元札幌拉麵 (宇晴軒商場) (已結業)

食嘢其實都好講性價比，有是將貨就價，有時有將價就貨，總之做你付出幾多錢就會得到啲乜嘢味道，同埋用d乜嘢食材,，基本上非常好合理。不過呢間野個價錢高，水準卻又好低，就係一個好嚴重嘅問題。同同事黎食晏，佢話食日本野，於是就黎咗呢間，一入去見到個樣就知道除時中伏，但係我同事仍然好勇敢咁叫咗個天婦羅，唔洗我講大家都已經估到個結果啦，喺香港真係要去高級d嘅日本菜館，先至好食天婦羅；至於我就叫了滑蛋吉列豬扒，豬扒粉漿好厚，但係舊豬扒真心好薄，而且d野嘅價錢比較貴，真心唔掂。

今次同朋友一齊去左食日本野──元札幌拉麵，我地一人叫左一個定食，之後仲叫左2款小食。定食包左面豉湯，茶碗蒸，沙律，以及一碗白飯，飲品就包左一枝汽水。首先講下吉列炸蠔定食，炸蠔外層炸粉唔厚，做到外脆內軟，唔腥之餘仲食得出幾新鮮。茶碗蒸味道都唔錯，而且好夠滑，個人比較怕太鹹嘅面豉湯，不過呢間食店嘅面豉湯嘅味道好適合我，唔會過鹹。而三文魚定食嘅三文魚份量都多，仲幾好味，色澤均勻而且都算新鮮。另外，小食我地叫左一個海鮮大板燒同一串安格斯牛肉串燒，呢間嘅海鮮大板燒用料足，份量多，而且味道相當好食。安格斯牛肉串燒肉質不錯，要趁熱食，唔係就會有D油。整體嚟講，呢間食店嘅食物質素唔錯，店內環境舒服，店員嘅服務都唔錯。

呢間野d食物真係冇得彈，我地果日兩個人嗌左兩個主食，兩個小食，主食方面有炸蠔定食同三文魚定食，呢兩款主食都各包一支汽水，仲有面豉湯，茶碗蒸，沙律，同埋一碗白飯，當然仲有炸蠔同三文魚啦。未食之前已經覺得望落唔錯，個擺盤好靚，d三文魚同d蠔都超正，食完一啖就忍唔住食下一啖，食完果刻都好想即刻再落order叫多份，不過我地得兩個人，除左因為我地仲叫左兩份小食之外，最重要係因為佢個主食真係好大客，性價比好高。講埋個小食先，我地叫左大板燒同牛肉，大板燒好好食，而且仲好多料，醬料都係好食果隻，整體好好。但有d美中不足係果串牛有少少難咬，不過可能因為我地最後先食所以涷左先有少少硬。最後講埋價錢先，我地果日叫左咁多野，飽到行唔旭都係食左323蚊，真係幾抵！下次一定會再去食！

元札幌拉麵🍜Environment: ★★★★☆Service: ★★★★★Taste: ★★★★★相信大家去過日本北海道嘅話都有聽過札幌拉麵，有冇諗過香港都有得食呢？誠意推介呢間地理位置超級好嘅餐廳，近地鐵出口，仲係地舖嘅當眼位置，夠曬方便。⌛️呢度特別之處就係有非常多嘅拉麵款式，職員態度非常細心周到⌛️地方寬敞，裝修有日式嘅風格，坐得非常舒服⌛️湯底有味噌、醬油同埋鹽味，連拉面嘅軟硬度都有得俾我哋揀⌛️最啱鍾意打卡嘅你，有夾公仔機、多啦A夢同埋一啲鮮艷嘅燈籠仔裝飾💓豚軟骨拉麵($78):曲條拉麵彈牙可口，好有水準，肉質鮮美，淋度岩岩好。我今次揀咗鹽湯，非常清甜💓元拉麵($74):豬骨湯底非常濃郁，仲有半個糖心蛋、紫菜絲同粟米，仲有好有鮮味嘅叉燒，大大碗好有滿足感，配料好豐富，湯底鹹度岩岩好，堅有水準🔛🏃‍♀️🏃‍♀️🏃‍♀️荔枝角深盛路9號宇晴軒商場2樓7-8號舖#hkfoodie #hkfoodblogger #foodporn #followforfollow #hkfood #hongkongfoodie #hkfoodlover #hkig #香港美食 #hkgirl #igfoodie

