元朗合興

营业中

休息中

翔龍灣買香蕉糕死甜唔軟熟，雞仔餅有油益味，花占餅唔脆，放咗好耐，唔密封包裝搞到D野唔新鮮！味道又難食到嘔！員工態度黑口黑面，另一個叔叔拎住包雞仔餅話有怪味，你哋員工態度係你食過一個無得退，但事實上係唔食過點知有怪味有問題呢？因為我買咗呢幾樣野就知D野食真係唔得！諗住打去客服講下個問題，接電話個老闆真係橫蠻無理，一味話自己D野冇問題，就算只係俾意見都唔會接受！今時今日咁既食物質素同服務態度，難怪拍烏蠅！

1-3-2024(Fri)同老公請半日假，為咗搵爸爸生前鍾意食嘅嘢，喺翌日拜祭，首先要拉馬仔（薩琪馬），花生糖，行經呢喥睇，係有嘅，但我見到雞仔餅同米通，諗起佢都鍾意食，於是轉呔，雞仔餅粒半鎊賣$30.00,米通一包$27.00。嗰晚，我哋食吓雞仔餅粒先，佢整到一啖一件，拎上手軟腍腍，有啲彈性，有別於傳統雞仔餅 。 顏色亦係橙黃色，食落南乳味冇乜，亦唔太鹹，但八角味重咗啲，如果唔鍾意八角陣味嘅人，就會唔食，而佢嘅口感好煙韌，好似同我哋第一次食到嘅唔同（食評係2020年3月11日刊登嘅呢篇:https://www.openrice.com/zh/hongkong/review/%E6%96%B0%E6%BD%AE%E9%9B%9E%E4%BB%94%E9%A4%85-e3673397）。4.5分而米通呢？呢張相得半份，因為之前未影相，大前日(2-3-2024 Sat）晏晝，買完爸媽後返到屋企，傍晚我就食啲，呢個好脆，唔算好甜但可以用嚟送齋啡。5分抵食係2.5分

買左包雞仔餅同牛耳好重油益味 超級難食 個sales服務態度又吾好 又話係咁 真係垃圾桶見，🙅🏻‍♀️🙅🏻‍♀️🙅🏻‍♀️🙅🏻‍♀️🙅🏻‍♀️🙅🏻‍♀️千奇吾好買

唔知點解發現好多地方都有呢間嘢。見佢有好多唔同嘅傳統小食同埋啲特別嘅嘢，所以都買咗唔少返去同屋企人一齊開心share。買咗太多款式都唔記得邊個打邊樣。啲花生好鬼脆，細細粒咁睇電視食一流，最緊要係食完之後都唔會覺得口乾呢點先至犀利。仲有啲甜甜地嘅餅乾，小朋友食就啱晒。另外啲酥啊糖果啊都有好幾款，老人家大讚好味道。雖然價錢未真係算好平，但係食吓呢啲都幾開心。

行商場見到有依間傳統手工餅店就幫襯吓你啦揀咗香蕉糕有三條或四條裝～香蕉糕得個甜字啖啖糖～真係冇下次本來想試吓幾款唔同嘅嘢～魚仔、魷魚絲、涼果～職員堅決話要半磅半磅買～我想試幾樣～如果每樣買半磅唔好食就俾你搵笨～其實按重量收費～咁簡單嘅數學道理都唔識～即刻冇興趣買～試都唔試慳返等你冇生意～生意唔好又堅決要逼人買指定份量咁嘅生意～職員冇心做～做又三十六唔做又三十六～唔識變通趕客～今時今日經濟咁差一定做唔長

3-3-2019 (Tue),老公放工時帶咗喺呢喥買嘅雞仔餅返嚟,俾我爸爸食.佢話呢間店用植物油整,佢試食過好食,所以買返嚟.呢隻細包嘅係半磅,食完晚飯我就試吓食,睇真啲,佢嘅顏色似咖喱,食落,好彈牙,冇一般雞仔餅裡面難食嘅粒粒肥膏,味道又唔太鹹,感覺輕盈啲,重食完一件又一年件,唔錯.不過唔知老人家鍾唔鍾意食呢種健康雞仔餅.味道: 5   環境:  3    服務: 3     衛生: 3     抵食:  3