侍元 (已結業)

抵食剛剛去了荃灣，去了海之戀裏面的一間叫做侍元的餐廳，主要食日本飯和拉麵，並沒有收服務費，全部都是單點價錢，食一個麵或者飯都是四十幾至五十幾元，還可以另外加$10有泡菜和檸檬茶，又或者加$20有炸雞和檸檬茶。感覺都幾抵食。今日個S小姐一共用了$140，即是平均大概每人$70左右，有小食，有飯或者拉麵，又有檸檬茶，真是幾便宜。札幌風濃厚味噌豚骨湯拉麵$58。然後跟餐加$10有泡菜和檸檬茶。拉麵湯底有好濃郁的豚肉味，而且拉麵麵條都己有彈性，有咬口。調味適中 ，不會覺得好鹹，食完都不會覺得口乾。另外裏面都有幾塊叉燒，叉燒切得都幾厚，但不會硬，都幾好食。至於泡菜就酸酸辣辣的，都幾開胃。溫泉蛋黑豚肉海軍咖喱飯，$52，然後同樣跟餐加錢有小食和檸檬茶，這個餐加了$20有兩件炸雞和檸檬茶。溫泉蛋裏面流心的，好好味。咖喱飯味道不會太辣 ，平視食不到辣的人應該都食到。裏面還有一些切粒的紅蘿蔔和薯仔。還有一些豚肉件。整個咖喱飯的份量都幾多，食完都幾飽。至於炸雞就好熱騰騰，外皮好香脆，裡面雞肉又熱又嫩，好食。

叫咗兩個餐，不論係拉麵小食定係嘢飲全部都好難食好難飲。拉麵嘅湯底仲衰過味精拉麵，飲咗一兩啖個湯底口渴到個口變咗撒哈拉沙漠。麵底係好劣質嘅鹼水麵，一食落去就feel到好廉價嘅味道。最好笑係杯凍檸茶，咁簡單嘅嘢飲佢都可以沖到好騎呢。最後係個炸雞，食落係有好腥嘅雞味。職員都係講普通話嘅，一定係台灣過嚟嘅大廚！先煮得出咁美味嘅拉麵，如果大家未食過咁難食嘅拉麵建議大家都去試吓👍🏻👍🏻👍🏻！呢個質素俾錢我都唔會食！😽

見食評差覺得可能係個別事件，都試一試係唔係真係咁差囉。一去到門口，入座安排不清不楚，門口完全沒有指示是先搵位後買還是先買餐後搵位，於是同行人士先入去搵位，遭一身型龐大的男員工極不禮貌叫番出嚟，完全無解釋什麼事及繼續幫助客人應該如何！呢個身型龐大的男員工完全係唔適合做對客嘅工作，態度差又無耐性，客人又唔係間舖做，點會知道係乜嘢安排，完全唔幫助客人仲要比面色客人睇！極差！多差評都真係有原因的，不可不信！服務態度差真係唔會幫襯！

海之戀商場現在開多了好多商店，熱鬧了很多。看到這家餐廳價錢相當相宜，而且裝修又很有趣，立即去試試😋。‖ 東京風黑蒜油醬油湯拉麵 ($58) ‖麵質爽口，軟硬適中。湯底屬稀身不稠，味道略略偏咸。有大量粟米和木耳絲，半隻溏心蛋，日式叉燒不厚不薄一片。加配炸雞套餐 (+$20)套餐有一杯凍檸茶和兩塊用大紙杯盛著的炸雞。炸雞金黃香脆，嫩滑多汁，好吃。‖ 蒲燒鰻魚牛肉飯 ($68) ‖蒲燒汁香濃好味，鰻魚鮮甜軟腍，濃濃鰻魚香。牛肉份量很多，是有濃郁牛味的肥牛。鰻魚和牛肉都好味😋。餐廳價錢便宜，食物不錯，值得一試。

