來多碗車仔麵 (康寧道) (已搬遷) 新店位置

之前舊鋪執左，近排終於開番，即試新裝修，乾淨，店員有禮貌要先叫食物才搵位坐推介豬腸夠腍入味，魷魚爽口，蘿蔔入味牛丸普通，魚蛋白雪雪冇味湯底都係加腩汁，加辣醬仲正

在Facebook聞風,前觀塘"金僑小食"原裝班底重新開舖,所以上星期六立即到新舖嘗味 !新舖環境比較闊落,人流暫時比較少...可能未知"金僑"重開...我仲同老細講,等你哋開番等咗成年...老細(呀咗一聲),係喎成年喇... 我點了平時食開既 : 油麫底走湯多辣加腩汁,豬皮,豬紅,魚旦,豆卜,魷魚,牛腩...其他的全部水準之作,唯獨牛腩硬咗啲同未夠入味...不過遲啲再食應該會好啲 !食物方面,保持水準...但始終新舖新爐新灶,可以再改善 !其間有幾位人士(我諗應該係新投資者),用不太純正廣東話問我食物如何?仲話我哋係新舖,多多支持...我話你哋唔新架喇,我都食咗廿幾年喇(哈哈)...我同佢哋講係門口棟番個牌話係"前金僑小食",啲舊客識番黎架喇,以前我哋為食佢哋碗麫日日排長龍架...