俺之沾麵專門店 (已結業)

無意中openrice 見到呢間沾麵，睇落幾特別， 細細間，一於排隊試下。排左五分鐘左右就有位，位比較擠，通常食完就會走，坐唔得耐。兩個人，點左豬骨原味湯加溫泉蛋，同埋黑蒜豬骨加半熟蛋。兩個麵都好香好食，有日本風味，服務唔錯，值得推薦。

一人又開飯啦！今日又好想食麵，因為感覺會飽飽的吧！心血來潮去咗天后，行下就到這小店。門口有五、六人排隊，等了約十多分鐘，女店長出來發點菜紙，張紙好面善（後來才知道是和混亂同集團）。坐下沒多久，麵到了。蛋，老實只是一般。有間吃車仔麵的還好吃。麵可以，彈牙，沾上湯適中。湯加水後就沒想像中好。 黑蒜頭不夠蒜，有點可惜！

第一篇寫的食評, 都係想寫自己最經常光顧的食物 - 日本拉面.剛好在附近參加過TASTING, 帶著3分醉意, 找巴士回家途中經過, 選擇入去食一碗沾面. 時間才18:20, 但小小的店面已坐滿顧客. 等候10分鐘後帶位進內.每次光顧一間第一次進入的拉面店, 我都選擇最基礎的原味.此店面條份量, 可隨意選擇多及少量, 適合胃口小及大的不同人仕. 另义燒可選梅頭/腩肉. 蛋則溫泉蛋/糖心蛋.點菜後, 先上我所點的糖心蛋, 期後才上面條及沾汁.紫菜上印店名, 頗有趣.沾汁是帶濃厚豬骨風味, 應有加上木魚粉. 沾面調味上咸淡適中. (因之前光顧某沾面, 味道偏咸, 對此特別在意)面條沒有冷熱的選擇, 一概是熱面. 但面條入口充滿彈性. 不錯.食面後, 與店員一照面, 店員即拿熱湯加進沾汁作湯. 服務上態度不俗.埋單85無加一, 價格適中, 有機會再來光顧, 但會避開店面的人多時段.

野生在家附近發現沾面鋪頭決定入去一試傍晚時分去沒什麼人就可以直接入座店面不大，可算是有點擁擠因為沒坐滿人 所以還算是幸運在此之前嘗過傳說中好多人朝聖嘅三田製麵所覺得其實普普通通不過不失相比之下個人認為呢間簡直喺以差不多嘅價錢壓倒性勝利講性價比一定呢間贏無論喺麵條(也是自家製作，喜歡的話可以外帶麵條回家)嘅韌性同嚼勁(個人喜歡硬硬地身，少少彈牙)定喺佢啲沾面汁(喜歡更濃郁，味道多變化而重口味ie黑蒜)都更勝一籌而且在自選menu上好多野都好彈性同自由say同一樣嘅價錢 你可以選擇一塊至三塊叉燒（本人當然max了叉燒的數量）都非常支持佢呢種食幾多哎幾多 唔浪費多一份食材嘅環保態度是一次非常愉快的用餐經歷!^_^

I first came here under a friend's suggestion two years ago and have been a regular ever since.I always order the tomato soup dipped ramen with medium spice and I can finish the whole thing even the broth every time. So last month when I had to get lunch I decided to try it again myself. I ordered the same noodle again, and it didn't disappoint me. This is the ramen I ordered. It comes with a nicely half-cooked egg, seaweed and fatty pork slices, which are my favorite! As usual, I ordered the sp

麵店比較細，座位較少。午餐黎食要等位，2點左右黎食都要等一陣彷彿置身日本嘅視覺感店員好親切沾麵湯／麵份量／配料／豚肉（腩肉及梅肉兩種）都有得揀黑蒜味濃湯／中麵／梅肉好濃，個湯唔會好杰，蒜香麻味好正每啖麵都可以沾到洽到嘅湯，麵條食到蛋味，同埋好滑梅肉明顯較軟腍本以為會食唔晒個沾麵，可能太好食又或者好肚餓，完全食晒個中麵好滿足！！！下次建議大家走生蒜，因為食完個口好大陣味－－－－－－－－－－－－－－－－－－－－－－－－－－－－－－回頭率：10/10（一定帶MFP黎食）

半年前食過一次, 今次帶同事再嘗俺之沾麵專門店 仍然不令我失望!!聽說沾麵起源於日本人山岸一雄, 為沾麵界的一代宗師, 將沾麵發揚光大, 令我們身於香港亦有幸一試!對於再次光臨, 我覺得服務態度有增無減, 仍然的熱情有禮!!上次選了黑蒜味, 所以今次選了原味豬骨湯底:之前食黑蒜味道較濃郁, 今天食慾不太好, 所以才點原味豬骨湯底沾麵, 進不知比累蒜味的湯底更惹味香口!!!上次自己太蠢, 忘了有半熟蛋, 到食時已經差不多熟了, 有時可惜!今次第一時間就先食半熟蛋, 半熟程度令人十分滿意! 蛋黃漿黏黏的充滿蛋香, 即時令我食指大動!原味的豬骨湯底比累蒜味清新得多, 亦不會好像黑蒜一樣會覺得太膩和渴湯底有著超香濃的豬骨味, 亦令梅肉味道更香口惹味!麵感覺上比以前更有嚼勁, 口感彈牙, 亦幫忙減底湯底帶來的膩惑!有人覺得湯底油膩, 我覺得適中, 而且帶點油才有沾麵的特色雖然有人覺得水準有少許下降, 但我仍然認為是香港非常好味的沾麵! 極力推介!

