佳香燒臘餐廳

营业中

休息中

第一次試呢間，叫咗叉燒切雞胸飯，份量偏細，味唔差嘅，係叉燒乾咗少少。但個油菜應該係燒鴨汁（估咋），又幾好味，另外會跟一個湯。唔太差嘅，喺嗰頭食厭茶餐廳可以一戰。

要肥义油雞飯，比五件柴片你，份量少到未見過，油鷄比隻翼你但無咗中翼，咁都得！佢話賣晒义燒，但其實出面重廿三十條义燒，第一次幫襯也是最後一次，不信者不仿一試，包你成肚氣⋯⋯尼間野根本剩係留分D靚野比熟客⋯

中午放飯1條友行過門口見到有乳豬喎，好耐無食過乳豬就走入去試下先，而家唔係好多燒味鋪成日有乳豬賣，不過要留意既係門口個餐牌同入面餐牌乳豬飯個價錢有唔同，呢樣要留意下。鋪頭主打燒味，無其他野食架啦，午餐包埋例湯同熱飲，凍飲加3蚊。乳豬飯，乳豬份量少左dd，斬得都算大塊，俾多塊就好啦，乳豬皮食落都脆既，隻豬唔會好肥，配埋乳豬醬都開胃香口，飯就略濕左dd，但未去到好過份，乾返少少就好啦，始終燒味飯會加色乾身飯會好食d。其他燒味未食過評價唔到，因主要都想食乳豬，68蚊有湯有野飲都合理既。

後悔食過，吾會再帮襯早前晚上6:30路過買左個叉燒燒鵝飯，打開嚇親，眼見燒鵝碎濕濕，好似頭頭尾尾湊埋一碟甘，叉燒又硬又乾，當然我吾係期望要食到九大簋甘，但真係以而家市道黎講，做生意要老實，橫睇掂睇都吾覺得值$52，最慘食落吾好味之餘，食物質素吾多新鮮，所以個人吾會再帮襯，但人人口味吾同，如果以午市價黎講，只係充飢維持生命，但正價就真係吾值，無下見，祝貴店生意興隆

今日外賣去左元朗擊讓路佳香燒味，諗住買盒外賣叉燒飯食返屋企食，結果買完番到屋企打開一睇，全部係肥叉，一d肉都冇，結果變左食白飯一盒，大家記得盡量唔好再去幫襯，完全中伏。

如果唔係今日要去元朗報名, 真係好耐冇去過元朗了!搞掂之後已經2 點幾, 老公話要食飯, 附近經過好多都係車仔麵, 全部可以SKIP! 咁得返餃子店同燒味, 唔想再行啦! 見到呢間燒味舖冇乜人, 即入! 食店唔大, 提供座位唔多燒肉油雞飯 - 燒肉皮好脆, 老公都不禁讚嘆! 油雞都好淋, 不錯! 燒肉叉燒米粉 - 相比起飯O既燒肉, 我呢碗米粉O既燒肉皮已經浸淋咗, 叉燒好好味! 又淋又入味! 估唔到我哋誤打誤撞入O既一間小店, 竟然俾到驚喜我哋。食物不錯外, 店員亦親切。我落單時說明要走青, 店員一開始時就話怕會好順手而唔記得, 我呢個走青怪當然明白, 所以期間我不時笑住咁提醒店員: 姐姐! 記得幫我走青呀! 我真係唔食蒽架! 👩‍🦱店員亦好親切地回應返: 知道! 👨‍🦱我相信另一個係老闆話: 如果落咗我換過俾你啦! 唔緊要! 最緊要你哋食得滿意同開心! 雖然係一件好小事, 但我感受到老闆同店員O既直率同和諧, 令我哋開心地過咗短短O既用餐時間。

新鮮出爐燒鴨皮脆肉嫩正啊個人中意淋汁成隻鴨比拎住食😂唔斬唔點酸梅醬原汁原味好香鴨味 正宗港式燒鴨 宜家已經好少地方食得翻呢個味道 半隻鴨先68蚊 平靚正呢間真係好食過元朗嗰間馳名香港嘅燒鵝 佢地得個咸字 又貴喎仲有叉燒！我要肥叉 師傳話叉燒無咁肥 幫我揀d林叉比我 試完真係好林d肉質 又好夠味 唔會食幾舊已經好滯 呢個真係唔覺意會食多咗好評好評！見到好多人去斬飯都會叫叉燒雙拼外賣 先30蚊 今時今日邊度30蚊可以食到個飯？😂抵食到呢！

見佢新開兩個零月都未試過就試下啦，點知一試就中伏。叫碟叉油雞飯，油雞即係幾塊雞骨，叉燒韌到嚼唔到要吐返出黎。點解可以咁無誠意，做生意咁短視，出產啲垃圾比客人食？冇下次。

去到巴士站走左班車 見路旁餐廳 得燒臘店不停有人排隊買嘢 見店內燒味個皮皮脆又靚 一試發先好好味 係久違了的全統焦香味 飯又軟硬適中 相比大連鎖店好食百倍 星期六晚餐一個雙併連飲品才$42 真係超值現今租金太高 高種誠意小店 值得大家多支持

之前見到office 附近有新的燒味店開張，呢個位之前係八方雲集，沒想到事隔數月終於有新食肆開業～～～而我和同事仔見到雙拼飯賣25蚊盒，所以決定一試～～～同事點咗叉燒燒肉飯～～～而我就點咗燒肉燒鴨飯，燒肉夠軟熟唔太咸，感覺好好食，燒鴨都算幾好，唯一敗北係個飯，部份濕咗d，部份乾爽剛好（即係唔均勻）眼見價錢係抵，所以同事仔仲幫襯多次，唔知呢個優惠做到幾時呢