倚窗閣

营业中

休息中

九龍酒店倚窗閣的自助餐向來博有名氣，因為有大部份人皆非常喜愛的即開生蠔、刺身壽司、和牛及燒牛肉，同時照顧客人的中國胃，點心、燒臘及燉湯不缺，中西日兼備，款式多元，水準不俗，現正推出避風塘主題，在各大網站有折扣，大概每位五百多元消費，酒店自助晚餐來說，CP值高！這晚我最喜歡：- 紅菜頭芝士- 阿根廷紅蝦- 帶子刺身- 松露和牛芝士火鍋- 海膽帶子意大利麵- 苦瓜響螺燉雞-「混醬」北京片皮鴨- 避風塘蒜香比目魚- 避風塘虎蝦- 法式梳芙厘- 10款Mövenpick雪糕中的薄荷朱古力及冧酒提子口味- 窩夫依次序先來介紹沙律，DIY之外，已調的羽衣甘藍牛肉蕎麥沙律、煙火腿菠蘿沙律及粟米沙律皆是美味健康的組合。火腿芝士系列之中，特別推介紅菜頭芝士，紅色的誘惑，口感軟熟，幾特別幾好食。當然不會忘記即開生蠔，回本必吃。海鮮冷盤有紅蝦、雪花蟹腳、紐西蘭青口、智利藍青口、螺、大蝦等。紅蝦比較細隻，但不乏蝦膏。刺身新鮮，尤愛帶子及大大隻的阿根廷紅蝦，另有赤貝、油甘魚、劍魚腩、三文魚及八爪魚。 中西式湯各兩款，西湯自然必飲法式海龍皇湯，非常豐富的海鮮。中湯之中，我最喜歡苦瓜響螺燉雞，飲得出層次。松露和牛芝

好耐無食過咁多類型嘅buffet, 各款食物水準都爭平均👍🏻絕對有驚喜5分 - 海鮮區：生蠔鮮甜、北海道帶子又大又甜、仲有蟹腳魚生，最驚喜係蝦刺生超大隻😋3分- 熟食區： 最好味有片皮鴨、和牛、天婦羅、唔同煮法的蠔。味道很好，但熟食款式略少5分-湯區：我一向係湯怪，中西湯都好飲，特別係中式燉湯4分 -芝士區：平時好少見紅色芝士，試左又幾好食，特別👍🏻5分-甜品區：除左海鮮，甜品區的分數都好高。有的最愛的芒果拿破倫、movenpick 雪糕。連中式甜品都有埋，涼粉同楊枝金露都係的鐘意嘅甜品。最後仲有廚司現場整火焰雪山，小朋友睇到好開心4分 - 飲品區： 很少酒店有的飲品任飲，幾好，夠細心

自上次食自助餐無生蠔食，所以今次一定要搵間有生蠔食既自助餐，價錢又唔太貴，而且品牌大既酒店會安心d。上網睇到九龍酒店唔使$600位自助餐，所以就去試下。可能平日關係，大約7，8成滿，我地過左開始時段先到，大部份人已經開始。款式很多，生蠔，蟹腳，龍蝦仔，刺生種類多，有3文魚，帶子，蝦，赤貝，油甘，劍魚。湯都有3款，熱盆有好多款，串燒，天婦羅，甜品都有十幾款，最驚喜係有梳乎理，另外飲品除了咖啡，茶，果汁，仲有汽水供應，整體cp藉好高，生蠔新鮮，刺身款式多，不過解涷得唔太好，返到枱食時有少少水，雪糕都有12款，淨係食雪糕都飽。另外refill食物都很快，收碟都算ok, 有service, 會推薦大家一試。

性價比高的自助晚餐，因為生日就去食自助餐（訂位時備註有mark是為了慶生，以為洒店會有驚喜送給我們，結果係冇），本來去紅館對面果間，點知到訂位時發現比上個月睇加咗價，結果揀咗冇加價的倚窗閣，呢間身邊有朋友多年前食過lunch buffet，覺得理想，今次一於試試dinner buffet，結果係吃得滿足之餘，家人已經話會再回頭。環境帶點平實感覺，感覺不像其他洒店高級，但是清潔，這點更重要，食物種類也多，尤其熱食，本期以蠔和和我作主題，生蠔新鮮及甜，並有多種烹調方法，湯清甜冇味精，沙律味道有別於一般自助餐味道，醬料特別美味，普通一塊薄薄窩夫，反而是我推薦必食之選，外硬內濕潤，不甜，配上雲尼拿及綠茶醬，encore多次，另外芒果拿破崙也是必食，反而多人排的疏乎里，個人認為太甜，不食也沒有算失。總括食物質素佳，種類多，性價比高，服務態度可以更殷勤，相對還是可以再回頭的一間自助餐。

