倫哥火鍋私房菜 (已結業)

一行8人, 點了2個鍋. 湯底味道十分好. 所有火鍋配料質素亦很好.可以算得上中上, 牛肉非常新鮮, 海鮮亦都係. 整體十分滿意. 連最後既甜既亦十分美味, 比不少甜品店好.唔好既係汽水款式很少.

半年前食過一次，覺得不錯，今次再帶朋友來再食，非常失望，仲要好激氣，從來未食過甘差嘅所謂的海鮮拼盤，真的不知所謂，又吾新鮮，又小，青口又爛又晦，兩個人得半隻蟹，竟然細隻到，不如唔好俾我食啦，龍躉片又薄又細片，仲要薄到中間差些斷開，連貴妃蚌也沒有，後來我見到其他枱是有貴妃蚌的，我們都懶得跟他理論，埋單走了就算，還有鴛鴦鍋是要另外加$30，又沒有跟我們說，埋單$700真是又貴又難食，食到一肚氣，服務又差，以前會幫你整下個雞煲，現在叫你自己整四次，2分鐘一次，都唔會有人理你，一定唔會有下次。

很久以前和朋友吃過一次倫哥，之後就常常想再吃一次，這次終於都可以再吃了我們點了海鮮火鍋套餐，侍應很做就上了雞煲，雞煲很多，我們都吃不了多少，然後就轉了咁海鮮火鍋啦！ 海鮮的份量都ok, 有蟹、龍躉肉、鮮蝦、聖子、蜆等等，可惜海鮮都偏細隻，龍躉肉又很薄，很失望，而且其他火鍋配料都很普通，嚮玲還是很軟淋淋的，一點也不脆！ 以往來，一開始都會先上左小鮑魚和帶子，但這次，我們連火鍋配料都吃完，都未上！ 所以我問了侍應，原來他們是漏單了！ 已經很飽了,再吃鮑魚和帶子也沒有什麼滋味了！ 老實說這次是失望而歸

朋友推薦好好食 見深水埗近近地 一於去試下但今次去到 感覺名過於實朋友說同上次食既質素差好遠 退步左食物不新鮮 催幾次才上食物爐又壞要換gas爐味道又唔係咁好 仲要$350應該只此一次

倫哥私房菜食過幾次 都係一樣咁好味 又新鮮 正先雞煲後火鍋🍲汽水任飲，送鮑魚，兩款前菜，燉湯同甜品雞煲任食 食左3轉 夠辣夠香麻 🌶火鍋海鮮夠新鮮 肥牛肥瘦適中好好食但就唔係任點任食 唔太夠喉 墨魚滑蝦滑有驚喜🦐其他不過不失 ..✅欣賞:食完雞煲換另一個鍋打邊爐，就唔會成鍋油淋淋總括而言，性價比好高適合大胃王同三五知已價錢$293 另收加一 .. ✨倫哥私房菜地址:深水埗福華街39號✨

第一次去太子倫哥私房菜食雞煲同火鍋！雞煲：香料十足，有鑊氣，食得辣既推薦食小辣以上，因bb辣真係好少辣。豬骨湯底火鍋：湯底好濃郁，推薦！海鮮拼盤：有蠔、象拔蚌、聖子、蝦、魚、青口...以人頭計數，一人一件，滿足！

放工後同幾位同事一齊試食倫哥私房菜真係要提三日或以上book位 如果唔係好快冇晒位（盡量用電話book whatsapp 覆得幾慢下！）仲有幾款特別湯底 要早一日book 好鐘意食呢到既鷄煲 之前有朋友對味精敏感 但食完呢到既食物 返屋企都冇特別既情況證明用料新鮮！海鮮種類都多值得一試呀！

任食火鍋價錢唔算貴，海鮮夠新鮮，雪花牛都好好食。不過就唔係欽點嘅，每人一份。但係其實海鮮都夠多，而且欽點嘅火鍋配料款式都唔少，龍躉片都有得食，咁嘅價錢都算唔錯啦！手打墨魚滑有驚喜！

未食前有D期望, 食完就覺得還可以啦, 只係期望過高佢花樣比較多,雞煲,火鍋,限定配料,湯,鮑魚,甜品係逐樣上,等你覺得好似好多野食咁, 限定配料又唔係特別名貴而每人除開每樣得一兩件咁, 計埋任食果堆整體食物係有D質素但並唔係特別好,  同市面其他賣單二百蚊任食差唔多, 而深水埗呢間地方唔算大,環境比較一般食完之後係會口喝嘅計埋幾罐啤酒最後賣單每人三百三,個人認為貴左D只係想讚下其中一個阿姐服務態度幾好

