傅師傅甜品小食

营业中

休息中

已有一年多沒有到過大圍，很多食店已面目全非，看到這甜品店仍然在這村屋，便走進去探訪一下這水準有否提升！我们點了焦糖旦白焗芋蓉西米和雞旦焗紫薯西米。這兩款食物是類似的，同是四種味道集一身。焦糖一>旦白/燉旦一>西米一>芋粒/紫薯焦糖面是即燒，旦白/燉旦夠滑，味濃，我以為是芋蓉或紫蓉，原來是粒狀，吃起來更真實和有囗感，西米正常水準！整体不太甜，材料配合適宜，如再焗得熱騰騰一點，就更加好，天气冷了，熱食是首選！這款甜品配搭，我暫只是第一次遇到，有心思，有進步。

昨晚同朋友食完陳根記 ，友人話想食甜品 ，就開車帶我我來這小店 ，這店附近原來有好多糖水鋪 ，密集式排開，朋友說這店廷好，就帶我來一試，店面是兩間鋪位，但人數不多，跟朋友選了張枱就坐下，看完餐單就點了這中式糖水蓮子百合燉桃膠（熱）非常漂亮的成品，晶瑩剔透，白色蓮子（益腎固精作用）已煲至軟熟，有少許澀味，百合（性微寒平，具有清火、潤肺、安神的功效），跟蓮子是常用糖水搭配，有少許香氣，桃膠，有平民燕窩之稱，滋陰養顏，口感似蒟蒻，卻香甜，整體來說這甜品色香味俱全，高質甜品，32蚊一碗，非常抵食

個芒果梳手厘完全不能接受，沒芒果味，d果肉超酸，仲有個雪糕，完全唔可以叫雪糕球，係一pat野係度。我個fd叫左個楊枝甘露布甸，個布甸沒有口感，楊枝甘露入面冇柚子芒果汁完全沒有味道，可以叫做芒果水，對呢間甜品屋十分失望。

9月應該已開始轉涼，但今年既9月唔只冇轉涼，重打風添。行左陣比太陽曬一曬已經想入冷氣地方，第一時間就諗起呢間甜品舖，食陣甜品，等太陽落山先行出戶外。餐牌多選擇到呢，之前黎過N咁多次，次次食唔同款都未試曬。今次就食呢款叫盆滿砵滿，個名好新年，叫完都忍唔著笑。不過真心多料，有涼粉，粟子蓉，窩夫，士多啤梨雪糕，丸子，啱曬貪心既我。不過好大碟，食完要行耐D先易消化D。

一班人食完飯通常都會有下場 - 食甜品。而家好多甜品店消費越來越貴，但品質唔見得越來越好。大圍傅師傅甜品算係區內幾好既選擇，雖然只係一間小店，空間有限，亦坐得擠迫，但甜品選擇眾多，最重要係價格十分相宜！一般傳統甜品如豆腐花﹑芝麻糊﹑核桃露等，都係$30有找。筆者點左焦糖香芋西米焗蛋白，焦糖脆，蛋白嫩，仲有粒粒芋頭，好有咬口。傅師傅係節日仲營業至凌晨，黎緊中秋不失為一個消遣好去處，不過......應該都唔坐得耐

以前喺大圍讀書，成日都會去傅師父同同學食甜品。今日難得再經過呢邊，突然心血來潮，想買碗糖水回味一下。睇下個餐牌，傅師父嘅甜品款式比以前多左好多，亦都睇得出傅師父好努力追上紫薯熱、桃膠潮嘅大勢。不過我就想選擇返以前食開嘅甜品，加上天氣熱熱地，無乜胃口，所以買碗有水果嘅糖水，最後就選擇左蜜瓜世界。蜜瓜世界由蜜瓜，大西米和大菜糕組成。蜜瓜有9件，既甜又爽口，份量亦都算足夠；大西米軟硬度適中，有「趟口」；最敗筆係大菜糕，咬落去太有水感，好散，感覺唔夠實在爽口。整體嚟講，呢碗糖水談唔上有驚喜，但亦不過不失，其實有時候食嘢就係食回憶嘅味道，對吧？