兩口子已經很久沒有在港島區吃晚餐了，這晚就選擇了這一間吃沾麵的小店。由於店子的門面不怎麼搶眼，也沒有招牌，在尋找她的”芳蹤”時，也差點也錯過了。店內一目了然，只有4張的檯子，各4張的椅子。椅子是用盛載可樂樽的膠箱堆疊而成，在座位上加上軟墊，就是食客用膳的地方。帶著這點點粗獷的味道，加上四周的牆壁之上有著寫著日文店名的佈置，有點好像是到了電視劇內看見的深夜食堂，點點和風的感覺。坐下不久，一位親切的姨姨就送上了點麵紙，又介紹著不同配搭的選擇。而點麵要首先填寫下單紙:-首先，選擇麵的份量和種類(有著中粗麵和極粗麵供選擇，份量則可選小，中或大，大的好像是兩個正常烏冬的份量)。然後，選擇不同的肉類和其份量(有著腩肉和梅肉叉燒的選擇)，再選一下配料(有如筍，蔥和半熟蛋)的份量。最後，就是選擇不同的湯底(包括黑蒜油和蕃茄)。我們兩口子分別選到兩種的配搭，腩肉叉燒中粗沾麵和梅肉叉燒中粗沾麵，都加了一隻的半熟蛋。這店子抵食之處，是不論選擇什麼份量，都是均一價的85元，相較其他拉麵店要就不同的配搭作add-on，來得很化算。沾麵很快就送來了，是將麵和湯分開兩碗上台的。看過店子牆上的教學，那碗湯是不可以直接

剛啱之前才寫過一間拉麵店，接著而來又是另外一所....由此便可得知小弟對日式拉麵是如何的喜愛了....趁著今天晚上沒人陪要一個人開飯，可以自己一個人喜歡到哪裡吃就到哪裡。獨個兒遊走到北角與天后交界，專程去造訪這一間蠻有名的沾麵店....來一份蕃茄湯底沾麵走辣。先點了普通硬度的麵條，咬下去麵質只可算屬偏硬身但並不彈牙。本來若是粗身麵的話便可以彌補此缺點但可惜是夜沒有貨，就算想下單也不行了.....叉燒分別要了腩肉及梅肉兩種....兩者相比之下當以腩肉為佳。切成薄片的它肥瘦相間入口軟而滑溜但比預料中少了脂肪帶來的甘香；梅肉則略嫌有些過瘦有些韌硬，少了預期的彈牙口感....麵中有一只所謂的半熟蛋，事實上實應稱之為全熟的才對 ---- 蛋黃一點也沒流心的跡象死死硬硬的；蛋白則算好一點，咬下去有一點點煙燻及鹹味....蕃茄湯底縱然下了很多新鮮切片蕃茄但湯味卻極酸全然蓋過了豬骨湯底應有的豐厚。就算是有麵相伴及後來加上上湯下去，但只喝了一口就真的忍不到那份酸，要作罷收手....本來是懷著盛興而來的，現在卻抱著敗興而回.....真是有些枉來的感覺....

男友上次食完呢間後極力推薦，所以今日去完接男友放工，就陪佢去回味一番點搵呢間舖頭？ 就係要睇下邊間舖頭無招牌，咁就實無死拉我揀左蕃茄味湯底，蕃茄味幾出，不過再濃郁D就更好黑蒜油沾麵之前食過深水埗既一間沾麵，黑蒜油係得個鹹同濃味呢間既湯底就真係有黑蒜油味道之餘，並唔係單一既重味，唔錯麵條掛湯能力不錯，重點係食唔夠飽可以再加 !湯入面有紫菜、叉燒可選腩肉或梅肉(有3塊)、 荀 、蔥花同埋整隻溏心蛋。我自己就鍾意梅肉多D，無咁肥。溏心蛋要及早夾返出黎，唔係就變實心架拉。係一間會回頭既餐廳

今晚揀了沾麵做晚餐這間日本餐廳很細小, 隱藏在蜆殼街一個小鋪位, 晚上9時關門, 心時8:30 去到應該沒人了吧點知仍有人龍, 需要在門外等15 分鐘, 侍應先給我們點餐紙跟鉛筆想定吃什麼 其實裡面環境有點擠, 但有很多溫馨提示教大家食沾麵的方式, 而且坐椅都很有日本色彩我們叫了原味及蕃茄味 先說原味, 腩肉叉燒肥瘦適中, 面有一張所有他們logo 的紫菜, 蔥花, 芝麻, 仲有濃濃的木魚粉搞混了 配沾麵食很香, 最開心是裡面有粒糖心蛋, 超流心的, 做得很出色呢 再來是蕃茄湯底, 很濃的豬骨蕃茄, 微酸，加上香蔥小小辣, 剛剛好的配搭再加腩肉叉燒及糖心蛋, 有人很快就食晒不剩了 食完可以叫店員加湯, 連湯底都不放過! 不過我覺得有點太油, 飲唔到同一枱坐我們對面的客人叫了冷麵, 冷麵有一大碗冰陣著, 保持到底都是冷的忍唔住問佢沾麵同冷麵邊樣好食D, 他說第一次食冷麵, 平時都是食沾麵的整體而言, 他說還是覺得沾麵好味一點  

