元気寿司 (東薈城名店倉)

营业中

休息中

經常性地，明明等3-5張都起碼7-8個字，成日當人飛籌，明明企係佢前面篤部電話俾佢睇，佢都可以睇唔到寫自己寫野繼續叫，到佢隻眼轉過黎見你已經過左就當你遲，又等多兩張，其實唔憂做可以唔好做叫飛，搵AI啦不如，野食同上餐速度都還好，係有時廚房忙？所以漏單，高速線已經比以前上bell好，但人就越嚟越差

Citygate好多餐廳都係十點就關門，只有元氣係收十點半，所以夜左都只能選擇佢。星期四晚上，喺咁多餐廳選擇既情況下佢都大排長龍，我地差不多等左半個鐘先有得入。入到去店員都有吿知我地而家店內好繁忙所以可能會等耐少少，但係我估唔到情況都幾嚴重。所有熟食炸物都嚟哂，但係反而唔洗煮既壽司刺身等極都未有。好不容易終於嚟左，但一直錯漏百出。唔知係咪因為我地坐卡位，無輸送帶送餐全人手送所比較容易出錯。到最後見到人地遲嚟過我地都keep住有野食但係我地都仲等緊確實係嬲既。最後我地都唔敢再叫，費事唔知又等到幾時🤧

Worse customer service ever. There were 25 tables ahead of us when I got the ticket. But only five tables had passed when we came back 30 mins late. The QR code does NOT scan so there’s no way to check the status. The staff could not give us a prediction of time. We thought it would be safe to come back after another 30 mins. When we did, 50 tables had passed. We were told by two staff and a manager to get a new ticket as our number had passed, which is absolutely ridiculous! We had been waiting

接近新年商場有新裝飾，可以影到超可愛嘅招財貓🙂入返正題，東涌元氣咁正點解冇人講？係新鮮厚切嘅三文魚刺身！厚切吞拿魚刺身，冇乜筋，都新鮮美味😋足料牛肉烏冬 $36 真係幾好味，仲想點？🤣大大粒咁，新鮮新鮮啊🤓呢個要講要講，值得講值得叫，係必食啊😋軟殼蟹手卷，認住佢不過不失發揮正常… 對於鍾意食薑嘅人嚟講，佢又refill 得好快又任食，都會加分加分的😙😙最近新年做緊推廣，消費滿$200就會送你一套利是封🧧整體用餐感覺非常良好，有舒適嘅卡位坐，餐廳新裝修完光線柔和，餐椅用具新淨企理。為食B報告完畢🤭

星期二買左戲票9:55‘破地獄’，8:30在六樓的食店已經沒有客人排隊，唯獨是元氣仲有一大排客人等位。約十五分鐘後入座，本人有幾年冇去過元氣幫襯，所以都吾知有咩食。老公點左壽司、軍艦、湯同啤酒，佢食曬所有佢點的食物，份量剛剛好，品質亦好好。我點左腐皮湯烏冬、炸雞件、炸芝士年糕同天婦羅野菜，湯烏冬好熱、又煙靭，炸雞件外皮好脆內軟有肉汁，炸芝士年糕-外皮好脆、內𥚃係年糕包著芝士軟軟的。我冇點飲品，因為有綠茶粉，可以加入熱水，濃淡自己控制👍依家元氣價錢相宜，每款菜式吾會好大，相當適合兩口之家😄

終於記得寫食評，上個月OT完返到東涌幾乎冇嘢食選擇，見到元氣壽司唔使排隊，不過22:30 last order，有15分鐘時間俾我揀嘢食，佢哋好好照俾我入去食、當然啦，兩個人食就梗係急啲，變咗一下子剔晒想食嘅嘢，預算唔到份量，驚唔夠食自然會叫多咗，確實我哋真係叫多咗，加上唔夠時間食，但我欣賞佢哋比我入去，做埋我生意變咗我要打包拎走，返屋企繼續食睇相都知我好鍾意食吞拿魚，佢有一個Combo極上吞拿魚三點我total叫咗四碟，即係12件😂😂其餘食物不過不失，貝三點就好麻麻，下次唔會再叫最後要讚佢哋體諒我夜晚冇飯食服務係好嘅

