傷心酸辣粉 (越秀廣場)

营业中

休息中

一直都唔知原來傷心酸辣粉係有雞煲烤魚放題！仲要放題價錢係超親民平價❗️抵食之選！CP值很高～難怪屋企附近間分店成日都會見到有人龍排隊～- 🐟烤魚或🐔雞煲放題 （每位）/ $128今次就試左烤魚放題～揀咗最Basic嘅招牌豆花味小辣～ 食到後期都真係幾辣下🌶️90分鐘限時～罐裝汽水紙包飲品啤酒類全部都係無限任飲～另外都仲有好多款精選火鍋配料如蟹柳，丸類，豬牛雞肉類，蔬菜類等等都係無限任食㗎👍🏻其實淨食放題都已經好飽～但口痕好想試埋小食😆最後叫咗呢三款小食～(推薦必點花枝丸！）- 🐔麻香雞翼 / $32- 🦑黃金花枝丸(6粒） / $22- 🐮海蜇牛展 / $46💵最後埋單$356免加一～ 二人份人均約$178

今日打完波好累隨便搵咗一間食辣嘢嘅餐廳入到去，先知道原嚟係鼎鼎大名，傷心酸辣粉。呢間店有好多分店，而且好多人。所以就同朋友求其點咗一個二人餐要求小辣，點知都係好辣食到我喊。

平日， 跟一班好朋友聚會，我們去了傷心酸辣粉吃晚飯。👅餐廳的價錢消費貼地便宜，食物味道好吃，很想下次再跟朋友們一起再去吃。下次我一定點我最愛吃的酸辣粉，非常好吃好期待啊

呢排喺social media睇到我最鍾意嘅茶記 ，出咗一個新嘅咖哩豬肉醬，即刻試一試佢 🤣🤣十一點幾過到嚟，冇乜人等位，不過一到咗十二點幾，大量學生湧入叫咗一個㗎喱肉醬雙扒飯，咖哩肉醬唔辣，幾惹味朋友叫左 肥腸酸辣粉

今日又嚟到新蒲崗搵朋友💗💗💗經過我最鍾意嘅傷心酸辣粉🫶🫶心思思一定要行入去食返個淮山麵😋😋啲嘢都係大路嘢啦🫶🫶發現佢有點心拼盤就叫咗一個嚟試下😲😲佢個黑糖奶黃包竟然係流心嘅🫶🫶其他嘢食都係一樣不過不失👍👍廿幾蚊一碗嘢唔知而家仲邊度會有？🤣🤣

好耐冇食放題，今次係比價錢吸引左，$108位真係好耐冇見過呢個價😮不過都有少少條件，就係14:00後入座/17:30前離座/21:00後入座先有呢個優惠！不過就算冇優惠都係$128位，都平過好多餐廳🤩有雞煲或烤魚揀，如果4位一齊食仲可以點兩款，我就叫左胡椒豬肚雞煲，都有半隻雞，雞肉都唔錯，最鍾意就係豬肚，夠爽口❤️湯味道十分濃郁火鍋配料可以係前面自取，肉類有雞、牛、魚片、扎肉，丸有白魚蛋、龍蝦丸、牛丸、魚腐等，仲有一串串好似關東煮既丸類💯飲品任飲豆漿、啤酒、汽水、芒果汁90分鐘時間都好足夠，店員都會幫忙加湯，最後食埋水間粉同薯粉真係好飽😌

[ 傷心酸辣粉 ]講起重慶酸辣粉第一時間會諗到呢間餐廳，最近發現佢地有任飲任食放題，有幾款雞煲、烤魚或重慶麻辣火鍋選擇，再加任食配料、任飲汽水飲品，食足90分鐘成人每位最平只係$108😳😳。任飲任食放題✿ 90分鐘雞煲/烤魚放題(2位起) 成人$108/位、小童$78/位 (2pm後入座及5:30pm前離座、9pm後入座) 或 成人$128/位、小童$88/位 (11am至2pm入座、5:30pm至9pm入座）首先選一款煲類。雞煲🐔有重慶麻辣雞煲、香辣啤酒雞、胡椒豬肚雞煲、藥膳雞煲(當歸北芪)或滋潤雞煲(沙參玉竹)；烤魚🐟有招牌豆花味、鮮花椒味、金牌蒜香味、老壇酸菜味、秘製麻辣味或濃香蕃茄味。鮮花椒味烤魚麻香味濃郁，辣得過癮😋。另外+$30加配一份卜卜花甲，份量都幾多，花甲吸收湯底精華，花甲鮮甜帶麻香味。食完烤魚之後仲可以打邊爐，無限追加配料有蝦、肉類、丸類、蔬菜、寬粉等。任飲飲品🧃有紙包或自家製樽裝飲料。小食✿ 香酥軟骨 $39✿ 麻辣肥腸 $39額外點咗兩款小食，香酥軟骨係炸雞軟骨，脆卜卜好香口；麻辣肥腸滷得好入味，而且有麻辣味，更加惹味😋。總結🫦 逢星期一、二雞煲/烤魚放題4人同

今日買嘢經過越秀廣場見到傷心酸辣粉出左呢個超抵食嘅雞煲烤魚任食放題😍$108至$128一位咋！如果我中學嗰陣時有就好，一定變我地成班同學嘅飯堂🥳真係有相逢恨晚嘅感覺🤣＊＊＊＊＊🐥🐟雞煲烤魚放題 $128 / 位🕰️90分鐘任飲任食🌶️🐽胡椒豬肚雞煲我赽揀左個胡椒豬肚雞煲，食落可以暖下身☺️入面有好多豬肚，仲可以去任食區拎啲肥牛、肉類🥩、蔬菜🥬、菇類🍄、同丸類🍡等等😋＊＊＊＊＊