朋友居住「四小龍」之稱的其中一個屋苑，近茘枝角港鐵站，當日探訪後到附近商場吃晚飯。選到門面顏色奪目的日本餐廳，點了兩個晚飯定食。定食有主食，飯，湯，蒸蛋，海草沙律，飲品，揀定後可以繼續聚舊😀！網燒雪花牛扒定食牛扒燒得香口，內裡保持軟腍，大大件兼牛味濃，最啱牛魔皇喇👍🏽👍🏽👍🏽！燒鯖魚定食鯖魚份量大，愛吃魚的人一定可以滿足喔，魚油香，最喜歡鲭魚不多骨，可以大口大口地吃😋😋😋。飲埋支裝可樂，日本蒸蛋，熱騰騰夠香滑！ 食吓坐吓，環境都不錯，下次再來可以揀其他款式，有拉麵，壽司，串燒呀！

一年先去得一兩次旅行 好懷念之前去日本北海道 懷念札幌的拉麵今次比我無意之間上網睇到有間札幌拉麵～ 嘩....即刻叮一聲 雖然日本拉麵隨處可食 但札幌拉麵可以話係日本三大拉麵之一 ...位於荔枝角MTR D4出口 大約行2 分鐘已經到達 好有日本特色之外裝修亦都似足日本 包括枱枱櫈櫈、環境餐單上基本與日本的差不多 單點外也有二人套餐 三人或四人套餐 供選擇 我選了二人套餐除了多款可食之外 也都比較實惠 1.燒魚餅 炸至金黃色 咬入口香脆彈牙 味道不錯2.炸雞肉 新鮮即炸 已經去皮去骨 整塊雞肉塊配上沙律醬汁 食落口感 皮脆 多肉 仲好香口 3.雜錦串燒整一串串燒需要花上極大心機 把食材原味經高溫慢慢迫出來 再配上調味料 又要時時刻刻保持住不可以過熱 就會變窿 或失去水份 呢間日式元札幌可以話比得上串燒店燒出來的串燒 一樣好食 好味 5.四款主食選擇我毫不需要思考 直接點上元拉麵 🍜我目標是為它而來嘛 拉麵用上豬骨湯底熬製 香味濃郁 味道濃厚 大大塊豬肉 配上札幌拉麵 啖啖滋味

今日難得早收工所以同太太吃飯 ， 在荔枝角地鐵上面商場食肆有好多 ，我見到有家吃拉麵就即管試一試 。餐牌有好多種拉麵款式,我就選擇了什錦拉麵 ，碗麵D份量非常大碗，有豬軟骨 蟹柳，同埋好多配菜 ，拉麵最緊要湯底 ，啲湯底好濃郁而啲拉麵非常彈牙。 其次還有燒鯖魚定食，條魚好大條而且燒得好香，啲肉質唔會比較硬 。還有鐵板燒帶子，D帶子好大隻和好新鮮， 啲肉質燒得剛剛好同埋好香牛油味而且還有好多粟米配菜 。如果下次再嚟可以試下其他拉麵。

係荔枝角返工既我今日放左工係返荔枝角食飯。行去四小龍個邊既商場搵到呢間日本拉麵店，望落都視視淨淨。於是就入左去幫襯。佢既套餐玩法都幾有特別，同有啲日式既文化，用松、梅、菊、竹黎命名選區。因為價錢都唔算平，我地只係叫左松梅，另加多個拉麵就算。拉麵分別係雜錦同ankake拉麵，同配左碟迷你叉燒炒飯。老實講，拉麵同叉燒飯上左枱後，我地都幾失望。因為份量真係太少喇。拉麵麵底同配料都好少。叫雜錦拉麵唔見得有幾種。兩碗麵講真唔係好分到邊碗打邊碗同埋差個十蚊差左啲咩。定價好似好唔合理。另外叉燒飯更加係非常迷你，用隻細碟裝都唔滿。圖係未食前影既，放到咁大都唔滿拉麵湯底都好緊要下，但佢個湯飲完一啖都唔係好識比反應，總之就覺得好普通，但又唔難飲咁。呢餐飯印象最深刻係食蟹柳，除此之外就唔知食過咩喇。不過想講店員係幾nice既。

