俺流塩らーめん (V City) (已結業)

訂了時間坐SHUTTLE BUS入T PARK 參觀, 到了屯門V CITY 見還有時間可以食午餐, 第一次逛這商場, 商場格局是把大部份餐廳聚在商場一邊,方便食客選擇,原來此商場餐廳已引用最新網上預先取位,又可以在商場電子板查閱現時入坐情況, 有時如果是差2張檯, 都會願意為心頭好餐廳等多一等,能夠這樣站著方便查閱到進度,真係好幸福.選擇了此ORERYU SHIO-RAMEN 拉麵店,落了2碗麵.黑蒜油熟濃湯拉麵$72俺流男盛拉麵 $882碗湯底都係真材實料,按之前經驗, 黑蒜油熟濃湯應該比較濃,但今次湯是清一點,不算太有特色. 黑蒜油唔夠香.俺流男盛拉麵雖然價錢貴16元,但多了烤雞及湯濃厚好多,而且湯還有柚子味,原來湯裡是加了柚皮碎, 很特別.另檯上放著3種醬料, 本人特吃推介柚子胡椒醬,似麻辣,口裡刺激度高,辣味辛而不咸,帶柚子香. 想刺激一下沉悶的生活, 試下也無仿.侍應生較年輕但服務殷勤有禮.下次會再試.

從開業試過一次後，好像上癮一樣，每星期都想食（起碼一星期最少一次）！其實每間拉麵都有它的個人特色及味道！每間店都總有人喜歡，有人唔喜歡！所以我只想講這個拉麵是我近年最喜歡的拉麵之一！因為喜歡幼麵，喜歡佢個湯的味道，總之，全都是我喜歡的味道！我唔會講佢係全香港最好味的拉麵，我只會講我找到我自己喜歡的拉麵囉😉😉

咁啱今個月 V city 有 dining promotion，多間餐廳都有推出 specials，而我哋就揀咗呢度嘅『梅子冷撈麵』。以酸梅特調嘅醬汁撈好嘅冷麵，夏天食又的確幾開胃嘅！頂頭亦有大大粒醃製過嘅酸梅，篤爛佢嚟食仲更入味（我覺得如果可以去埋核就更理想更方便進食啦）。只係佢果啲粉紅色 toppings 嘅裝飾比較女性化，唔係咁啱我，都係留返俾旁邊嘅友人慢慢食啦。另外叫咗碗辛辣熟成濃湯拉麵，本身係想訓練佢食辣嘢，點知都係自己食返。其實如果你係食辣嘢嘅初哥，建議先由日本菜開始，辛辣味道通常係比較溫和容易入口。濃湯拉麵帶少少奶白色，味道豐富而且感覺上唔會好辣。但好似我咁鍾意食辣嘅朋友應該會嫌佢唔夠辣，呢個時候可以自己落辣油調味，或者其他配料醬。（講開配料醬，其實我覺得佢果三個樽仔幾靚架。）見到 menu 幅圖畫每人只得一塊叉燒，所以我哋叫多個唐揚炸雞小食 share（因為上次喺葵芳店食過好好味今次 encore！）

放工同老公想試新野，睇食評呢間拉麵店好似幾好咁，就黎試下啦😊大約8點半都幾多人等位，排左10分鐘左右就有位，不過要搭枱，肚餓冇計啦！我地叫左芝士辛辣濃湯拉麵，同埋辛辣塩湯拉麵同埋芝士明太子餃子。每款拉麵都可選擇配料（蔥&筍）同麵條嘅軟硬度，流心蛋就未必款款有，不過可以自己追加。我嘅芝士辛辣拉麵湯底好好味又不會太油，流心蛋有點失望，係流心不過冇味道，唔會有滷水嘅味道，而老公就好滿意佢嘅塩湯拉麵，因為佢好怕油膩同埋滯嘅湯底，呢個清清地就岩哂佢口味，大讚👍👍呢度嘅湯底選擇夠多，適合唔同人嘅口味😝😊芝士明太子餃子唔係太掂，芝士係可以拉絲，不過餃子本身嘅肉同皮都唔得，餃子又好細隻又油，唔推介👎🏻

