元朗鬼巴士 (已結業)

雞腎質感太硬，牛柏葉好"un"'生腸都可以接受，但都係不及肥媽好食，仲有醬料甜醬"太傑 ",芥末醬又無味總之唔係我杯茶！其實人多排隊係因為切得太慢，制造錯覺意謂排隊就好食，又中伏！

初開時每次經過都見佢排隊, 今日終於忍唔住排埋一份, 我前面大約有7-8伙人, 到我買完足足等左25分鐘多少少.出名係小雜錦$25, 大雜錦$50, 小試牛刀所以要左小雜.男店員用心慢慢切每款材料, 切既途中會一路加豉油, 所以每層都幾入味. 切好就由女店員加甜辣醬, 有需要可以分開袋醬, 但要加1蚊, 呢樣值得讚.雜錦有札肉, 紅腸, 呢兩樣無咩特別. 腎有D韌, 有D位咬唔爛.豬心, 豬脷, 豬頭肉炒埋一碟都係軟腍腍, 幾入味. 豬耳少少爽, 骨位有D硬.生腸同牛柏葉應該算最好, 好爽口, 凍食特別開胃.總括黎講下次番兜生腸同柏葉5蚊串, 不過最緊要係唔咁長條龍先買.

元朗太遠啦，知道荃灣有分店即刻試下，夜晚7點，都有成10個人排。排左10mins左右，叫左個小雜錦$25，同男友share都好夠食，每款小食都有兩舊左右，生腸同牛栢葉有成4-5舊添 勁中意食佢個牛栢葉有鬼巴士仲食肥姐？ 呢個又平又大盒 好多唔同款嘅小食 個汁仲好特別 唯一缺點係因為每盒好多材料 即叫即整 排隊嘅時間比較長～聽講話外賣返屋企放雪櫃一晚，會更加好食！因為盒鬼巴士太吸引，心急想食，是但影左張就開餐，下次要再食！

在元朗頗有名氣的滷味店「元朗鬼巴士」，原來來了荃灣開分店，我亦終於有緣吃到。基本上分$25的小雜錦和$50的大雜錦。我要了小的，但也塞滿個盒，份量方面都算幾足。我唔食豬心，其餘全部要晒，當中包括生腸、牛柏葉、生腸、滷水柏葉、豬脷、火雞腎、乳鴿腎及豬頭肉。我唔知個老板娘有冇比漏，但感覺腎同牛柏葉好似只有一款。其中牛柏葉及生腸好爽口，頗喜歡，腎也唔錯。醬汁方面這裏冇下豉油，但有一種啡色醬汁，帶甜，還OK。總括而言整頭風格和「肥姐」的有點不同，顏色較淺（橙色的滷味成份較少），口味較一般同類店子淡。由於我個人食東西也較清淡，味道方尚啱我口胃，但如果排隊超過十五分鐘（聽聞元朗店排隊超過這時間）的話，又未必值得，畢竟我還是喜歡肥姐之流（橙色滷味）多一些。

久仰元朗鬼巴士之名，佢哋嘅潮汕涼拌鹵味都有口皆碑，而之所以叫鬼巴士，係因為創辦人曾經係特約演員，電影鬼巴士就係佢嘅代表作。最近佢哋進駐荃灣，趁嚟開呢頭就買嚟食吓。去到嗰陣有條人龍，好彩唔洗等好耐就買到。佢哋嘅餐牌寫鹵味分別有牛柏葉、滷水柏葉、生腸、火雞腎、乳鴿腎、豬心，豬脷、豬耳、豬頭肉、扎肉、香腸，想每款食啲，於是買咗盒大雜錦。店員將鹵味塞到滿一滿，份量都真係唔少。牛柏葉易咬唔韌，生腸脆而滑溜。火雞腎體積比一般雞腎大，咬起嚟爽口彈牙，豬頭肉軟嫩。另外仲有香腸同扎肉等等，再撈埋甜醬、黃芥辣、醬油，甜得嚟又有麻油香，都真係幾惹味。

朋友話呢間係元朗好似好出名，依家荃灣都開新分店，於是一齊就黎試下啦。我地兩個人食叫左個大雜錦，即係咩都有，一次過試曬咁多樣野食。鋪頭得兩個鹵味切割員，一個收銀，有人龍都起碼要排十五分鐘隊左右，係櫥窗睇到食物都尚算乾淨。鹵水雜錦到手都幾多份量！啲特制醬汁係曬底部，只有下面先點到汁，最上面好少汁，另外我地仲加左芥茉醬同埋甜醬。只要點到底下啲醬汁基本上都好味，所以個醬汁出色！扎肉紅腸生腸都好爽口，豬心豬脷豬耳豬頭肉腎臟個啲原身腌得好入味，味道夠但口感方面就有分別，腎臟同埋牛柏葉切得太大片，而且好硬一啲都唔爽口，食一舊起碼花成五分鐘𡁻碎佢⋯⋯食完成盒鹵味，𡁻到牙都攰。

