傅記茶餐廳

营业中

休息中

搬咗入深井成年搭𨋢嗰時聽到有兩夫婦講一陣不如去傅記深井可以選擇嘅食肆唔多於是我就去試一下1:30已經有下午茶有快餐，有，小菜客飯，碟頭飯，焗飯，燒味…我想試清蒸鱸魚，下午1點鬆已經賣晒於是叫咗時菜炒牛肉同乾炒三絲意意粉非常有鑊氣$52 包熱飲，味道淡咗少少時菜炒牛肉跟一碗飯$63熱飲加$5，凍飲加$7深井多人養狗，有人帶狗入坐雖然貼咗好多禁止吸煙但係堂食都有好幾個人吸煙我覺得抵食嘅會繼續幫襯尼度以後就係我嘅飯堂

新的一年大家相約行大運，一早出發行至下午，行完山深井散隊。又係時間食個下午茶補充體力，今日選了傅記，原本想清清地食個茶餐，忽然改變主意吃燒鵝瀨粉，有驚喜！燒鵝瀨粉到，嘩一聲，竟然係大大隻鵝脾，填滿整個湯碗，笑哂。燒鵝皮脆入口即溶，皮下脂肪薄薄的，好香口，鵝肉結實入味，充滿肉汁，正。新的一年就獎自己一隻燒鵝脾，瀨粉質地爽口，好味。傅記的奶茶也做得好，順滑有茶香。服務員叔叔很有禮貌又快手，開心的下午茶。

嚟親深井食嘢，都喺因為行山，上年年中就同個舊同學行「元荃古道」，由荃灣行到嚟深井，再食個下午茶。今次有朋友提議由小弟帶隊行多次，當然今次就舒服好多，感覺清爽涼快同樣都喺深井為終點，又喺落番「傅記」食下午茶。環境就唔多介紹喇，因為上次食評都有講 ，但由於呢次天氣比較舒服，我哋就唔需要坐入裡面「冷氣房」，而喺坐晌出面嘅「帳篷區」，不過，感覺比較污糟，尤其帳篷邊下面，好多垃圾、煙頭、口罩。唔似入面，餐具放晒晌枱側嘅抽櫃，出面嘅，基本嘅調味料、紙巾、餐具就放晒晌枱面，自由取用。 呢度嘅下午茶好早就開始，1:30pm就有得嗌，所以，可以午餐時間嚟食都得。下午茶種類有好多選擇，上次就試咗脆脆豬仔包餐，今次就選上燒味湯瀨粉餐，咪睇佢喺一間茶餐廳，其實隔離鋪又喺佢哋：傅記燒味海鮮飯店，所以燒味一環亦都有保證，至少唔喺街外來貨，由自己鋪「直送」。 燒鵝瀨 + 熱檸水 $47我同老婆各揀一款燒味瀨粉，咁就變相成為雙拼，先講講燒鵝瀨，燒鵝嘅份量算喺俾得唔少，而燒鵝食落都幾香口，外皮帶點焦脆，鵝肉都好嫩滑，並且充滿油香，真心覺得唔錯；老婆慣例飲熱檸水，就話可以消消油膩感喎。叉燒瀨 + 熱奶茶 $43另一個喺叉

由大帽山行到深井，經歷3小時輕運動後，食「肉」大增。深井村一帶除咗成名燒鵝店，原來好多室外搭帳篷嘅地道茶餐廳依然屹立不倒。食物方面 - 叉燒米粉︰燒汁濃郁無過重味精，偏甜帶點豉油味，混合熱湯都唔會變淡口。半肥瘦叉燒，每件切片厚度適中，經燒烤過後外皮沾上光澤，眼見已食慾大增。微微燻黑豬肉脆邊，豬油香加上鬆軟肉質，配搭爽口偏硬米粉，好正。鮮檸檬蒸烏頭 (跟飯)︰要等20分鐘，即叫即蒸。唔止檸檬新鮮，連烏頭魚都係餐廳魚缸錨起。雖然只有一邊半條，但魚身厚、肉質肥美。蒸煮時間火候剛好，所以十分嫩滑。檸檬酸唔會搶去魚鮮味，卻會為配飯加點開胃感，愈食愈滿足。總結︰餐牌上有好多唔同蒸煮方法，唔同魚款可以揀，小菜都有幾十種。叉燒、雞、燒肉、燒鵝等質素不錯，當然無酒店或者擇星中菜館質素咁高。坐帳篷室外食兒時味道，衛生情況亦強差人意啦。不過做完運動更開胃，碟頭飯、粉麵份量十足，性價比已經超值。