同男友係屯門行完街，想食碗麵，所以就去左試呢間拉麵。我地兩個都揀左人氣既黑蒜油熟成濃湯拉麵，個湯底幾好飲，黑蒜味好香😍😍😍麵煮得岩岩好，唔會太林，溏心蛋岩岩好，好味，但個日式叉燒就麻麻，個人覺得乾身左d, 又無咩味！！

V City這個位置好像是為拉麵而設，前一手結業後，換來東京涉谷拉麵店 - 俺流塩らーめん。 拉麵店名我不懂讀，見其名俺流塩，應該鹽拉麵是主打吧。 甫坐下，店員送上暖水一杯。食拉麵飲冰水是文化，連這個基本都做不到，未吃已有點失望。 桌上擺了不少調味料，黑蒜蓉、柚子胡椒、梅子醬⋯⋯ 基本上，所有湯底的調味也齊備。用上即棄木筷子，不夠環保。 既然以鹽拉麵馳名，那就試試看吧。 我叫了柚子鹽拉麵，湯底很清。淡淡鹽味中帶柚子香，蠻清新。但拉麵過軟、欠彈牙，還有些鹼水味。 叉燒還算軟腍，但有點黐牙。而且只有一塊，少點了呢。 玉子夠流心，但没有味道的。 黑蒜味只是輕描淡寫地帶過，濃湯一點也不濃，亦無雞骨、豬骨濃香甜味。 終於明白為什麼桌上會有齊各湯底的調味料，就是知道你一定要加。 柚子鹽拉麵拉麵還可，但這個絕對令人失望。 餃子蠻細粒，樂觀點來說是bite size XD 外皮蠻香脆，內𥚃多菜少肉，有點乾。我想它參與了衞生署有「營」食肆運動吧？ 我們坐在餐廳角落，店員們站在中央傾偈，完全忽略我們這邊的食客，連找錢也認不到我們，差點找錯。没有服務，加一服務費，俾得有點不忿。 餐廳資料： 俺流塩らー

今天陪同從深圳的朋友在屯門遊商場，遊到六點多去到V city就開始找吃的。找了好幾間基本都排滿很多人拿號也不知要等多久，剛好這間拿號不久就有位了。可以是麵食的關係需然多人也算快有位置坐的了。我們一行五人，各人各點了一碗拉麵。出品速度也算快不用等很久，剛好我們逛了一天又肚餓的人。未食前先打一打卡在桌上旁拿放了不同的醬料調味，有 黑蒜蓉、柚子胡椒、酸梅醬、小蝦小魚的辣油。可惜就是沒有炒芝麻味道不錯，不過湯底咸了點。這個 明太子芝士燒餃子 味道不錯可推介。

好少去到屯門，唔知食咩好，見到呢間連名都唔識讀既拉麵舖外面有D人等緊，不如就試下啦！排緊隊嘅時候店員就已經會畀份MENU你，你可以揀定自己想食乜，所以感覺唔係等咗好耐，大約10分鐘就入得喇！本人係芝士同辛辣愛好者，見到個餐牌即刻好開心！唔使諗就揀左呢款「俺流芝士辛辣濃湯拉麵」 賣相亦相當吸引！* 俺流芝士辛辣濃湯拉麵 * 俺流芝士辛辣濃湯拉麵* 俺流芝士辛辣濃湯拉麵芝士味濃，對我嚟講個辛辣如果再勁Ｄ就仲正！諗要呢度，就發現原來餐廳提供咗幾款醬汁畀客人配拉麵食！仲有參考教你咩拉麵可以配邊種醬汁！當然即刻試吓佢個辣油啦！成碗拉麵立即錦上添花！*拉麵醬汁*拉麵醬汁參考而男朋友就揀咗呢款「黑蒜熟成濃沙拉麵」。* 黑蒜熟成濃沙拉麵佢係黑蒜人，見到餐牌時都估到佢會揀呢個。 其實都要讚吓呢度嗁拉麵款式都幾多，至少我哋兩個嘅心頭好都有！差D唔記得講，落單嘅時候係可以揀麵身嘅軟硬度，分為硬／普通／軟。我好怕食D「淋滋滋」嘅麵，好彩我揀左普通都唔係話好淋，而且就算我食得慢，個麵質都仲好爽口！食得慢係因為仲要叫咗其他野食，而且個份量係嚇我一跳！成日以為餐廳嘅小食份量都係細，而且見到好多都好想食……*豆腐野菜

