影片
营业时间
今日营业
06:30 - 00:00
星期一至日
06:30 - 00:00
以上资料只供参考，请与餐厅确认详情
约咗朋友交收网购战利品，顺便食埋饭先散，就去附近呢间冰室。赶住下午茶时段的尾巴，叫咗个奶油脆猪($33)，跟餐加冻饮只需$3。成只手掌咁大嘅奶油脆猪，香甜味道，外脆内松，成为呢餐嘅餐前小食之一。门口写住厚猪扒专门店，一系列厚猪扒配搭，可以跟饭/脆猪等，我地就叫咗厚切猪扒拼沙律 ($54)。猪扒成只手掌咁大，占领咗半只碟。炸至金黄色，已调好味道，无需其他酱汁跟配。切开更加睇清楚佢嘅厚度尤如一部iphone，入口松化，果然有料到呀。餐饮加$5可以转饮红豆冰，实在太耐无饮过，又系回忆杀。叫份特餐 ($49)，选择沙嗲牛肉面，加$3转出前一丁，另跟蒜蓉牛油多士及炒蛋。听见坐附近枱嘅客都叫沙嗲牛肉面，转一丁有埋包麻油增加麻油香。丁面一食就知分别，牛肉食唔到梳打粉腌味，个沙嗲汤底味道适中，系港式味道，加埋粟米粒，又另一番口感。估唔到冰室食物已经升呢去到有烧乳鸽食，仲要系BB鸽。禾味烧BB鸽 ($53)，已斩成四件，另有淮盐点食。话明系BB鸽，肉唔会有好多，炸得皮脆肉嫩，拍得住酒楼出品。炒碟正菜，就蒜蓉炒菜心 ($50)，蒜味满满，菜心无渣。港式炒粉面乃系茶记冰室之”要员”之一，晚市黎一碟星洲炒米($70)，跟冻饮都系加$3，份量相当对眼，上枱后未食已闻到咖喱嘅香味。材料有虾，叉烧，火腿，蛋块，洋葱及红椒等。炒得唔算好油，味道唔会过咸同食完会一口油。啜啖冻柠茶，正。全日免收加一，大众化之选。
继续阅读
打风日子打麻雀是最佳娱乐，打完16圈便到附近揾食，元朗冰室是间-厚猪扒专门店，但除猪扒外，其他小菜、小食亦都唔错，一于叫齐佢地大家开心分享啰。魔鬼酱厚猪扒包，超级大的一个包，面包烤得外松脆内柔软，即炸出的厚猪扒极juicy, 仲有新鲜蕃茄及生菜🥬更健康，特制魔鬼酱汁有芥辣味亦唔错。炸鸡髀🍗，皮炸得金黄酥脆，热腾腾的肉质嫩滑，咬开肉汁丰富。特餐-招牌厚猪扒米粉配双蛋及蒜蓉包，招牌厚猪扒好松软，肉汁满满，太阳蛋煎得好靓，蒜蓉厚多士香脆可口。焗意式厚猪扒意粉🍝，厚猪扒肉质柔软，意粉软硬刚好，配料有洋葱🧅、蕃茄、菠萝同埋芝士，酱汁刚好可拌匀意粉，好正既焗猪扒意粉。胡椒猪肚鸡饭，汤够胡椒香味，猪肚跟鸡都煮得入味，鸡肉滑也不错，调味刚好不会过咸。笼仔荷叶北菇蒸鸡饭，上枱打开时己闻到好香荷叶味，鸡肉、豉油跟米饭拌匀一齐食，够晒满足。一口西多士，作为甜点控的老友很满意，炸得好香口，入口软绵绵的，带点朱古力酱及炼奶的香甜，绝对好食😋。红豆冰，红豆🫘煮到起沙，甜度刚好，浓香既椰汁味，够晒冰爽。冻柠檬茶，清凉解渴。冻、热奶茶，入口顺滑带点涩味，系港式风味啊。
继续阅读
以前以为元朗冰室喺元朗先有，但原来都有好多分店，又原来佢哋系厚猪扒专门店，放假去咗新都城分店同屋企人食下午茶🥢厚猪扒配魔鬼酱脆猪包厚身又大块嘅猪扒，连个猪仔包都好大个，猪扒juicy好食🥢奶油猪估唔到咁大个包，下午茶就咁食都够晒饱啊，烘得好脆！🥢金牌沙嗲牛肉即食面先生朝朝早餐都要食嘅早餐就系沙嗲牛，呢度嘅符合佢水准，牛肉软身又入味，即食面煮得唔会过腍🥢星洲炒米自己由细到大都钟意食，少少咖喱味好惹味，唔会太辣🥢沙嗲金菇肥牛乌冬配料好夹，中式乌冬粗身啲都好弹牙，调味够🥢XO酱扬州炒饭🥢自家制五香肉丁炒饭炒饭粒粒分明好有镬气，啲𩠌都好吸引，虾仁、叉烧、菜丝、蛋等等，正🥢干炒厚猪扒意粉猪扒厚身大件，炒意粉够味又好食🚩元朗冰室 @yuenlongbistro 📍将军澳宝琳贸业路8号新都城中心三期G楼G24-25号舖
继续阅读
呢日同屋企人黎到呢间元朗冰室, 佢既厚猪排真系好正! 果然系名不虚传! 我地都食得好开心! 我地叫左厚猪排乌冬, 块猪排真系不得了, 劲厚! 我地叫左冇耐就上左枱, 真系热辣辣! 佢既调味都好正! 唔会好咸, 肉质弹牙,真系明白点解系镇店之宝! 我地仲叫左一个奇味火辣烤鸡, 呢个烤鸡餐仲配埋焗薯, 汤同埋蒜蓉包, 佢既汤好creamy, 蒜蓉包劲脆口! 超好味! 呢个鸡都要等30分钟, 但系真系好值, 因为皮脆肉嫩劲高质! 我地仲有叫左乳鸽,又系够juicy同热, 皮脆肉嫩! 跟住就仲叫左条蒸鱼同埋菜心! 真系大满足既一晚!
继续阅读
今晚唔想煮饭，一行6人决定落街食。炸鸡脾炸鸡脾外皮金黄酥脆，咬下去能感受到油炸的香气与鸡肉的鲜嫩，充满肉汁，超好味。禾味烧BB鸽乳鸽肉质鲜美，经过炭火烧烤的处理，鸽肉散发出浓郁的烟熏香味。XO酱扬州炒饭炒饭香气四溢，粒粒分明，而且唔觉得油腻，出色！沙嗲牛肉即食面牛肉鲜嫩，即食面够弹牙。笼仔荷叶北菇蒸鸡饭一打开D荷叶已经香气扑鼻！鸡肉好嫩滑，米饭口感柔和，份量多。焗厚猪扒饭焗猪扒饭色香味俱全，猪扒肉质鲜嫩多汁。干炒牛河好有镬气，牛肉软嫩，有大排档feel。奶油脆猪最后嚟多个甜品，奶油脆猪大大件，外皮酥脆，有香浓的奶油味。
继续阅读