這間餐廳位於花之戀和Donki附近，本以為定位較高，想不到價錢這麼吸引，而且提供拉麵和其他飯類選擇。餐廳門面有不少武士圖像，在門外可以透過玻璃看到一個大型壁畫，是一個本地的藝術家畫的，很有氣派。餐廳採用的是先付款後進食，先在收銀檯下單，然後透過他們提供無線的取餐提醒器收到通知。丼飯有牛肉/鰻魚/蕃茄肉醬/白汁等，這些被歸類為西洋風料理。除了主食外，可以按需要加套餐換取沙律/飲品/小食，選擇豐富。這碗九州風櫻花蝦拉麵有粟米、唐心蛋、木耳、香蔥為配料，上面鋪滿了香味十足的櫻花蝦，為湯底染上不少粉紅色，麵底的豬骨味較為清淡，帶有些少皂水味。另外點的是溏心蛋免治牛肉飯+炸雞套餐，除了以番茄味為主的肉醬外，還有原粒溏心蛋和香脆嫩滑的炸雞，肉醬撈飯後粒粒分明，而且蕃茄的酸味很開胃，如果能配上蔬菜會更加完美。這間餐廳選擇豐富而性價比高，是這個商場覓食的不錯選擇

夜晚同女朋友去左呢間餐廳食野，店舖喺海之戀商場入面，企企理理，但店鋪唔係太大，好彩唔洗等位。呢度好似foodcourt咁，要先喺counter買嘢跟住拎個嗶嗶機震等call, 再出去自己拎。女朋友食左個黑武士，我就食左個咖哩雞肉飯，兩個餐都加左廿蚊，包一杯野飲同幾件炸雞，加完都係70幾蚊，幾經濟😬食物味道都唔錯，夏天咁熱食飯都易入口。值得再幫襯～

記得之前來海之戀商場時，除了一間donki，其他的舖位仍在招租中。今次再過來，面貌已經截然不同，尤其地下、1樓食肆林立，看來又有一個醫肚好地方。今次決定食拉麵！「侍元」採用半自助形式，先在門口點餐付款，再等候到取餐處自行領餐。原來九州正是豚骨拉麵發源地。奶白色湯底是來自豚骨的長時間熬製，餐廳再加入了櫻花蝦，使濃郁的湯頭多了一重鮮香味。拉麵爽口，唯欠缺煙韌彈性，似是普通款式而已。反而叉燒片肉質軟腍又有豚香，如果能再經炙燒就更好。除了叉燒之外，拉麵還配有粟米粒、木耳絲和半隻溏心蛋。所謂血池地獄湯，其實就是辣湯底，名字啓發自以溫泉聞名的別府。雖然名為地獄，但不會過辣到難以入口。至於拉麵、配餸方面，除了沒有櫻花蝦之外，基本上都和九州風那碗一模一樣。2碗之中，也許有辣的關係，筆者覺得別府風的一碗更加惹味。加錢可升級至套餐，有幾款配搭可選。炸雞甚有驚喜，即叫即炸，入口熱辣辣，咬開更是十分juicy。另外配了一杯凍檸茶作解渴之用。而另外一個套餐就點了泡菜和麵豉湯。泡菜加進拉麵後，多了一股酸辣味，味道層次變得更豐富。麵豉湯就有大量昆布、粟米粒，味道不過不失，未有偏鹹。

香港人係好鍾情於拉麵，形形色色既拉麵矗立於大街小巷，今次要介紹既拉麵店位於荃灣西地鐵站旁的海之戀商場的平民拉麵，經濟實餘又不失日本風味！=======================餐廳環境餐廳以先付款，後取餐的形式運作，整個裝修有日式氣氛之餘亦，亦添有幾分漫畫感覺，讓食客可以係一個輕鬆既環境下用餐。=======================食物品質餐牌上既選擇主要有拉麵、丼飯同小食，價錢由40蚊至70蚊起，非常親民。小編同朋友就分別點咗「別府風血池地獄豚骨拉麵$58」同「濃厚味噌豚骨拉麵$58」再配炸雞套餐($20)⭐️別府風血池地獄豚骨拉麵 - 辣味適中但唔過火、若鍾愛辣香既朋友可以試⭐️濃厚味噌豚骨拉麵 - 味噌香味突出，配菜足料，高性價之選=======================服務及衞生目測檯面及食具都乾淨，服務員的表現亦合符水準，在這個價位的餐廳算是洽當=======================總評經濟而實惠的拉麵，平日出街吃飯的不錯選擇