最近在這區工作後，相約了朋友一起刺激香港經濟餐廳地址方便，更是聊天的好地方。煙鴨胸豆腐沙不用花巧的靚食材，新鮮蔬菜、豆腐、粟米粒、蕃茄、香煙鴨胸，通過沙律芝麻醬伴吃，馬上胃口大開。温泉蛋牛肉飯一碗簡簡單單的牛肉飯，在這家餐廳卻能讓我吃得忘記一天的辛勞，半熟溫泉蛋在團團的牛肉中內，顯得嬌嫩可愛😘，之後再用筷子輕輕的攪拌，黃色的蛋黃慢慢流出，混入了熱氣騰騰的肥牛卷內，空氣迫人！片片豐富牛肉味，一吃停不了口！😋😋😋Asahi 和朋友聊天，當然不少得最佳伴侶（啤酒）😂😂榴連炸彈濃厚香榴槤味，口感與味道真的另我一試難忘，而且這流心感覺到它的熱氣沸騰。下次再會啦

這晚嚟荔枝角 D2 Place買東西，在商場行過對面屋苑不到兩分鐘便找這間拉麵店，決定一試！餐廳裝修簡約，地方寬敞，環境舒適。自選套餐 松+梅 $98 好抵食！點了地獄拉麵＋迷你咖哩飯, 2人食份量剛剛好。地獄拉麵～湯底勁辣惹味, 麵質爽口微彈, 配上嫩滑溫泉蛋及肉腍入味的日式叉燒，油脂均勻，口感豐富！迷你咖哩飯～ 軟綿綿日本飯伴以香濃日式咖哩醬汁，好味開胃。串燒雞翼 $35 ~ 雞翼皮肉香四溢，皮脆肉嫩，啖啖好滋味！這是一間抵食兼有水準的拉麵店，加上招呼周到， 有機會一定會再來！

很久沒到過荔枝角，朋友住在這裏多年，人年紀大了，時間及空間越來越少，朋友見面的次數亦都越來越少，最近有事情發生到他家探望慰問他，探望完後，獨自一人吃午餐，一間拉麵店很久沒到訪過，今天再次惠顧吉列蝦烏冬外皮炸得香脆，皮薄而大隻，昆布沒有腥味，烏冬爽滑彈牙，木魚湯味道清新不會過鹹非常清澈燒多春魚外皮燒得脆脆，不會太乾身，配上檸檬汁又是另一種享受三文魚刺身這裏使用昆布墊底，一併吃下更滋味，大部份日式餐廳通常使用蘿蔔絲的，大家都不會吃⋯多年前曾經在荔枝角工作，經常會到這餐廳午餐，食物水準保持，這段時間都會經常探這朋友，應該都會經常到訪午餐了。

本身個人都鍾意喺荔枝角到搵嘢食嘅，因為比較鍾意行佢哋嘅商場D2 place 🤡 比較年輕化☺️ 閒日行街又比較小人 舒舒服服 輕輕鬆鬆見今日咁岩放假，上咗朋友屋企玩BB，朋友屋企住喺昇悅居，所以就喺嗰度順便搵吓嘢食。 因為我個人比較鍾意食日本野，所以見到有間日本嘅拉麵站沖左入去食嚕🤡環境不錯喔 👍拉麵選擇不少有一個調味架 有生蒜 😆松加梅套餐 $98 套餐跟一個拉麵加迷你叉燒炒飯。佢應該係有三舊嘅，但係因為嚟到嘅時候太香，急不及待食左😆佢啲煎炸食物方便好出色，炸得啱啱好。外皮唔係話好熱，但係入面係熱到出煙嘅👍炸洋蔥豚肉，就好似我啱啱所講嘅咁，佢啲炸物都係比較好食，出邊嗰層皮煮得啱啱好，拿捏得十分之準確👍

