傳點心意 (已結業)

木魚花蘿蔔絲腸粉 ($24)原隻鮑魚盞 ($28)沙爹金錢肚 ($24)吮吮包 ($18)懷舊蘿蔔糕 ($20)呢間點心鋪既點心幾特別 尤其係原隻鮑魚盞 除左上面既原隻鮑魚 佢係個酥皮入面都有鮑魚粒 口感豐富😋另外我都幾喜歡吮吮包 入面真係好多湯 味道就係小籠包 不過係大隻版🤔其他點心質素都唔錯 而且價錢都算平😁

成日聽啲姨媽姑姐系飲早茶嘅時候傾起傳點心意嘅叉燒腸幾好食，一直都想過嚟試下，睇下究竟系乜味！！搵日終於跟著六姨婆嚟食叉燒腸啦！！~~好開心吖！！· 食叉燒腸之前梗喺要點翻幾樣前菜先，雞包仔啱上嚟嘅時候真係新鮮滾熱辣，上邊仲有騰騰熱氣。個包好鬆軟 芒果布甸，系一個好好味嘅甜品！！上面系一層超厚嘅芒果層，入面有好多芒果肉，酸酸甜甜，仲有少少涼涼地。 棉花白兔仔，小朋友一定會好鐘意呢個。因為實在太kawayi啦~~其實就係好味嘅糯米糍，好綿好軟.. 蝦餃皮薄蝦厚，好味無須多講！ 最後就係今日嘅主角啦，叉燒腸..每一舊腸粉入面都包著滿滿嘅叉燒肉！！而且系瘦叉，啖啖叉燒香味，回味無窮啊。

如果講食點心，其實我最鐘意都係大排檔，記得以前同老豆一起去食叉燒包，以前因為蝦餃貴，一般都係準點平D。後來點心我覺得都會諗起細個嘅時候。今日又同表妹來，表妹話唔可以食好多，最近減肥。香芋豬仔包，E個豬仔包真系純屬意外，完全因為隔離臺點咗，表妹見到，又好靚啊！！！好得意啊，我又要點！！！！嘅壓力下點嘅，我唔食。因為我覺得包都系叉燒包好味。牛肉球 $ 18，三粒，不過都好大粒，外面用腐皮包，裡面牛肉好爽，有D胡椒味，唔系好多粉，無咩味精，好多牛肉嘅感覺。香辣金不換墨魚仔，E個都系表妹點嘅，唔記得以前點心有E個品種添。墨魚仔好爽，有D辣味，同我地去食壽司完全唔同口感，更加香，口感好爽滑。原隻鮑魚盞，鐘頭氣，表妹見唔使自己埋單，食完又想點，好似我係暴發戶甘，但係勝在鮑魚盞都不錯，精緻得來又乾淨，又腍又滑，口感好正。D汁又滲出來好甘香。涼拌墨魚仔，因為蒸墨魚仔覺得口感好，又令我諗起壽司，乾脆叫多個涼拌墨魚仔，更加爽，加中華海草，甜甜哋，好似日本做法喔。仲有下次再來嘅，下次同老豆來食喇。

傳點心意嘅野食特別實惠，好適合我地呢種無咩錢，但又唔想自己煮飯，想出去食野嘅人。佢地嘅價格真系抵到爛啦，而且好好味！懷舊馬拉糕，只要$16，好大一盤，而且馬拉糕嘅口感特別鬆軟，非常好食！唔算話好甜果種，甜度剛剛好！金蒜海鮮蝦蒸飯，都系四十幾蚊，佢系用荷葉蒸嘅飯，特別香，有大自然嘅味道，比較養身吧！木魚花羅白絲腸粉，佢嘅做法類似於炸兩，用一層腸粉裹住一D木魚同蘿蔔絲，味道好好味！比炸兩更加特別！酥皮鮑魚盞，雖然有D貴，但勝在好食精緻！香辣口水釀茄子，好大碟，只要20蚊咋！而且香辣香辣的！

