元朗新記 (吳松街)

营业中

休息中

晚上九点多才从柯士甸站跑到佐敦吃饭，新记的招牌菜是鸡粥餐桌上的宣传都是以鸡粥为主，但最后没有考虑。餐单上有不少东西，大部分都是港式口味的餸菜，就是没有套餐，最后只能单点。豉油皇炒面不怎么样好吃，没放多少银芽，面炒得太干，呑下去有点哽颈。而且用的豉油也不是常吃那种，味道有点怪怪的。XO酱叉烧炒蛋饭是可以的，叉烧和蛋放满在饭面，再加上XO酱，拌匀后很好吃。七喜龙眼冰只是一般，只吃到3颗龙眼，根本吃不到龙眼的味道。人均消费是65元，佐敦来说不算贵。

宵夜最好食淡粥，見到元朗新記於是入去一探究竟，用茶餐廳風格裝修，雖然有DD迫，但座位係舒服嘅，無咗以往粥鋪油膩感，污糟嘅感覺，不過食物就唔合格，係咪上咗個D唔知咩咩美食排行個D都會直線下降呢?叫咗艇仔粥-佢出名嘅粥就好好好一般，D米完全未開，但出到黎又可以有漿狀，唔知會唔會加咗D乜嘢會甘呢，真係好驚好似大陸嗰D假粥甘，嚇到鼻哥隆都無肉，唔感食，但係料係算差唔幾，樣樣都有兩三條甘，算新鮮，但係就唔見咗蛋啊個D料囉。個通菜勁快3分鐘都唔夠就上台，一上黎碟菜個份量唔算多，同出面收20蚊個碟差唔多，仲要炒到黑哂，收人47，抵唔抵就見仁見智嗱。至於碟炒油麪油到一個點，但食落無油味算係甘。有雷，小心

耳道炎未好，晚飯時間拉住朋友嚟新記，每次想食粥一定會諗起新記，呷一口美味程度滿分嘅雞粥，咬一啖脆皮乳鴿，令病痛減半！每次必點嘅貴妃雞粥，粥底綿滑，味道鮮甜得嚟唔會太重口味，一直係我心目中嘅第一位。雞肉口感嫩滑，鮮味突出，滷過嘅貴妃雞味道層次豐富，實在係冇得彈！朋友叫嘅蠔仔粥亦非常有驚喜，蠔仔份量多，一啲都唔吝嗇，而且夠哂新鮮，味道非常鮮甜，一啲腥味都冇。乳鴿同樣係每次必點，外皮炸得夠香脆，而且尺寸唔細，咬落好好肉地，令人滿足。腸粉非常新鮮，皮薄餡多，食得出係新鮮即製而唔係蒸熱現成嘅腸粉，入口嫩滑。薑汁紅棗糕係我最愛嘅中式點心，薑汁味道唔算突出，咬落有淡淡嘅紅棗香，甜度適中，口感煙韌而且層次分明，我最愛逐層食，好味得嚟帶點玩味。最後係朋友叫嘅蛋白杏仁茶，帶有好重嘅杏仁味，入口唔太甜，感覺清新。新記嘅食物選擇比傳統粥店多元化，而且樣樣巧手，特別係招牌雞粥，百吃不厭，價錢又合理，不枉我一直支持！

禮拜六同屋企人去左佐敦的元朗新記食午餐。餐牌款式多，除左粥品外，都有飯麵、小菜、甜品等供應。我地揀左兩個午市套餐，自選粉麵配個小食，另外有杯熱飮或老火例湯，亦可加$8要飲特飲。生滾貴妃雞粥 – 份量十足，大約有 5 - 6 件雞件，雞肉嫩滑唔嚡口，粥底好綿滑，因為有貴妃雞的加乘，唔使加任何調味料都好入味。芝士豬扒鮮茄焗飯 - 芝士拉絲好邪惡，蕃茄味道酸酸非常惹味，豬扒鬆化可口。蝦米腸 - 腸粉雪白晶瑩、米香軟綿滑溜。蜆介鯪魚球 – 一碟有六粒，每粒都大大粒。鯪魚球炸到金黃色，，外脆內軟，入口爽彈，再加上蜆介醬，魚肉鮮味更加突出。酥炸魷魚鬚魷魚鬚大大條，炸得香口鬆脆，唔會好油，魷魚好爽口，唔會好難咬，外酥內爽。七喜話梅柑桔冰 - 味道酸酸甜甜，生津解渴。

