元朗人家 (已結業)

一行5人响晚飯時間周圍搵地方醫肚當然係好難搵位啦！無意中見到呢度就上去睇睇，唔係集團式經營的酒樓依家已經好少見到，一上去已經有位 ，我地算早嚟少少好快又已經滿座嘞！一睇餐牌個 4個餸都只係320蚊，另外叫多一個北京填鴨加多一個咸菜胡椒豬肚湯都只係138咋，又唔使收茶芥又無加一，6個餸又夠份量又好味又抵食，賣相一D都唔差， 同外面集團式嘅酒樓比呢度完勝，不過唯一一樣就係杯碟真係要洗先用得 (雖然這個是一般酒樓的通病)，下次再嚟食過 ！

元朗人家係咪喺元朗 ,朋友帶咗我哋去呢間叫元朗人家到食飯 , 心想呢間酒家應該係一間舊式嘅酒家 ,上到去原來重新裝修過,但係叫咗啲餸菜后, 還是帶著一種舊式的味道給回街坊食重新裝修今日呢特價係小金豬好多元朗的人都會喺返呢間酒樓度擺酒舊式懷舊一盅兩件古早肉絲炒米粉非常惹味福建炒飯粒粒爽價錢實惠款式特多師傅推介 皇牌点心新年快樂，恭喜發財!Happy Chinese Lunar New Year, Kung Hei Fat Choi !!

早前爸爸經過交通廣場，說那裡有間酒樓，不過大廈外的招牌看似相當殘舊，不知該酒樓結業了沒有，着我上網找找，如果仍然營業，可以去試試喎，反正我最愛試 “新嘢”~年廿八當日下午，就來到這裡飲茶，原來2:00PM已是下午茶時段，有多款特價點心呢!陳皮牛肉球 ($12)一籠3件，牛肉球幾紮實，不是鬆散的，可惜沒有腐竹，要不然索哂喼汁就更美味了. 潮州蒸粉果 ($12)外皮比較淋，一夾即散開，內裡餡料有花生、肉碎等，如果配上煙韌外皮就好了.香煎蘿蔔糕 ($12)蘿蔔糕都煎得幾香脆，不過只是微暖~滑雞絲粉卷 ($15)粉卷外皮不算滑溜，內裡包着雞肉餡料，不太好吃.千層薑汁糕 ($15)即叫即蒸，煙韌中亦有濃濃薑汁味，辣辣的幾暖胃. 燒鵝皇瀨粉 ($23.8)這款可以不吃，因為燒鵝完完全全是凍的，至於瀨粉熱度也不足，獨不如多叫一籠即蒸點心好了.整體來說，食物水準一般，勝在不用等位也不用搭枱，也可能因為位置吊腳，所以食客不多~

今日走到好遠搵老豆食飯，佢係都要去酒樓食燒味飯！都唔明有咁多新餐廳乾淨餐廳都唔去這個酒樓我都搵左好耐，好少去元朗那邊，真係唔識路， 路人又唔識，坐低已經嬲嬲地點知個員工態度極差，佢話兩個人一定要搭枱，我話冇所謂，粗手粗腳擺位逼我地坐埋後邊，一向飲茶邊個坐先第二個就坐第二邊，佢點解要咁做呢！去到叫飯食，我哋叫咗兩個碟頭飯，佢話食咁少！真係火都黎分量的確大，叉燒不肥不瘦老豆最鍾意，我叫的分題海蜇，海蜇差啲咬唔開但係服務極差，搵鬼去食

星期日同屋企人三個人去飲茶，因冇位關係要搭枱，但係酒樓啲姐姐淨係俾左2份餐具同2張櫈，爸爸媽媽坐低左先，隔左一陣啲茶黎到，但我仍然企係度冇人理，唔緊要，啲餐具其中一份好多油同埋污糟，同啲姐姐講想換過，佢大聲咁講有咩問題，我同佢講污糟，佢發我脾氣同隔離個個姐姐講話我麻煩，要換，之後大大力將個份餐具收起表示佢既不滿，因為我仲未有位坐，而我覺得佢態度差，所以走人

呢間酒樓都開左好一段時間，原來仲未有人寫食評，咁等我寫第一篇吧。酒樓喺一樓，上嚟要搭一層電梯，落去就要行樓梯喇。裝修都幾光猛，枱與枱之間空間足，唔會迫，坐得都幾舒服。盡頭中央有大電視，正在播新聞。餐具都幾污糟，未用時已經咁多污漬，惟有自己洗吓佢。睇下點心紙，又真係幾抵食。咁嘅價錢算係平，假日比平日，每款點心只係多一兩蚊。基本上全日都係一個價，唔駛計咩特價時段。下午茶仲有啲特價嘢食，好抵~早茶仲有超抵孖寶︰介紹吓啲嘢食，【$11腊味芋頭糕】芋頭同腊味都好足料，仲要煎到熱辣辣好香口又唔油，好食!【$15蜂巢炸芋角】而家好少酒樓有做芋角，呢度有得食，好難得，大讚!又係唔油，入面多料，好鬆化，正!【$19.8脆香腩仔湯瀨粉】瀨粉幼身，幾爽滑。要讚一吓個燒腩仔，肥瘦適中，腩皮唔厚，燒到好香好鬆脆，入口即化。【$18香茜叉燒腸】食完晒三款點心，仲未嚟，叫阿姐去催單，阿姐都態度好嘅，但回覆係賣晒喇。賣晒又唔講聲，等我哋傻傻的等。