突如其來收到阿妹既Whatsapp , 想我幫佢照顧家中獨留的狗仔一陣子。作為家姐既我好小會托家人手, 於是放工後隨即飛撲去土瓜灣的家。而所謂的睇狗, 其實不外乎清潔, 餵食和同狗狗玩等任務, 對於曾經養過小狗既我, 這些工作並無難度可言。相信有養寵物的朋友會明白，小動物本性單純, 響佢地心中只有主人一個, 主人是它們的一切, 盡量唔好獨留兒童在家, 最好買幾個玩具陪佢。其實我吾系太識同小朋友相處，但我對住小動物可以玩得好投入直至阿妹返家 ，見我地玩到傻左。我要補充下消耗左既左體力, 去吃點心。傳點心位於土瓜灣投注站附近, 鋪頭細細坐得有點迫。茶錢 $3/位鮮蝦菜苗餃 $22 我喜歡看到晶瑩剔透的蒸餃, 正如我喜歡將每件事看透一樣。蒸餃內的錎料有豆苗和鮮蝦, 餃皮煙韌又唔會太過黏口, 非常熨口, 味道清清地都唔錯。店員推介了兩款點心, 其中一款 紫薯流沙包 $18 眼前為之一亮的薰煙草色小圓包, 女仔一般喜歡浪漫的事, 對我而言可以將浪漫吃落肚就更好。將包一分為二, 流心度遜色。甜甜地既紫薯味以外帶點牛油香， 口感軟滑, 可以一試。花雕雲呑鷄 $24 將鷄件和雲吞放湯再加

令星期總有幾日係帶女朋友黎土瓜灣食好西, 今日帶左佢黎飲啖茶食個包鮑魚花膠響螺湯真係有鮑魚係入面, 不過細細粒唔係好有味, 湯都係喇! 飲落有D清木魚花蘿蔔絲腸粉入面係炸蘿蔔絲, 粉皮厚度算適中, 食落口感都ok唔錯叉燒腸粉個皮整得都幾滑流, 不過我自己覺得個皮有D厚喇但入面既叉燒真係幾多整體麻麻地, 但我女朋友一個人食左5舊.. 真係有咁好食咩?!

今天同M仔到咗土瓜灣掃街血拼，經過間叫“傳點心意”嘅茶餐廳，單單聽店名已經有一種傳統文化風韻嘅味道，於是興起想入去試下Water做嘢好俐索，鮑魚什錦蒸飯熱氣騰騰送到面前，米飯香軟幼細，鮑魚係特色，食入口爽滑IN韌，口感絕佳，排骨同鳳爪咸淡相宜，火侯得當蝦餃作為早點的必點名菜，自然有佢嘅特色，鮮蝦Q彈，餃皮晶瑩爽滑，每次嚟到都唔會少咗蝦餃，實在令人回味三分講到必點名菜又點可以少咗燒賣呢？呢度嘅蟹籽及黑松露燒賣口感比起蝦餃絲毫不遜色，爽嫩鮮一次過滿足對美食嘅要求花雕雲吞雞勝在創新，雲吞同雞肉嘅味道搭配天衣無縫，湯底鮮甜，雞肉軟爛，雲吞爽口，越食越滋味黃金翅頭響螺湯同屋企媽子煲嘅老火靚湯比起身都唔執輸，清甜鮮美，一飲就停唔到口了

最近樓巿回落, 有時間我都會陪朋友四出睇樓, 因為她想自己一個搬出來住, 都想集中選在舊區, 貪其消費低, 所以上星期我陪了她到土瓜灣一轉去睇租盤~看完後都差不多2點了, 大家都肚子餓, 鎖定附近的食店開餐~由於大家都不想吃茶記, 看到這間名叫"傳點心意" , 好像上星期朋友都有去過, 並在fb post 了相, 看來相當吸引, 所以就入內看~中午時間客人都多, 在門口拿了飛後, 等約15mins 就入到去~ 幸好門口有一排桌子可坐坐~ 內裡環境算不上寬敞, 不過亦有不少2人座或4人座, 至於點心選擇方面都算多, 蒸點, 煎炸焗點也有, 腸粉, 燉湯, 荷葉龍仔 蒸飯, 甜品汔水不缺價位中等, 點心約hkd 14-30, 而蒸飯燉湯約三. 四十元二人吃試幾款應該二百元可以落樓~先來個招牌菜- 紫薯流沙包一上桌三大個熱辣辣剛蒸好的令人垂涎!淺紫色很美! 吃一口就知道名不虛傳, 皮很有彈性, 軟軟熟熟, 內裡的紫薯流心不住的溢出來, 甜度適中, 紫薯味道突出, 真的非常好吃! 怎能不試蝦餃呢可以選二只或四只 二只約hkd 16元, 四只約hkd 30價位合理可以接受~蝦餃入面是滿滿的包着