自從3月食左個Lunch Buffet之後呢間自助餐俾我入左黑名單原因就係海鮮唔生鮮，生蠔完全係冇味的今次朋友仔突發想食自助餐呢間見到有優惠，朋友仔又未食過所以帶佢黎試下先今次海鮮帶驚喜，生蠔即開即食長腳蟹鮮味濃送的產品係龍蝦隻蝦比較硬身，唔係咁好味上次排梳乎厘行左好多轉都冇今次好快手（可能係冇人食🤣）比我食到2轉梳乎厘好好食，個底唔會有麵糊甜品唔算好好，最好食係芒果拿破崙及木糠布甸最後自助餐今期特別產品係火焰雪糕蛋糕幾好味，可以當雪糕食今晚的體驗係好過上次好多

好耐無食自助餐，呢輪睇咗好多食評，搵到間午餐有買了送一，三人同行都係每人$300，啲食評都話性價比非常高，同好多年前嚟過，見咁抵食就來試吓水準保唔保持到。一坐底放好嘢就去望吓啲生蠔先，見都十個八個排隊，所以都係食咗蟹腳先，剪開蟹腳睇落唔削，食落幾有鮮味，唔算咸，個人鐘意食蟹鉗多啲，因為鎖得住啲蟹汁向入面，我同阿仔、家姐起碼砌咗佢3-40隻。跟手見少人排隊攞蠔，就開始食蠔啦，啲蠔有啲肉地，食落有海水味、非常creamy、有礦物味，估唔到落蠔吧食十蚊隻都未必有嘅，居然自助餐有得食，個人隊咗成20隻，仲唔翻本！之後飲咗中西式湯，中湯椰子煲雞，好濃味，西湯蘑菇湯，啖啖都充滿晒啲菇，啲cream味都好香。家姐就鐘意食菜，佢話啲菜都好新鮮好味，佢有食牛脷，但佢就話牛脷啲味普普通通。跟住就到刺身，啲劍魚腩都有油香，三文魚正常，其他都唔錯，起碼非常新鮮。然後居然有碗仔翅，都幾足料。可能真係食太多海鮮，熱盤食唔到。甜品有啊仔鐘意玩嘅朱古力噴泉，佢都好滿足。總括嚟講係非常抵食，一啲都無失望！

自助晚餐回頭無數次，生日月份4個人，平均501$一個人仲有枝紅酒送🫶🏻🫶🏻🫶🏻🫶🏻🫶🏻超扺食❤️❤️❤️❤️❤️服務都好好，知道我慶祝生日仲寫左個有字嘅碟俾我，但蛋糕自己放 就差少少啦，不過都ok嘅。生蠔好新鮮，魚生都好食😋😋😋😋😋😋熟食我個人一般，但款式都多🫶🏻🫶🏻🫶🏻🫶🏻🫶🏻甜品方面，梳乎厘最出色😋😋😋😋😋值得一試嘅自助晚餐🥇性價比高✅✅

轆轆下手機 發現哩間酒店出咗個平日上班族一小時自助餐（book咗1點 記錯點半 好彩可以調時間）平時食嘢像跟時間競賽嘅我 真係覺得好抵食可以咁食長腳蟹 刺身 朱古力噴泉 N款蛋糕甜品 仲有movenpack雪糕缺點係佢啲熱葷可以忽略佢個平時出面食襯咖哩食嘅嗰款鹹脆薄餅 係林架我食過其他地方嘅 都未試過會係林嘅仲有切牛肉呀 不過又係嘥氣 are咗個胃熱葷我唯一覺得幾好嘅係 美式豬肋骨佢啲肉整到好林 一咬就散 同埋個汁好味 但有啲偏乾不過雖則熱葷麻麻但我可以專心食熱葷以外嘅嘢二百蚊倒 真係真心抵到爛總括而言有食嘢速度嘅你 快啲來吃鍾意慢慢嘆 小鳥胃嘅人可免

