傷心酸辣粉 (電氣道) (已結業)

陳幾何時，傷心酸辣粉真係好好食，價錢實惠，材料充足又好食，配菜亦都唔少，食完會仲想食......但依加，到底發生咩事....服務如同無一樣，野食質素勁差，連必須要有既酸豆都可以無左...咁到底d酸味係係邊到黎呢.....原來係醬料溝出黎既...用左食餃子用既黑醋溝出黎既酸....除左果隻味之外咩都食唔出...食第一啖就已經令人好想放棄成碗野，連主打酸辣粉都未做好，好心就唔好開展其他野啦，浪費食物😡

再次光顧吃午餐，多款全日套餐只是34元，很超值，可惜此價格的全日套餐並沒有酸辣粉可供選擇。上次點了豬扒米線，略嫌米線太腍了點。這次點了土豆絲酸辣粉及招牌腸頭。酸辣粉選了小辣，起初吃的時候都蠻麻的不覺辣，豈料越吃越辣。薯粉太腍了點，土豆絲酸辣味都不夠濃，招牌腸頭是可以的。座位比較狹窄。值得一讚的是其中一服務員服務態度很好，笑臉迎人。在我下單挑選酸辣粉的辣度時，有貼心提醒另有BB辣可供選擇，友人想點的豬扒售罄，此服務員亦多番致歉。總結，想便宜的吃一頓，這兒是不錯的選擇。

公司附近抵食，天氣咁熱，涼爽的店，豬扒湯薯粉+熱檸茶$38。豬扒都算軟，味道唔太濃，好合我口味待應都有禮貌，好快有得食檸茶唔太濃，合我口味👏以前食過酸辣米線都ok。下星期會再來食

酸菜原條海斑烤魚 $238其實都掙扎左好耐，想叫香辣烤魚，但係最後驚太辣所以叫左酸菜魚，一上枱真係不得了，除左條魚同大量酸菜外，仲有蓮藕、金菇、豆卜、木耳，個擺盤都好特別，每樣配菜都會放喺一個各落，唔會食到亂七八糟。先講主角條魚，多肉少骨，唔識食魚都唔會容易哽親，成鍋酸菜係多既，但食落一啲都唔酸，食都咁上下仲可以叫啲火鍋配料加落去，我叫左花枝丸、蟹柳、蘿蔔、小寛麵，兩個人食哂飽到上心口。口水雞(下例) $68因為條魚叫左唔辣，所以都係想試食啲辣野，口水雞叫左BB辣，辣味真係夠哂BB，肉質鮮嫩，麻油味好香，我真係流哂口水。凍檸樂 $10 凍檸蜜 $10打邊爐梗係要叫凍飲先爽，凍檸樂同凍檸蜜都只係$10蚊，認真抵飲。

夜晚去左食碗麵，staff態度好好，要讚一讚！野食好味又唔洗好似第二啲分店咁逼。我食左碗酸辣粉中辣，份量好大，58蚊仲送埋野飲，仲見到有雞煲，下次一定要試下。推薦要食晶絲粉，有啲似以前仙跡岩嗰啲京麵

早上起床時還是16度，一下子下班踏出公司已經降至8度！火鍋呀、烤魚呀、燒烤等等立即全部浮現腦海，總之想吃熱烘烘暖身的！同事最後提出到傷心酸辣吃辣暖身，不好辣的我有點猶豫，但原來這裡有烤魚吃呢！先來兩個小吃：《鹽焗鳳爪 $18》真實版的賣相不吸引，但味道卻是足夠的，所以還是整碟被清空了。《香油海蜇 $35》麻油香口，海蜇彈牙有嚼感。烤魚都有二人套餐：《酸菜烤魚 $238/1條》每項點一款：魚片頭、蟹柳、海帶、薯粉。酸菜烤魚大條厚肉，湯汁夠多並已經放了些配料一起煮滾。魚肉鮮甜但要快吃，否則魚肉會變老。魚差不多食光後可以用湯汁當火鍋繼續放配料，套餐上的配料不夠還可以追加，價錢抵吃！《時令油菜 $20》今晚有的是生菜，店員會加些蠔油，有魚有菜比較健康。$13/罐吃到9時多人潮漸退，人們都滿足回家了。

傷心酸辣粉的名字深入人心都是吃酸辣粉的，但今天路過北角城市中心面舖時看到餐廳的海報上有88元羊腩煲、雞煲二人套餐、烤魚二人套餐等，變得多元化了！適逢昨晚氣溫急降，我們二人很快便決定入進吃雞煲！餐廳地方不大，8時未夠已經8成坐滿，店員有禮地帶我們到大電視下的座位，可一邊看電視一邊吃雞煲真不錯。二人套餐： 《正宗重慶麻辣雞煲 $188/半隻》（可選辣度，我點了小辣）- 每個套餐可從A-D中每項選擇一配料（即共4款）：A-芝士豆腐 B-豬紅C-蘿蔔D-薯粉雞煲十分香濃！汁濃至雞肉都很入味，肉質亦嫩，半份雞的份量很足，熱烘烘很惹味。芝士豆腐咬開有芝士流出，很惹味；豬紅有口感；蘿蔔煮腍後很入味；薯粉需時煮腍，入口彈牙，蘿蔔和薯粉吸了湯汁都很美味！怎少得加多寶幫助清熱氣呢！

