影片
以上资料只供参考，请与餐厅确认详情
食家推介
🥢今次带大家去元朗，试吓评价唔错嘅蒸饭喇。之不过，要注意我啲形容词可能会搞到你地晚晚梦见呢啲美食！呢间餐厅，风格怀旧，好有本地食肆嘅feel，一坐低，环境就至啱倾计食饭。凤爪排骨饭，凤爪唔系块面做嘢，质感中中，但啖啖肉嘅排骨就真系捞到手指头👍，带住滋味入口，无需多过嘅调味。同佢地嘅北菇滑鸡饭比，个鸡饭分量同样系嚟者不拒，滑鸡真系顺滑得滑到出声，北菇味足，匙一啜，心都畅快。至于个土鱿蒸肉饼，我只能讲，系精华所在。土鱿同猪肉嘅风味唔单止得啖啖肉咁简单，系有层次，有故事，交织成一段滋味旅程。每一啖米，每一口味，真系打咗一场美味嘅交响乐。饭后心情靓晒，忍唔住赞声：原来元朗嘅食物都可以咁有格调！🍴
继续阅读
探住系元朗嘅朋友，带我嚟呢间元朗新记食蒸饭！见到个门面同入边既旧式装修 ，好友旧时到香港嘅感觉，而且香港真系好似越来越少见到。虽然感觉好旧式，但系估唔到入边环境都几干净～我哋就叫了一个招牌滑鸡蒸饭和凤爪排骨饭。-凤爪排骨饭凤爪普普通通，有d干～排骨肉质ok ，腌得够味，唔错。饭入面有少少蒸肉汁同豉油。-北菇滑鸡蒸饭啲鸡都算滑到溜同埋有鸡味，鸡汁同北菇嘅香味融入饭中增添饭香。而家出边度度都有蒸饭卖，食过呢间先至知蒸饭既饭粒系可以好好食😋～d饭粒粒分明，又弹有咬口，仲好有米香既味道，加埋个汁，好食～
继续阅读
呢间蒸饭好出名，真系一点饭都唔会食剩！✔️老板超重视蒸饭嘅米粒，每粒分明✔️米饭唔会太多水而变浆糊✔️米饭唔会太硬，香糯软绵✔️少少蒸肉嘅汁，少少蒸饭豉油跌落饭粒，这意境是人间美味仙境✔️肉饼质感就是家常的好味，不会有松肉粉味✔️新鲜肉汁每口都配著啖啖清香梅菜，加埋香糯蒸饭，简单肉饼配上靓饭，已感到人生的美好✔️加埋一枝玻璃樽装可乐，这就是香港的味道
继续阅读
之前成日经过，唔见太多人去食，以为唔好食。点知一试真系返唔到转头，佢哋用新鲜猪肉做每道菜，讲真依家嘅舖头用新鲜肉真系买少见少。食材新鲜就唔需要太多调味。今日又去买外卖，排骨饭排骨新鲜入味，猪肉难得冇苏味，蒸饭粒粒分明，真系无味精！土鱿肉饼饭好香，肉饼有弹性，好用心嘅良心小店。老火汤足料香浓，今日有淮山红萝卜栗子椰皇猪肉汤，真系好好味，饮完好舒服，唔口干，好有家嘅感觉。❤️❤️❤️原来仲有好多小食包括药膳鸡脚，牛肉球，下次一定要试。良心小店，值得支持！！
继续阅读
天气又冻，入到元朗好想食凤爪排骨饭， 跟住去咗呢间， 入到去旧式装修 ，好似80年代嘅香港， 谂住系一班后生仔去打理， 点不知只得一个婆婆🧑🦳， 我叫咗个凤爪排骨饭加润肠，之后同佢倾咗几句， 佢同我话依家因为疫情关系， 好难畀人工所以自己去搞， 依家又好静😰好小客人嚟食嘢，佢都唔知涯得几耐？ 有机会租约期满会唔做😔， 所以希望大家有机会去帮衬下婆婆💪我食咗半个钟头，不停都有人嚟买外卖， 佢一个人做踢晒脚😖凤爪排骨饭加润肠- 凤爪唔系杰挞挞有芡汁𠮶只， 好食👍 排骨好淋，食得出系新鲜排骨 润肠非常之有油香豉油加饭非常好味啲豉油调教得好适中😋
继续阅读
您可能会有兴趣的...