元朗冰室

营业中

休息中

約咗朋友交收網購戰利品，順便食埋飯先散，就去附近呢間冰室。趕住下午茶時段的尾巴，叫咗個奶油脆豬($33)，跟餐加凍飲只需$3。成隻手掌咁大嘅奶油脆豬，香甜味道，外脆內鬆，成為呢餐嘅餐前小食之一。門口寫住厚豬扒專門店，一系列厚豬扒配搭，可以跟飯/脆豬等，我地就叫咗厚切豬扒拼沙律 ($54)。豬扒成隻手掌咁大，佔領咗半隻碟。炸至金黃色，已調好味道，無需其他醬汁跟配。切開更加睇清楚佢嘅厚度尤如一部iphone，入口鬆化，果然有料到呀。餐飲加$5可以轉飲紅豆冰，實在太耐無飲過，又係回憶殺。叫份特餐 ($49)，選擇沙嗲牛肉麵，加$3轉出前一丁，另跟蒜蓉牛油多士及炒蛋。聽見坐附近枱嘅客都叫沙嗲牛肉麵，轉一丁有埋包麻油增加麻油香。丁麵一食就知分別，牛肉食唔到梳打粉醃味，個沙嗲湯底味道適中，係港式味道，加埋粟米粒，又另一番口感。估唔到冰室食物已經升呢去到有燒乳鴿食，仲要係BB鴿。禾味燒BB鴿 ($53)，已斬成四件，另有淮鹽點食。話明係BB鴿，肉唔會有好多，炸得皮脆肉嫩，拍得住酒樓出品。炒碟正菜，就蒜蓉炒菜心 ($50)，蒜味滿滿，菜心無渣。港式炒粉麵乃係茶記冰室之”要員”之一，晚市黎一碟星洲炒米(

「厚豬扒專門店」【元朗冰室】自1991年創立以來，分店遍佈港九新界，目前全港共8家分店。餐廳主打厚切豬扒，堅持用優質食材，配合傳統烹調手法，為食客呈現最地道的冰室風味。餐牌選擇多元，由經典冰室菜式小食、港式鐵板，以至日式、湘蜀及川菜風味一應俱全，無論一家大細或三五知己，都能輕鬆找到心頭好。極品厚豬扒拼冰室沙律 ($54)選用厚切豬扒，煎至表面微焦，肉質香軟不柴，咬下豬味濃郁帶肉汁，配搭清新沙律，平衡了油香，夏天吃感到清爽。焗意式烤豬扒飯 ($65)厚切豬扒金黃香口，配上茄醬與芝士焗製，香濃惹味。飯底以炒飯製成，粒粒分明、蛋香撲鼻，較一般白飯更添層次與風味。沙嗲牛肉出前一丁 ($49)湯底濃郁但不會過鹹，牛肉片軟腍入味，即食麵煮得軟淋適中。配上香烤蒜蓉厚多士與嫩滑炒蛋，再來一杯凍檸茶，正宗茶餐廳風味。奶油脆豬 $30豬仔包即烘至外脆內軟，塗上牛油與煉奶後鹹甜交融，經典港式風味。芝士焗薯蓉  ($45)甫上枱芝香撲鼻，薯蓉口感細膩軟滑，配上濃郁牛肝菌湯及香脆法包同享，帶點西式風味。照燒汁鰻魚 配 烏冬 ($64)鰻魚油香嫩滑，烏冬彈牙，配合豬骨湯底，很有日式風味酸菜魚 ($88)選用無骨魚

同屋企人人一齊食飯！今次試咗幾款冰室招牌菜， 啱啱五點尾到，就嚟六點，可以一次過試晒下午茶餐同埋晚餐！🍞 一口西多士外脆內軟，炸得金黃香口，淋上糖漿同朱古力醬，邪惡但超滿足！已經切到一件件，小朋友話好好食！🥖 奶油脆豬烘到超脆嘅豬仔包，塗滿奶油同煉奶，甜度剛好，係茶記必點嘅經典小食！ 🍜 特餐：沙嗲牛肉即食麵沙嗲醬香濃惹味，牛肉嫩滑，即食麵煮得恰到好處，唔會太淋，yumm蒜蓉多士蒜香撲鼻嘅多士，加隻流心太陽蛋，蛋汁撈埋多士食，簡單但超正！ 🐷 厚豬扒拼沙律豬扒超厚身 又夠juicy，真係超大塊！係元朗冰室嘅招牌菜！沙律🥗有雜果配沙律醬，清新解膩～🍚 焗厚豬扒飯芝士同茄汁焗到金黃，豬扒依然保持嫩滑，飯底吸滿醬汁，份量大到一個人都食唔哂！🐟 酸菜魚魚肉滑嫩，份量多，酸菜夠酸爽，湯底微辣開胃，個底仲有啲粗身嘅薯粉吸晒啲湯汁，仲包埋一碗白飯配🥬 蒜蓉炒菜心菜心翠綠爽脆，蒜香十足，食完咁多肉，點返個菜 balance 下就啱晒！ 🍱元朗冰室

