傅記茶餐廳

态度差到不得了，茶餐厅水准当然不是要求食物好高质素，态度好殷勤啦，比完钱，佢竟然怪责我将个餐牌唔摆返好佢，黑口黑面咁，我只系入边做咗一个叫外卖动作，两个侍应竟然有啲咁嘅反应，真系香港服务业嘅悲哀…查看更多

搬咗入深井成年搭䢂𠮶时听到有两夫妇讲一阵不如去傅记深井可以选择嘅食肆唔多于是我就去试一下1:30已经有下午茶有快餐，有，小菜客饭，碟头饭，焗饭，烧味…我想试清蒸鲈鱼，下午1点松已经卖晒于是叫咗时菜炒牛肉同干炒三丝意意粉非常有镬气$52 包热饮，味道淡咗少少时菜炒牛肉跟一碗饭$63热饮加$5，冻饮加$7深井多人养狗，有人带狗入坐虽然贴咗好多禁止吸烟但系堂食都有好几个人吸烟我觉得抵食嘅会继续帮衬尼度以后就系我嘅饭堂…查看更多

新的一年大家相约行大运，一早出发行至下午，行完山深井散队。又系时间食个下午茶补充体力，今日选了傅记，原本想清清地食个茶餐，忽然改变主意吃烧鹅濑粉，有惊喜！烧鹅濑粉到，哗一声，竟然系大大只鹅脾，填满整个汤碗，笑哂。烧鹅皮脆入口即溶，皮下脂肪薄薄的，好香口，鹅肉结实入味，充满肉汁，正。新的一年就奖自己一只烧鹅脾，濑粉质地爽口，好味。傅记的奶茶也做得好，顺滑有茶香。服务员叔叔很有礼貌又快手，开心的下午茶。…查看更多

嚟亲深井食嘢，都喺因为行山，上年年中就同个旧同学行「元荃古道」，由荃湾行到嚟深井，再食个下午茶。今次有朋友提议由小弟带队行多次，当然今次就舒服好多，感觉清爽凉快同样都喺深井为终点，又喺落番「傅记」食下午茶。环境就唔多介绍喇，因为上次食评都有讲 ，但由于呢次天气比较舒服，我哋就唔需要坐入里面「冷气房」，而喺坐晌出面嘅「帐篷区」，不过，感觉比较污糟，尤其帐篷边下面，好多垃圾、烟头、口罩。唔似入面，餐具放晒晌枱侧嘅抽柜，出面嘅，基本嘅调味料、纸巾、餐具就放晒晌枱面，自由取用。 呢度嘅下午茶好早就开始，1:30pm就有得嗌，所以，可以午餐时间嚟食都得。下午茶种类有好多选择，上次就试咗脆脆猪仔包餐，今次就选上烧味汤濑粉餐，咪睇佢喺一间茶餐厅，其实隔离铺又喺佢哋：傅记烧味海鲜饭店，所以烧味一环亦都有保证，至少唔喺街外来货，由自己铺「直送」。 烧鹅濑 + 热柠水 $47我同老婆各拣一款烧味濑粉，咁就变相成为双拼，先讲讲烧鹅濑，烧鹅嘅份量算喺俾得唔少，而烧鹅食落都几香口，外皮带点焦脆，鹅肉都好嫩滑，并且充满油香，真心觉得唔错；老婆惯例饮热柠水，就话可以消消油腻感㖞。叉烧濑 + 热奶茶 $43另一个喺叉烧濑，啲叉烧烧得几靓仔，仲有唔少㶶边位，咬落肉质算松化，最紧要无乜肥膏，同样叉烧嘅分量都好足，此外，濑粉份量亦唔少，食晒成碗濑粉真喺几够饱；而杯奶茶同上次饮落嘅感觉差唔多，唔叫好好，亦唔差，不过不失咁啦。以前食下午茶餐，都喺讲紧廿零蚊，而家就无呢支歌仔唱，而且，有啲茶餐份量直头可以当正餐，提供好多炒粉饭面、汤粉面之类一堆饱肚嘢。今次所食嘅两款烧味嘢，都好唔错，喺环境嘅感觉差少少啫！…查看更多

由大帽山行到深井，经历3小时轻运动后，食「肉」大增。深井村一带除咗成名烧鹅店，原来好多室外搭帐篷嘅地道茶餐厅依然屹立不倒。食物方面 - 叉烧米粉︰烧汁浓郁无过重味精，偏甜带点豉油味，混合热汤都唔会变淡口。半肥瘦叉烧，每件切片厚度适中，经烧烤过后外皮沾上光泽，眼见已食欲大增。微微熏黑猪肉脆边，猪油香加上松软肉质，配搭爽口偏硬米粉，好正。鲜柠檬蒸乌头 (跟饭)︰要等20分钟，即叫即蒸。唔止柠檬新鲜，连乌头鱼都系餐厅鱼缸锚起。虽然只有一边半条，但鱼身厚、肉质肥美。蒸煮时间火候刚好，所以十分嫩滑。柠檬酸唔会抢去鱼鲜味，却会为配饭加点开胃感，愈食愈满足。总结︰餐牌上有好多唔同蒸煮方法，唔同鱼款可以拣，小菜都有几十种。叉烧、鸡、烧肉、烧鹅等质素不错，当然无酒店或者择星中菜馆质素咁高。坐帐篷室外食儿时味道，卫生情况亦强差人意啦。不过做完运动更开胃，碟头饭、粉面份量十足，性价比已经超值。…查看更多