一直都係元氣壽司粉絲嘅fans，因為壽司嚟講佢嘅衛生程度唔錯，同埋最鍾意就係佢嘅飛機運送帶，我個仔成日都間唔中冇時停，但每次嚟到元気寿司見到架飛機車就會乖乖地，事關佢要等架車嚟送食物俾佢🤣🤣吞拿魚同埋三文魚系列超好食，同埋種類都多，另外小朋友兒童推介每次都叫蟹柳卷熟蝦同埋皇帝棒，三碟就夠晒，我小朋友食得飽飽又開心，不過當然最後一定要叫多個朱古力泡芙咁就滿足啦。今日happy Friday所以一定要嚟happy一下。 另外佢限定推介期期都有一啲新出產品會有啲期待😚😙另外而家食個滿$180就會抽獎一次，我哋今次抽到個三文魚手卷🥳🥳🥳

今日去元氣見到有優惠，有個2:30pm之後嘅下午茶餐叫午後之自選壽司盛分開三個部份第一個部份可以喺24款壽司裏面揀六款款式除咗三文魚,其他都係啲睇落唔係太受歡迎嘅款😝同埋佢有時會有啲款式冇，就會改其他壽司第二個部份就係四款小食揀一款，都係熱食為主第三個部份係三款輕食揀一款，個人建議如果唔夠飽可以揀烏冬成個餐總共$60 不過由於你食完之後會覺得唔夠飽，所以你都會散嗌其他嘢食最後埋單價錢其實同平時冇乜分別😂

枱面衛生環境十分污糟(豉油漬、油漬)還有上一台客人剩下的食物碎。餐具如筷子匙羹等應該也是清洗不乾淨，還有食物殘渣殘留。最離譜的就是豉油樽上面按鈕及樽身竟然全部都是豉油，如沒有看清楚就按下去會整到成隻手都係！這間店的員工是沒有看清楚還是懶惰沒有去做好清潔？之後輪到講食物，所有有紫菜在內的壽司(軍艦、手卷)來到的時候紫菜已經完全變淋，令本來食物的味道分數大打折扣。還有的就是如果一碟壽司入面有兩件(例如：海膽墨魚)這兩件壽司的份量會完全不一樣，會出現一個多料一個小料的情況，難道廚房入面沒有一個標準的出餐份量嗎？對於這次消費本人感覺並不愉快。

📍元気寿司 (東涌)東涌達東路20號東薈城6樓602號舖喺東涌唔算多壽司舖，元氣感覺上係唯一首選😂所以間唔中都會嚟食，而且佢每月有一日八折，感覺幾抵食而且佢又唔限時，可以慢慢食傾吓計吹吓水👏👏食物勝在夠新鮮，選擇都算多，大人小朋友都啱食🤭最中意佢個酸薑好好食😋仲要任加😎

入到東涌做野，又唔知食咩好，東薈城餐廳花多眼亂，最後都係選擇最多人排隊既元氣壽司午餐時段都好快就入得，都算係甘今次試食佢既雜錦刺身丼套餐（$58+10%），佢既套餐除左主食，仲包左沙律，日式海鮮燉蛋，汽水，我再為食地加左個手卷（+$12）。呢個價錢真係好抵，而且東涌店係我食過最有誠意既餐廳，佢用既餐盒都好靚，其他店既刺身丼係就甘用碗上刺身丼好新鮮就不在話下，其他食物都維持高水平，特別係燉蛋熱辣辣送上。呢個價錢真係超抵，東涌店仲要做得比其他分店好最衰東涌太遠，唔係都有機會再去

今日同老婆、媽咪同兩位姨媽到元氣食壽司🍣，人山人海，等咗差唔多成個鐘先有位，最後仲要係坐四人枱，都有點擠迫，所以成程都唔係食得好舒服。我哋叫咗多款壽司🍣，整體都尚算唔錯，唔算好滿意，性價比唔算高。哩度嘅三文魚比較薄身，所以食起上嚟比較乾身及欠口感，無乜魚香味，所以我通常都唔會叫齋三文魚壽司，今次叫咗牛油果三文魚壽司$17同元氣卷$23，有其他配料食落就無咁口寡寡。三文魚腩刺身$32有驚喜，雖然size比較細，但味道可口，魚油味香，入口香滑細嫩，有少少入口即化嘅感覺。赤海蝦壽司$11不過不失，蝦唔算肥美或彈牙爽口，不過味道係甘甜的。新出嘅牛油果卷🥑$12則令人十分失望，牛油果唔新鮮，食落去有少少怪味，好似放咗好耐咁。