中午又得番我和媽媽，媽媽愛吃魚，我決定和她去試試烤魚。我們下午到北角行街，於是順便去這間就腳的傷心酸辣粉吃烤魚。先來一碟油菜，普通的唐生菜，但味道夠清淡，在吃肥膩食物前先打打底。涼菜海帶，我們點了小辣，但似乎仍很辣，最後媽媽要出動水洗過濾。小吃海蜇牛𦟌，很香口入味！都是辣的，不過我挺愛吃。海蜇本身脆身，牛𦟌比起平時的偏硬。我們兩人分享一碗酸辣粉。雖是酸辣粉，但其實可選豬骨湯底，味道顯得特別清甜呢！自選配料我們選了牛柏葉和芝士豆腐。牛柏葉爽脆之餘煮得又熟，而且一塊很大塊，不會剪到很碎。芝士豆腐質地更像魚蛋，內有少量芝士，我挺喜歡。而我最愛則是這個水晶薯粉。晶瑩剔透，本身賣相已一流。煮得又剛好熟，夠咬口！心想如果配辣湯應該會更吸引。主角烤魚出場啦！！我們點了酸菜魚，不辣的。魚是鱸魚，肉多骨少。這鍋烤魚需時預備，因為伴碟甚多，金菇、蓮藕、芽菜、豆卜、蔥、木耳，還有蒜粒！而且魚是已經八九成熟的樣子，所以輕輕烤熱就已經可以吃了！魚夠大條，而且多肉！主要都是媽媽吃，她吃得很開心！煮了一會兒，配菜們都已經超入味了！豆卜最能吸湯底，但咬下很熱。其他菜類都是生的，沒有煮過，所以要等耐些才吃。金菇分量不多

不嬲都中意食傷心，因為吾算貴但又食到好辣既野，而且環境舒服。去左北角果間食，首先酸辣粉已經好味，好中意佢個煙煙銀銀既薯粉，湯底夠辣。酸辣粉配料好正，花生又脆卜卜好香，有片新鮮青菜可以清清辣，佢啲炸菜就冇乜味，但因為本身個湯底都偏鹹，所以個炸菜可以balance番。因為口痕所以叫埋個麻香雞翼。雖然我食吾到麻既感覺，但佢個雞翼係即叫即炸，以$36/4隻黎講真係好平！一定要趁熱食，個雞翼炸得岩岩好，好滑同juicy所以傷心啲食物質素好高！仲要有辣有吾辣，但係我點都會食辣嫁啦

上星期六晚來到想食雞煲，我叫個侍應來落單，我話要雞煲，佢話雞煲魚煲嗰啲要等，咁我就打算揀過其他食物，再睇過menu先落單啦。之後我揀好咗就再叫過個侍應來落單，點知佢行到過來話要「等等」，我以為佢係指叫野食之後要等，點知佢連落單都唔俾我落，將我手上嘅menu cum埋！！！話「要等等！而家廚房話事」我第一次咁樣俾人cum埋本menu，真係宇宙級嘅服務！後來我見到廚房有人走出來樓面鬧頭先個侍應，話廚房好忙，鬧佢落咗碟干扁四季豆搞到廚房要開爐炒，鬧佢開爐炒野問過經理未....我心諗廚房果然大晒....唔怪得個侍應驚到唔俾我落單...之後我見落唔到單又太肚餓就走咗。今晚我見佢冇乜人，終於把心一橫再入去試，點知我想order水煮龍脷魚，佢話唔夠材料整..我今次唔揀雞煲魚煲但又都食唔到想食嘅野啦之後我揀咗價錢一樣嘅辣子雞(半隻)。賣相就靚喇，但似乎辣椒薑蔥等係同d雞粒分開炸，d雞都冇香味嘅，仲要勁多碎骨同皮，可食嘅肉加埋一定冇半隻雞嘅份量 (at least我連半隻翼都搵唔到)反而個包心菜大拿拿$50炒個菜，賣相普通到我冇影低到，但味道係全檯食物中最好的！

想當年分店唔多 特登岀紅磡食我亦記得佢勁油 所以我叫小辣😂豬紅唔入味 口感太實 唔好食蘿蔔唔入味 好硬 又係唔好食得芝士腸好食 好多芝士😂湯底依然係中學雞既味道 好懷念😚不過貴左勁勁勁多囉 唔值☹️