侍元拉麵荃灣西海之戀 新開 日式拉麵店 間鋪頭就唔係好大 如果個日唔好彩 多人 就要真系等位喇😹🥘白武士櫻花拉麵 （$58）碗拉麵大大碗 有機會 真系兩個人食都夠 🙈 上面有粒粒櫻花蝦 賣相都真系唔錯架 不過啲拉麵就係普通嘅幼身拉麵 我個人就麻麻地 🥘和風牛肉鰻魚飯（$68）整體唔錯，鰻魚好食，但和風牛肉偏乾。食落比較dry，可能係因為冇乜汁嘅關係。如果加多啲牛肉汁落去食一定會好食好多。🥘🍺炸雞兩件+凍檸茶（套餐+$20）唐揚炸雞比起出邊食嘅大件好多，肉汁鮮嫩熱辣辣。好推介！！凍檸茶就冇乜特別，偏淡。🍽🍽🍽🍽🍽🍽🍽🍽🍽好味程度：3/5 抵食 : 3/5 環境 : 3/5

難得跟朋友見面，經過海之戀商場，我們都被『侍元』門外的雞武士壁畫吸引，決定進店一試，餐廳主打炸雞和拉麵，加20元更可多2 件炸雞同檸茶，非常實惠！！店內設計日式，掛滿日本武士掛畫，最舒服，一定是坐在皮卡座上進餐 。炸雞黑豚海軍咖哩飯 $58 飯面鋪滿紅蘿蔔，薯仔， 煮得軟淋的黑豚肉和咖哩汁，我應該可以食2 碗。加20元可以多2 件炸雞，本身飯又有2 件，仲有檸茶，食完超飽＋好滿足 ！！！炸雞外層炸漿，有薯片質感，超脆 ！內裡軟滑多汁，是我喜歡的口感，底層的炸雞較為軟身， 才發現原來雞塊不能疊在一起，會影響口感。 東京風黑武士醬油拉麵 $58先飲一啖湯，湯底偏鹹了些少，帶香濃的醬油和黑蒜味，配拉麵同食，味道剛剛好， 配料有爽脆木耳絲和栗米，流心蛋熟度剛好，幾好味，而叉燒有厚有薄，軟淋入味。跟餐轉可樂/麵豉湯，＋2元我就唔駛轉，其實檸茶都幾好飲。雞肉份量比想像中多，唔加蛋，只係$44溏心蛋照燒雞肉飯 $52最健康之選，雞胸肉無皮，所以唔會有太多脂肪，除照燒汁外也灑上了些七味粉和芝麻，入口幾香，雞肉帶有肉汁，一啖溏心蛋，一啖雞飯， 更加嫩滑可口。蒲燒鰻魚飯 $52鰻魚厚度足夠，色澤紅潤，魚肉

實在太餓了 荃灣西海之戀商場有不少美食 中西日泰什麼都有得食 今日冇意中發現到一間拉麵店 -侍元 店内充滿日本風格 價錢方面相當相宜 估佢唔到 餐牌食物相當豐富 但係一場黎到一定要試拉麵啦白武士拉麵，見到白色的湯底 即刻試了一口 豚骨湯頭味濃 麵條淥得爽口 配料亦相當多 樱花蝦、叉燒、半熟蛋 鰻魚飯 甚有驚喜又肥美唔錯。燒得鰻魚剛剛好 ，配上醬汁 加分不少加了炸雞 另外再加個芝士春卷。芝士春卷香脆有芝士味。炸雞有點期待 外表金黃 入口脆卜卜 雞肉嫩滑 海之戀竟然做到咁嘅價錢 相當抵食

