影片
3人用餐，叫了5𩠌1糯米饭，一致超劣评！首先，车轮转的推销XX蟹（忘了是什么蟹了）：坐下不到2分钟，茶也未开，餐牌才睇到第二页，已有两个女侍应车轮转推销XX蟹，已一次又一次说：「我们睇睇先！」，但也推销了三次，听出我们回应得很不耐烦才没有再来推销蟹！之后再看看蟹的价格，是300~400多，难怪这么落力推销！当然我们最后没有叫蟹，毕竟是第一次光顾，怎会在不知情况下点这强推的贵蟹呢！第二，食物和脏碟只是一线之差：我们点的饭𩠌，头两碟很快就送到。之后厨房拿出来的食饭并没有用盖保护著，只是拿出来一张等侍应拿的枱上，一碟两碟三碟四碟，正正是我们点的四碟𩠌及糯米饭，由拿出的第一碟到侍应拿给我们，在那张枱最少吹凉十分钟！那车轮转的侍应消失了！之后侍应拿了一堆脏碟，一碟一碟掉到回收盆中，而那个回收盆正正是在那四碟𩠌的隔离，我十分担心会飞溅一些东西到我的𩠌中，但可以如何？侍应放了脏碟，就把那已放了十分钟食饭放到我们的桌上。之后又消失了！第三，调味味精十分重手：如不介意味精，只谈味道，确是好食的，特别是糯米饭十分美味！但饭后必然会十分口喝，请准备大量的茶水！我的朋友对味精比较敏感，饭后更出现面肿及头痛，其味精的分量，应是以往曾光顾的餐厅之冠！这间餐厅，我不会给它第二次机会，太可怕了！差劲的推销、对食客的食物不整洁，及超量的味精﹗
继续阅读
见呢间餐厅平日都坐满人，睇睇有咩咁正先。午餐介乎 $48 - $5x，配汤/饮品要咗例汤。 够老火，唔水，唔算味精。 当日系莲藕绿豆煲章鱼猪骨汤。有炒粉面同常见碟头饭选择。豉椒牛肉炒河好够镬气！够晒大碟，唔怪得有咁多男士叫！ 河粉够滑，够弹牙。 酱汁够，唔会太咸。凉瓜排骨饭够晒份量，细食人士可以两个人 share 都够食。凉瓜唔会炒的太熟，仲爽口。 排骨系半肥瘦，唔错。鱼香茄子炆米味道辣辣啲，好惹味，每一条米粉都吸收晒啲汁，够入味。好味，但有少少油，怕肥就唔好叫啦。总结： 抵食夹大件！ 值得一试！
继续阅读
环境：地点嚟讲唔算方便，由天后站行过嚟都要一段时间... 台与台之间好迫，大声少少倾计一定会俾其他人听到！墙上有啲旧香港嘅相，不过同啲装修有啲格格不入生炒腊味糯米饭：米粒油润粒粒分明，唔会太干，黏黏甜甜。香喷喷嘅葱粒非常多，配合半肥瘦嘅腊肠、腊肉粒粒厚身有口感。干葱豆豉鸡($168)：一上台已经香到不得了，再捞一捞佢，沙沙声真系几热都要即刻夹嚟食！鸡肉好嫩滑而且份量多，干葱豆豉爆得非常香口，豆豉味劲香但唔会觉得咸。可惜已经叫咗糯米饭，否则一定会叫个白饭捞汁食！金银蛋豆苗($98)：平时出街食豆苗份量少得可怜，但呢度非常慷慨，好似食极都仲有咁嘅？外面好多地方无啦啦加啲肥猪肉落去，好在呢度冇，相反就落好多金银蛋及蒜子！豆苗幼嫩冇渣，好味！服务：OK
继续阅读
近两三个月经过铜锣湾道中华游乐会斜对面的佳肴轩，心𥚃常想会不会与很多年前在北角的隹肴店有关系呢？！想起此店的士多卑利排骨甜酸适中阵阵新鲜🍓士多卑利味，排骨还保持外脆内里肉质 juicy，不会干争争！今天难得准时收工，一于去试。6点三入去，我们是第一枱客，有位伯伯见我同相公微笑打招呼。开茶后，他过来同我们介绍今天推介。倾起才知此店正是以前北角佳肴店的新舖，而他正是老板。点了他推介今天新鲜（只有2份）的炆东星斑尾及必定要重温的士多卑利排骨。两个𩠌简正无得输！👍🏻👍🏻👍🏻下次要约多d朋友一齐再来，可以尝试多d𩠌。😋😋😋
继续阅读
美国螺头炖老鸡汤－炖汤味浓而香，睇得出足料之作。古法生炆龙趸尾－推介！龙趸尾炸完再炆D肉仲好滑，配汁食唔太咸一流。鱼厚身所以就算得条尾12个人食都够分，唔好漏咗同鱼一齐炆嘅炸豆腐，吸晒鱼汁嘅精华好好味！花胶花菇扒鹅掌－味道唔错但鹅掌略嫌较瘦，算比一般饮宴食到好食唔太特别。炸子鸡－都系饮宴必到菜式，相比下呢道菜较高分，鸡滑皮脆唔算太油。生炒糯米饭－呢款系我所期待嘅菜，因为自己较懒唔愿整但又好难食到好味嘅糯米饭。糯米饭足料又唔太干，一粒粒饭粒分明唔会粘埋一旧，睇得出师傅有工架。枝竹羊腩煲－羊腩腍唔膻，钟意食羊嘅可能会觉得唔够膻。羊腩煲汁浓枝竹多，算唔错！黄金炸脆皮虾球－我呢个黄金迷（超钟意咸蛋黄的菜式）呢个菜就啱晒！虾球大大旧用炸浆包裹，炸浆一D都唔厚仲好脆，咬落发现只虾真系好大只，啖啖肉好滋味。食黄金虾一定要毕埋周边的炸咸蛋黄碎就最正喇！士多啤利肉排－呢道菜因为太抢手所以影唔切相，我本身唔钟意酸味，点知佢一D都唔酸，甜甜地仲好好味添。全晚最失色嘅莫过于甜品花生糊，经过咁多道非常满足嘅菜式后对呢碗花生糊真系满有期望，但一望之下稀过甜品铺十几蚊碗开粉嘅糖水，入面有几旧冇味嘅蛋白，糖水食落一D花生味都冇。丰盛嘅一餐过后以呢个糖水划句号真系非常失望！
继续阅读