億饍 (已結業)

約友人到旺角吃飯，要選一家就腳、經濟又好吃的泰越菜餐廳，當然是億饍。就近油麻地地鐵站，地鐘出口轉彎就到，方便至極。集越、泰、粵菜於一身，菜式比單一的泰式/越式菜館更多元化。馬拉盞炒芥蘭，芥蘭翠綠，食落不覺油膩，馬拉盞調味料真材實料，令整道菜香濃惹味。黑松露什菌伊面是突破的配搭，中式炒伊面用上了西餐極愛起用的黑松露，毫無違和感，效果有驚喜。咖哩牛筋腩煲+蒜蓉包，用料十足，香脆蒜蓉包呷上一口濃稠的香濃咖喱汁，味道絕佳。筋和腩都燘至淋軟，咖喱味濃而不辣，合我口味。軟殼蟹牛油果卷是我最欣賞的一道菜，煙韌的米紙包裹住軟殻蟹，牛油果不過生亦不過熟。冬蔭公湯雖然點了小辣，但因為我正在咳的關係仍覺得太辣吃不下，不過男友和朋友都吃得津津有味！仲有好幾假蝦添！

識我既人都知道我極愛飲湯，無論係中湯定西湯，我都絕對唔會say no，當然，傳統既我，老火燉湯始終都係我既最愛。每次返屋企食飯，唔飲番4-5碗，仲要係大湯碗既size，都難解我「餓湯之苦」。今次就聽朋友介紹黎佐呢間位於旺角，主打無味精靚湯既餐廳食晚飯啦。餐廳唔算好大，但係都幾多人，大約19:00到達餐廳，已經有8成爆滿。打開餐牌，餐廳既食物選擇真係好多，有泰菜，越菜，當然，還有我今次到訪既主打 - 靚湯啦。湯類有8款，而每款都係每日限量供應既，所以認真係手快有，手慢無，最名貴既係上湯黑排翅。花旗參烏雞排骨燉湯 $68第一個我地所揀既湯係花旗參烏雞排骨燉湯，佢係一盅盅咁上既，所以基本上如果係一大班人黎食既話，可以每人order一盅，各自各飲。但係其實佢既份量一d都唔小，兩個人share都ok。而佢除佐份量夠大之外，亦都非常足料，飲落有清甜既花旗參味，而且夠哂熱，飲完好舒服，係真正既無添加，無味精。椰子烏雞排骨燉湯 $68另一款我地order佐既係椰子烏雞排骨，佢既椰子味真係非常重，亦正正因為椰子落得夠多，飲落真係好甜，而既湯渣全部都好好味，特別係烏雞，食落唔會好鞋身，加埋豉油，真係一流。

有燉湯的泰國菜館真的不常見，以香港這個國際大都會來說，一間餐廳有多種選擇必定更受食客歡迎，香港人特別喜歡飲湯，在每天繁忙的工作後，一盅暖暖的燉湯的確可以為疲勞的身體注入新的能量⋯億膳雖然以泰國菜為主，卻推出了多款中式燉湯，而且每日限量供應，我們當然坐下來第一時間就選個燉湯，還有二人餐都很豐富⋯先來一客花膠烏雞香菇燉湯，補血又養顏，湯料十足，分量都足夠2個人飲用⋯另外我們點了一個豬肉鮮蝦米紙卷，米紙透薄，鮮蝦大大隻，配合甜醬味道很夾很好味呢﹗二人餐有柚子鮮蝦沙律，甜甜辣辣很醒胃⋯蒜香牛油雞翼幾大隻，而且炸得非常香脆，內裡肉質鮮嫩入味﹗還有沙嗲串燒(豬牛雞各一串)，燒的時間剛剛好，肉質不會太乾，沙嗲醬味道稍為不夠，如果醬汁可以濃味一點就完美了﹗泰式抄金邊粉夠乾身，口感不錯﹗時令蔬菜我們選了西蘭花，多數餐廳都只有生菜、菜心、通菜等給客人選擇，甚少可以選西蘭花，西蘭花是我最喜歡的蔬菜，所以一聽到可以選西蘭花就二話不說點了西蘭花，而且選了馬拉盞來抄，這個組合對我們來說非常新鮮，馬拉盞的濃郁味道配合西蘭花的花青味道，沒有太大違和感，西蘭花亦很爽口呢﹗跟餐＋28可以選椰青，所以我們也點了一個即開又冰