產品組合唔算好多不過勝在夠快落單，冇幾耐嘢食就到齊味道算正常，一般茶餐廳發揮不過喺價錢嚟講都算可以接受尤其佢嘅豬扒，真係好唔錯如果要食嘅話，都可以係一個好嘅選擇

打風日子打麻雀是最佳娛樂，打完16圈便到附近搵食，元朗冰室是間-厚豬扒專門店，但除豬扒外，其他小菜、小食亦都唔錯，一於叫齊佢地大家開心分享囉。魔鬼醬厚豬扒包，超級大的一個包，麵包烤得外鬆脆內柔軟，即炸出的厚豬扒極juicy, 仲有新鮮蕃茄及生菜🥬更健康，特製魔鬼醬汁有芥辣味亦唔錯。炸雞髀🍗，皮炸得金黃酥脆，熱騰騰的肉質嫩滑，咬開肉汁豐富。特餐-招牌厚豬扒米粉配雙蛋及蒜蓉包，招牌厚豬扒好鬆軟，肉汁滿滿，太陽蛋煎得好靚，蒜蓉厚多士香脆可口。焗意式厚豬扒意粉🍝，厚豬扒肉質柔軟，意粉軟硬剛好，配料有洋蔥🧅、蕃茄、菠蘿同埋芝士，醬汁剛好可拌勻意粉，好正既焗豬扒意粉。胡椒豬肚雞飯，湯夠胡椒香味，豬肚跟雞都煮得入味，雞肉滑也不錯，調味剛好不會過鹹。籠仔荷葉北菇蒸雞飯，上枱打開時己聞到好香荷葉味，雞肉、豉油跟米飯拌勻一齊食，夠晒滿足。一口西多士，作為甜點控的老友很滿意，炸得好香口，入口軟綿綿的，帶點朱古力醬及煉奶的香甜，絕對好食😋。紅豆冰，紅豆🫘煮到起沙，甜度剛好，濃香既椰汁味，夠晒冰爽。凍檸檬茶，清凉解渴。凍、熱奶茶，入口順滑帶點澀味，係港式風味啊。

以前以為元朗冰室喺元朗先有，但原來都有好多分店，又原來佢哋係厚豬扒專門店，放假去咗新都城分店同屋企人食下午茶🥢厚豬扒配魔鬼醬脆豬包厚身又大塊嘅豬扒，連個豬仔包都好大個，豬扒juicy好食🥢奶油豬估唔到咁大個包，下午茶就咁食都夠晒飽啊，烘得好脆！🥢金牌沙嗲牛肉即食麵先生朝朝早餐都要食嘅早餐就係沙嗲牛，呢度嘅符合佢水準，牛肉軟身又入味，即食麵煮得唔會過腍🥢星洲炒米自己由細到大都鐘意食，少少咖喱味好惹味，唔會太辣🥢沙嗲金菇肥牛烏冬配料好夾，中式烏冬粗身啲都好彈牙，調味夠🥢XO醬揚州炒飯🥢自家制五香肉丁炒飯炒飯粒粒分明好有鑊氣，啲餸都好吸引，蝦仁、叉燒、菜絲、蛋等等，正🥢乾炒厚豬扒意粉豬扒厚身大件，炒意粉夠味又好食🚩元朗冰室 @yuenlongbistro 📍將軍澳寶琳貿業路8號新都城中心三期G樓G24-25號舖

呢日同屋企人黎到呢間元朗冰室, 佢既厚豬排真係好正! 果然係名不虛傳! 我地都食得好開心! 我地叫左厚豬排烏冬, 塊豬排真係不得了, 勁厚! 我地叫左冇耐就上左枱, 真係熱辣辣! 佢既調味都好正! 唔會好咸, 肉質彈牙,真係明白點解係鎮店之寶! 我地仲叫左一個奇味火辣烤雞, 呢個烤雞餐仲配埋焗薯, 湯同埋蒜蓉包, 佢既湯好creamy, 蒜蓉包勁脆口! 超好味! 呢個雞都要等30分鐘, 但係真係好值, 因為皮脆肉嫩勁高質! 我地仲有叫左乳鴿,又係夠juicy同熱, 皮脆肉嫩! 跟住就仲叫左條蒸魚同埋菜心! 真係大滿足既一晚!