終於捉到人同我去食，潮汕涼拌鹵水小食 大份 $50，等左5分鐘就有得食，佢地即場切都十分新鮮，醬汁仲可以另外上吾錯。超足料見佢都係咁落吾同既野，而且都係出面比較少有添，每款鹵水都吾錯，大。胆脆但勁多肥膏 豬肉肉入味又吾硬，但可能佢本身已經有味之後再加豉油（倒左吾少係盒底，勁咸）又海鮮醬又芥辣就好咸，最底果d冇食到。之前見到人要排成個鐘，好不用等好耐如果吾洗排隊試一次可以，但可能太多人講吾錯的確係有點失望。

今日去無左飲品加配優惠由一位刀手增加至2位，加上收銀妹妹。排隊時間大減，5分鐘左右，比上一次十幾分鐘快好多！Really worth going.橙色生腸點尬好食hehe

25蚊一個小雜錦 滿$30加$5有特色飲品特制醬汁令食品唔洗點芥末/甜醬都好食一定要就咁試一試先再點醬食！當中特別推薦反腸好爽口 唔係到到都有得賣嫁牛柏葉都好正 又大塊生腸 我一向最愛特色飲品揀左 提子多多 出付意料地好飲 我估多多甜甜地 所以比花茶好飲。（比起$12蚊一串 $26蚊一set 既肥姐，我更愛鬼巴士，希望佢完左promotion 個價位都相宜啦!)留意：營業時間：5pm -12am

自己住附近都未食過聞名元朗的鬼巴士，經過荃灣反而無意中試到😂😆係值得一試既，都值得再三回味既🤤🤤🤤 宜家新張期間仲有HKD$5 /1串試食價，唔係唔食呀嘛？試下先！🔺小雜燴HKD$25 / 大雜燴HKD$50如果全部都想試既朋友 推介一次過啦～夠滿足😆 🔺不過宜家有$5串都好抵叫🍢🍢🍢🍢🍢點左 生腸、豬耳、豬頭肉、扎肉、鵝腎 五款各一串 除左覺食材好爽好新鮮，豬耳都好乾淨無毛毛...之外，秘制醬汁甜甜地加上好夠辣既黃芥末 好match🤤👍🏻 #個汁絕對是精髓 覺得以打冷黎講都真係入三甲。 #推介 #豬頭肉！個名好似有D可怕，不過食落好似冰薰蹄，口感好爽！❤️ 🔺加$11可以試埋隔離鄰舍個雞蛋仔添...下回再講。

價錢平 但味道一般 飲汁咁同埋我覺得佢個生腸唔夠大隻 好林 唔爽口 柏葉係幾好但好慢 好慢好慢慢慢慢慢慢到死等幾條友都等我廿分鐘 同肥姐效率無得比 排長龍都係因為等得閒 但又唔係話好好 唔值寧願唔排

剛啱第一次試呢檔嘢嘅滷水小食，好老實講～在我個人心目中，呢檔嘢嘅滷水食品其實只係一般，佢哋嘅醬汁雖然好味，但係食物質素只係普通，我睇到服務員從冰櫃裡面攞食物出嚟，果d滷水食品雪到又硬又實，而且清楚睇到d食品已經雪到結咗冰，再加上d食物仲未徹底溶雪，就直接切件放入盒内供顧客食用，我心諗…d嘢食都未溶雪，叫人點食？最失望係牛柏葉，雪到冇哂口感，又吾爽脆，放入口食嘅時候仲可以食到有冰碎，真係擔心食完吾知會吾會肚痛，唯一只係可以講d生腸幾好食，其他都只係好一般，而且仲要排差吾多一粒鐘先至買到，真係寧願幫襯其他小食店好過。

到抵~~35分鐘慨等待值唔值呢???外賣左一個細什再加一串生腸~~~共30元!!個芥辣叫左佢分開~~~其他就交晒落去~~(P.S個收銀姐姐會問)登登!!!!!E到30蚊好似都OK!!!!!!牛柏柏~~超爽又唔靭~食落SHORT SHORT聲~~~GOOOOOOOOOOOD生腸佢就有2隻~~~~E隻叫做白生腸~~~比較硬D。依片豬耳，細雜豬耳竟然得一片又冇平時麻辣豬耳咁爽口，爭D!!可能豬頭肉吸得滷水比較多，味道較濃郁，外面有層依依靭靭既野幾有口感!!!亦都有隻滷水生腸，橙色，依隻就爽D，比較林D!!隻芥辣都幾好味，好辣下~~~個滷水汁幾好，睇落好似好杰好咸，但食落係剛剛好~加埋麻油汁，又香，幾正!!!可惜，係份量其實都有D唔MATCH，好似是但執D，其實唔係每樣一串咁囉!!!!每樣大約得半串，五蚊串預兩三舊囉~~~~總結，等35分鐘到底抵唔抵呢??其實都可以接受既，但本身得一個人同佢CUT得較慢，先搞到等咁耐~可以一試GA~!!!!!!!!!!!!!