元朗合隆潮州粉麵 (德仁街)

营业中

休息中

灣仔午餐好多粉麵類選擇但次次係門口佢都大排長龍雖然好多人推薦豬雜 但我冇食 但其他款配料同湯底一樣出色叫左豚肉銀針豚肉餃係推薦美食一碗單拼既有6粒好爽 裡面有馬蹄粒 豬肉味亦好香銀針粉都係比較少見湯底亦好香 有胡椒香味 銀針粉本身吸水 所以每啖都好香加左個魚皮 超脆

早排睇雜誌介紹過呢間豬什粉面。今次同朋友專登去搵佢。聽人講平時要排長龍，今日好好彩唔使排長龍💁🏻‍♀️入到去鋪頭感覺有啲懷舊，有舊式餐廳嘅感覺。樓底算高，都舒服, 環境衛生都算乾淨。好多人都推介食豬什銀針粉。呢度仲有免費嘅自製辣菜甫可以fill.(PS好辣，但係個人覺得冇咩特別。但都可以一試💁🏻‍♀️)但今次我試咗🐽豬什豬油撈飯。加杯自家製金銀菊花茶分量驚人，@豬什一大碗，@豬油飯另上，對照返價錢$42，真係好抵食。@🐽豬什豬什類別都平均，質感唔會太林亦都唔會太硬。湯底有少少胡椒味。個人覺得胡椒味可以再重少少。@🍚豬油撈飯唔知係咪有少少油膩食唔晒個飯🤦🏻‍♀️個飯都算有豬油香，不過飯嘅質感硬左少少@金銀菊花茶飲落有啲甘甜，明顯係自家製無添加。有野嘅涼茶。熱氣既話，建議大家試一杯

朋友約左喺灣仔食飯，揀左呢間，但個名又叫元朗，有啲confused，地點亦唔算方面，好彩門口可泊車。我唔算偏愛豬雜，但亦唔抗拒，最難得係呢度有銀針粉。豬雜做得乾淨，我每樣食左小小，朋友食哂。另外五花茶果然係自製，入口帶苦，證明冇加好多糖，健康啲。如果你係雜控，會鐘意呢度。

第一次來這店，發覺竟然有豬油撈飯而驚為天人。豬油撈飯雖則好吃，但畢竟怕膽固醇超標，因此今天便選了銀針粉，這也是平常車仔麵檔比較少提供的一個選擇。上兩次來都售罄的Patrick yip牛柏葉今天竟然還有提供，當然不會能錯過，它沒有漂白，仍有原本的顏色，感覺就像健康一點。入口爽脆而不皮，非常好吃，無怪乎每天一早便沽清。每次必點的是黑豚肉餃子，不但肉質嫩滑，鮮美多汁，而且每隻大小剛好，一口一隻令人停不下來。

之前兩次想食呢間lunch, 都因為要等位所以放棄。今次又唔死心再去搏一搏，諗住冇位先改地點。點知咁好彩，俾我地唔使等就有位!除左普通粉面，仲有豬油撈飯架，不過最近肥左好多，豬油撈飯留返下次! 我揀左黑豚肉餃，魚片頭拼銀針粉! 同埋合隆自家製既辣菜圃，小心注意佢地既菜真係好辣架，唔小心會辣到咳! 加入湯中中和一下再入口，好就啱晒!我重點要介紹佢個黑豚肉餃，呢款係我必食之選，皮薄餡靚，好爽口，又多肉汁，同事都好like呢隻餃子!仲有牛柏葉，次次去到都沽清，今次終於可以試(偷同事個碗!) 都係爽口甜美!

要去sogo掃貨就諗住快快手咁食碗面～就決定黎灣仔我最愛既粉面舖～豬雜粉我黎了～上一次我淨係黎食豬肉青同豬心係因為我怕其他豬雜處理得唔好而唔敢試但上次食完之後對呢點疑慮完全冇曬所以今次就食碗細豬雜😍豬大腸 有脂肪同好易咬開豬粉腸 厭有少少苦味 但已經好食過出面豬肉青 油脂感同肉既比例唔錯 肥得黎又唔膩豬肚 又係易咬開！唔洗怕咬勁耐豬肺 好淋豬心～我至愛 因為有肉既感覺豬雜粉大概就有以上咁多樣野每款都有大概2～3塊所以成碗粉既餸都好豐富架～俾埋menu同舖面大家睇我係點左下角個個細豬雜大家認住呢個樣喇～