而家百物騰貴出去食餐飯三個人，冇三百蚊都要兩百蚊除咗兩餸飯之外有啲咩熱辣辣即煮嘅好選擇呢？佢就係我經常去嘅傷心酸辣粉今日本身嚟到諗住食二人套餐放題打邊爐，不過喺春節期間佢會再貴啲同埋要收加一，加上個肚又唔係太餓嘅關係，叫個麵食都係一樣啫叫咗個辣椒炒肉定係農家小炒肉飯，唔錯唔會太辣香香口，特別要講下佢哋嘅淮山麵真係幾好食其他丸類都係正正常常咁啦下午茶時間嘅話29蚊一個有餸嘅粉麵再加多個小食另外有杯嘢飲過咗七點鐘就貴多兩，三蚊抵食精選同埋新蒲崗呢間分店應該係態度最好嘅其中一間裏面啲姐姐非常之好笑容又客氣

嘢食每次都唔同味 一時超鹹一時超淡.服務態度都好差，我明明同佢講咗話要小辣，但係佢俾咗個大辣我仲要冇得重新整返俾我食個女經理態度超差唔推介呢間 但係其他舖頭係OK嘅

以前成日食嘅餐廳依家愈開愈少了 行過見到忍唔住想食返 太耐冇食了 叫咗碗普通酸辣薯粉小辣小酸 最後覺得有啲失望 湯底過酸令到辣味好唔岀 薯粉唔太掛湯 最後都冇食曬成碗 食物嘅質素好似變了 冇以前咁好食

点左:夫妻肺片酸辣粉脆猪腩酸辣粉半只辣子鸡首先酸辣粉，个汤好似辣油加水，个粉好淋，淋到好似前一日已经煮好再返煮。辣子鸡个鸡丁系冇味嘅，得层皮系焦嘅。脆猪腩简直黑暗料理，油炸时间同埋火候完全控制失败，炸出左一个猪腩尸体而唔系脆猪腩。总而言之，失望，伤心酸辣粉已经唔系做酸辣粉，宜家系做平价放题的普通茶餐厅。同埋食完之后我同友人都觉得肚十分不舒服，仲肚屙左。睇来唔单止食物味道有问题，食物质量都有问题。绝对唔会再来。

踏入門口，店主熱情咁迎接我哋，好似返到屋企咁溫馨。知道我地係第一次嚟，佢好仔細咁同我哋講解佢地嘅招牌菜。第一道上嚟嘅係「涼拌茄子」，睇嚟就好吸引，茄子入口即化，帶少少嘅麻辣，令人胃口大開。呢個涼菜食落去清新爽口，就好似係呢個炎炎夏日裡面揾返一絲涼意咁。跟住上嚟嘅係我哋等唔急嘅「地獄雞翼」。雞翼個皮炸得香脆，一上枱就流咀，咬一口，辣味同埋麻感即刻襲來，辣得我眼淚都嚟唔及，但係呢啲辣中帶麻嘅味道，真係好難忘，令人冇法停口。最後，主角登場——「傷心酸辣粉」。酸辣湯底香氣撲鼻，配料又豐富，有蝦、豬肉、豆腐皮等等，每一口都可以品嚐到唔同嘅風味。麵條煮得啱啱好，有咬勁，配埋酸辣湯汁，真係令個碗粉絲都充滿咗生氣同滋味。

我第一個叫嘅係涼拌茄子。一上枱，茄子嘅深紫色吸引住我，散發出迷人嘅香氣。茄子入口即溶，質感好滑，令人陶醉。茄子嘅鮮嫩口感同埋滑順嘅質感同微辣嘅調味料完美結合，做嚟呢碟涼拌茄子鮮美而清爽，絕對係夏日餐桌上嘅絕佳選擇。之後我試咗佢哋嘅地獄雞翼。雞翼經過特殊煮法，外脆內嫩，帶有微微嘅辣味。雞翼嘅外皮酥脆，一咬落去，肉質鮮嫩多汁，充滿咗辣椒同埋香料嘅風味，真係令人停唔住。呢款地獄雞翼係辣食愛好者嘅最佳選擇，辣味夠正，肉質細嫩，每一口都可以品味到到當中嘅鮮味。除咗菜式本身嘅美味，「傷心酸辣粉」仲俾人一種家嘅感覺。店內簡單而舒適嘅裝潢，令人感到放鬆同埋舒適。服務人員熱情友善，唔單止詳細介紹菜單，仲會根據客人嘅口味偏好提供建議。佢哋嘅用心服務同對食物嘅熱愛可以從每一碟菜嘅味道中感受到，呢都係我願意再去光顧嘅原因之一。呢度唔止止有傳統嘅麻辣粉，仲有好多其他美味嘅小食。無論係味道定係服務，呢間店真係令我驚喜不已。我好推薦大家要嚟試吓

此間主打重慶酸辣粉，招牌菜重慶麻辣雞煲，香辣烤魚放題，傷心酸辣粉，皇牌口水雞，水煮魚，酸菜魚，重慶辣子雞。價錢親民抵食，質素也不錯，已幫襯多次，喜歡四川辣的口味一定岩晒口味。環境幹淨明亮，地方雖不大，但挻受街坊追捧。自助區火鍋料款式多多，任取任食今次叫左酸菜魚放題，上菜時見魚略煎過，一陣烤魚打邊爐時魚肉會實淨d，條魚都幾大下，肉香嫩滑，加入酸菜更惹味更開胃。食完條魚仲可以慢慢打埋邊爐，丸類，虾，肥牛，蔬菜類，凉粉類已讓我地錦上添花，更加飽肚。