好姊妹相約飯聚，未知找什麼好東西食，又要在鬧市，又要不限時間，終於找openrice代勞搵飯食😅，超方便在openrice 網上預訂好晚上29/3~7點/5位，官網寫明限時90分鐘用膳時段，我再打電話去確認時，職員話星期四是閑日沒限時的，超開心！到當晚我們6:30已到，👀地方雅致及閑聊，小餐廳形式，但有個小露臺，見有8-10位客人也在出面開小型🎂party，即場全餐廳突然也播起生日歌曲，氣氛也幾好。有個大酒吧枱，有各式形式的例酒、cocktail、生啤...都有！首先我們叫了泰式肉碎生菜包，好好味，一會便吃清了係咁食食食，未試過食泰菜食到咁飽，最好的就是我們慢慢食慢慢傾...8時許已吃到飽鮑了，餐廳也全滿而且有人在等候了，員工也不會吹我們埋單當然我們飽飽了，快快把枱子交回給別人啦，是晚各人很開心，唔需要趕著食，冇時間傾算！

今次又發現新大陸， 而且地點一啲都唔陌生，非常就腳，喺油麻地站附近。要約朋友食飯，呢個location簡直一流，搭地鐵巴士都超級方便。餐廳菜式主打泰菜，特別之處，係餐廳都會提供中西式小菜。言歸正傳，講下今晚我地食左啲咩先。先黎一個冬蔭公湯，既然有泰菜食，自然就要試下佢個冬蔭公做成點。因為我地都唔係好食得辣，所以叫左個小辣。味道方面，湯底濃郁，酸味啱啱好，聞一聞，香茅味就出晒黎，配合返青檸既酸味，即時胃口大開。其他配料係十分足料。軟殼蟹牛油果卷，一上枱，嘩！小食都咁大件既，非常足料，軟殼蟹炸完唔油膩，即係油溫夠，迫返啲油出黎，食落去爽口好多。牛油果都夠新鮮，味道甘香，蔬菜亦提升菜式既清新感覺。馬拉盞炒芥蘭，味道濃淡適中，芥蘭爽口唔過火。黑松露什菌伊面，呢個唔係泰國菜，正如頭先提過，餐廳菜式係多元化既，睇個名呢個伊面係中西合璧既。個人黎講，都幾怕黑松露既香味，因為實在太香，會掩蓋其他食物既味道，所以如果要加黑松露落去菜式之中，廚師都要好小心處理份量或者其他食材既味道黎配合。呢個伊面，味道上我認為係合格既，黑松露香味唔會過濃，加上菜式設計係幾新穎，味道加上設計既心思，呢味菜係屬於中上水準。咖

廣華覆診後，食個early luch就上班。時間尚早只有兩枱食客。lunch set有多個不同的選擇，越泰中西式都有。店員大力推介午市商務套餐，因為有清潤燉湯，價錢又不貴。就試試吧！茶樹菇瘦肉燉湯熱辣辣香噴噴，材料豐富。真材實料，味道香濃，怪不得燉湯是億膳食名菜之－。越式三寶飯香芧猪扒、扎肉、蛋。相對燉湯，三寶飯欠驚喜，味道正常。猪扒薄身，配上䓤送飯不錯。午市不用加一，$68燉湯、主菜加餐飲，價錢可算，燉湯出色，有機會可以再來。