▬ ▬ ▬高質任食雞煲。海鮮打邊爐。▬ ▬ ▬.天氣凍，梗係打邊爐啦😍同十幾個屋企人食好開❤️上一次同爸爸媽咪食過，佢哋兩個都好鍾意，所以叫埋要搵其他人一齊打邊爐做冬。由於人多嘅關係，我哋book咗間房咳，就唔會騷擾到人，不過侍應就好少主動走入房，點食物就麻煩少少。。今次送嘅燉湯都幾好味，而且個鮑魚都係送嘅配上花膠，不過上一次嚟嘅時候送象拔蚌刺身就更加吸引啦。.雞煲任食海鮮火鍋$293/1位食完雞煲（無限添加）雖然話無限添加，但係大家都好希望留肚食海鮮打邊爐，所以一次就夠啦，沒有再添加，不過大胃王就啱晒，仲有唔同嘅辣到俾你揀添。跟住海鮮打邊爐，大約有九款海鮮。海鮮盤：每位海鮮一份🦑🦐🦀🐙🐟由於我哋人多，所以海鮮盤超級澎湃。店員建議我地先放隻蟹，再放貴妃蚌、baby象拔蚌同生蠔落去，唔需要滾太耐，轉色就食得。最抵食係部份海鮮仲可以添加，例如海蝦、白蜆、生魚片同脆肉鯇，鮮甜到極。屋企好鍾意食蟹，除咗新鮮之外，仲有蟹膏添。.試咗兩個新湯底（要預訂）♨溫泉雞🐔湯底天麻🐟龍頭湯底 兩款湯底都👍🏻魚湯超讚，未打邊爐已經俾我哋飲晒哈哈哈。既然頭啖湯叫我地試清楚，點知我哋飲下飲下，飲到差唔多飲晒，飲晒之

叫了1664 tower, 嘩！暖嘅😥唔係因為冬天啩，牛肉係雪牛同我上次食係兩件事，餃子呢，頭次係鮮餃，encore就來冰的超市級餃子，而温泉雞湯應該係淡了很多，唉……大家一致決定，最後光顧此店，今天是與朋友食生日飯，估不到令大家失望

今次去倫哥火鍋私房菜，都係叫左佢個海鮮餐。同出面其他海鮮餐一樣，肥牛都係冇得任食架啦，雖然佢來果一碟都幾正幾好味。海鮮拼盤方面都算多野食，有蟹有蟶子，尚算足料，加多隻龍蝦就更加好。咁飲品方面我地叫左1664 Tower，咁多人都叫左三次成6L啤酒。咁其他配料方面，除左海鮮，都幾豐富，但質素其實全部都差唔多咁一般，最好就係個手切肥牛。除此之外，都冇乜吸引嘅配料。最後佢送甜品，係黑糖水晶之類，睇落幾特的，但其實食落冇乜驚喜。總體來講，個餐三舊幾都算幾貴下，因為佢嘅質素唔係十分標青。

10月都仲係熱辛辣辣，反反傳統食個邊爐雞煲。 實行預祝冬天來臨。首先一行4人黎個雞煲小辣， 跟足侍應教法， 每隔幾分鐘就攪佢一攪，又撈佢一撈， 確實又幾好味， 雞滑又入味， 再加d配料， 頭一轉食左好多。 可能因為大家實在肚餓， 成個雞煲食清晒。再黎就選左個冬瓜滑雞湯底， d湯有椰子同雞， 好重椰子味， 仲食埋d椰子， 滑滑地又幾清新不肥膩。 之後就放d海鮮落去， 坦白講， 海鮮吾太新鮮， 無乜特別， 份量少， 個脆肉鯇好伏， 食有都咬吾開， 仲要係吾新鮮。 其實海鮮都係d蜆，吾覺有乜驚喜。 最好都只係湯底同雞煲而已

極力推薦！和朋友聚會，其中一位朋友介紹這間倫哥。食完全枱人都話好得，一定會再幫襯。平日晚上$288任食，汽水任飲。最緊要係唔限時間。首先，會有一個雞煲，任食的，有辣有唔辣。我哋七個人，點了一個唔辣一個中辣。雞煲已經好正，每煲食咗兩轉。 然後，有一個椰子雞湯底火鍋，中間有個冬瓜環。火鍋跟一盤海鮮及一碟手切肥牛。部份海鮮(蜆、蝦、魚)任食，墨魚滑、響鈴、炸魚皮、蔬菜任食。肥牛要添就要加錢，大$138/中$68。椰子雞湯超正下次會再朋友去食。多謝倫哥為我們帶來人間美食。真心極力推薦！

一次過滿足兩個需要已經第二次黎倫哥打邊爐，從來都無諗過餐廳既所抽獎會中醬，點知我朋友食完倫哥後仲左$1000現金卷，所以黎食多次。首先黎個雞煲，服務員好耐心咁教我地點煮，又會提我地幾時食得，以免過熟。海鮮、牛肉和丸類真係不得了，有部分食物仲要係任點，但一個人得一個胃，點食到咁多。火鍋材料非常新鮮，海鮮並非便宜貨，蟶子、蚝、蜆、蝦全部都大大隻。牛雖然係本地牛，但都有好濃的牛肉味，唔會有一般美國肥牛既韌和雪藏味。丸和餃其實都有好多種類，並非街市平貨，但太多野食，真係食唔哂咁多款。