去到廟街見有點雞餓，想食得清淡D，見到呢間茶餐廳格局的新記有粥食，同左友人一齊去食個快飯<海蜇八爪魚$52>細細碟但份量唔野少，海蜇爽脆，八八魚好大隻<炸兩$20>炸兩腸粉滑啫啫，油炸鬼可以再熱D<瑤柱粥$52>瑤柱粥粥底清清地，適合清淡一族，食到濟曬用黎清下腸胃唔錯<XO醬叉燒炒蛋$74>午餐唔想食粥都可以叫客飯，叫指定小菜加$17又湯又有白飯叉燒幾淋，炒多滑滑地，唔會炒到老曬<炸芝麻球$16>最好食的系甜品芝麻球，芝麻球外脆內軟，裏面系起沙紅豆餡，值得一試

上次同仔仔去完旺角分店食過炸乳鴿後，成個星期裡對乳鴿念念不忘，所以今次就來到佐敦分店食睇下係咪一樣咁好食先。今次我地以燒味為主咁叫左以下幾款野食：✡ 紅燒元朗脆皮乳鴿 ～ 不得不讚，即叫即炸，送到面前時香噴噴， 但怕熱氣， 等左一會先食， 果然都係咁有水準。✡ 海蜇手撕雞 ～ 海蜇夠哂爽口同雞肉絲配搭一流。✡ 燒味拼盤 ～ 好豐富有齊貴妃雞，叉燒，海蜇，燻蹄， ， 貴妃雞咸咸地又夠滑， 叉燒燒得剛好，邊位有小小脆，肉質夠腍，又忍唔住配上我最愛的薑蓉一口飯大啖食了，燻蹄做得都唔錯， 海蜇小小辣夠惹味。另加17蚊就有飯和五花茶。✡ 鮮蝦雲吞麵 ～ 鮮蝦夠爽，鮮蝦和豬肉比例岩岩好，點一點辣椒油，正呀喂！整體好滿意，下次會要來食乳鴿。

老字號新記已經開到港九新界都有分店，以後唔洗再山長水遠入到元朗先食到，佐敦分店水準同總店都差唔多，下午茶性價比特別高生滾貴妃雞粥配炸倆($55)雞粥口感綿密滑身，而且啖啖雞香，味道非常鮮味，炸倆外軟內脆，油炸鬼唔會軟淋淋，另外仲有叉燒腸、炒麵、蘿蔔糕等等配搭，任君選擇椒鹽豬扒飯($43)豬排肉質鬆軟，份量仲好多，而椒鹽調味就鹹鹹辣辣，好有大排檔風味酥炸魷魚鬚($55)口感鬆脆，唔會太粉或者太油，醃得好惹味七喜話梅柑桔冰(+$8)味道酸酸甜甜，夏天飲簡直一流

留在家中時間太久，有點腌悶，趁着下午的時候，來吃個豐盛的下午茶，放肆一下。下午茶餐：貴妃雞粥、叉燒腸，凍鴛鴦另加$3貴妃雞粥，是這裏的招牌名物，未到當然很好。貴妃雞的鹹味，配上綿綿的粥底，令到粥底的味道層次增加不少。叉燒腸的粉皮嫩滑，叉燒味道鮮甜，如果粉皮可以薄一點更好。蜆介鯪魚球$52，鯪魚球炸得很香，外脆內軟，鯪魚肉味道十足，點上蜆介醬，一濃一淡，互相輝映。XO醬炒蘿蔔糕$52，蘿蔔糕外脆內軟，XO醬不會過辣，反而增加香味。下午茶餐：皮蛋瘦肉粥、炒麵$34，凍鴛鴦另加$3。皮蛋和瘦肉份量不少，稍嫌鹹味不夠，加了豉油鹽，味道就變得更佳。炒麵的芽菜和韭菜份量都很多，醬油的香味，亦滲進面中，配合皮蛋咸瘦肉粥，絕對是一個精妙的配搭。凍鴛鴦，花奶、紅茶和咖啡的份量，都配搭得很好，絕對稱得上是港式的表表者。蛋白杏仁茶$19，杏仁味道香濃，甜度偏少，吃完都不會覺得肥膩。薑汁紅棗糕$16，薑汁味道十足，反而紅棗味道偏淡，煙煙靭靭，口感豐富。