今日來到V CITY, 打算食拉麵,屯門好食的拉麵的不多,在大型商場更加少,所以就試試這間,鋪頭不太大,都有三十個位左右,二人點了俺流男盛熟成拉麵$88  有兩塊叉燒,炸雞,半隻流心蛋,湯底不錯,麵也彈牙,炸雞如果分開上會更好,被湯浸得軟身但味道是好的,叉燒味道夠濃黑蒜油熟成濃湯拉麵$72  味道不算太濃,可能有不同配料可另加,有黑蒜油,梅子醬,柚子胡椒四種,還有一張表教你如何配對,我覺得廚師應該做到最好才端出來給客人,配料只能補救其不足,當然有些客人喜歡辣,酸等會加不同調味料,但我想信比例不多,整體來說也是不錯的俺流餃子$28  較為普通,重點是細隻, 我未見過拉麵店會用這個大小的餃子還點了蜜瓜梳打,味道幾清新,但略嫌細罐, 拉麵店來說是不錯的,可以一試,二人吃了226元

上星期見到『飲食男女』封面介紹咗呢碗『青檸雞肉冷拉麵』，所以膽粗粗帶埋同事嚟試下！一般食冷麵只會係用凍湯做 base，呢個冷拉麵嘅凍湯入面竟然仲有冰塊，真係夠晒透心涼呀！店員仲有介紹返，冰塊其實係用鹽湯雪凍佢，就算溶咗都唔洗怕湯底會變淡。無聊數數有9片青檸咁多架，真係幾足料！而且餐廳有提供小木匙，想要幾酸都可以由自己控制。我應該唔小心篤到啲青檸皮，所以最後有少少澀澀地嘅感覺。上面果兩大塊雞扒只係一般，有啲淡口。另外呢度有一點幾好嘅係佢哋會提供凍滾水一小杯，唔會迫你點嘢飲，但係加汽水都好似只係加 $8，尚算合理。不過我哋呢班知慳識儉嘅同事就選擇咗唔加嘢飲，寧願加小食開心 share，於是叫咗同系列嘅『青檸味噌炸雞』，同埋『明太子芝士燒餃子』。本小姐超鍾意個燒餃子，雖然唔係好食到明太子嘅味道，但佢有厚厚嘅芝士，邪惡芝士拉絲就係佢，仲拉到 20cm 咁高！至於個炸雞呢，都係值得試嘅！炸雞本身已經好香口，加埋味噌調味更惹味，而青檸汁同樣係自己落，咁就唔駛驚會太酸喇！

好味嘅拉麵，食多次都無坊！係呀我又嚟啦，今次轉戰屯門分店。由於夏天太熱冇乜胃口嘅關係，我叫咗個紫蘇梅子拉麵 ，諗住應該會開胃啲。飲品發現佢有支裝津路烏龍茶，咁又唔錯喎。夏天嘛，應該食清淡啲嘅。侍應上菜時，有特別提醒番要整開上面粒梅子會更加出味架，又幾細心喎！開頭先飲咗幾啖清湯試下味，味道確實幾出色，有層次得嚟又唔會好鹹，不過就唔係好有紫蘇嘅味道啦。以後試下侍應嘅建議篤穿粒梅子再撈埋啲湯，又係另一種味道，感覺好清新好 fresh 呀！一個湯底試到兩種唔同嘅味道，即刻覺得抵食咗！哈哈

今晚想食輕食量晚餐，想隨便吃個拉麵就算，來到Vcity，到處餐廳門外都企滿等位的人，見這位於電梯口的日本拉麵店等位的人不太多，且叫號又快，就決定今晚晚在這裡食。平時喜歡選有蛋的拉麵款式，紫蘇梅子拉麵$72 有日式叉燒、梅子、菜、原隻流心蛋。原先一見到，驚訝是原隻蛋冇切開，一啖咬開，就明白點解了，因為隻蛋係超流心，做得非常好味。超讚！一塊細日式叉燒，雖然細細塊，但勝在夠瘦、夠好味，還有一陣微微的烤味，很香口。拉麵配菜不是海帶，而是波菜(不太肯定)，喜歡這配搭，感覺有菜吃，是日晚餐較健康平衡。大大粒梅子，非常醉，如覺得清湯麵底太淡，可以一啖梅子一啖麵。拉麵可以選軟硬度，我選了“普通”，口感煙韌好味，如果要形容，我會覺得有點似出前一丁麵的口感。