早前與朋友到士瓜灣睇樓時，經過這家小餐廳門外排滿食客，探頭張望，發現餐廳原來是一家點心店，當時已經想著星期天要帶媽媽來試試。回家後略略的向媽媽提起便算，而我亦沒有刻意的把這件放上心，沒想到星期天的早上，便被媽媽吵醒，說要我帶他到士瓜灣喝茶。由於士瓜灣沒有地鐵站，所以我們只能坐小巴到來，幸好小巴也挺快，不用15分鐘就可以從旺角來到這裏。不過，點心店的人客真的很多，我們在門外等了一段短時間，才可以順利內進。 這裏的點心價錢大約HK$1X - HK$4X不等，種類齊全，有蒸點、燉湯、煎炸點心、腸粉、特大荷葉飯及甜品，一應俱全，而且茶位只是HK$3，更是全日弓免加一，挺抵食的。天氣太熱了，先點個冷盤吃吃，涼拌墨魚仔的味道非常好，主角墨魚仔不但有咬口，口感亦相當爽彈，而且內裏加了點麻辣汁，令味道香而不辣，配合口感同樣清爽的木耳，令整個配搭變得更清新。 越式脆蝦腸粉的口感非常特別，外層是帶點煙韌的腸粉，內層就是香脆的越式春卷皮，包著彈牙爽口的鮮蝦，入口時外軟內脆的口感，令人相當回味。 香辣口水釀茄子的味道與大酒樓吃到的，基本上沒有很大的分別，不過，由於上層加了點辣汁，令本身味道較淡的茄子生色不少，

男友聽說呢間點心店喺土瓜灣都幾多人食今日決定試下佢咩料到先一行入去全場滿坐好在岩岩有枱客走左所以唔使等，過左幾分鐘又有幾pair人走入黎，好在早左ja鮑魚花膠響螺湯 $45一（不）個湯，有隻湯匙咁大既鮑魚喺個盅入面入而且面都有個花膠同螺片，都幾足料鮑食落係有咬口，而花膠係新鮮花膠 好軟身但係湯品飲落唔算太入味，好清但呢個價錢都算係咁。鮮蝦菜苗餃 $22個皮整得幾好，唔似出面果d會痴住筷子入面好多菜苗同蝦粒，唔錯！木魚花蘿蔔絲腸粉 $24一食先知原來入面係炸既蘿蔔絲入口好香脆，粉皮厚度唔算太厚，配埋木魚花食口感好得意，幾特別叉燒腸粉 $20份量都幾多皮整得幾好，唔會薄到一夾就散入面叉燒真係超多唔似平時酒樓得中間先有料，頭頭尾尾嘛係食到粉皮食落真係very good，多料得黎腸粉都算幾滑！棉花白兔仔 $8/2隻個賣相真係好可愛 真係有點唔捨得食眼睛係用啫喱做成棉花糖鬆鬆軟軟唔係好甜，而且椰絲好香

一直都覺得傳點心意呢間點心店，雖然店面唔算好大，不過一直都好俾心機manage，而且服務又好，點心仲好好味添~~~一坐低服務員就會送上玄米茶~~！！鮑魚花膠響螺湯45蚊。食材豐富，湯入邊仲有雞腳，花膠好大一塊，湯嘅味道香濃，仲有淡淡嘅海鮮味！！！正啊冬茸灌湯餃，26蚊有一大隻，一個碗裝著一大隻餃子，拿湯浸著木魚花蘿蔔腸粉，24蚊一份。木魚好好食，腸粉同平時食開嘅好唔同，腸粉系炸過嘅，然後入邊包著蘿蔔、木魚，口感爽脆手捧吮吮包18蚊，個包真係好得意，賣相就係超級加大版嘅小籠包，然後用隻習慣系個包到整個窿，大力吸！！！！