又係麻甩系時間✨ 今次要講呢間合隆，明明響灣仔開但又加元朗兩隻字😂 主打豬雜但俾佢個豬油撈飯吸引，所以就叫咗個豬雜豬油撈飯😂 講到豬油撈飯雖然outdate但真係大榮華最開心，開心在可以任落，而呢度其實落得好少，個豉油甜甜地係幾香，但豬油味好淡，可能係我期望過高啦😌至於豬雜同平時港式唔同，全部都白雪雪冇滷過，通常呢啲嘢都係勁重口味但呢度又清清地，反而著重個原味，啲內臟又唔會話有腥臭，偏細膩。而且叫飯個豬雜都分開湯上，湯係胡椒清湯，清清地又帶點微微嘅胡椒味✨ 仲有炸魚皮就一般，雖然有魚味都夠脆，但我鐘意質感薄少少嘅😌 成餐最大感想係原本以食麻甩嘢嘅心態去，但食落卻覺得其實連女士都會啱食😂

第一次黎既時候晏左少少，夜晚好多野都沽清了，於是今日放工就直撲過黎主打豬雜，做得多不如做得精，呢度既豬雜非常之唔錯上次試左豬油撈飯，今次就食呢個豬雜銀針粉呢個雖然係細size，但已經好大碗，豬雜份量非常之多，有齊豬肺，豬心，豬肉青，豬粉腸，豬大腸，豬潤，豬耳，豬肚，豬脷，物盡其用呀大半碗都係豬雜其實出街食豬雜最怕係唔乾淨，但呢間真係清理得好好，豬腸洗得好乾淨，食得放心終於食到上次沽清既冰鎮墨魚頭，凍冰冰墨魚頭好爽，加啲wasabi，好味呀食物好味而且價錢仲好抵添，希望小店keep到水準啦

今日有D事收工之後仲係灣仔，完成左之後就四圍去搵下有咩食。經過摩利臣山一帶見到呢間外表新派既潮州粉麵，忍唔住好奇心入去試下 潮州粉麵比人既印象都係比較舊式，食下墨魚丸，魚皮餃等，呢間店舖既內部裝修就比較光猛，門面又好乾淨，令人坐得好舒服。坐底之後見到佢地除左一般潮式粉麵會有既配料外，仲有D新式食材例如肥鴿今次叫既黑豚肉餃  本身想叫銀針粉，但太晏啦佢地賣晒，所以最後就叫左油麵。另外又叫左一碟上湯墨魚頭試下。先講黑豚肉餃油麵，黑豚肉餃鮮味十足，材料有黑豚肉和少許馬蹄，帶來更加豐富的口感。整體上成碗麵既湯底唔會覺得好油，反而有一種湯底好清既感覺。後上既上湯墨魚頭都係用返正話講既湯底黎灼墨魚頭  墨魚頭口感彈牙，份量十足，值得一提既係兩碗既湯底都有大量既芽菜同芹菜粒，更加增強左成個湯底既香氣  係呢到食左兩樣野都係60蚊到，價錢合理，令人十分滿足，食完之後又唔會好口渴，加分  可以再黎！   

係新開既豬什鋪呀梗係要去試下但我唔係款款豬什都食所以就淨係叫左2款黎食跟米粉食面會食唔飽既人就可以食豬油撈飯門面同裝修係幾靚同好新入面格局似下排檔圓枱圓櫈堂食係勁多人所以決定外賣係分開上俾左d豬什就係左邊個碗湯入面豬心係唔硬架！同埋唔腥我咁大個女都未食過既豬肉青同豬頸肉口感係差唔多但唔知係煮法問題定點冇豬頸肉咁油 爽口d最勁係個湯呀！有d胡椒豬肚湯既味但胡椒味唔算重個個湯我差唔多飲曬呀！勁正！推薦大家快d去試下

