影片
约左个FD去行街，出到去已经系下午茶时段，去左亚士厘道揾食，见有间食日本野，平平地，就试下了。下午时段冇乜人。要了下午茶7及9，加$15有日式餐汤、沙律及日式蒸蛋。照烧三文鱼配白饭，$52。加$15的日式餐汤、沙律及日式蒸蛋。面豉汤，正常水准。 沙律，酸左少许。日式蒸蛋，都几滑，唔算好多料，味道正常。照烧三文鱼， 肉质嫩滑，味道香口油润，烧汁惹味，几好食呀。配的白饭。热咖啡，正常水准。滑蛋猪扒饭，友人的，炸猪扒口感脆，味道普通。食物正常水准，价格尚算合理，假日食个茶叹冷气都几正呀。
继续阅读
尖沙咀扮工嘅我，每日最大嘅乐趣(同烦恼)就系唔知食咩好，要budget 得黎又好食，同同事食又要坐得舒服啲，又唔可以行太远，费事身水身汗返公司就太有个人味道啦。。一星期几乎会去食街亚士厘道两次，今日想食日本野，即刻黎呢度揾食！比个贴士大家，lunch 系要12:30 黎到先唔洗排队，一过左钟，就等到你同埋印象中呢度晚餐有少少贵，趁lunch 食下都悭到唔少呀～内在环境干净舒服，今日可以坐卡位，好开心。同埋周围都放左日本酒做摆设，好有东洋风味（≧∇≦）失策，无影到menu, lunch set 有鱼生饭同热食，饭呀乌冬呀牛肉锅咁，价钱$68-150, 丰俭由人，同同事黎一流，个个唔同口味都配合到呢个系前菜，有海哲面鼓汤沙律同蒸蛋，海哲呢类冷盘会变化，上次我食到凉拌牛蒡，好好食，但其他几款就系铁胆啦～不得不提茶碗蒸蛋，好好好好食，一黎多料，有冬菇同虾，二黎个蛋好滑，唔会因为系送就求其应付下客人。呢set 前菜都系我食完又返黎食嘅原因，感觉舖头好用心。友人叫自选鱼生饭 $82可以拣四种剌身，每种有两片，甜蛋系送嘅友人表示好食，同埋饭粒粒粒分明，用上珍珠米好有咬口，不妨一试滑蛋鸡肉饭$68 8/10分👍🏼👍🏼👍🏼 好大碗，一个大男人食都够饱，我食左一半都饱到。。。虽然因为我食完个前菜都饱左三成XD滑蛋好滑好嫩，鸡都嫩，而且好多，保守估计有80g, 仲有冬菇呢，非常足料！不过饭就稍微湿左啲，个人唔太喜欢。最后仲送左个小小甜品点心，好开心食左咁多野，好满足！keep 起张收据，下次每一百蚊可以减十蚊，我谂好快我又用得著( *｀ω´) 食完又要返去搏杀啦
继续阅读
今晚黎到呢条街差唔多九点，餐厅选择好多，行完一轮决定食下日本菜。坐低时人客都算几多，当时无乜留意店名，原来佢既中文翻译都几浪漫。而且装修系靓既，餐牌亦有好多食物饮品选择。滑蛋鳗鱼饭定食 $108好钟意滑蛋饭既质感。不过咸左少少，同埋贪心的我觉得如果鳗鱼多点就好了。牛肉锅定食 $118都算好多牛肉，而且牛肉汤咸甜适中，又有我钟意既粉丝，几好。三文鱼刺身 (+$15)睇落都几厚切，质素应该OK，因为老死觉得要食埋我个份quota。店员服务就只系十分一般：唔知点解系都要安排客人坐最出、近门口一张枱，咁热既天气，入面又有枱，咁样安排系咩原因呢？而且今晚店员九点五十分就叫我地埋单，仲好尴尬地望住我地，要我地问几次先知道原来佢想而家就清场清洁了。呢间系一间水准一般既日本菜，虽然装修系比较地道，但食物同服务都真系唔特别，其实做餐厅同客户既交流真系好紧要架啵。但以佢价钱黎讲，算抵食既！
继续阅读
去咗韩国几日,好友话挂住我突然约食晏,话系尖沙咀,都唔知食乜好,走入亚士厘道,见到呢间日本嘢几好咁,就试下佢喇!我叫咗刺身饭定食,比我预期中丰富好多,有面豉汤有茶碗蒸,仲有沙律同前菜添!沙律系芝麻酱汁沙律,有车厘茄,鲜甜好味道!茶碗蒸热呼呼的,入面有鸡肉,仲有我最爱既银杏添!日本蒸蛋真系好好味,每次食都滑溜溜的!前菜系辣大荳芽,好开胃!面豉汤系白面豉汤,唔太咸! 刺身饭送到,有甜蛋,牡丹虾,赤身,三文鱼,赤贝,鲷鱼,除咗鲷鱼,件件都厚切,好丰富吖!赤贝同牡丹虾超鲜甜,应该真系新鲜飞机货!鲷鱼系薄切,非常爽口,完全有系日本鱼市场食既感觉!赤身同三文鱼无乜特别,胜在系厚切,有口感,唔似得d大型连锁店收劲贵但劲薄切,今咗好似无食咁!饭应系醋饭,微暖,唔会太湿同过酸,赞!友人食亲子猪扒丼,评价都系good!久不久对自己好d,揾间坐得舒服d,又唔系真系贵好多既食餐好d,人都会醒神d!
继续阅读
估不到呢间豪不起眼的日本小店，才食出日本菜的真味道。我们一行三人，每叫了个午餐: 鱼生粒井便当、牛肉乌冬、滑蛋鳗鱼饭。听个名很是普通，但才的前菜已经让我赞赏，首先有蒸蛋（内容丰富：有虾肉、鸡柳等等。可能食得板长、元气多他们太行货，全无味道）、沙津（非常新鲜）、汤（原来是有煮过的鱼汤，好香好入味，不是别家的用粉开滚水的味噌汤呢！所以更惊喜！），之后便是我的鱼生丼，好新鲜，大鱼子都鲜味，不太咸、鱼生底是放满好幼好幼的紫菜丝和芝麻，所以鱼生饭更有层次，鱼生粒种类好多，最紧要新鲜！再试下囝的牛肉乌冬，牛肉好滑无jar，不会太肥，又多配菜，乌冬好弹牙，汤底不错，一流！不简单的乌冬。爸爸叫了滑蛋鳗鱼饭，爸爸话好味！估不到的认真！一定再食！
继续阅读