來富餐廳 (已結業)

經過食個tea,叫左set炸魚柳薯條~舊炸魚好大舊而且都幾好食,不過D薯條就好麻麻!油淋淋而且係番炸,仲要點埋佢\隻勁酸既茄汁,嘩…救命!下次都係食麥記較好呢~…查看更多

　小弟是日放假，故到日上三竿至起身。起身時都已經十一點幾鐘，唔通仲食早餐咩？猛然醒起，屋企樓下間來發午餐都幾抵食喎，卅皮有飯有湯有飲，即時有股衝動，拿拿臨落街買咖喱牛腩飯午餐食。　十二點鐘入到去已經滿座，地盤工友同埋主婦們，早已佔據卡位，故都係買返屋企食好。佢午餐，有十幾款，除咖喱牛腩飯外，仲有炒粉麵，或者豬扒飯、咕嚕肉飯，以供唔同人士需求。我鍾意食佢咖喱牛腩飯，因為牛腩唔肥，咖喱汁多，而且都好大盒，有時仲要同老媽子一齊分享添。　驚喜唔係盒飯，而係佢老火靚湯，今日靚湯係粉葛扁豆煲豬，我最鍾意飲呢種湯，因為自己都經常骨痛，粉葛湯常飲去骨火，而且煲要好花工夫。佢之粉葛湯，並唔係粗製濫造、添加味精之劣品，而係真材實料，湯渣仲有舊靚豬添，煲得十分夠火。佢都有所謂之紅白西湯，即羅宋湯或忌廉湯，但覺得西湯唔係咁好飲，尤其是忌廉湯，假得好似豆粉水咁。　毋怪乎，見親個個地盤工友食午餐時，都叫老火中湯啦。証明唔係淨係小弟Buy呢隻例湯！…查看更多

9月11日14:00又近中秋，奉母命送月餅到姨母家。再到這裡開餐，見有擔擔麵全日供應，便一試炸豬扒擔擔麵。擔擔麵：白素麵，無炸菜、無花生碎或醬、無肉末，白開水般的湯底，緊帶點微酸。炸豬扒：慘白色，廚房無炸漿？HK$22.-麵+熱飲算平，但這樣的貨色，真的有點兒那個。…查看更多