倚窗閣

营业中

休息中

一路聽朋友講話九龍酒店自助餐好正，終於同妹妹第一次嘗試，真係令我們極度失望😒唔會再有下次！開始頭盆沙律菜已經知道中伏，二百幾元午餐都唔算係平價午餐，竟然係冇羅馬生菜，只係西生菜和一些豆芽菜。生蠔每次只取兩隻都冇問題，問題係不是即塲開，係開定一盆但又唔俾人自己夾，一個服務生走幾檔，每次取都等人來，等了良久才取了兩隻還是臭了一半，取了4次已經沒有興趣再取😠海鮮冷盆仲離譜只有長腳蟹、青口和藍青口，長腳蟹仲幼過筷子，連蝦都冇😡甜品食得落口只有豆腐花，梳夫厘難食，拿破倫疏氣，完全唔掂😤

好耐之前係呢度食過晚餐自助餐, 午餐既自助餐就第一次食, 時間由12:00 - 2:30, 兩個半鐘頭時間食都幾足夠! 地方又夠大, 拎食物都無需點排長龍!食自助餐最令人心心眼既就梗係凍海鮮類, 呢度有長腳蟹, 味道有D咸, 但肉都算唔少, 用鉸剪剪開都幾易食; 青口要加點辣椒仔調下味; 而藍青口仔食落有沙, 食左一隻已停手現場有師傅即開新鮮紐西蘭生蠔, 出奇地無需排隊, 每次可取2隻, 有大有細隻, 食落幾鮮甜, 最緊要係食完無不適感覺!刺身選擇有幾款, 質數普通, 當過下口過癮!沙律選擇返而幾多, 有自選材料和已配搭好既, 我自己就喜歡清清地食下沙律菜及青瓜, 配陳醋, 當減少罪惡感......................哈!甜品個人黎講唔算太熱愛, 但見有即製既PANCAKE就整一客試下, 內裏有雜果及芒果, 可叫師傅少CREAM, 食落唔太甜, OK!見到呢款迷李雪糕筒, 點可以放過, 用既係Dryers雪糕, 味道當然唔錯啦!食客普遍斯文, 無搶食情況出現, 食物選擇都算唔少, 唯侍應收碟速度比較慢左D, 可留意返!

魚生三文魚都算新鮮，有甜蝦帶子生蠔，生蠔唔係自己揀有時店員幫你攞唔係隻隻咁飽满有啲唔係好新鮮。長腳蟹幾好唔係太鹹，熱食都算多款種類，不過啲粥有時啲味道唔夠啲料唔捉所以冇味。總算評價都幾好不過價錢再多嘅折扣更＋好。

突然一家三口想起食自助午餐,就訂即打去訂枱，接待說枱暫已滿了，可安排坐在近門口的middle row bar。去到覺得反而不錯啊！環境清靜又舒服，食物的種類和質素在自助午餐來說也不錯，最好是服務員的服務好，又有友善。雖然已滿座，客人多，侍應看到我先生拿著兩杯飲品，立即主動幫忙，會主動同小朋友打招呼又氹小朋友可在離開前扭蛋抽獎，服務員更有禮回應問題（當然可以、唔洗客氣）……，給食客感覺很舒服，少寫食評的我，也忍不坐讚一下他們的服務質素。

