元札幌拉麵 (悅來坊)

营业中

休息中

今日係悦來坊買完野黎左呢間日本鋪頭食拉麵裝修都幾靚 有D 日本小店feel 好多紅燈籠 D 枱主要都係深色既木 幾似日本d 居酒屋 幾好feel menu 上面都好多野揀,一定有既叉燒拉麵 野菜拉麵 同埋同好多唔同類型拉麵 最後簡左個海鮮拉麵同一個燒多春魚 再配埋個無糖可樂 好快D野食就黎齊曬碗麵幾多料 有蝦 又有魷魚 又有硯 又有好多菇同配菜 d 蝦成碗麵都幾鮮甜蝦好新鮮，硯都幾大個同幾好食菇都有好多，D 菇同d 菜吸曬D 湯汁好好食，而且仲有幾種唔同既菇同個湯都幾夾 每樣送都幾好食,拉麵彈牙，唔會煮過過龍 同埋有極多香蔥，好香。麵量都好多，而且麵係比較粗個類拉麵，又好彈牙 都差D 飽到食唔曬 多春魚幾香，D 春真係爆曬 枱之間都比較闊落，侍應態度好好。成日幫我地斟茶。試左朋友個燒牛舌好好食，性價比好高 地方都算容易搵到，下次都會再幫襯 👍👍👍👍

今晚屋企無飯食，去左荃灣揾細妹解決，因為佢公司好近悅來坊，所以就去左睇下有咩好食，細妹話想食日本菜，所以就去左試呢間拉麵店裝潢方面真係好貼近日本餐廳，燈光、牆身設計、燈籠裝飾都係日本餐廳既特色，好欣賞佢放左好多多啦A夢既公仔俾人影相，好有心思見到d公仔就知店主放左好多心機多啦a夢係一大影相位茶杯都好靚好有日本風味坐落我地就即刻點菜，餐廳主要係提供飯、拉麵同小食見到有最新推介，我當然要試下，最後揀左一個豚(豬)軟骨拉麵同北海道芝士忌廉炸雞飯拉麵既份量比食開既多豚（豬）軟骨有三大件，煮得好腍好入味，而且中間隔住層薄薄既油脂，入口好香但又唔會太膩，恰到好處抵讚，有軟骨既位入口唔使點咬就呑得，小朋友都岩食豚（豬）軟骨係有水準之作北海道芝士忌廉炸雞飯都無令我地失望，炸雞簡直係出色，難怪係餐廳推介成個set有沙律、麵豉湯、茶碗蒸同主菜四樣，主菜份量好多，炸雞四件，有三件超大件，熱辣辣上菜，咬開仲出緊煙，食一啖就覺值回票價，炸雞既炸粉薄到幾乎無，但雞肉仍然可以幼嫩多汁，而且好厚肉好驚喜有咁既水準，忌廉汁有薯仔雞肉同洋蔥，好足料，配飯一流$73呢個價錢配呢個份量同質素係超值呀!!!茶碗蒸既蛋都好滑好足

今日放工同Fd黎荃灣熊貓商場有好多outlet，係熊貓買完野就見到間門面好日式、幾靚的拉面鋪頭，都幾多人係入面食緊，就即刻入去試下入面有好多唔同的拉面選擇，有海鮮、豬軟骨，仲有牛肉飯有選擇困難症既我都諗左好耐最後選左侍應推薦既北海道櫻花蝦拉面同埋牛舌串燒拉面一上台湯底就已經見到奶白色的湯底加埋聞到好香的蝦味拉面的櫻花蝦乾同紫菜碎，令到成碗拉面的湯底鮮味更加突出！呢碗拉麵的叉燒份量岩岩好，叉燒唔會太肥又唔會太瘦太乾，各方面都岩岩好，肉質都幾嫩滑。整體來講，拉面既性價比幾高之後，試埋牛舌，牛舌燒得勁香，厚切得穫又唔會好”un”最愛呢種口感既牛舌 真心推介既另外仲叫左多春魚比小小檸檬汁去辟腥果然食落去唔會好腥 平時勁怕魚腥味呢款唔會 酸味味既檸汁提升左魚香味同埋都勁多春 唔係好多骨總結黎講呢間餐廳都係會encore之選

