倚窗閣

营业中

休息中

昨夜朋友介紹去吃宵夜Buffet 每人$158 恆生有九折9:30 - 12:00am人很多，但食物種類不多，並且水準實在麻麻，食物很快便給人食光，魚生如三文魚，給光了便沒有補充湯實在難喝，唯一是有生蠔和青口比較好未到12時，很多東西已經開始收拾下次不來了

小暑最好做什麼? 對住個海上COURSE特別開心，雖然時間都好長，不過都唔覺辛苦。之後?食自助餐囉。其實對自助餐無特別感覺，任食同任選2個原素往往會令大家忘卻品嘗食物的真正美味，食得過飽又辛苦自己，一不小心，又會造成浪費。不過，哪個朋友們不是看到滿桌美食而雀躍?包括自己在內，特別日子，就放縱一次啦。送鮑魚伴以西蘭花- 鮑魚細細隻，一口吃掉，好有鮮味，是個好的開始。長腳蟹- 本人好喜歡食蟹，所以對此味菜亦有相當期望，但，蟹腳小、殼內的蟹肉縮得很小，蟹肉有雪味，no good。生蠔- 細細隻看上去並不飽滿，不過食落有海水味、夠creamy，為免浪費，先試一隻，發覺掂喎，先後3次再出去，食左4、5隻翡翠螺- 中規中舉，加埋甜醬食，加分小龍蝦仔- 殼硬頭大身細無肉(希望龍蝦仔不會聽到)椒鹽賴尿蝦- a，諗住大排檔整的先會好食，不過又唔係喎，雖少了點氣，不過新鮮蝦甜沙律- 由於肚子位置有限，其實有些沙律想吃的都吃不了，只吃了些少蔬菜沙律加olive oil & 黑醋汁，好醒胃鵝肝配小粒紅莓- 鵝肝好味呀，味道濃沃，食左三片，仲要用法飽送，很滿足各類芝士配法飽及意大利飽- 都係最鍾意食cream

星期六同親戚來食dinner buffet，一行十一人。0的野食唔錯，冷熱盤、各類凍肉都幾好~開開心心咁就坐左3小時~

又到朋友生日，今次去九龍酒店試新野，要搵地點方便既自助餐，所以就黎呢度，上網睇過話呢度餐廳有黃金一英里之稱，似乎大賣食物款式多，急不及待跟朋友們視察有乜食，前菜有魚生壽司、各款沙律、凍肉冷盤都有十幾廿款，最估唔到係有無限量供應生蠔，雖然不是什麼高級貨色，是來自太平洋的生蠔，但都可以滿足一下吃生蠔的意欲，熱食賣相都唔錯，有十多款，還有印度酥餅、燒味、薄餅等，仲有生滾粥檔、燒牛肉、焗火腿檔及即煮意粉檔，甜品質素亦十分不錯，最興奮是有6款味道Haagendazs既雪糕，有我至愛既綠茶味，食幾個球都抵返晒啦！每位$168,不過朋友有咭85折，乜都抵晒!!

原本約好聽晚同朋友食法國菜,但有人想食desert buffet當晚餐,但我就十五十六,不過就試吓趕緊今日內睇搵唔搵到啲好食o既desert buffet,點知多數都係8:30pm後至開始,因為其中一個朋友唔想晏至開始食,咁又唔得.o係誤打誤撞o既情況下見到呢間酒店dinner buffet o既食評,都唔錯喎,點品又唔算少,一次過可以滿足晒我o地三個人o既願望,於是o係2007年5月18日星期五下午2:35打電話去問幾錢,接o左去coffee shop,有人接聽到我問o野,都未問完就cut o左線.打第二次,好o勒,今次可以完整地答o左我問題,價錢係$338一位,我再問佢有冇.......未問完佢即時搶答Compess Visa 85折,恆生,匯豐cerdit card 9折.佢估到我問乜,於是我話唔該晒(我係想收線),但佢比我更唔耐煩地同快過我收線.嘩!一間畀人印象唔錯o既酒店,我未食卻早已被佢o地呢個服務態度嚇親,大個折扣.唔通佢知我食唔起?定抑或佢o地唔憂有生意?既然係咁,我都o係呢o度畀個'折'佢啦.PS:今次我只可以就佢服務一欄畀分,其他我就唔好參考喇.