難得可以有堂食，所以午餐一於就出去搵下好野食......佐敦呢個新記，環境都幾好，防疫工作都做得好好，而且唔會好多人，所以都食得好安心。午餐先來D小食，金錢煙鴨胸$49，好甘香而且肉質好軟好味，個皮係最正架~!~肥美上品~酥炸魷魚鬚 $55--地道小食來講，真係最LIKE呢個，脆卜卜，好香~~唔係好多地方都有得食，所以見呢到有，就叫LO~~~估唔到又幾大碟~鮮蝦腸粉 $27 白滑的腸粉皮，加上厚厚的蝦肉真係令人滿足。食落非常之有口感，呢3個小食都令人好滿意。油菜$31--疫情之中，我堅持每餐都要食D菜~!所以貴左D都要叫菜心食~柱候牛筋腩撈麵--$42  牛肉好少自己整到，而且港式餐廳呢個一般都會做得好食~~呢到既牛腩都好香，大大件食得好爽~泰式青檸冰 $23 夏天好熱，呢到有D特別既飲品，消消滯都幾好~

元朗新記雞粥都係一間我成日光顧既餐廳，因為佢既粥好綿好滑，不單止係咁，佢其他小菜都好好鑊氣，完全食得出㕑師深厚嘅㕑藝。▪️XO醬豬扒炒公仔麵，豬扒厚度得宜，而且好鬆軟香口，公仔麵唔會好硬，油既份量把握得唔錯，香得黎唔會成碟油琳琳，重點有埋XO醬既香辣味，所以口感既層次都唔同哂。▪️例牌金牌貴妃雞，貴妃雞用香味十足既雞油整成，所以雞本身味道已好香濃，加上煮既時間好好所以雞嘅肉質好滑，而喜歡濃味既朋友當然可以點埋薑蔥😙▪️杞子枸杞豬膶湯，大大碗，杞子同枸杞令到湯底超級清甜，明目🤟🏻豬膶份量好多，唔會整到好老，好滋補呀！▪️蜆介鯪魚球粒粒都好巨型，加埋蜆介汁黎整，所以鯪魚球特別濃味，佢既表皮唔會好厚，食落口有口感得黎唔會咬唔開既感覺，整體好食呀😊最後嗌左灼菜心，清清地，菜心好新鮮所以灼完出黎只係外觀上已經滿分😋😋

必叫脆爆炸兩配自家製五花茶～～～週末本來同大舊一齊去佐敦探生完仔嘅朋友 點知一出地鐵站落大雨🌧️所以就臨時轉plan 搵咗間餐廳食lunch先 呢間新記好耐之前都有食過 記憶中食完有為我同大舊留下好印象 所以我地今次諗都無諗 就馬上入咗黎避雨兼食lunch～～～今次黎到 餐廳比疫情前多咗好多防護措施 檯同檯之間有好足夠嘅空間 令人好安心～～～坐低之後 我地叫了 一碗蠔仔雞粥 豬肉片帶子炒麵 鮮蝦腸粉 椒絲腐乳通菜 炸兩 凍檸茶 同佢地嘅自家製五花茶～～～蠔仔雞粥：裡面的蠔仔肥美大隻 令整個雞粥都格外鮮味 雞件肥嫩 則令整個粥底都雞味濃郁～～～豬肉片帶子炒麵：份量超多嘅炒麵條條乾爽 帶子白嫩美味 肉片夠薄夠彈牙 整體好好食 食唔晒帶返屋企比daddy食 daddy都話好味～～～鮮蝦腸粉：鮮蝦🦐大隻且彈牙 腸粉皮厚度合適 整體不錯～～～椒絲腐乳通菜：鑊氣度滿分 條條翠綠爽口 腐乳味道亦恰到好處 👍🏻～～～炸兩 ：食粥又點可以冇炸兩 薄薄嘅腸粉皮 脆到嚇你一跳嘅油炸鬼 兩者配搭起嚟 簡直係天作之合 由於怕食得多會熱氣 再叫多杯自家製五花茶下下火就啱啱好啦 ！～～～推薦度：🔥🔥🔥🔥🔥🔥🔥🔥元朗新