係荃灣AEON附近，行完就同男友係呢間食日本料理嘅「元札幌拉麵」食dinner。元札幌拉麵嘅價錢都唔會貴。而且款式都幾多選擇。店內嘅裝潢都好有心思，好有日式風格。小妹點了鰻魚飯套餐。套餐包括了沙律、味噌湯、茶蒸蛋同鰻魚飯，好豐富。鰻魚都幾大條，鰻魚汁真係好香，分量好足，就算係男士食都好夠飽。沙律菜都好新鮮，唔會有苦澀味。「自家製手包餃子」餡料豐富，而且都幾多汁，煎得香脆，加$28就有，性價比高。👍🏻👍🏻👍🏻---小妹仲點了店家推薦嘅「燒八爪魚餅」，估唔到會咁大份。一上菜已經聞到八爪魚香味。食落八爪魚爽口，而且香味十足。小妹同男友都一致推薦！👍🏻👍🏻👍🏻---最後，我地仲點了「龍田揚炸雞」。炸雞炸得外脆內嫩，雞肉好嫩滑而且多汁。好多食客都點呢個炸雞。「元札幌拉麵」每個料理分量都大大份，價錢都真係幾公道。而且選擇都唔少，最岩一家大細黎食。

喺悅來坊商場唔算有好多食肆，晚餐時間尚早見佢人唔算多，地方夠大可以坐得舒服啲，不過見無咩人都有少少擔心，所以無抱好大期望。店舖裝潢唔錯架，手本餐廳feel。佢主打係拉麵，除左本身餐牌有既之外，仲有喺啲限定既拉麵。我叫揀左個有手指公既櫻花蝦拉麵，而朋友就揀左個期間限定既.....唔記得左叫咩名，有蜆既。麵既質地適中，湯底同配料都係合格既，當你望住呢個價錢呢個裝潢，不禁有一種「又唔差wo」既感覺。所以係呢個驚喜位。其實佢仲有小食類既，不過我地食唔落所以就無叫啦。值得一讚既係配料唔算少，仲埋隻溏心蛋做得幾好。本人係好喜愛溏心蛋既，所以一隻好味既溏心蛋加左好多分。同埋碗櫻花蝦拉麵有好多櫻花蝦，蜆肉個碗拉麵既蜆肉係新鮮既，好有鮮味。拉麵本身唔使好花巧，但細微位做得好係好重要既。

今日約咗女友去荃灣打保齡球，做運動之前當然要醫下個肚先啦。女友話要食拉麵因爲冇帶佢去日本。荃灣悅來坊入面有間元札幌拉麵店，一於帶女友試吓。一入去見到超巨型多啦A夢。茶杯印上餐廳名字，別具特色。客人可以選擇麵質同湯底，湯底包括鹽味、醬油同味噌。至於麵質有分軟、中等同硬。另外餐廳提供自選三寶套餐，拉麵加小食加汽水都係$78。不過我就冇叫自選三寶套餐，因為我想食嘅元拉麵唔包括在內。不過元拉麵加餃子都好平。拉麵方面，我揀左味噌湯底。麵條屬於有咬口嗰種，大量芽菜係底，所以份量算幾多。味噌不會過鹹，可以接受。叉燒真係超大片，喜出望外。餃子非常多汁，外皮保持香脆。餐廳嘅串燒同樣出色，特別係牛舌同雞軟骨。牛舌外皮稍脆，入口軟稔。雞軟骨一串有十幾粒，認真扺食。值得一提，餐廳有免費Wifi，而且貼埋密碼係牆上，啱曬同我一樣成日用曬電話數據既朋友。拉麵餐加兩款串燒大約$130，真係又抵又好食。

呢幾日係荃灣呢面番工，最近係悅來坊，好彩都吾少野食，今次就去左食麵。📌炸蝦🍤蕎麥麵$88本來以為係普通蕎麥麵，但食落比其他店都彈牙好食，加上兩款醬汁任你配搭，一麵兩食，炸蝦🍤鮮炸脆口非常好食。📌炸豆腐$38又係炸野😌，但外面係有醬汁食落冇咁熱氣（自欺欺人），外脆內軟，內裡豆腐係超超超滑。其實呢間都多小食，只係諗選邊個小食都諗左好耐，蟹子沙律、燒牛舌、冷波菜、薯仔沙律、燒鯖魚等，最後真係想食豆腐先選左炸豆腐，下次會試下其他

今日在荃灣見完客, 於是去了悦來坊食晚飯。 看見元札幌拉麵, 便入去醫肚。 大概是因為在商場内, 所以店舖細細的, 但勝在裝修簡約, 很有日本 feel。我最喜歡這個多拉A夢擺設, ㄧ見到便想起兒時追看這套卡通片。點了ㄧ客溫泉蛋牛肉飯。沙律菜夠新鮮, 粟米粒夠飽滿, 配上酸酸地的醬汁, 非常醒胃。牛肉飯很大碗, 白飯香軟, 牛肉的份量非常多, 不算肥, 肉汁豐厚又不靭, 加上半生熟的溫泉蛋及少少紅薑, yummy。味噌湯不太鹹, 我成碗喝了。蒸蛋也不錯, 很滑, 有很香的菇味, 還有大片日式魚蛋。另外點了ㄧ客串燒雞翼, 共有兩隻, 份量細細的, 不怕會浪費食物。 雞翼燒到少許金黃色, 很香口, 皮脆肉嫩, 加上檸檬汁, 十分惹味。最後嘆杯玄米茶, 埋單都不過ㄧ百元, 非常超值。