這裡的自助午餐可算打開繽紛復活節假期多姿多采的節目的序幕。復活節假期這裡除了有Special discount之外，更有特別活動送給小朋友；而這裡的甜品、糕點、朱古力噴泉及六款Haagendazs絕對滿足兩位小朋友，故復活節假期的首日就來到這裡。雖然標明是Window seat，但其實對著半島的背面，沒什麼景致可言；服務員真的貼貼心心，收拾杯碟、幫忙拍照、添水加茶都快快趣趣，服務這欄目應該不成問題。感冒初癒，故生蠔、魚生、青口、大蝦都沒有品嘗，況且看到外觀，都是一般自助餐貨色，可以錯過；其他熟食都是正路貨色，沒什驚喜，反而現煮現賣的蟹王海鮮粥絕對對板，看著蟹王不住的添加到海鮮粥底內，由雪白的粥底慢慢變成黃澄澄的海鮮粥，味道非常對口。甜品和糕點不需懷疑，每款丁點的已半飽了，而小朋友在甜品蛋糕及Haagendazs衝擊下可說跑足全場，犀利。其實現在的自助餐很多款式都差不多，反而是以服務、環境為主要；這裡的若是帶小朋友來光顧的話，這裡亦可算為一個不錯的選擇。

第一次黎, 好surprised有6款haagen dazs已經底哂!!磨菇湯好味! 又濃又CREAMY. d 麵包放係個暖爐入面, 好鬆軟仲有新鮮刺身(三文魚好正), smoked salmon, 燒西冷扒, 即滾粉麵....咖哩羊同印度薄餅good! 甜品非常豐富!! 有mango napolean (pastry is so crispy!), blueberry cheesecake (american style), mango cheesecake (mousse-like), bread pudding, chocolate cake.... 特別d既有pistachio and hazelnut mousse cake, 好濃hazelnut味! 最後食haagen dazs.. 超滿足!!飽到連dinner都唔係好食得落..原價$148 + 10% what a bargain!!!一定會再去!

今晚提早同Ｄ朋友食ＢＵＦＦＥＴ（當食聖誕ＢＵＦＦＥＴ＾＾；），得知有２位女生喜歡食甜品，在開飯搵呀搵，見到呢度Ｄ甜品款多又ＹＵＭＭＹ咁樣，加上２年前我都黎過呢度食聖誕ＢＵＦＦＥＴ，大致上都ＯＫ，所以今日價錢貴（３３８＄）不過都照樣黎呢度食～６點１７分入到去已經可以開始食野了。十多款沙律﹑日西式凍盤﹑各式天婦羅﹑十多款熱盤﹑湯﹑車仔麵﹑生滾粥﹑打邊爐﹑各類芝士﹑麵包﹑燒火雞﹑片皮鴨﹑烤牛﹑班ＣＡＫＥ﹑窩夫﹑Ｈ字頭雪糕﹑各式蛋糕﹑生果．．．衝鋒陷陣一會，我已經食到有５０％飽！２女生朋友們已經好飽＞＿＜到８點鐘２個女生朋友已經投哂降，開始轉攻甜品，而我當然未夠飽，繼續去食其他熱食啦（哈）食到９點我已經飽到頂點！最後再去食甜品，很ＦＵＬＬ的一晚！不過有好多野我都未食過(食唔落了)，好似車仔麵﹑粥﹑沙律．．．很可惜！大家都覺得食物味道是好的，不過男生朋友覺得呢度出得太多令人易飽肚既熱盤了，食少少已經令人很漏ＷＯＲ．．結論，朋友們還是喜歡到柏景餐廳食ＢＵＦＦＥＴ哩＾＾；

上星期五,我嚟食宵夜buffet,$165/位,都幾好,有芝士或煙肉焗蠔,肥美三文魚和吞拿魚等,熱盤都有乳豬,油雞,菜等,亦有湯粉河和蠔仔粥,飲品檸茶奶茶咖啡飲酙,甜品方面,都好多款式,如拿破倫脆餅,tiramisu,芝士,芝麻,栗子蛋糕,生果撻,麵包布甸等等,個樣好靚好吸引,但係就無咩味,比較失色,雪糕有hagaan Dazs,有四,五隻味選擇,好好味,用恒生或滙豐卡有九折,如果唔係要求高,都食得過!~