星期日的下午 經過屯門區的朋友介紹得知的拉麵店 有意外驚喜 比想像中好食 價錢中等 很有日本的味道 無論是店鋪裝修或食物 令我感到置身於日本 哈哈拉麵的款式都很多 令有選擇困難症的人很困擾😂我最後點了8號的俺流男盛熟成拉麵 份量頗多 拉麵質感很彈牙 湯底也很濃郁 炸雞雖然浸湯不太脆 但吸收哂湯底的味道 令我最驚喜是個流心蛋 值得一試最值得推薦是這個大阪燒餃子好好吃大阪燒醬汁味道加入餃子 產生奇妙的感覺 餃子餡亦很多 必定會再吃玉子大阪燒 餐牌寫著新登場 很特別 大阪燒的做法 但是改成了流心玉子 👍🏻總括質素頗高 上菜速度快 餐廳職員態度挺好 下次經過屯門會再來吃

俺流塩拉麵原本就不在新店必試名單之內，自問不是逢店必試，瞎目嚐新之流，對於伏味濃重或是不合口味的，還是會選擇敬而遠之。在開店之初，幾乎每次路過都是「湯底售罄」，心想：水準是否厲害如此？數次路過後終可以試試了。其實俺流鹽拉麵前身同是家日式拉麵店，不過在水準不濟之下乏人問津，最後難逃結業的厄運，未知這家能否打破宿命？翻開店方餐牌，拉麵以湯底作一區分：鹽湯以雞骨、豬骨慢火煲煮，再加入辛辣鹽湯或柚子湯底作配搭，而熟成湯就是以壓力鍋煮成豆乳色濃湯，再配搭成辛辣、黑蒜、味噌和辛辣味噌等口味。除了拉麵之外也有飯類、小食等供應。作為初訪，先試試最基本的鹽味系湯底吧！以梅子作麵湯配搭較為少見，通常會是期間限定之產物，對喜愛梅子的我來說有一定吸引力。俺流紫蘇梅子拉麵($72)用上日本梅子、紫蘇作底，那獨特的香氣不是人人受得了。挑出梅子肉後，湯身添了酸香的梅子之味，只可惜那鹽味湯底味淡得很，果真是只是有淡淡的鹽香，肉香幾近全無。也許這種拉麵式的「小清新」會有捧場客，但對我而言這種清新健康的鹽味湯底實在不對胃口。另一俺流男盛熟成拉麵($58)豬骨味比前者濃一些，卻仍是以淡味鹽湯作主調，因此咸味依舊是溫吞的，又

星期六5:30襯住未係食飯高峰期既時候拿拿聲搵食先，去到主場VCity左度度右度度，最後去哩間食la今次係第二次食，仲記得第一次食個次已經係半年前了，時間真係好快過（老了）......第一時間唔係睇主食，係比佢小食吸引之前食過餃子覺得一般，今次食下新登場既玉子大阪燒（$18）黎到比我想像中細舊，不過不竟只係$18唔可以要求咁多（自我安慰中）一吉開入面蛋汁即流出，我已經流哂口水外皮整得脆脆地唔會un，連埋椰菜絲同d汁一齊咬口感好豐富，作為前菜都幾開胃哩個湯底有2款選擇，有分辣同唔辣既，唔辣湯底係雞湯+豬骨湯，另外就係蔬菜加鹽辣湯底（應該冇記錯）我揀左唔辣既，麵質揀左普通，不過咬落去d麵我覺得淋左d，叉燒厚切得黎唔un，同埋有一入口溶化feeling，唔錯炸雞外皮好鬆化，而且個肉都幾大舊，都幾嫩滑我最鍾意既係個湯底唔會好咸，之前試過其他鋪頭既拉麵我覺得都係味道偏咸覺得越食越漏...哩間個湯底岩我口味加埋拉麵胡椒落個湯底到，即刻變左好似胡椒豬肚湯既味又幾特別3種醬之中我最愛黑蒜蓉，夠哂香我加埋叉燒一齊食！