說到土瓜灣區內出色的點心小店，這間位處於北帝食街內，開業不久後便在元朗開分店的這裡，必然是其中的翹楚....實際上剛開業時作為地膽的我已光顧了一次，坐在身旁的太太及小友就更之後來過兩趟....這可是非常少有出現的狀況....三人行點了好幾道點心加蒸飯，發覺水準是keep得住之餘還覺有更進一步的感覺。也難怪她可以在短短不到一年的時間就開了分舖....先來小友精心挑選，店內其中一道店自慢的木魚花蘿蔔絲腸粉....腸粉皮屬偏厚身但勝在不太黏又未太濕毫不含糊出現黐筷現象；粉皮內藏大量熱呼呼炸得卜卜脆的米紙；唯一帶點遺憾的是甜度的主要來源蘿蔔絲的份量是太少了....侍者推介的一口墨魚小漢堡也挺不俗的，墨魚餅內雖沒食到太多的真正墨魚粒但卻勝在夠鮮味彈牙；包吃時好像不太夠熱但本身倒烘得外微脆而內軟綿；醬汁是帶有點點辛辣芥茉味的沙律醬，十分的甜惹....有小友在場的話，燒賣自是一定會叫的....小弟一向最愛以豬肉為主材料做的傳統風格燒賣，這裡弄的正是這一款口味。肉是帶半肥的充滿著肉汁味道相當的夠甜，相形之下置頂的蟹籽以及黑松露忽然成了大配角....蝦籽鮑汁鮮竹卷相對上沒太大賣點及突出之處但味道上絕對已

我覺得無論時代點樣變化，不變嘅系人對以前嘅懷舊與想念，雖然都系要與時俱進才可以進步，但系走慢D可以嗎？我地都系要保護自己嘅傳統才可以走得更快，唔系咩？今日我同大家推薦嘅系一間集傳統與創新於一體嘅店——傳點心意。呢款系一款滋補嘅湯底，黃金翅頭響螺湯，唔貴，只要$ 38，裡邊材料豐富，可以見到有超級大只嘅雞腳，膠原蛋白幾豐富下嘎！金蒜海蝦飯，價格都系$ 45，其中一味煲仔飯，特別推薦系因為佢嘅做法好特別，鮮蝦系對半切開，淋上芝士，味道好特別好美味！最得意就系呢個吮吮包，一個只要$18，佢比咗支習慣比我地，因為佢皮薄，很容易就可以戳穿，裡面嘅湯汁濃郁又好味！仲有蝦餃添，價格都系$ 16，皮薄餡靚，真系值得一嘗！最後推薦一款特色食物，非常之創新，就系香脆五色素鵝啦，只要$ 22，唔同出邊果D燒鵝，佢系特製嘎，只有呢度先有得食！

路過搵野食，唔太想食粉麵飯，見到餐牌既點心都幾特別，就走入去試入到去個好似老闆娘既人介紹我地食野，原來佢地既點心有部份會定時轉款我地就叫左幾款，其中有兩款我推介桂花糕，好香既桂花味，食完仲有桂花既回香落係口度，清甜唔漏，另外就係豬鴨包，一個係香芋味一個係芝麻味，香芋既味道比較淡，食完唔會有濟住既感覺，而芝麻味夠香，甜味亦適中，唔會太甜，賣相同口味都吸引仲有鮑魚蘇，細細件一淡食落去鮑魚汁味夠鮮甜，鮑魚口感再加上下面個蘇皮底，脆脆地咁，呢個可以番食另外就係流心紫薯飽，紫薯既香味加上淡淡清甜，食完一個可以再食第個都唔會漏

晚上獨自收工去了土瓜灣的「傳點心意」食點心作晚飯，店員介紹了一些了今天的點心紙換上了不少新的款式，不時店方都會定期轉換不同的點心款式，點心都是自家製及創作，都感到不少驚喜，而且所有的點心都是即叫即蒸，碓保客人可以吃到最美味的程度給予客人，果然是製作認真又有誠意。  店內裝潢風格簡單，店面都好整齊企理，燈火通明光猛，紅色的軟塾座椅，顏色好鮮艷嗆眼，看起來都好醒神了。鴛鴦燒賣分別是蟹籽及黑松露，可以選擇(兩粒$16/四粒$30)，個人選擇了兩粒，鮮甜結實的蝦肉，再加上豬肉及冬菇粒，咬口已經帶有嚼勁又鮮香，燒粒粒的蟹籽爽口又鮮香，口感層次更豐富，果然美味!但另一款黑松露味燒賣就有點美中不足，黑松露味不太突出，欠了一份獨特的菌香。吃點心時，總會想起湯水，店員推介了一款對女士都滋補湯品，就是原盅燉老鴨蟲草花燉花膠湯($38)，湯料果然足，真材實料，老鴨有大補虛勞、滋五臟之陰、補血行水、及清熱健脾，而花膠更有健腰膝、補腎虛的功效。熱騰騰的湯水飲下去沒有一點油膩，鮮甜濃郁，更沒有一些鴨肉的膻味，調節鹹度剛好，真是不要錯過了。小漢堡都是一款中式點心?真是非常有趣，新推出的一口墨魚小漢堡($20)一共有