咁啱經過附近，見肚餓想食早餐，但其他舖頭早餐時段都過咗了，唯一這一間早餐可以食到11:45 ，就入去叫返個早餐試試！塊豬扒夠大塊又幾好食，即炸，又醃得幾好味。炒蛋就比較熟啲，不過我都OK的。但係滑蛋控就要留意了。個餐包係凍的….呢個就有少少失望。

收銀女人，女樓面，好很串，惡銀到！俾錢買外賣，堂食，咀面語氣差！差！差！差！差！差！差！差！差！差！你老板在嗎？請埋d 咁的人，趕客咩！去做殯儀館好d食物味道都可，環境有d舊，裝修吓好d, 衛生有待改善。例湯無味精好。

食物水準一般, 環境衛生情況欠佳, 半室外地方主要係食客既煲煙區, 造成滿地煙頭, 再加上地面堆積食物殘渣和油污, 見到都唔開胃, 凍飲茶底不達茶餐廳質素, 收銀職員態度惡劣👎🏻👎🏻 bad experience had ever encountered, poor rating for hygiene, service and even food quality. Totally not recommend to local and outsider customers.

今日下晏兩點幾入到黎，好肚餓要醫肚，又唔知邊間好，就搵間最多客嘅，就係咁入左黎傅記。因為實在太熱，所以唔坐室外，入左入面涼冷氣，坐左一陣都冇人serve，貢去cashier位搵阿姐落單，佢唔理我，周圍望，得個水吧佬同另一個一邊食緊晏一邊睇股票嘅廚房佬，佢哋更加唔會理我啦，我又好耐性喎，坐低慢慢等，隔左一陣個樓面先行入黎，可能個埸大掛，得佢一個又冇人幫佢，不過個樓面真係幾好服務態度，另一枱有個阿伯行左入黎唔知食乜，佢都詳細介紹有快餐啊，碟頭飯啊⋯無耐，又問阿伯飲唔飲湯⋯講返野食，我當時完全唔醒起食燒鵝，我反而order左最普通嘅快餐（咖喱雞扒腸仔飯）同凍奶茶⋯後悔ing。咖喱雞扒腸仔飯嘅汁係商用咖喱胆開嘅，所以同其他茶餐廳一樣味道，雞扒就有D燶，不過有條腸仔外再多一塊煙肉。杯凍奶茶就唔合格，完全冇茶味。Total$50，出奇地平，所以冇所謂。

之前一篇食文講到同舊同學見天氣好轉，即興簡單行一轉「元荃古道」，由荃灣行到深井，起步前就問荃灣食個晏，行完出身大汗，就晌深井食個下午茶。今次就揀番晌出面大街嗰幾檔，最後選上「傅記」，無特別原因，隨心而已。始終天氣都比較熱，今日行山嘅人唔多，就算嚟到「傳記」，食下午茶嘅客人亦唔多。村屋鋪，所以鋪前架起大型帳篷，雖然有啲冷風機，但都幾悶熱吓，故坐嘅人唔多。我哋就揀坐入面實鋪，皆因有強勁嘅冷氣，涼快好多，尤其啱啱行完山添。而內裡格局如一般茶記，鋪仔細細，一邊喺水吧加廚房，另一邊就有幾張卡位，最好喺啲卡位之間用啲大膠膜隔開晒，夠晒防疫效果。老規矩，枱上放有餐紙及基本嘅調味料，而枱側嘅抽櫃就喺各種餐具。本來都影咗啲餐牌相，臨走時見到門口有啲單張拎，就索性拎嚟再掃描出嚟俾大家當個參考。講得喺茶記，啲定價都喺好相宜，就好似我哋叫嘅茶餐，都喺市價30零蚊，碟頭嘢4、50左近，小菜套餐就劃一$66。深井出名喺燒鵝，茶餐都有燒鵝瀨，不過，輕盈少少，食個包就夠晒。沙嗲牛肉脆脆豬仔包餐 $35平常無菠蘿油，就會揀沙嗲牛肉包，而呢度，就升級少少用脆豬。有相你睇，啲沙嗲牛肉真喺塞到爆晒餡，揭開個包補多張相，無花無