去咗倚窗閣食自助晚餐，而家做緊和牛主題。各樣食物都唔錯，比想像中有驚喜先講凍海鮮，新鮮生蠔有兩三款，都算新鮮其他海鮮有龍蝦鉗、鮮蝦、蟹腳、同埋青口，海螺等等，整體來講選擇算多，食落都唔錯好味熱食方面，主打和牛，有唔小和牛系列嘅食物其中包括炒和牛粒，有檔口即炒惹味又好食和牛湯，和牛非常好食，湯底都唔錯其餘仲有龍蝦喇沙檔，有好多唔同嘅海鮮同配料可以選擇，有龍蝦食當然非常開心，喇沙湯底都非常惹味甜品方面更加係自助餐之中非常高質素嘅甜品，有招牌疏乎厘，同埋好多選擇嘅蛋糕，試過嘅都非常好味平時好少食自助餐，但呢間都值得推介

一家人在這食午餐、上次已是三年前、午餐都有生蠔任食、蠔雖然細隻些但味道還可以、甜品出色有抹茶紅豆蛋糕疏乎厘、mini冬甩好得意、10款Movenpick、飲飲橙汁汽水、服務非常殷勤、會再來😊😊

今日book左倚窗閣同屋企人食lunch，比預期中有驚喜👍🏻雖然我坐嘅位置冇海景，但窗邊位落地大玻璃對住半島酒店外國風嘅景觀，嘆杯咖啡都別有一番風味，好chill🥰食物方面，都冇令我失望，我地係叫A La Carte，中式西式都有叫，好欣賞佢地廚師對食物嘅用心，即使係普通嘅lunch menu，佢地嘅擺盤都好精緻唔會馬虎，味道當然仲好好食，岩哂中意打卡嘅我🤣最令我難忘嘅係芒果拿破侖，之前已經聽朋友講佢地嘅甜品唔差，今次特登留肚試，果然高質！皮脆吉士甜度岩岩好，唔會死甜，下次有朋友生日都買個蛋糕分享下先！總括嚟講，呢個價錢食到呢個質素嘅lunch，性價比高，抵！

我係因為呢間自助餐中午有生蠔先選擇佢，點知大失所望生蠔勁唔好食，又冇海水味，又唔鮮甜，口感奇怪長腳蟹&小龍蝦都好味，夠鮮甜梳乎厘出爐時間完全接唔到，出去拎時唔係未熟就係要等好耐唔知係唔係因為我拎果轉多人等，我食果個梳乎厘個底仲係麵糊食物選擇唔多，冇咩特式

因參加本地旅行團清水灣西貢旅行， 所以能去九龍酒店自助餐。 今期星馬泰海鮮自助餐。平日旅行包團去食， 所以人流唔算太多， 食得舒適。午餐食自助餐， 好豐富， 食物都算多。魚生唔算好好， 一般有生蠔， 長腳蟹。 海鮮都係一般質素。熱食物有冰鮮牛仔骨魚塊， 都滑燒味有叉燒，油雞中式點心燒牛仔肉夠林有椰子雪耳湯，夠滋潤養顏。又有燕窩粥甜品仲有多款選擇， 又有生果。總評。以包團自助餐來說， 抵😗食物質素。 ＜價錢行先去計， 有6分＞🤔🤔不過唔多星馬泰選擇。

昨晚和我的另一半抱着愉快的心情，去到這久違了的餐廳，情人節前夕的自助餐。衝着東南亞美食的標題，誰知敗興而回！先講餐廳的食物已大不如前東南亞美食更加不用提、 最令人失望係嘈雜嘅環境有兩台客人可能係開生日會飲得爛醉如泥大吵大鬧這種狀況在深水埗旺角油麻地的地痞餐廳不足為奇、跟餐廳經理反應係完全沒有反應，其實昨晚餐廳的入座率不夠四成、場邊角落有好多空間位置 其實餐廳經理可安排適當位置，令每個客人都有一個舒適嘅環境享受晚餐，所以倚窗閣再見了。＞

2月生日聚餐。當晚餐廳極少客。生蠔全開定，不是即開。岩蠔勁難食，投訴也冇理。服務員少都得1至2個人。廚師也極少為客人服務。想要梳乎厘，甜品廚師行開，其它廚師不會幫手，足足等左15分鐘還沒有人理會。為由找服務生投訴才可以取。這樣的服務態度及食物的質素。令人