8月下旬的平日晚上，突然很想食魚蛋粉，但唔想食頹野。想起呢間幾新既店，不惜熱到死都行十幾分鐘來買外賣。前身係一間壽司店，主要客源係附近vtc 學生；如今易主變成潮州粉檔，客人大多上了年紀的。魚片頭河，湯汁另上是常識。個湯有好多茜，好香好清甜！魚片好彈牙炸魚skin, 有點硬，浸湯就剛剛好。味道同其他一般魚蛋粉檔特別唔同，黃一點，脆一點。其實一個人食碗粉，又菜又炸魚skin, 夠飽了！但見到呢個冰鎮墨魚頭，又心思思想食！果然！真係不能錯過的！ 爽到呢！仲跟左酸汁同wasabi wo! 令到鮮味更突出！食到lam lam 利呀！菜淖得鮮綠！好好味！好耐好耐未食過咁好味既潮州粉，大滿足！ 服務態度很好！各人都多謝前多謝後！雖然要行兩三個字都一定會再來！

前陣子皮膚不好故此要厲行介口。出到街吃東西，肉類基本上只能清一色只能吃豬一味....來到這一所位處僻靜小巷的粉麵店，同樣的點了一個全豬餐。雖然看起來好像頗單調，但食落卻並不盡然....在點餐紙上喵到竟有豬油撈飯吃，令到本想食清一點的我登時打消了這念頭。另外點了個淨食豬耳、豬肉丸及豬肉青三拚來伴飯....急不及待先吃一口久違了的豬油撈飯。豬油於我而言仍是太少太輕手，咬著飯時仍是嗒不出那份應有的豐腴油香來；豉油的味道有點過甜，不過若用之來撈飯的話，那就還可以....飯讓我有點失望，但那三款豬配料就令人食得甚愜意....豬耳非常爽脆；豬肉丸及肉青肉味濃而且爽彈。三者合起來，應稱之為"三爽"，儘皆鮮貨也....料想不到在小巷中能嚐到如斯水平的"豬宴"，實足以能慰籍我等正在介口之輩的苦悶心情....

心血來潮想食粉麵，知道灣仔新開左間潮州野即刻去試試，可能平日關係少左人排隊等了幾個字就有位，兩個人點了🐷什米(細)、三拼(🐷潤🐷面青牛丸)河粉、花彫酒雞翼、炸魚皮、豆漿、菊花茶，盛惠$120左右，真心覺得好味大碗抵食好食又唔重口味，🐷什好入味湯底帶少少胡椒朱肚味，食完一d味精都無，仲有自家製辣菜脯good，開心share下次再幫襯！

環境 3分：大排檔格局，四周圍都好綠色，圓枱圓櫈搭枱制，樓底非常之高，又有風扇呀，同冷氣，坐低未食熱嘢前真係好涼爽。午餐時間日日都要排隊等位，好在橫行有帳篷，唔使曬太陽，有Ｄ花花草草你望下，大排檔嚟講算好企理，不過比盡都只係三分。衛生3分：大排檔開放式廚房，任睇唔嬲，地方都OK乾淨。Ｄ污漕碗碟同汽水樽都好有系統地分囇桶，衛生好過平時Ｄ大排檔，可以加佢一分。但枱面D公家筷子同辣醬就油立立，要扣返佢一分。服務 4分：樓面夥記都好有禮貌，門口阿姐又要搞外賣又要mark位，忙極都仲好好面口，帶位阿叔記性超強，加佢一分。味道3分：叫左碗豬肉青，魚皮餃，黑豚肉餃，三拼銀針粉。個湯底胡椒味好香好濃好嘢味，先加佢一分。Ｄ豬肉青非常非常爽，又甜，再加多佢一分。但個黑豚肉餃除左話個皮薄之外，入面Ｄ料就好瘦，扣返佢一分。魚皮餃又唔靚，再扣多分。抵食 3分：大排檔有冷氣，三十九蚊碗三拼粉都算夠大碗，正常抵食，可以畀三分。

據聞是朋友的朋友開的，朋友讚不絕口，心思思想試下，這次真的是特地去，位置不算方便，至少我在金鐘上班去有點遠，下巴士後還要走一段路。下午茶時段去，一人一枱，唔使等。不太好豬什，惟有豬大腸，點知沒有，失望。安全啲點了魚皮胶和牛脷雙拼河粉，牛脷很鮮味很香，魚皮胶肉地也很實淨很大粒，可惜只有兩粒，唔夠喉，最讚賞是湯底，很好喝，應該不含味精，配搭起全個河粉水平很高。我沒有撻朶，亦不需要，服務好親切，是用心做的小店，雖然選擇不多，但細想一下，集中做好一些招牌款式更好，好喜歡這類有人情味的店，我諗下次真係要突破下自己試試豬什。