傅記是我們外賣和堂食的首選，價錢合理又好味👍🏻我們經常吃菠蘿生炒骨、肉餅、麻婆豆腐等，最近比較喜歡加4元轉炒麵底/炒米粉底/炒河粉底，正！！👍🏻👍🏻今日又去吃了菠蘿生炒骨炒麵底，正！！！炒麵底很爽脆，只食炒麵已經很好味😋而菠蘿生炒骨依然有水準，味道十足，甜甜酸酸，很開胃，加7元有凍飲，滿足滿足！

本來寫咗部份食評但唔記得儲存又要重新寫過。😤 不過唔緊要啦，而家疫情期間機乎都每天都在家煲劇，除了做一些輕巧的運動例如呼拉圈和健身單車外，偶爾都會從荃灣西沿着青山公路海岸線步行至汀九灘，休息一會再回程，回程途中繼續欣賞日落美景，都算係苦中帶一點樂趣。😅趁現在天氣還未太熱，今天延長了步行路線至深井，考慮過由山路前往，不過老公試過山路是比較辛苦和需要好幾小時，我這一個懶人當然是選擇較容易的路線，今天風較大，所以沿途邊走邊有一陣陣涼風吹來，感覺很舒適，而且邊行邊欣賞到金光閃閃的海景及青馬大橋美景，當然少不了拍攝風景及自拍，大約一個半小時左右就差不多到達深井了，而且近嘉頓麵包廠前面還有幾棵盛開的黃花風鈴木🌼，顏色非常鮮艷及非常漂亮，我們還在嘉頓麵包總部購買了一條籃白格包裝的麵包作為手信呢。🤣來到深井當然是要吃一下這裏的出名的燒鵝，正值下午茶時間，我們就決定去吃一個燒鵝瀨下午茶餐，但因為疫情出名的陳記燒鵝及部分賣燒鵝的餐廳都沒有營業，大概生意不景又不想太多員工染疫，所以索性停業。我們沿着大街一直向前行看到這一間傅記茶餐廳外面的餐牌上註明有燒鵝瀨粉下午茶，我們二話不說就進入了茶餐廳的範圍，連安心出

好多人都會去深井食燒鵝，深井村呢度就有幾間食燒鵝嘅舖頭，不過由於晏晝唔想食咁太多嘢，所以就決定去其中一間食下午茶就算。依間傅記茶餐廳嘅燒鵝都幾出名，不過我今次就係食咗一個西多士下午茶就算，西多士即叫即炸所以嚟到嘅時候脆卜卜，而且非常之金黃色，唔會係炸咗好耐，見你落單先畀你，再加埋蜜糖去食就啱啱好，而且蜜糖亦都係任落，絕對滿足到我呢啲食西多士要係咁點蜜糖嘅需要，另外加三蚊可以飲凍飲我就飲咗凍holick少冰，佢哋份量非常之足夠有好濃嘅好立克味，下次嚟到試下食燒鵝啦。

荃灣返元朗小朋友突然肚餓揀泊車位場決定食邊間泊咗喺公廁斜對面爛地停車場阿叔就指示我哋食傅記 免費泊兩個鐘燈位附近就喺傅記茶餐廳沙嗲牛麵喺公仔麵底 生熟程度正常男人的浪漫份量好足唯獨燒鵝瀨比晒全肉唔太啱心水

中午來到深井，見到呢間茶餐廳價錢都幾平民化，所以就入嚟食。 今日星期六，中午十二點幾，都冇坐滿人，去到就有位。清蒸黃花魚 配白飯味道ok，有住家飯感覺。肉質都嫩滑，係啲色水爭咁啲。如果假日唔想等位，都會食嘅。

做運動經過深井，所以嚟咗呢間茶記。講真深井選擇唔多，要搵間又可以食嘢，又可以睇到車嘅餐廳更少之有少，雖然睇過佢食評一般，但在無乜可㨂嘅情況下都要醫下肚仔再出發講真，以$46嘅快餐嚟講，有5個餐比你㨂，都算唔少選擇，仲附送例湯。我叫咗洋蔥雞扒煙肉腸飯，係將價就貨嘅情況下，都算ok，雞扒係快餐貨色，但入口尚算入味，只係個汁略嫌咸咗啲例湯有少少略咸，同埋相信有落味精，但味道都唔差服務就一般，但講真嚟呢度食，大多快食完就走，所以綜合價錢、食物質素，我覺得都算唔差