影片
星期五虽然大代个场唔算好爆，但都不断有食客黎帮衬，间间食肆既生意都差不多。听班老板讲大代食水深无人性，佢地都唔挨得几耐，吊住条命过得一日得一日！月租十几万仲要抽佣，水电煤自己交，公家地方各老板要夹钱，又几万。强制一定要买大代出品既餐具、外卖用品，仲有文具、制服。强迫卖大代饮品，卖到卖唔到都要系各老板营业额度扣除。十足十大地主吸血鬼，真系惨不忍睹！牛腩河抢钱价 $39 蚊加 $13 蚊多个小食，直系好很贵，离晒谱！我起身出去攞野食，唔够 3 秒比条食小南国海南鸡既粉肠霸那左我个窗口靓位，可恨！五香牛坑腩河走葱，第一次学记。河粉滑溜而实净，都几喜欢，份量都几多架㖞，但碗汤唔够热呢，要刚刚烫口有烟出先最好食。原来全场禁用明火，只有电炉，唔怪得无镬气又无火喉啦。个汤底淡而无味，水汪汪，低沉而单调。坑腩？边部份似坑腩呢？非常腍，腍到散，腍到霉。质地干鞋带点渣，味带少少五香味，单评味道系合格既。本想食炸云吞，但卖晒，唯有是但炸鱼皮。质感似足炸虾片，落脆劲咸真悭皮！试试浸汤会否好一点，豪无用作用，食左两块放弃。辣椒油只油又不香不辣，失望。食完好口渴呢，不停揾野饮呀！
继续阅读