又同媽咪食lunch buffet 呢幾日無啦啦想食蠔同蟹腳(不過其實我從來都唔係話鍾意食呢兩樣野) 所以又乘機搵buffet食 諗住又唔係成日食想食間高級d既 原本訂左cafe on m但原來平日無生蠔 之後諗過cafe marco/倚窗閣 見倚窗閣平10幾蚊又近d就揀左倚窗閣倚窗閣個環境真係極大 我諗真係坐到4,5百個客唔係講笑 服務方面覺得d廚師好nice 但d侍應就有點差(可能係我小心眼掛 又或者之前去果幾間服務太好haha)食物方面 以為咁貴d菜式會特別d有心思d 以為沙律冷盤會唔會有牛油果沙律溫泉蛋啊 熱盤會唔會有千層麵蒸魚煎魚果d 但原來只係貴在生蠔同蟹腳 事實沙律冷盤d款式極度hea 熱盤都係普通菜式 174蚊既柏景餐廳同194蚊既尚廚既熱盤仲有心思過佢 海鮮冷盤淨係為左想食生蠔同蟹腳既黎食就會覺得好抵 因為生蠔唔知點解係從來無人排隊!!!!!(之前去逸東 d蠔就算唔係即開d人都狂搶)有個廚師派每次派2隻 話係紐西蘭蠔黎 都幾大隻啊 不過上星期去尚廚食即開生蠔明顯鮮d甜d長腳蟹又係refill得好快 撩到好多肉 仲有兩款青口格離就係兩款用碟仔裝住既冷盤 一款係一舊切到好

為了慶祝大叔生日，其實預約了三間自助餐，有Yamm,恆豐酒店及倚窗閣。Yamm 冇生蠔冇蟹腳，而恆豐有生蠔冇蟹腳，倚窗閣居然兩樣都有，性價比好似優勝過其他兩間，而且更有七五折，價錢合理。誰不知......九龍酒店其實算老牌酒店，餐廳裝潢不算舊但有點老氣。是日入座率應該有一半，但等帶位入座要排隊，但我們是隊尾，之後便沒有人排了。幸好有近窗位置，景望後面半島酒店，光猛開揚。一條長廊放滿食物，近門口竟然係雪糕班㦸及自助特式飲品為先，中間位置有熟食部，之後才有沙律、壽司刺身、生蠔、蟹腳、青口、自選沙律菜、然後自助咖啡或茶、甜品。嗱，最後並非甜品，而係突然有幾盤咖哩印度菜，真係有啲無厘頭。通常我會先吃冷盤，凱撒沙律是必吃，但沙律菜不見得特別新鮮，冇芝士粉及乾麵包粒，做不成凱撒沙律了。更加發現冇煙三文魚同parma ham，堂堂down咗。生蠔每人每次限定兩隻，竟然唔使排隊，紐西蘭蠔size中等，多肉，但不算特別鮮甜，大路貨色。蟹腳斬件出，算不錯。刺身有三文魚、希靈魚、鯛魚、蟹子，鯛魚吃完一片可棄，其他是超市貨色。Prime Rib 過熟，邊位硬，另一邊極醎。其他熟食都一般，印度咖哩算ok。豆腐花

小弟人窮志不窮，一直諗緊點樣可以用最少嘅錢，去食最多嘅美食。OH，機會嚟喇！我用$3,288成為海逸美食會一年會員，即送$4,500現金券同全年半價食buffet，仲有6間酒店內嘅25間餐廳都有折扣。買左當然立即用啦。上星期日就試左九龍酒店嘅宵夜buffet，都係2人半價，價錢平但估唔到宵夜都有生蠔任食，我就主打生蠔，雖然不如美國蠔的大件及juicy，但蠔味比較重，肉質爽滑，我食左1x隻回晒本。無海鮮不歡的我當然不會錯過雜錦海鮮盆、壽司及刺身，包括：青口、雪花蟹、翡翠螺、三文魚刺身、鯖魚刺身等。海鮮很新鮮爽甜，三文魚最肥美，解凍處理得不錯，沒有令人討厭的雪味，又或是帶雪的情況。冷盤 cold cut 好多火腿，有蝦有焗蠔，蝦爽，蠔白汁芝士味道夠濃。另外自助餐還備有大廚推介的意式薄餅熱辣辣、鐵板燒多春魚好香口、港式湯麵、生滾粥潤滑順喉非常好，煎炒煮炸應有盡有。食物種類頗多，質素平均，refill的速度也很快。甜品有芝士餅、拿破倫蛋糕、朱古力噴泉、班戟、窩夫、無限量供應多款雪糕等。班戟窩夫有各種不同的SAUCE可以加添。女朋友就最喜歡南瓜湯，很濃很香，及鐘意佢d蛋糕有好多款。這裏有一個自助