話說經過荃灣，去左商場食飯。見到札幌呢兩個字，即刻諗起北海道落雪食拉麵。入到去好有日本拉麵氣氛。仲有個大大個既Doraemon。餐廳闊，坐得舒服。叫左碗雜錦拉麵。乜都齊曬。有蟹柳，豬軟骨，叉燒，溫泉蛋，昆布。見到好開胃。豬軟骨咬落去真係好滑，味道濃。見到呢個湯底諗起北海道食拉麵，都係呢個湯底。同一嵐個啲拉麵唔同。北海道既拉麵湯底偏清。拉麵麵質都係呢種圓身既拉麵。追加左叉燒，叉燒大大塊。葉得夠味。肥同瘦肉混合一齊既叉燒部位。好彩有追加，整得特別好味。溫泉蛋都好夠味。蛋白淋得黎有彈性，都係葉得好夠味。叫埋個牛舌串燒。啱啱燒出黎既牛舌。食一啖，燒得完美。外邊層皮乾脆。咬落去入邊好多水份，好似肥美脂肪滲左出黎。好似和牛咁樣既口感。真係好好味。而且夠新鮮無腥味。唔需要加檸檬，原汁原味咁樣食就最一流。飲埋杯熱茶。好滿足既一餐。北海道道地拉麵，可以再戰！

今日難得準時放工，本想早點回家休息，怎料突然被老媽急Call。原來今晚只得我倆，老媽不想煮飯，所以就叫我出荃灣找吃的。說實話，與家人晚餐，最合胃口的都是以日本餐為主，我就鎖定方向，發現到在荃灣悅來坊有一間日式拉麵店頗為吸引。相信老媽一定喜歡吃日本餐。二話不說，一走到店內，多拉A夢就彈出來迎接我們，實在太可愛了。拉麵店的裝潢走日式風格，佻皮的媽咪當然要我幫她拍兩三張相，分享給朋友。她還在整理相片之時，我就已經為老媽想好。拉麵、鰻魚飯，相信老媽一定滿足。除了主食之外，原來還有多款小食供應，十分適合胃食的朋友。當然還有日式煎茶無限供應，我個人甚至認為日式料理飲熱茶比其他飲料更好，純樸的味道不會搶走主角的風頭。↳ 1. 牛油拉麵, $72日式拉麵的湯底通常比較濃味，而牛油拉麵正好適合重口味的人，正是本人。拉麵湯底配上溶化的牛油，使到濃湯入口更加順滑，為湯底的基礎鞏固了多一層風味。至於拉麵亦配上一塊大大的叉燒，叉燒浸過牛油湯底後變得更加入味軟腍，很易入口。↳ 2. 蒲燒鰻魚飯, $90雖說蒲燒鰻魚飯，但其實除了鰻魚飯外，還包含了味噌湯、是日沙津以及日式蒸蛋，三個周邊小食。這亦是我為老媽專門點的，

朋友話想食拉麵，但天時暑熱，市面上出名嘅拉麵起碼排返一頭半個鐘，以佢嘅身形食完再行返公司會汗流浹背。比我搵到悅來芳呢度呢間環境好好嘅拉麵店。鋪面好乾淨，燈光都好柔和，仲有好多多啦A夢嘅擺設。檯面貼左一些推薦菜式，方便選擇困難症嘅人。我同朋友就睇左Menu，發現有好多抵食午餐Set，有拉麵+小食，好似好豐富咁，於是一人揀左一個，我揀左A餐元拉麵+餃子、朋友揀左豚軟骨拉麵+南瓜炸薯餅。等食物嘅時候可以飲住茶先，D杯好有特色。小食到左先。薯餅外皮非常鬆脆，咬到一半變成煙韌南瓜薯蓉口感，好有層次。加上沙律醬食又係另一種風味。開胃之選。餃子係即煎，表皮好香口，餡料有肉汁同椰菜。豚軟骨拉麵黎了。拉麵好索豚骨湯底，每一啖面都食到豚骨味道。豚軟骨反而只係配角吧，但都軟硬適中可以成舊食曬。元拉麵算係基本拉麵款，有大大舊叉燒，同埋鮮甜爽脆嘅竹筍。叉燒肉質嫩滑，有包住少量肥肉，唔會好似某D拉麵店嘅湯渣豬肉一樣又幹又鞋。湯底都有風味，有海鮮嘅香味同濃郁口感。同朋友涼住冷氣食完再飲埋汽水，點都好過排隊排到身水身汗吧。