食店牆上充滿色彩繽紛的卡通畫，頗可愛又吸睛🤩，但面積不算太，最好先找好座位，再去點選食物跟著付款，之後收到一個呼叫器，待餐準備好就會響起才到取餐處取便可， 其實都非常方便，但又唔係太多食肆採用🤔。 黑武士醬油拉麵($58)泡菜加凍檸茶(+$10)黑蒜油香味湯底， 厚切叉燒配彈牙拉麵加半隻流心蛋，暫時可滿足一下久違的日本風味喔！鰻魚飯($52)雞翼三件加凍檸茶(+$20)日本珍珠飯配上鰻魚， 簡直係絕配， 軟腍日本珍珠飯吸收可口的鰻魚醬汁， 無骨的鰻魚肉， 食落啖啖肉， 暢快無比！雞翼外脆內嫩，非常香口！ 凍檸檬茶甜味控制得非常好， 味道不是太甜，抵讚！ 對於匆忙嘅香港嚟講， 快靚正的一餐是非常適合香港人的節奏的。

荃灣Donki逛街後，又是覓食的時間，太太竟然說想食拉麵，心想即是要出荃灣市區嗎？在海之戀竟發現了這家店，由於不用走來走去，便二話不說走進店內位置：位於海之戀商場G層，距商場出口只有幾個舖位，出口連接港鐵荃灣西站，而一樓更有扶手電梯直落巴士總站，交通異常方便環境：餐廳裝修很有和式條子風格，配合誇張的日本武士風掛牆餐牌，很有感覺。餐廳面積不大但座位自成一角，既舒適亦私隱度高服務：餐廳以先買單後取餐的形式，較像快餐店，當餐準備好附上的呼叫器就會響，所以可以坐下來慢慢等，頗為方便。餐具包有筷子、餐紙及牙籤，所以一般都不用打擾店員食物：餐廳主推拉麵、日式飯及炸雞，第一次來當然什麼也試試炸雞黑豚肉海軍咖哩飯 $58菜名像是很霸氣，其實只是日式咖喱飯配豬肉，跟炸雞兩件所以多收了$14。咖哩磚味道香甜不辣，有甘旬及薯仔作配菜；黑豚肉香滑有豬肉味，和咖哩本身就很夾炸雞是分開上，稍後會再介紹。別府風血池地獄豚骨拉麵 $58名字聽上去好像是地獄級別，其實只屬「譚仔」五小辣的強度，但用豚骨淆製的地獄湯底足夠香濃，配料有一大片日式叉燒、香蔥、粟米粒及木耳絲。麵質偏硬身但出奇地和地獄湯底配合得宜，叉燒肥瘦適中，

溫泉蛋黑豚肉海軍咖哩手打烏冬（$48）咖哩汁滿瀉，足以令每一條烏冬掛滿醬汁，味道很好，加上溫泉蛋生熟度也掌握很準確，半生熟的蛋液拌勻到咖哩烏冬令人回味。 加炸雞套餐（$20）調味得很好吃，炸得剛好，入面還保留了肉汁，很juicy，真沒想到這麼有驚喜，後悔只點了小份量！

地獄拉麵份量也很多，面比較硬身彈牙。 有一塊豚肉， 瘦肉得黎唔鞋， 幾Juicy. 仲有流心蛋，辣湯底好夠味。加咗二十蚊要炸雞兩件加凍檸茶， 炸雞炸得外脆內嫩， 好味， 如果加上沙律醬更佳。朋友叫了個鰻魚飯， 是珍珠米配上鰻魚， 50 蚊的價錢相當實惠， 份量也不少。 味道不錯。再加雞翼三件， 雞翼有驚喜， 炸得啱啱好， 又唔油， 比起其他餐廳， 呢個炸雞翼相尙有水準。檸茶好夠味。 係海之戀入面嘅餐廳， 呢間日本餐廳出乎意料的平民價， 坐得舒服。