182521082022，今日想食壽司，係東涌既壽司店選擇很少，元氣的確是一個比較好既壽司店而且呢間都算是幾大同坐得舒適。元氣平時都冇咩寫，不過不失但今日撞正九州祭，所以我決定叫晒今期限定。熊本縣產，天草真鯛壽司，味道偏淡而爽脆好味！👍鹿兒島直送既海之櫻勘間八壽司，同海之櫻勘間八腩壽司，名字怪怪地不過唔緊要，最重要係味道。當大家諗住腩會好d，但今次就例外。海之櫻勘間八壽司魚油味濃口感軟滑加上柚子胡椒醬相匹配，海之櫻勘間八腩壽司味道反而沒有咁香同有渣。枕崎市產柚子醬油漬鰹魚，肉質梅而淋柚子又硬可以不叫。福岡直送灸燒明太子軍艦，明太天很咸，好多人認為明太子咸就應該，但我曾經係沖繩食過一些明太子係唔太咸主要係鮮甜，咁當然經過咁多日黎到香港咁始終都有少少分別。最後日本直送九州和牛，牛味重加上醬汁可惜沒有入口即溶既和牛感，不過19蚊都算啦！今次九州之旅都還可以啦！希望下次更多地方既直送

同🤴🏻去左東涌影 ‘ lulu豬🐽 ‘ ，剛巧元氣會員有八折，就係咁我哋攞咗飛仔等咗個半鐘😢😢有趣嘅係攞飛仔時入咗電話號碼，仲有5個號碼電腦自動打黎提醒你😊😊，而今次都係食新產品為主😎😎～～～活煮蝦🦐～～～比熟蝦🦐大隻少少，可以唔使叫😔😔～～～三文魚🐟頭湯～～～🤴🏻好鍾意個湯，好香三文魚🐟味又唔腥😀😀～～～櫻花蝦🦐軍艦～～～櫻花蝦🦐唔夠香口，試過就算😃😃～～～黑醋鵝肝配青蘋果🍏手卷～～～鵝肝幾乾身唔油，黑醋加青蘋果🍏有清新嘅感覺😄😄，可惜紫菜係 ‘ 林 ’ 嘅😔😔～～～極上塩蔥拖羅手卷～～～拖羅蓉勁香油脂，同塩蔥好夾，敗在紫菜又係 ‘林’ 嘅😕😕～～～凱撒海老玉子堡～～～感覺是有蝦🦐味嘅蛋🥚沙律🥗😅😅～～～蟹🦀肉蟹膏🦀手卷～～～蟹🦀️膏好香，紫菜香脆😊😊～～～海鹽檸檬🍋焦糖芝士🧀蛋糕🍰～～～我同🤴🏻都鍾意，甜甜嘅芝士🧀帶有鹹味嘅檸檬🍋味！好食😋😋～～～芝士🧀焗雜菌～～～芝士🧀味蓋過雜菌味，同埋太細份啦☹️☹️～～～燒汁牛🐂肉～～～牛🐂肉嘅份量可以包裹壽司，燒汁香濃😉😉～～～天使海老🦐～～～炸好咗嘅蝦🦐頭+天使蝦，正常口味，但唔明有咩特別🤨🤨食完喇出門口仲見好多人排隊，8折嘅威力真係犀利🤣🤣

元氣可以話係香港壽司僅餘嘅始祖, 數數手指都有好多年冇食過, 今日重拾細個回憶, 睇完侏羅公園順便食埋個壽司, 雖然今日係平日但都要等咗一個鐘頭位, 終於入到坐, 叫咗幾款壽司食下, 軟殼蟹手卷永遠都係我最愛, 不過有少少唔同嘅係炸粉太多隻蟹細到唔講都唔知有隻蟹喺度, 灸燒三文魚最好食又最抵食, 最想講嘅係元氣卷, 簡直唔知食緊乜😵‍💫😵‍💫 下次都係乖乖地出去市區排番乜乜郎，鮮乜鮮好小小😅