朋友來香港旅遊，住荃灣的悅來酒店，酒店樓下的悅來商場也夠熱鬧，有Aeon，也有很多食肆。這晚和她來到「元札幌拉麵」食碗拉麵。店舖的裝修很日式，一排燈籠高高掛，像日本的居酒屋。餐牌上有拉麵、定食和各款小食。《雜錦拉麵》$82 材料夠豐富，有豬軟骨、日式叉燒、溫泉蛋、蟹柳，湯底是濃郁的麵鼓湯，麵身軟硬適中。《招牌牛油拉麵》$72 有日式叉燒和超多粟米，中間還有一塊牛油，要等它慢慢溶後滲入麵中。雖然有點肥，但牛肉味香濃，朋友咁瘦就無野怕。《自家製手包餃子》4隻 $28 餃子煎到金黃色，沒有過火，外皮脆，內裡肉汁多，好吃。《炸豆腐》4舊 $38 豆腐面有很多木魚絲，豆腐軟腍幼滑。

朋友係大陸嚟香港住2日, BOOK 左熊X酒店住, 我順路探佢順便係樓下找好嘢食. 由於佢已經食完晚飯的關係, 我只好一個人食, 本身諗住食其他餐廳, 但由於太多人, 所以再搵下, 結果行行下就入左呢間拉麵食.鰻魚定食好味道,  定食比我地想像中多, 有蒸蛋, 沙律, 麵鼓湯, 當然仲有主角鰻魚飯, 首先講下鰻魚, 佢好厚肉, 似係平日係超市賣開$80果d, 皮脆厚肉, 配上甜甜的鰻魚汁, 一流.  沙律方面, 佢加上柚子醋, 少少酸加少少甜, 好開胃. 蒸蛋, 同平時食開的一樣滑. 以個人的意見, 平時係大連銷店食蒸蛋, 鰻魚壽司2件都起碼要$60, 但而家加埋沙律同麵鼓湯至係90, 我自己覺得好好味, 加上佢地水準唔差, 所以我覺得係大件及好味.雞軟骨串燒都好好味, 唔油, 又唔係炸, 好脆, 好爽口, 好味過其他大型連店或者放題好多. 值得推介.

行完AEON要搵野食，見好耐冇食拉麵，又咁岩見到呢間，唔洗諗咁多就食佢啦環境同裝修都好似去左日本咁選擇都幾多，而且價錢唔算貴叉燒拉麵食日本拉麵當然要食佢既代表：叉燒拉麵啦湯頭係拉麵既靈魂！呢到既湯底有三種：味增，醬油，同鹽味，而我揀左醬油味道都唔錯，好有醬油香，而且唔會似豬骨咁膩，好易入口叉燒大大塊，而且好入味，又唔會乾，夠ＪＵＩＣＹ～麵質爽口彈牙，而且有淡淡麵味，最緊要係份量夠多，好似我咁大食都唔怕！自家製手包餃子另外加左28蚊點左個我至愛既餃子可以見到佢都煎得好靚而且餡料都好足，好有水準燒八爪魚餅最有驚喜既一個小食一上台已經聞到好香既八爪魚味而且咬落去好爽口，仲有好香既海鮮味，極力推薦！龍田揚炸雞炸雞都炸得唔錯，外層好香脆，而且入面都幾嫩滑另外見到佢有呢個咁招積既辣粉鍾意食辣既我梗係要一試果然真係比市面上好多辣粉或者七味粉都辣好多加左呢個辣粉之後再加埋七味粉，就又辣又有層次好似我咁鍾意食辣既朋友一定要叫！

位於荃灣悅來酒店嘅商場,位置非常就腳｡行陣街來醫肚就一流。有好大隻多啦A夢坐陣，好有日式情懷。選擇眾多，包有一款啱你口味溫泉蛋牛肉飯$68碗牛肉飯都頗大碗，不論係牛肉既份量定質素都令人滿意，同滑蛋攪埋一齊簡直係絕配!跟餐重有燉蛋，麵豉湯同沙律仔一碗，一個餐可以食到咁多野同飽肚好滿足。滑滑地既燉蛋香蔥拉麵(鹽味，硬麵)雖然叫左鹽味但唔算好咸，清清地都幾新鮮，加上硬味既口感好彈牙，好有𡁻口，叉燒都整得幾有水準。串燒雞軟骨 $18加埋呢碟雞軟骨就啱啱好，少少地唔會太滯，燒得好香，好有咬口