朋友聚會唔想係街上流離浪蕩，揀左呢6時入座的自助餐。但係，我五點四十五分到達，待應生居然給我一張號碼紙，要我在門口等候，夠瞳才安排入座！ 就係咁，我在門囗被罰企了十五分鐘。 呢度座位尚算寬敞，坐得幾舒服。食物也算不錯。今日的主題是瘋狂牛迷 ，但只足供應了一般的燒牛肉 ，咖哩牛尾，慢煮紅酒牛面肉和香酥啤酒牛腩。 這些菜式都沒有甚麼特色似乎離“瘋狂”好遠。 至於食物的水準，大部分都不過不失。大路野就唔講喇！淨係講D我覺得係比較有水準嘅：燒牛肉粉紅肉剛剛好；煎羊架係全熟嘅，不過都香脆好味唔硬；  松葉蟹雖然瘦D，但勝在供應充足；熱葷類的香酥啤酒牛腩和慢煮紅酒牛面肉都做得又“林”又滑；  香煎鵝肝多士就任拎唔使等。並設有自助水吧，供應咖啡，檸茶和细支裝气水。至於甜品類的綠茶蛋糕確實比較出眾，怎有驚喜，值得一試。 連高級Movenpick雪糕都有，認真落足本！唯一 要彈的是生蠔！！！雖然好像有三款即開生蠓給你選擇，但我看到廚房供應的是一大盤已開好的半殼生蠔，入口即吐！超難食，唔新鮮！放棄！

臨時臨急搵宵夜BUFFET 當生日飯, ,價錢唔貴, 又有想要的生蠔任食, 當然要試試啊~由於主打是生蠔, 熱薰我們試的不多, 只是淺嘗, 另外都試多唔少甜品~ btw, 有beer 同movenpick 雪糕任食, 仲有即煮弼生蠔: 應該有兩款, 都是預先開定的, 不及其他BUFFET 即開的新鮮, 但呢個價錢, 差不多LA, 蠔唔會好咸, 是較爽身的一種, 2人總數應該食左2X 隻!焗蠔:凍的, 無乜味, 麻麻....雜菜CURRY:唔辣, 唔夠香, 蘸CURRY 的薄脆有D 變林了cold cut: 都算多款, 但無咩特別~blueberry cheesecake cake 太大舊了, 食一舊已經漏, 呢隻cheesecake 甜得滯芒果napoloen:好食WOR, 唔怕甜, 不過如果D 酥皮再鬆化D就更好即製雜果PANCAKE:勝在即製LAW, 用的是普通罐頭雜果, 一般LAchoco 噴泉:估唔到宵夜都有WOR, 想玩好耐, 第一次玩咋, 但用來配棉花糖太甜了吧.... 呢個用來玩好了~movenpick 雪糕:strawberry 酸酸甜甜最好味, 奶凍味OK, 但感覺好