個個月都會同朋友Z食飯，通常都會揀啲大家方便嘅地方，今晚就去咗旺角食飯喇！搵到呢間億饍，好似咩都有得食咁，就試下啦！地方唔大，啲枱都比較密密麻麻咁，我哋嘅位置係離𨋢口幾步之隔，講真，係有少少唔自在嘅！睇完個menu，太多選擇喇，對於選擇困難症嘅我哋，都唔知食咩好！最後，都係揀返個二人套餐！飲嘢我哋就揀咗椰青同青檸梳打！個椰青勁甜呀！朋友就話佢杯梳打就比較淡咗少少，但一樣好refreshing ~ 頭盤就係柚子鮮蝦沙律，個汁酸酸地好醒胃 ！對兩個女仔嚟講，有足夠嘅菜係好重要㗎！呢度炒得唔錯喎，又唔係好油咁 ！不得不讚佢個蒜香牛油雞翼，超香牛油味之餘，炸到卜卜脆勁香口呀！！！！有一下想叫多一份嚟食呀～之後就有沙嗲串燒，肉質好嫩滑，味道剛剛好，有時好怕太多醬好鹹，但係呢度就燒得唔錯喇！最後就係香芒大蝦蟹肉炒飯，明明都食到幾飽，我哋竟然可以差不多清哂碟山咁高嘅飯！因為真係幾好味，芒果勁甜，個飯唔會因為落咗芒果而好濕。呢度一個二人餐都只係三百幾，有咁多嘢食仲要味道唔錯，唔怪得座無虛席啦！下次約三五知己食飯，呢度都會係我哋嘅選擇呀！

星期日同老公去左旺角睇戲，之後在街頭睇表演，表演者有唱歌的、玩集耍的，其實他們的水準也不差，欣賞左好耐，不經不覺又到了晚餐時間，諗下附近有乜食，老公想起之前同我去過的億饍就在附近，佢地D海南雞和燉湯好好味，好想再去食。那我們就往譽發廣場去。入座後，侍應送上茶水，原來海南雞和我們喜歡的那款燉湯已經賣晒。有點失望，但看到餐牌上還有許多菜式選擇，今次就試下其他吧！香茅豬扒湯檬：豬扒入味有口感，不會硬，湯檬幼滑，好味！香芒大蝦蟹肉炒飯：飯炒得夠穫氣，大大隻蝦好爽口，新鮮香芒切粒好香甜，還有蟹肉、翠肉瓜粒等，材料豐富又夠味。菠蘿生炒骨：生炒骨炸得外脆內嫩，菠蘿是用新鮮的，酸甜汁調較得好好，酸酸甜甜的，好味！蒸手打咸蛋肉餅：用新鮮豬肉手打成肉餅，再加一隻咸蛋令肉餅味道提升，肉餅有口感不會鬆散。越式炸春卷：雖然皮沒有廣東春卷那麼脆，但餡料相當惹味，用生菜包住春卷，再點些魚露是越式食法，這又是另一種味道和風味！串燒沙嗲豬肉：都好大串，一片片的豬肉燒至微微金黃色，入味不硬，點了沙嗲醬好惹味！

呢間餐廳可以滿足晒香港人咩都想食的要求，有中菜、泰國菜、越南菜、海鮮，選擇多多！而且味道都非常切合香港人的口味，大件又抵食💪🏾越式拼盤$148有香港少見嘅扎肉熏蹄！但味道同越南食嘅有啲距離豬頸肉$78好大份呀，食完已經飽咗哈哈，乾咗少少，唔夠juicy法式蒜茸包5件 $45好好味！勁足料，啖啖蒜香，正！原個椰青海鮮焗飯 $118個汁好好味，我哋連椰青肉都唔放飯，撈埋飯食一流呀咖哩雜菜 $98少少辣，似澳門嘅咖哩，$98有啲貴，不過都算幾惹味