今晚唔想煮飯，一行6人決定落街食。炸雞脾炸雞脾外皮金黃酥脆，咬下去能感受到油炸的香氣與雞肉的鮮嫩，充滿肉汁，超好味。禾味燒BB鴿乳鴿肉質鮮美，經過炭火燒烤的處理，鴿肉散發出濃郁的煙燻香味。XO醬揚州炒飯炒飯香氣四溢，粒粒分明，而且唔覺得油膩，出色！沙嗲牛肉即食麵牛肉鮮嫩，即食麵夠彈牙。籠仔荷葉北菇蒸雞飯一打開D荷葉已經香氣撲鼻！雞肉好嫩滑，米飯口感柔和，份量多。焗厚豬扒飯焗豬扒飯色香味俱全，豬扒肉質鮮嫩多汁。干炒牛河好有鑊氣，牛肉軟嫩，有大排檔feel。奶油脆豬最後嚟多個甜品，奶油脆豬大大件，外皮酥脆，有香濃的奶油味。

一班行山友早上完成鴨仔山路線，中午就帶到元朗冰室吃飯。 餐廳以厚豬扒作招徠，當然要一試，另外，餐牌上還有港式炒粉麵飯選擇。 由於選擇太多，最後決定隨意點了些食物share吃。 Double 厚豬扒飯厚豬扒有兩塊，每一件都超大塊，size真的"大過我塊臉"，而豬扒入口非常軟淋，一點都不柴，零豬腥味，推介。 奶油脆豬送上來時真的嚇一跳，脆豬包竟然大大個，口感外微脆內鬆軟，入口有滿滿奶油甜香。 沙嗲牛肉即食麵點了份特餐，跟鐵膽招牌沙嗲牛肉即食麵，沙嗲味濃郁，不會有重甜味，牛肉淋滑，即食麵彈牙，掛上沙嗲湯汁超惹味。干炒牛河牛河上色均勻，挺夠鑊氣，河粉爽身，不會層疊在一起，牛肉份量足，入味淋滑，不會過鹹。 星洲炒米炒米爽口彈牙，入口有咖喱香味，內裏有叉燒、蝦仁、韮黃、雞蛋、香蔥及辣椒，口感豐富，整體來說辣度不高。 自家制五香肉丁炒飯飯粒炒得非常乾身及香口，味道微辣，不會過鹹，入口帶有淡淡的五香肉丁香味，個人來說很對胃口。 咖喱牛肉飯牛肉肉質淋滑，口感嫩嫩的，咖喱味道濃厚，但不會過辣，搭配薯仔青、紅、黃椒，口感豐富。 蜜餞豚肉叉燒丼豚肉是半肥瘦的，肉質超軟淋，入口甘香而不膩口，味道甜甜的帶焦香，佐

將軍澳嘅元朗冰室位於寶琳站對出行3分鐘，因為佢營業至凌晨12點，我地夜晚成日快閃揸車過嚟買外賣！地點好方便，正正是茵怡花園對面，商場落電梯轉左就到 宵夜會食元朗冰室嘅招牌Double厚豬扒飯，每塊豬扒都有手掌咁大，勁厚！食完兩塊大豬扒已經飽到上心口，加埋佢哋嘅秘製豉油撈飯，must try！奶油豬個size係比手掌更大，搽滿咗牛油同埋煉奶，加埋烘底～表面金黃色非常香脆，內裏鬆軟，聽到隔籬枱話淨係食個奶油豬都飽🤣港式茶餐廳又點可以唔嗌法蘭西多士呢😬入邊濃厚嘅花生醬就係我哋嘅童年回憶平日早餐/tea都慣左食茶記嘅沙嗲牛麵～必點～價錢唔貴，包埋炒蛋同埋蒜蓉厚多士（唔使加錢），香濃嘅沙嗲味加埋濕滑嘅炒蛋超級豐富焗意式厚豬扒意粉🍝，好有香港風味，超多茄醬加埋焗溶咗嘅芝士踏上解膩的菠蘿🍍，配上啖啖肉的厚豬扒，甜甜酸酸勁開胃!乾炒牛河又係必食！超有鑊氣，配料夠多，香氣十足！星洲炒米雖然係下午茶，但係份量都唔少，米粉爽滑，咖喱黃薑味好濃郁，加上洋蔥紅椒等等，好惹味！XO醬揚州炒飯揚州炒飯又係懶人必點，有菜有叉燒有蝦，超級豐富！炒飯粒粒分明，確係不錯！