約了人到荔枝角交收，順道與朋友在這吃晚餐。這間商場的食店不多，大多是一式一樣的連鎖式食店，所以選了這間特別的小店。這裏有數款套餐可選。我們選了那個$188套餐，在松、梅、竹、菊中，各選一款食物。食物也可單點，還是套餐化算得多。北海道櫻花蝦拉麵($88)，選了軟身拉麵及醬油湯底。在芸芸拉麵中選了這款，皆因餐牌上顯示一個餐廳推介圖案。拉麵上桌時，醬油味非常香濃。喝一口湯底，不會覺得太鹹。拉麵量多而帶嚼勁，櫻花蝦𡙁脆，咬下去能滲出蝦的香味。温泉蛋做得出色，中間做到流心效果。炸豆腐($38)，起初以為是那種迷你炸豆腐粒。原來是炸大件豆腐，份量比想像中大得多。外層是淡金黃的微脆，內層是軟滑豆腐。在豆腐上灑上柴魚碎，為豆腐添上柴魚香。醋海蜇($48)，一大碗的盛上。大量新鮮爽脆青瓜絲墊底，幼海帶放在碗邊。海蜇置中，非常爽口。如減少一點醬汁，變得清淡一點會更好吃。吉列蝦($62)，看網上介紹才選這個，果然沒有令人失望。吉列蝦炸得非常脆，即點即炸，沒有油溢味。蝦肉爽脆，是四碟中最好吃的食物。海鮮茶碗蒸蛋($28)，份量相對套餐較小，味道像母親做的蒸蛋，扎實的口感帶着嫩滑。最後友人看到一杯名字奇怪的汽水

探朋友係其屋苑樓下，裝修日式風格味濃，以木傢俬為主， 配上顏色鮮豔燈籠和可愛多啦a夢公仔裝飾， 十分吸引，係靚靚打卡位。一坐低叫返支可樂樽裝先，感覺chill爆。Ankake拉麵+自家製餃子(4隻) $98湯底可選擇味噌、 醬油和鹽， 拉麵可選擇偏硬、一般、偏軟， 仲可以加配料 ， 很貼心的服務， 我選擇了味噌湯底， 鮮味香醇突出， 配上份量十足， 爽口彈牙拉麵 ，拉麵完全吸收了湯底的鮮味精華， 好味到唔停得口。叉燒肉質軟腍， 好入味， 配埋半隻滑溜流心蛋、 紫菜絲和甜甜粟米粒， 再吃一口彈牙的拉麵，每啖好豐富 ， 十分滋味！自家製手包餃子(小)餃子外皮很薄， 很飽滿， 大口咬下去，充滿肉汁和嫩滑，配上餃子汁更好味。鰻魚手卷 $32充足鰻魚份量， 賣相吸引， 表面燒到焦香， 香氣四溢， 配上甜甜的燒汁 ， 鰻魚肥美無骨 ，香甜嫩滑， 食完滿口油香，加上紫菜及日本米飯幼細，口感更加豐富，超值之選！串燒雞翼 $35雞翼大小適中，燒得有微焦香味， 而不失嫩滑而嚼勁， 舐舐脷爆燈。

有一個好朋友搬咗去荔枝角某個屋苑，屋企附近有一間日本菜幾好食，今日去完朋友屋企打麻雀之後，朋友就帶我地去食嗰間日本菜。店內裝修好有特色風味，而且服務員好有禮貌，亦都可介紹好多不同菜式俾我哋，我哋揀咗以下幾款：Ankake 拉麵個湯底不俗，個湯底味道好啱，濃得黎唔會太咸又唔會唔夠味，好鍾意佢個瘦叉燒，好有咬口，好煙靭，除咗痩叉燒之外，仲有其他配料，例如：竹筍好香，浸落湯底到索晒啲湯底再食好好味，拉麵亦都好彈牙同埋拉麵可以掛係燒雞翼估唔到呢一個雞翼好香，個皮燒得好香好脆，火喉控制得好好，雞翼亦有好多汁，唔錯日式餃子餃子餡料非常豐富，一咬，有好多肉汁，加埋沾上餃子汁，味道更加好。蟹籽手卷蟹籽粒粒晶瑩剔透，一望就知非常新鮮，紫菜好脆，蟹籽又多又有囗感，好喜歡呢道手卷章魚燒章魚燒味道非常之日式，燒汁嘅味都好好味，配上章魚燒，簡直冇得頂，加上面頭嘅木魚絲，同埋入面嘅章魚粒，真係好好食。餐廳食物整體質素非常高，而且服務很好，店員效率高，又有禮貌，環境又好舒服，非常推介，一定要再去！