又到悠長假期既最後一日, 當然要出街shopping兼食餐好啦! 媽咪發板要去旺角既億饍食dinner, 事關佢話之前同朋友去過, 飲過果度既燉湯係真材實料, 非味精湯, 於是建議今晚一家人去飲返碗補一補先。初初意為係一間中菜餐廳, 點知原來有泰國同越南菜食, 真係有驚喜啊!!!menu上有幾款燉湯, 仲註明燉湯功效, 我就更係揀款養顏既燉湯啦~【花膠烏雞香菇燉湯】HK$88燉湯果然足料, 有大量既瘦肉, 瘦肉非常林而且索左d湯入味, 唔係滾完冇味既湯渣, 雖然花膠不算太厚, 但個湯係超級清甜, 有少少黏口...入面仲有大大隻切件東菇, 幾爽口, 一個燉湯份量有四個碗仔, 一家人share就岩哂~【泰式海南雞 半隻】HK$150order左半隻雞南雞, 結果送上檯時意為侍應比錯左"一隻", 估唔到份量咁大, 海南雞金黃外皮, 沒有瘀瘀黑黑, 肉質更是鮮嫩, 配上兩款汁醬, 味道更加昇華, 抵食味道好, 下次黎必定要encorn!!!【油飯】HK$18/個海南雞當然要配個油飯, 個飯不是很油, 飯質偏乾, 油香味不算太出【冬蔭功海鮮湯河】HK$88menu上見到冬蔭功湯跟湯河價錢都是一樣

位於旺角譽發廣場4樓的億饎，主打廣東菜、越南菜和泰國菜。餐廳在中午時份提供午市套餐，價錢約五十至六十多元。餐廳等座位頗為舒適，而且光線明亮。午市套餐還會送一客餐湯，可選忌廉湯或雜菜湯。湯來到時是熱騰騰的，質感頗濃。點了一客菠蘿海鮮炒飯，是即點即炒的，上桌時香噴噴的。主要的配料有蝦仁、蟹柳粒、札肉粒、翠玉瓜粒。飯炒得頗有鑊氣，而且粒粒分明，炒飯用的醬汁也頗為惹味。菠蘿粒的味道酸酸的，減少了飯的油膩感。特別加錢要了一枝樽仔奶茶。奶茶細細支，造型可愛。奶茶的口感頗幼滑，喝不完可以拿走呀。

到左復活節假期，我同女朋友終於可以寫意地行下街拍下拖，而我地今年選擇左留港消費。 我地行完旺角之後，去左食中泰越fusion菜既億饍醫我地黑洞既胃。我地叫左軟幾款小食有軟殼蟹牛油果卷 (4件，HKD 88)，串燒安格斯牛肉 (2串，HKD 44)和串燒沙爹雞肉 (2串，HKD 36)。至於主食和小菜，我地就叫左原個菠蘿炒飯 (HKD 108)和馬拉盞炒通菜 (HKD 68)。甜品就叫左芒果黑糯米 (HKD 62)。飲品就要左泰國椰青 (HKD 40)和椰汁三色冰 (HKD 30)。佢地會提供中國茶，而每位茶芥就HKD 8。個牛油果卷賣相唔錯，有沙律菜，牛油果同埋大大隻既軟殼蟹。軟殼蟹好香口，唔油膩，yummy yummy。另外，仲附送左泰式甜酸醬，啱晒啲喜歡濃味既朋友仔。至於個串燒安格斯牛肉同雞肉非常香，聞到都已經流哂口水。食落去啖啖肉，肉質非常鮮嫩，點埋佢既沙爹醬，真係要俾好多likesss。至於個菠蘿炒飯，係由原個菠蘿盛載住啲炒飯。啲炒飯炒得都算乾身，有好多一舊舊既菠蘿(my飛佛)，而且材料有海鮮如鮮魷，魚肉，青椒同菜粒，味道幾好味。個通菜分量唔細，出乎我意料之外既係，味道唔算濃，