冬至阿姨決定放工人假，所以提早做節，今年決定唔煮，去九龍酒店食自助餐奶皇月餅我就食得多，佢嘅自助餐我真係未食過，今次係第一次~由於我地17個人，所以分開咗兩張枱，都好呀，有時家人嘅嘢……大家明喇~最近愛上咗食生蠔，所以好開心呢度有即開生蠔，呢度有三款蠔，有澳洲、紐西蘭同法國，今次我應該只係食咗紐西蘭同法國，我覺得法國蠔身細，但係蠔味、海水味重，而紐西蘭就比較大隻、爽口，我個人比較鍾意法國多啲~而凍盤，其實都係離唔開嗰幾款，長腳蟹、青口、熟蝦，今次我就完全俾啲蠔吸引咗，連長腳蟹都係好後期先食，搞到無乜多肉嘅食~最正係魚生，有三文魚、帶子熟食我就只係食咗北京填鴨、海底椰燉湯、即煮意大利飯 (建議食意粉會比較好)，個北京填鴨我最鍾意，因為我好鍾意食填鴨嘅醬 哈哈另外，甜品有燉蛋白、Movenpick雪糕、窩夫、朱古力噴泉，好多，但係……我都只係食得落個窩夫 哈哈今次係有Openrice coupon所以有75折，當然如果用DBS信用於簽賬都一樣有75折，但係……以折後，人頭$550都叫OK可以接受，但係如果無折……我未必會去，加多少少錢去食洲際會好啲

呢度種類真係好多，行好幾次都仲有野食!生蠔非常之肥美，而份量控制得好，每次每人只可以取兩隻!我食果陣未到聖誕但已經有好多聖誕裝飾，例如呢間糖果屋，好可愛好有心思!今次推薦的反而係呢個小小既甜品，令我印象好深，一食再食。佢係白酒果凍，我喺灣仔某酒店食過好難食!但倚窗閣呢個一啲都唔苦唔辣，食落順口。而且酒香得黎又同甜味好平均，所以我食左幾個(>﹏<)!另外有啲小細節亦令人窩心，好多自助餐都未必有鮮奶供應，怕衛生問題。呢度的鮮奶溫度適中，飲完唔會肚仔痛。如果可以供應埋粟米片就一流啦。

評語：食物質素不俗，選擇多，價格非常優惠，還有長者優惠首次踏足位於尖沙咀的九龍酒店，雖只一街之隔，的確比半島酒店平實很多，環境可說整潔討好。九龍酒店的自助餐一向風評不錯，而且收費合理，以這個優越的尖沙咀地段能提供如此抵食的自助餐，只要看看平日的入座率都有8-9成便略知一二了。九龍酒店的倚窗閣環境寬敞，帶有華貴格調，佈置優雅坐得舒適。場內設有長達66米長嘅buffetline非常壯觀! 我發現他們Re-Fill十分快，因為太多食物，沒有逐一影相。生蠔是即開的，每人每次限取兩隻。印度薄餅及咖哩食品均由駐埸印度師傅親手整架~加埋咖哩真係一流!! 另一賣點是甜品檯的巧克力噴泉Chocolate Fountain，用竹籤叉起水果或綿花糖，放入噴泉內沖涼。芒果pancake也是現叫現做。數一數原來一年一度的聖誕節還不到兩個多星期就來臨了，餐房加入不少聖誕裝飾以及傳統烤火雞！餐房加入不少聖誕裝飾以及傳統烤火雞呢！刺身種類算多，有三文魚，吞拿魚，希靈魚，最特别的係有蟹子呢！生蠔是即開的，每人每次限取兩隻印度薄餅及咖哩食品均由駐埸印度師傅親手整架芒果pancake 也是現叫現做 梳乎里窩夫好搞笑，似蛋糕

一向光顧開太子酒店add食中午自助餐但又想試下其他，於是昨日與太太去九龍酒店倚窗閣試下，點知就失望而回。論地方，倚窗閣比add寬敞得多，坐得比較舒適；論食物質素，我們卻有所保留。長腳蟹方面，倚窗閣的蟹身比較大，亦很新鮮，沒什咸水味；生蠔是紐西蘭太平洋生蠔，add方面則多數用澳洲或蘇格蘭貨，前者比後倆厚肉，雖然不是即開，但味道亦覺鮮甜；中湯的排骨清補涼味道相當濃郁，生牛仔肉亦做得不錯，頗嫩。這些都是倚窗閣優於add的地方。但熟食方面則不敢恭維，食物的種類可說是多的，唯大多是淡而無味，套用我太太的說話，是「冇厘味道」，雞無雞味，羊無羊味，做得不錯的是叉燒，但沒可能只吃叉燒不吃其他吧。至於服務方面更令人「另眼相開」，倚窗閣雖有wifi供應，但要另外收費的，在今時今日我們走進任何一間便利店無論有沒有光顧都有30分鐘免費wifi供應的今天來說，倚窗閣別出心裁的安排便顯得不可思議，真的好想同他們的員工講：「你老闆很等錢駛呀？」酒店是遊客經常出入的地方，而遊客亦經常都有用wifi的需要，作為一間四星級的九龍酒店竟然沒有免費的wifi供應，未免太過「親民」與「好嚇」啦，難怪大做推廣，又宣傳又打折都只能