11月主題- 營養菌海鮮火鍋暖和秋日湯底- 「雜野菌雞清湯」或「番茄椰菜魚湯」每位獲贈「清蒸大閘蟹」1隻(好細隻、無膏)每人包1杯drink (coffee or tea)自助晚餐\ 6:00pm - 9:30pmMON - THUR 成人$288/小童$188FRI - SUN & Public Holiday成人$318/小童$208另加10%* HSBC credit card - 10% off Compass Visa - 15% off*2.11.2006 係我生日，好想食buffet，又想食海鮮，所以揀Window Cafe。食物種類算多1)海鮮：翡翠螺、長腳蟹、蝦、生蠔(我唔食生蠔，所以冇食)(全部都好好味，尚算新鮮)2)熱盤：清蒸東星斑(有少少overheat)燒牛肉(D汁好好味) 乳豬(皮好脆)印度咖哩等等3)甜品：粟子蛋糕、朱古力噴泉、Chocolate Mousse、tiramisu、薑汁梳乎里、8款Häagen-Dazs雪糕、pancake、窩夫等等最好味芒果拿破崙(超正

媽媽請食飯,我地一行五人就試下呢間啦!海鮮:生蠔:唔掂,開蠔的人功夫唔多得,蠔入面有殼的. 翡翠螺:一般 長腳蟹:無味 蝦無食刺身:有三文,吞拿,蜻魚,八爪魚:全部平平,唔多新鮮,所以好少人排隊冷麵:有紫菜,青瓜做配料,一般啦!唔夠凍冷盤:煙三文魚,巴馬火腿,家鄉鵝肝,鴨胸,煙火腿,唔差啦!沙律好多款:我試了什果沙律,仲有羅馬西菜,唔錯湯:好似係忌廉莧菜湯,仲有唔知乜中式湯,前者ok, 後者無試竹笙魚翅:好多翅,好味片皮鴨;無食,媽媽話幾好燒牛肉:都幾好食,燒汁好味過黑椒汁pancake,窩夫,仲有唔記得乜,然後又有即焗薑汁疏乎里,都幾好味,但太甜.甜品:好多,唔記得晒.最好味芒果拿破崙.喱可以不食由於本人唔食熱盤,唔多留意有乜款式.望落去幾多野食.有幾款芝士食,可以自己切.今期主題是火鍋,最慘係個爐同大家樂咁大個,同埋打邊爐食物完全唔掂,真係得啖笑每位敬送大閘蟹一隻,真係好鬼細隻,無膏服務勁好,收碟勁快,斟水也好密.打電話訂時也覺得待應態度良好.平日288,今天318,compass card 85折=302.1(一位)

24 Oct is my Mum's birthday. Whole of our family of 6 people went to have a buffet. It was good, but not exactly a totally 大閘蟹buffet, just a starter, everyone had one crab. Taste ok la.Overall buffet is good, the sashimi is fresh, the suckling pig was crsipy, Steak is ok, texture ok, hot dishes are ok. Dessert is good, souffle and pancake were fresh and hot and there are 8 favoured ice-cream, good good.The service quite good. Price was $288 per head. If you use Compass Card, you could have 20%

男朋友生日,我揀了這酒店吃buffet,坐window site,環境ok,不過不失,食物質素很好,好吃的有,魚生,都很新鮮,綠茶蟹肉涼面,好清新.仲有源源不絕的生蠔,中菜款多,仲好好味,好有特式,甜品方面,朱古力噴泉的CHOCOLATE 是DARK CHOCOLATE,唔會太甜,好有心思.Cake 我就沒有吃,只吃了一個果士多啤梨果tart.總括來說這裡的中菜最出色,服務都很好.

蟹腳好似竹籤(甘)幼,比起同一集團的海逸酒店差天共地,環境好迫,樓底好矮,唔舒服.除片皮鴨及拿破崙餅同青魚值得吃再吃,其餘吃一點就ok$318 plus 10% 真有點搵笨仲要寫明好多阿拉斯+菜式,真是名大於實.

早前聽聞這間是4星級的酒店,未有太大的期望,昨晚一食後,結果真的不同,非常滿意昨晚是日式主題,只是略加一些日式冷麵而已,不太有驚喜,但反而其他海鮮,如生蠔,海螺,蟹腳等,全部鮮味多汁,若要批評,蠔不太大隻,但新鮮已經很足夠熱葷方面,很多種類,東星班蒸得很美味,即炸天婦羅真的不錯,已新鮮的麵飽亦很好食.最後,便是有H牌子的雪糕,這是我所愛的用信用咭有折,每位$270.今日來說,算是超值感覺這間酒店的自助餐,用料是很專注的