朋友推介之下去到旺角鬧市中的億饎餐廳，餐廳位置容易找到，而且附近有停車場可以方便泊車。店員服務態度親切，隨即俾咗幾杯熱茶我們，並且安排我哋坐高枱的位置。餐牌除咗散叫食物之外，仲有二人套餐、冬陰公火鍋等等新式嘅菜式，都值得一試。越南菜嘅餐廳當然有越南拼盤當中有大約五至六款嘅食物全部都香脆可口非常有特色，烤豬肉蝦片香脆之餘上面仲有好濃郁味道嘅豬肉碎片。豬肺排骨萬壽果燉湯入面材料豐富，難怪燉出來的湯鮮甜無比。燒羊假串有兩大隻，面頭有香草牧然粉，食落去更加滋味，而且一啲都唔騷。另外燒安格斯牛肉都非常滋味。朋友們稱讚桂花BB鴿同埋南乳吊燒雞一樣好食，特別係肉質滑嫩。最後再加多兩個飽肚嘅食物，包括係蒸手打蟹肉黃肉餅同埋菠蘿炒飯。菠蘿炒飯原個菠蘿上，炒飯炒得好香口、好有鑊氣，而且有一粒粒好鮮甜嘅菠蘿粒喺飯入面。而蒸手打蟹肉黃肉餅面頭好多蟹粉汁，肉餅好新鮮入味，配以白飯食簡直一流。最後埋單都只係$1000左右，每人平均消費＄250，食物質素高，而且價錢合理，但是招牌菜嘅食物會很快就沽清，所以如果要食招牌菜式就要早啲訂位去食吧。

四個朋友一齊上去旺角一棟商業大廈，這餐廳提供多款多國菜式，而餐廳裝修設計以紅白色為主，坐位都比較多，而且有高枱坐。餐牌上嘅食物圖片色彩繽紛，而且食物種類繁多，餐廳主要推介燉湯類別，全部每日限量供應。另外避風塘野生辣龍蝦、金香龍蝦球配黑松露薯蓉、桂花BB鴿、純正原始上湯黑魚翅同埋軟榖蟹牛油果紙米卷都係職員向我哋推介嘅餐廳招牌菜。首先我哋叫咗一盅豬肺排骨萬壽果燉湯，當中有我最鍾意食嘅木瓜，而且湯非常鮮甜，非常足料。越南拼盤非常吸引，包括有炸春卷、蒸粉包、蒸札肉片同埋烤豬肉蝦片等。炸春卷炸得非常香脆開口，而且金黃色的，入面除咗有紅蘿蔔絲之外，仲有肉碎等等。桂花BB鴿係招牌菜之一，當然要試吓，果然係新鮮即叫即整，外皮非常香滑入味，肉質鮮嫩，估唔到細細隻都咁好食。除此之外，仲叫咗一D串燒系列，包括燒羊假串同埋燒安格斯牛肉，烤得非常滋味。另外仲叫咗半隻南乳吊燒雞配白飯一齊食，簡直係絕配。整體來說，食物質素新鮮、美味，值得再次光臨。

當天臨時臨急上Openrice睇係MK食咩，見到呢間評價好似唔錯，所以就Book位去食!去到見到舖面原來比想像中細，而又見到差唔多Full哂，以為要等，點知侍應帶左我地出去另一邊，心諗咁熱仲要坐出去死梗，好在都有少少冷氣，不過真係少少，成餐飯都仲係不斷出汗。睇餐牌又真係好似幾多野揀，最後揀左幾樣食!先黎既係菠蘿炒飯，都還可以，幾熱既~~炒金邊粉，味道一般，無想像中咁大碟!生蝦刺身，不過不失越式春卷同蝦餅，春卷我就覺得淡左少少，如果有醬點可能會好D，蝦餅都係普普通通!欖菜肉鬆四季豆，第一啖味道還好，再食就覺得偏咸，要連埋飯一齊食會比較好!最後就係明爐烏頭魚...等左好耐先有...佢個湯都幾酸幾好飲，D魚都係好似平時係出面食果D咁啦，冇咩分別...埋單都九百幾...都唔平...