯。單看色澤三文魚還挺新鮮的，一入口馬上感覺到肉質的彈性，加上又是腩位，口感是更加的不錯。炸蝦卷因為是一早做好，所以紫菜是軟的，蝦和飯都是涼的。油甘魚肉質鬆散，食下去有黏牙的感覺，也是挺不錯的，至於鰻魚和元氣卷則不過不失。最後，再點了赤海蝦刺身，晶瑩的肉身，黏黏的口感，依然沒有變。

與小孩兩個撐枱腳lunch, 小孩點名去元氣, 之後去圖書館.已經30/12, 但set lunch仍然暫停-.-惟有散叫, 食左10碟壽司加其他野, 我們都認為鰻魚壽司是最好食的, 三文魚、寄貝北、玻璃蝦都新鮮, 中華沙律就一般, 當然還有小孩至愛的熟蝦、玉子壽司及支豆, 我覺得可以啦, 小孩就話好好食.小孩已經長大, 自己仲叫侍應order左日式蒸旦同焦糖蘋果布甸, 三爬兩勃就食晒......蒸旦唔錯, 我也很喜歡, 好味又滑, 但份量真的好小, 個焦糖蘋果布甸入邊真有蘋果肉, 也不錯.