衝刺完一個PEAK SEASON，同事們決定吃個好的去慰勞大家付出的辛勞。巧合地OPENRICE有75折優惠劵，便毫不猶豫地BOOK 好位去等待6月30 既來臨。BUFFET 1830 開始，我們1900才到。原本只為食冷盤及生蠔，誰不知這裡的種類繁多，我喜歡吃的大都在此等著我...由於太餓的關係，沒有拍到太多相，只能用記憶給文字形容;)*冷盤吧: 長腳蟹腳，蝦，青口等是MUST的，而生蠔吧則有3個不同產地供選擇。只記得紐西蘭及法國的，另外一款忘記了 *刺身吧: 三文魚，吞拿魚，八爪魚也是MUST的，而這裡有我最愛的甜蝦!!便拿了三文魚及甜蝦試試。三文魚新鮮肥美，但甜蝦令我略為失望；外觀呈啞色，欠缺應有光澤不夠新鮮。*片皮鴨，新鮮熱脆，十分美味，已ENCORE X2*鵝肝，小妹非常喜歡吃鵝肝，這鵝肝外脆入口即溶，已ENCORE X6*海鮮龍蝦湯，小妹較喜歡CREAMY及濃郁的西湯，而這龍蝦湯很濃很鮮很夠熱。正*熱盤: 款式比想像中少，圖為蒸鱸魚，千層面，忌廉煮青口，鮑汁菇扒小棠菜此外，場內設有PASTA CORNER，但由於太飽，所以沒試。*甜品: 同樣款式比想像中少，圖為芒果PANC

一直聽說這裡的自助餐不錯，今次就來試試。今晚有生蠔和鵝肝，其實已經值回票價，其他食物也新鮮多款，果然名不虛傳。首先談談主打的生蠔和鵝肝。生蠔是即開的，每人每次限取兩隻，人流較少時可配合到四隻，即是剛開始buffet和臨完場時喔。今晚有來自法國、紐西蘭、澳洲的，隻隻新鮮肥美，不過冷藏的程度不一，但是可以接受的鵝肝即煎即吃，甘香美味，其實應該是鴨肝才對，要排隊取，每次限取兩件，因為不停煎所以也不需等太久。談談其他值得提的食物，首先是海鮮類蟹腳：過鹹，但仍然被搶奪一空，幸而refill得也快。蝦：新鮮程度不一，可以不試。藍青口：意料之外的好吃，推介！翡翠螺也不錯吃！冷盤：只試了芝士和煙三文魚，兩樣皆「有誠意」，好吃！刺身：新鮮、肥美。熱盤：最好吃的是燒烤檔的燒羊架，生熟程度控制得好，味道也好好呢。甜品：推介芒果拿破倫，一口一件也容易吃上癮啊！這裡供應的是Movenpick雪糕，由專人「不」，今晚吃了草莓味、朱古力味、tiramisu味，夠滿足了。還可以自己製作甜品杯，我們製作了雪糕紅豆涼粉冰，足料又好玩。見到有即製班戟，可以加雪糕，但肚子已裝不下，倒是吃了一小杯即焗疏乎尼，身心滿足。因為是晚