影片
营业时间
今日营业
06:30 - 00:00
星期一至日
06:30 - 00:00
以上资料只供参考，请与餐厅确认详情
今晚晚餐齐齐去咗间冰室，快靓正，亦平靓正。环境光猛，地方企理，座位唔少，有卡座或长排座位，坐得舒适。晚巿有很多选择，有几款招牌厚猪扒菜式、小菜、炒粉面饭、套餐、常餐、小食都有得供应。禾味烧BB鸽 ($53)虽然细细只，但相当多肉，皮烧得亮泽香口，肉嫩多汁，味道咸香，唔驶点淮盐都够晒味。Double 厚猪扒饭追加辣肉酱（$69+$5）份量十足，两大块厚猪扒黄金香口，啖啖肉，充满肉汁，果然系招牌菜，推介！辣肉酱都好值得追加，香辣惹味，用嚟捞饮一流，食多几啖，正！胡椒猪肚鸡 （$88）先呷啖汤，充满胡椒香，辛辣暖胃，得！鸡虽不算很嫩，但好有鸡香；猪肚爽嫩入味，好味！仲有支竹、芹菜、白果、蒜头等，丰富入味。二人小菜套餐 （$172）拣两款小菜外，仲送油菜、白饭和热饮，抵！有多款小菜选择，点咗黑椒茄子牛仔骨煲，热辣辣上枱，牛仔骨好惹味，辣辣地！仲有爆香咗嘅洋葱、蒜子、红椒、茄子等，咸香惹味。梅菜蒸皖鱼（+$15）即点即蒸，蒸得岩岩好，好嫩滑，伴着梅菜一齐食，最佳拍挡！灼菜心（$0/跟餐送）翠绿鲜嫩，份量都唔少，赞！抵食好食!
继续阅读
约咗朋友交收网购战利品，顺便食埋饭先散，就去附近呢间冰室。赶住下午茶时段的尾巴，叫咗个奶油脆猪($33)，跟餐加冻饮只需$3。成只手掌咁大嘅奶油脆猪，香甜味道，外脆内松，成为呢餐嘅餐前小食之一。门口写住厚猪扒专门店，一系列厚猪扒配搭，可以跟饭/脆猪等，我地就叫咗厚切猪扒拼沙律 ($54)。猪扒成只手掌咁大，占领咗半只碟。炸至金黄色，已调好味道，无需其他酱汁跟配。切开更加睇清楚佢嘅厚度尤如一部iphone，入口松化，果然有料到呀。餐饮加$5可以转饮红豆冰，实在太耐无饮过，又系回忆杀。叫份特餐 ($49)，选择沙嗲牛肉面，加$3转出前一丁，另跟蒜蓉牛油多士及炒蛋。听见坐附近枱嘅客都叫沙嗲牛肉面，转一丁有埋包麻油增加麻油香。丁面一食就知分别，牛肉食唔到梳打粉腌味，个沙嗲汤底味道适中，系港式味道，加埋粟米粒，又另一番口感。估唔到冰室食物已经升呢去到有烧乳鸽食，仲要系BB鸽。禾味烧BB鸽 ($53)，已斩成四件，另有淮盐点食。话明系BB鸽，肉唔会有好多，炸得皮脆肉嫩，拍得住酒楼出品。炒碟正菜，就蒜蓉炒菜心 ($50)，蒜味满满，菜心无渣。港式炒粉面乃系茶记冰室之”要员”之一，晚市黎一碟星洲炒米($70)，跟冻饮都系加$3，份量相当对眼，上枱后未食已闻到咖喱嘅香味。材料有虾，叉烧，火腿，蛋块，洋葱及红椒等。炒得唔算好油，味道唔会过咸同食完会一口油。啜啖冻柠茶，正。全日免收加一，大众化之选。
继续阅读
「厚猪扒专门店」【元朗冰室】自1991年创立以来，分店遍布港九新界，目前全港共8家分店。餐厅主打厚切猪扒，坚持用优质食材，配合传统烹调手法，为食客呈现最地道的冰室风味。餐牌选择多元，由经典冰室菜式小食、港式铁板，以至日式、湘蜀及川菜风味一应俱全，无论一家大细或三五知己，都能轻松找到心头好。极品厚猪扒拼冰室沙律 ($54)选用厚切猪扒，煎至表面微焦，肉质香软不柴，咬下猪味浓郁带肉汁，配搭清新沙律，平衡了油香，夏天吃感到清爽。焗意式烤猪扒饭 ($65)厚切猪扒金黄香口，配上茄酱与芝士焗制，香浓惹味。饭底以炒饭制成，粒粒分明、蛋香扑鼻，较一般白饭更添层次与风味。沙嗲牛肉出前一丁 ($49)汤底浓郁但不会过咸，牛肉片软腍入味，即食面煮得软淋适中。配上香烤蒜蓉厚多士与嫩滑炒蛋，再来一杯冻柠茶，正宗茶餐厅风味。奶油脆猪 $30猪仔包即烘至外脆内软，涂上牛油与炼奶后咸甜交融，经典港式风味。芝士焗薯蓉 ($45)甫上枱芝香扑鼻，薯蓉口感细腻软滑，配上浓郁牛肝菌汤及香脆法包同享，带点西式风味。照烧汁鳗鱼 配 乌冬 ($64)鳗鱼油香嫩滑，乌冬弹牙，配合猪骨汤底，很有日式风味酸菜鱼 ($88)选用无骨鱼片，肉质滑溜。酸菜入味开胃，汤底微辣而不呛，贴近本地人口味。
继续阅读
同屋企人人一齐食饭！今次试咗几款冰室招牌菜， 啱啱五点尾到，就嚟六点，可以一次过试晒下午茶餐同埋晚餐！🍞 一口西多士外脆内软，炸得金黄香口，淋上糖浆同朱古力酱，邪恶但超满足！已经切到一件件，小朋友话好好食！🥖 奶油脆猪烘到超脆嘅猪仔包，涂满奶油同炼奶，甜度刚好，系茶记必点嘅经典小食！ 🍜 特餐：沙嗲牛肉即食面沙嗲酱香浓惹味，牛肉嫩滑，即食面煮得恰到好处，唔会太淋，yumm蒜蓉多士蒜香扑鼻嘅多士，加只流心太阳蛋，蛋汁捞埋多士食，简单但超正！ 🐷 厚猪扒拼沙律猪扒超厚身 又够juicy，真系超大块！系元朗冰室嘅招牌菜！沙律🥗有杂果配沙律酱，清新解腻～🍚 焗厚猪扒饭芝士同茄汁焗到金黄，猪扒依然保持嫩滑，饭底吸满酱汁，份量大到一个人都食唔哂！🐟 酸菜鱼鱼肉滑嫩，份量多，酸菜够酸爽，汤底微辣开胃，个底仲有啲粗身嘅薯粉吸晒啲汤汁，仲包埋一碗白饭配🥬 蒜蓉炒菜心菜心翠绿爽脆，蒜香十足，食完咁多肉，点返个菜 balance 下就啱晒！ 🍱元朗冰室
继续阅读
产品组合唔算好多不过胜在够快落单，冇几耐嘢食就到齐味道算正常，一般茶餐厅发挥不过喺价钱嚟讲都算可以接受尤其佢嘅猪扒，真系好唔错如果要食嘅话，都可以系一个好嘅选择
继续阅读