在元朗冰室用餐，絕對簡單而滿足，全日不收加一，已為這家餐廳加分不少，餐牌內食品選擇眾多，總有一款啱你。📌厚豬扒配蓮藕餅作為厚豬扒專門店，厚豬扒配蓮藕餅飯是亮點，豬扒厚實多汁，秘制豉油香濃不鹹，蓮藕餅外脆內軟，藕香清甜，配以白飯簡直完美。📌奶油脆豬奶油脆豬如手掌般大，外脆內軟，食落充滿牛油香氣與煉奶香甜。📌金牌沙爹牛肉即食麵餐金牌沙爹牛肉即食麵餐則是驚喜。牛肉軟嫩，沙爹醬濃郁，麵條彈牙；嫩滑炒蛋口感絲滑，蛋味香濃，蒜蓉厚多士香脆，蒜味撲鼻。📌凍檸檬利賓凍檸檬利賓納清新微甜，解膩一流。📌紅豆冰紅豆冰清甜不膩，充滿奶香，平衡感十足。餐廳食物份量十足，價錢公道，適合追求實惠又想享受滋味的朋友。

最近我到訪咗位於元朗的「元朗冰室」，這間茶餐廳以其經典的港式美食而聞名，無論係賣相、香氣還是味道，都令我驚喜不已！😋首先，我試咗招牌的厚豬排飯。豬排外脆內嫩，金黃色的表面散發著誘人的香氣，讓人忍不住想即刻開動！每一口咬下去，肉質鮮嫩多汁，搭配香滑的飯粒，令人感受到滿滿的幸福感。特製的醬汁亦增添了風味，讓整道菜更加美味。🍚🥩接著就係大大隻炸雞脾茶餐，這道菜的份量真係驚人！炸雞脾金黃酥脆，皮薄肉嫩，咬下去時還可以聽到清脆的聲音，雞肉的鮮香味滲透每一口。搭配上一杯絲襪奶茶，真係一個完美的下午茶選擇！🥤🍗最後，我唔可以錯過紅豆冰，這道甜品既清爽又解渴。紅豆煮得軟綿，搭配冰沙，口感滑順，特別適合在炎熱的天氣享用。甜而不膩，真係令人一試成主顧！🍧💕總括來講，元朗冰室真係一個值得一試的地方，無論係食物的質素，還是環境的舒適度，都令我感受到港式茶餐廳的獨特魅力。如果你鍾意港式美食，記得約埋朋友一齊來享受呢個美食之旅！🎉

打工人覓食實錄💼寶琳呢間「元朗冰室」分店  厚切豬扒juice到漏汁💥但環境要帶膽入座——  🔥 **核彈級爆汁豬扒飯  ▫️厚過三隻手指 咬落肉汁炸裂  生存指南**：  ✅ 外賣自取避開衛生彩蛋  ✅ 自備餐具+酒精噴霧  

見到呢間冰室開咗幾間分店斷估都唔差，佢主打嘅係豬扒，仲要有成頁豬扒菜式，例如咖喱豬扒飯、焗豬、豬扒包，一於試吓先焗意式厚豬扒飯 $65豬扒夠厚身，都幾大塊，肉質幾嫩，醬汁夠濃味，飯底粒粒分明，唔錯唔錯！招牌口豬扒配魔鬼醬脆豬包 $54真係黐線咁大個！size係澳門嘅Double！豬扒仲要唔薄，都算幾Juicy，醬汁原來係Wasabi沙律醬，好特別全日早餐：魚柳 $55配薯蓉、火腿嫩滑炒蛋、蒜蓉厚多士超級大份，簡直係巨型size！$55呢個份量嘅order Breakfast完全係冇得輸，蒜蓉多士夠晒香，魚柳雖然唔算太厚，但係超級大塊，芝士薯蓉又香，掂！紅豆冰+$5勁足料，超多紅豆！凍檸賓 +$5法蘭西多士 $36炸到金黃色，仲要糖漿另外上，睇一睇係用韓國嘢㗎！俾你自己落，真係勁邪惡勁正星洲炒米熱辣辣上枱，勁夠鑊氣，職員話原來佢哋嘅咖喱係自家製！好香口，唔係講笑，連舊叉燒好食，值得一試

口水雞飯雞肉嫩滑，配料多，有花生、青瓜，加埋口水醬唔淨止汁，仲有料。正宗嘅口水雞我就唔太了解，但味道唔差，如果可以加辣少少更正厚切豬扒配烏冬厚切豬扒唔太厚。。。大塊係大塊，肉質味道正常發揮但係烏冬都係太hea。。。蜜餞豚肉叉燒丼呢個係我爸爸例叫，叉燒唔會紅及燶，味道適中，配菜都豐富嘅，抵食