甜品真係可以有第二個胃。係大圍有間想食左好耐既甜品店，一於開車去食食！花多眼亂！食咩好？就食個未食過既芒果梳乎里啦！分開時個質感都幾特別。入面好似粟米既其實係芒果粒！而件碟既芒果片微甜帶微酸，可能唔當造啦～雖然係蛋白打到發起晒，但係份量都大，食完都幾飽架！另外再叫炸雪糕～好飽！有三球，分別係朱古力、士多啤梨同雲尼拿味雪糕。外面有練奶同糖霜。炸粉都幾厚，所以好飽架！不過切開後雪糕就溶左一半。。。食到最後一舊，雲尼拿已經溶晒LU～

大圍糖水甜品店唔少，但又唔係真的成日去大圍幫襯喎，呢晚遊遍大圍搵甜品之際，俾朕點燈嘅就係呢間啦「傅師傅甜品」（∩▽∩）點佢燈就係為左呢個紫薯焗蛋囉，其實睇佢出面張相唔算好吸引㗎咋，但我呢啲有文化嘅人梗係睇字啦 （爆）有凍有熱，個人覺得熱食比較出色，焦糖燒到脆脆，面層蛋味濃郁，好正啊！配埋紫薯簡直無敵，雖然有焦糖，但唔會太甜太漏，好想再去食多次啊！另外叫左薑汁芝麻湯丸，umm...皮唔夠煙un，芝麻餡冇流心，仍然係膏狀，唔覺得好好食，可以接受嘅。

平時比較少去開大圍，今日黎到大圍食完晚餐，都想試試其他好野食😳所以就食個飯後甜品🍧之前聽講過師傅曾經喺半島酒店做過，所以對甜品素質都有一定信心。我地9點半左右黎到門口，比想像中罨耷🙈似係傳統中式糖水鋪，亦都唔算好多人，不過有兩邊鋪面，感覺上空間都大，容納到幾多客人。坐低之後點左一個凍朱古力梳乎厘同埋心太軟🍫點梳乎厘嘅原因完全係對凍嘅梳乎厘零認知，感覺好新奇😂過左5分鐘左右，梳乎厘已經到喇，好快手👍🏿一望落係超級大個，配埋雪糕同少少生果，$45都算抵食。個人覺得一試無妨，但始終熱食好食啲😳另外個心太軟同出面其他甜品店做法一樣，我地等左大概15分鐘，黎到一望落比外間嘅細一個碼🙈朱古力漿唔算太多，但勝在夠新鮮夠暖苙苙。食到底陣朱古力會超濃，濃到有啲over左，因為好痴口，都幾膩，食過最濃朱古力味嘅心太軟🍫🍫🤔有一點唔太鐘意嘅地方係好多甜品都用生果伴碟，個人認為味道唔太夾，不過整體上呢兩樣甜品水準都不錯，值得推介😋

話說因為要幫屋企做少少野，所以今日特別請左假入左大圍做野，做到2點幾3點要搵野食。親友話不如食個甜品，所以入左呢間小店度。第一個印象就係老闆勁好笑容一次過滿足我4個願望，有焦糖布丁丶窩夫丶心太軟同埋雪糕。焦糖布丁最有驚喜，口感好札實，蛋味好香好重，食得出超足料，唔似出面有D勁HEA的布丁味道同口感窩夫脆卜卜，食落口幾香，加上甜甜地雪糕同朱古力醬唔錯心太軟都幾出色，流心做得好出色，加上朱古力醬用得好，唔會太甜或者太苦，味道適中，好出色！

路經見到傅師傅甜品兩間舖位也坐滿人，負責人稱自己是前酒店糕點總廚，姑且入內試一試，但可惜真的很失望。鮮果千層酥一上枱已知道根本不是那一回事，是我吃過最難吃最失敗的千層酥。千層酥沒有味道，只有少少吉士，大部分都是忌廉。內有很大件蜜瓜、西瓜、哈蜜瓜和芒果，但只有芒果是甜的，其他水果都是淡而無味的。榴槤鮮奶焗蛋榴槤味不太濃郁，蛋味又不夠，焦糖燒得不均勻，簡直令人失望。總括來說，侍應服務欠佳，甜品未夠水準，我們應該不會再來了。