在佐敦逛街逛到有點餓了，在覓食途中看到這裡有分店，所以就決定進去吃點東西吧🤤。餐廳環境燈光光猛還有很多射燈，環境雖雖然不算很大但挻涼快舒適的☺。這家分店的餐牌與元朗店略有不同，我們也快快點餐等待食物來臨吧😝。💥XO醬炒蘿蔔糕 HKD$52，上菜時已經聞陣陣香味，蘿蔔糕很大粒，外皮煎脆身令到口感更豐富。靜靜認得吃蘿蔔糕要加辣椒醬，因為會更惹味🤤。💥叉燒腸 HKD$24，賣相看似平平無奇，但腸粉大件很厚身共有三條，腸粉口感滑身，叉燒口感不會太韌，配合醬油食味道更佳🤤。💥海蜇八爪魚 HKD$52，這個餐前小吃的組合挻喜歡吃，賣相像小山丘。海蜇感爽脆挻有咬感，八爪魚很大隻，要分開咬才行🤭，味道雖然簡單但喜歡吃。💥柱侯牛筋腩麵 HKD$42，一次過吃到兩款牛的部位，牛的份量不過不失口感不錯，麵底挻大份味道帶點蠔油味，另有湯汁可以拌著來吃吃。

近期天氣熱，個人都冇乜胃口，成日都想食啲清淡淡嘅嘢，今日同老公嚟到佐敦呢邊工作，就想簡簡單單，搵間粥麵店食下！見到呢間元朗新記，呢間粥麵店喺元朗一直都好出名，近幾年開到出嚟九龍區，就嚟試吓！呢度燈光光猛，裝修簡潔！食物款式繁多，淨粥品都有50幾款👍🌟魚腩粥～粥底夠綿，用小鍋上，一鍋有成八件魚腩片🥰材料豐富！🌟叉燒腸～佢個腸皮係比較晶瑩彈口，有咬感、夠滑，如果叉燒份量再多啲就更好了🌟涼拌皮蛋 ～好欣賞佢個秘製醬汁，配上蒜蓉芝麻，微甜辣嘅口味，惹味開胃🌟蜆介鯪魚球～每粒都有乒乓波大小，而且夠彈牙，必食！🌟星洲炒米粉 ～材料豐富，有叉燒、蝦仁🍤、紅椒、芽菜、雞蛋、火腿，用上咖喱粉，分量唔算多，但炒得夠均勻，配粥品非常好！😋

星期六訓醒剛好是下午茶時間，和家人來到這間茶餐廳此茶餐廳最出名是雞粥，當然要試一試，下午茶雞粥還可配炸倆和飲品，十分抵食生滾貴妃雞粥 - 下午茶的份量也不少，賣相不錯粥非常軟綿綿，貴妃雞的黃油香混在粥內，不用加任何調味料都非常入味炸倆 - 下午茶套餐配有的，一大碟，滑滑的腸粉包著脆卜卜的油條，十分有口感酥炸魷魚鬚 - 熱辣辣的，即叫即炸，炸得非常香脆可口蜆介鯪魚球 - 這味小食真係愈來愈少見，鯪魚球比一般的大最精髓當然是要配上蜆介醬去吃，鯪魚味非常鮮甜炸蒜茸雞翼尖 - 份量堆到有一個小山丘，蒜茸味非常香濃，吃不停口飲品當然是茶餐廳必點的凍奶茶和凍檸茶，不會太甜這間餐廳的雞粥真是名不虛傳，小食也非常高質，真係性價比很高，值得再來

🔸金牌貴妃雞（例牌） $68🔸蒜泥汁脆皮豆腐 $33🔸帶子牛肉炒麵 $68🔸凍豆漿 $9-又帶媽媽去撐枱腳，今次食吓中式嘢先，聽講呢間元朗新記嘅貴妃雞好好味，當然要叫個例牌試吓！（因為天氣太熱唔多想叫粥🙈）果然個雞肉質非常嫩滑，仲有淡淡酒嘅香味，好味！脆皮豆腐附上嘅蒜味醬汁好開胃，豆腐炸到脆卜卜，而且一口一粒嘅size非常細心啊！而個炒麵第一次食有帶子做餸，雖然數量唔算太多但成件事好高級啊哈哈！