位於炮台山既俺之沾麵，係屬於香港少有以沾麵為主打既拉麵店(雖然呢排多左)，同深水埗既隱家係姊妹舖，但隱家味道真係不敢恭維，意想唔到既係俺之沾麵湯底竟然做得唔錯。其實foodki幾鍾意呢種裝修，日本風得黎又舒服 有外賣麵蕃茄味俺之沾麵(7.5/10)($85)以豚骨湯底做底，加上蕃茄蓉同香蔥，微酸，加上小小辣，與豚骨味混合，味道好好，質素真係唔錯，同以蕃茄拉麵起家既mk『醬家』既湯底有過之而無不及梅肉叉燒，放係湯入面，算係一般水準。筍同埋糖心蛋foodki都係幾鍾意，糖心蛋岩岩好半熟，超級流心😳，筍就非常爽，就算放耐左都好好味。呢到仲有一個好處，就係所有配料都可以揀多揀少，隨自己喜歡。但呢間有個大缺點，就係麵竟然係熱到出曬煙，麵黎到既時間痴埋曬一齊。除左痴埋一齊之外。熱麵令拉麵少左＂爽口＂既感覺，唔少日本出名既沾麵店都係以熱水煮熟，再用凍水沖番凍，達至爽口彈牙既口感，其實係咁熱既天氣，唔需要以熱麵減少沾麵湯熱度流失，做多一個步驟，味道會更佳。#foodki香港拉麵漁場台風=BB ramen>銅鑼灣一蘭>廣島霸嗎>武士>富士山55=台風>🌟俺之沾麵🌟

與友人第一次去到這間位於北角蜆殼街的這間沾麵小店, 由於店鋪比較細小, 所以門口都有人在排隊, 排到差不多到我們時己經可以在門口寫定單, 爭取時間XD我叫左一個蕃茄湯底, 大份量嘅沾麵, 多叉燒, 多荀, 少蔥, 仲有半隻流心蛋, 以上所有配料都是個麵包嘅, 無論點配都是$85, 算幾抵食 (再加蛋另計)由於我第一次食沾麵, 亦唔太識食嘅關係哈哈, 都唔知應該點樣開始食。不過好在, 佢旁邊有啲說明書放係到, 所以拎黎望左幾眼就開餐喇!因為沾麵嘅關係, 個湯底嘅味就偏濃, 因為比客人用麵點落個湯底到食。個湯底好香蕃茄味, 味道幾好。不過個麵由於佢煮完拎番上黎再隔水放入碗, 個麵好似成餅咁, 好難夾得開, 但只要肯花時間其實都OK嘅。麵條嘅掛湯力都幾好, 因為本身麵條比較淡, 冇乜味, 但當沾左湯之後就有少少蕃茄香。不過我都是歡喜將麵條沾完湯再用湯匙BUD少少湯, 然後一啖放入口! 成個感覺好正!!! 叉燒唔算太肥, 有咬口, 幾好。另外因為我本人好歡喜食流心蛋, 一放入口果下嘅滿足感已經爆晒出黎LOL到最後, 食完個麵同啲餸嘅時候, 可以叫佢加番啲清湯溝番淡個湯再飲用。呢個就是沾麵嘅正宗

沾麵係朋友介紹比我我先知有d咁既野😀 第一次食去左北角呢間，落左地鐵要再行，唔係好方便。到左間野等左幾個字就入左去 叫左豬骨湯底既拉麵。個湯其實同其他日式拉麵既湯差唔多不過濃好多。但都好好味佢地個溫泉蛋好正👏👏  食到最後既特色就係倒d水落去飲埋d湯但唔知係咪因為今次d調味太重手加左水都好濃飲左幾啖就冇飲 聽我個朋友講佢上次飲到一滴不留今次我地呢個就麻麻地了。注：蕃茄湯底比起豬骨湯底更開胃更樂飲！

店舖較小，位置不多，好彩一嚟到就岩岩有位！繼上次當我食緊蕃茄湯底時，對面個男人話『識食梗係食原味！』，心有餘悸，今次必試原味到底有幾正！ 原味都唔錯，食到濃濃嘅木魚，好香，腩肉依舊肉質幼嫩，唯獨係餸太少啦～ 最多得３塊，寧願少d麵，多幾塊肉！仲有塊檸檬係度調味！酸酸甜甜，幾開胃！ 反而覺得黑蒜湯底仲突出哦～！超香濃黑蒜 流心雞蛋也造得很出色呢！