第一次食糖水食到咁angry 首先我地一共3個人去到餐廳門口, 都見有人等位, 跟住就去攞飛, 點知佢話咁岩有枱可以入得, 覺得好好彩。入到去, 佢比左張4人枱我地, 我地見到後面張枱既客人同我地同一時間入坐, 佢地都係3個人, 然後我地就order野, 跟住後面枱既客人先order。等左大概5分鐘, 見後面枱既客人既糖水已經到齊, 但我地個d重未到, 但都一於小理, 諗住可能我地個3碗要整得比較耐。再等下等下又5分鐘, 見到後面枱既客人已經差唔多食完, 所以我地就去吹個店員, 點知個店員同我地講: 你地叫個個係芒果西米露, xxxxx同xxxxx嘛!但除左芒果西米露其它個兩樣都唔係我地叫既野, 好明顯係唔記得左又漏左單。但我地都係算, 糾正番佢我地食乜之後, 大概3分鍾後, 我地既糖水終於黎啦!我叫既糖水係芒果西米露, 我首先食芒果, 已經覺得好酸, 但諗住可能芒果唔當做, 唔怪得間店, 點知一試佢個糖水, 真係好甜, 唔知係米店員知道漏左單, 想快d攞過黎, 跟住落糖漿重手左。然後到我朋友1號, 佢叫左個熱芝麻糊, 但佢一食落口, 怪怪的, 係暖唔係熱既, 口感有D嘔心, 所以佢就

今日同朋友食完飯，點都要食埋個糖水，先係大完滿，傅師傅已經係我們第三次去啦，但係今次就相當不完滿，第一無叫位，早到就無位，遲嚟就先有位，攪到D客嬲爆爆，之前兩次去D伙記，都唔係好面口，今日平安夜去仲差，D甜品大力放低便轉身走人，但其實啲糖水根本就唔係我哋，而且不只一次，跟住就响度駡。最重要係D糖水，講賣相冇，講好味一般，可能因為多人，就溝多D水好唏只有個老闆係會笑，食咗62蚊，俾80蚊找8蚊。整體無禮貌加食物一般，所以真係無一次！

今次試下其他甜品新款甜品外表 影相0K有窩夫，紫薯波，水果，雪糕球，啫喱粒，合桃糊試下味先味道方面窩夫凍到似模型(唔熱，唔係即焗，口感好硬)紫薯球(好凍，以為自己食雪糕，點解唔熱上枱俾客?)水果新鲜，啫喱都oK外觀正常的合桃糊食落(好小合桃味，口感似粉加水造的合桃糊)太差雷沙湯圓大粒(但粉好濕)咬了一口唔流心芝麻芯(好失望)而且凍的口感真的好差(甜品唔新鲜)之前主理師傅坐鎮(甜品 真心好食)現在再食，俾我的感覺無心做甜品

很久之前(大圍很小甜品店)……為了食這個千層酥，搭車入大圍食，現在突然想食(再點這個甜品食)千層酥size 短左woo, 生果依舊多，酥皮好薄好香脆，配上幼滑吉士cream,好味！(最怕忌廉的甜，這個甜品用吉士，不太甜，吉士好香滑！)生果好多(士多啤梨，蜜瓜，西瓜)生果好甜多心的我揀左 雜錦心太軟(吉士、窩夫、心太軟、雪糕配水果)吉士布丁，好香滑(不算甜，重蛋味)窩夫(重蛋味，焗得不算脆身)心太軟(朱古力溶漿多，好流心，味道方面好濃的朱古力味，心太軟蛋糕皮算薄身雪糕和水果中和了心太軟的甜好流心的心太:雜果雪糕凉粉雜果少左d，涼粉滿滿生果不算甜(證明用新鲜水果，不是用罐頭:涼粉好多………………底下用左甜煉奶woo 配本身無甜味的涼粉一齊食，立刻好swee:店鋪比新式甜品，外表欠新鮮感，但味道不錯，而且價錢親民，中式糖水好多款(外面比較小)想食中式糖水，不錯的選: