佳記餐廳

营业中

休息中

其實我幾怕去出名茶餐廳，原因一定好多人，多人就會速食速趕你走，今日行家提議去 「佳記」無法喇試試喇！🥢勝瓜海鮮湯飯 $56我的午餐，睇餐牌時不包餐飲覺特有點貴，😂見到實物又另有想法，清清地魚湯底配勝瓜，清甜可口，海鮮雖是雪藏但勝在大隻夾爽彈料足，非常適合我。👍🍴美式雜扒 $85對於大胃食肉獸的朋友，又餐湯又餐飲，這份午餐絕對滿足到他，豬、牛，雞樣樣齊，鐵牌上台自己落汁，嗞嗞熱辣辣香噴噴，見佢非常滋味咁話：抵食！😂餐牌不想食飯可以試下特餐，蕃茄螺絲粉都是我至愛首選，下次試下先。🤗多謝友人行家賜我今日飲食。

次次午餐諗吾到食咩，就會來幫襯呢間餐廳。我地至中意叫特餐，因為夠抵食。特餐有三款(鮮茄濃湯牛肉螺絲粉，櫻花豬扒公仔面同埋五香肉丁公仔面)，不過個人因為小食牛(戒得就戒)🤣，成日只會order櫻花豬扒公仔面。每個特餐都有跟吾同野，櫻花豬扒就跟火腿炒蛋同牛油豬仔包。落左單冇耐，野食已經陸續到。非常快手，可以第一時間食到熱辣辣既食物。先講下牛油豬仔包，因為烘過，外表好脆。餐廳好細心，豬仔包上的牛油一早塗好左，牛油已經滲左落包度，直接可以食得。如果是奶油豬，相信更加加分！火腿炒蛋，火腿有煎過，吾會白烚甘冇味。蛋非常滑，入口即化。因為太滑，比較難係碟筆上來食🤣🤣到主角櫻花豬扒公仔面拉！豬扒因為用左特別的醬料，變左橙色，都有成三塊，吾使慳住食。肉質口感不會太鞋口，都軟熟，味道好特別，吾識形容，係好味既！公仔面硬左小小，要浸耐啲先食。湯都濃味，不過味精重手左，有點咸。整體超滿意呢個餐，加上吾使等位，上菜又快。一諗吾到食乜，我就會再來，哈哈😂

專程開呢個apps 留個言。今日嚟呢度下午茶，炸雞肶沙律餐$40。上枱隻炸雞肶已經係屬於細 size， 頂部仲要明顯唔見咗一大截。我本身唔係嗰啲動不動要投訴要換嘢嘅人，怕會被加料。但隻肶太脆異，於是平和語氣同員工阿姐講，而阿姐嘅反應好燥底，答我話，係咁架啦。朋友聽到都著著哋，要求換過。阿姐收番碟嘢途中一路唸唸有詞一大餐。我心諗，等陣再嚟隻雞肶都唔知食唔食好。轉頭新肶到場，今次呢隻一定唔係頭先嗰隻，因為今次唔係頂部無咗，而係大脾濶嗰邊無咗三份之一，點解我計係三份之一，因為見到三份之一舊大脾骨。唔該哂，無下次。

星期五諗唔到食咩，同同事去咗公司附近嘅佳記食lunch~一坐低就見到Menu嘅特餐好吸引！😍😍見櫻花豬扒個名幾特別，就叫咗個特餐B~上餐速度都好快，啱晒我哋呢d趕住食lunch嘅打工仔~😆開餐喇~~~一開始當然要趁熱食咗個牛油豬仔包先啦~超好味!!😍😍個包熱辣辣，仲有搽滿牛油，完全融入個包，好正！火腿就同平時嘅差不多。炒蛋好滑，不過略嫌有d散碎~之後到主菜: 櫻花豬扒公仔麵~豬扒好入味，好好味！😋😋（不過究竟同‘櫻花🌸’有咩關係呢？🤔）唔理啦，好味就得啦~🤣🤣🤣$48食到咁好味嘅牛油豬+豬扒麵，仲要配埋杯熱飲，都幾抵食！下次再幫襯過~😋

旺角雖然好多美食，但有時都唔知食咩好，今日行過就選擇左試下依間裝修唔錯的茶記。見到餐牌上有三款特餐都好似好吸引，想了一會，最後選擇了櫻花豬扒公仔麵配火腿滑炒蛋、牛油豬仔包及凍奶茶。先說炒蛋，份量好足，而且十分香滑;牛油豬仔包亦牛油味濃， 十分香脆，櫻花豬扒雖然唔知為何叫櫻花豬扒，而且只有薄薄2小塊，但勝在好夠味。不過，公仔麵就一點味都沒有，有點硬，似係煮未夠時間!而且茶記最重要凍奶茶，奶多於茶，一點茶味也沒有!

食餐飯都要聽員工你爭我嘈，大大聲鬧人，好恐怖，以後都會叫我的朋友都唔去幫襯。送餐竟然係扔過來，嚇死我了。個個都黑口黑面，係到食飯，本來不是食服務，但都唔好影響我食慾

下雨天來吃東西,有兩位客人入座,可能係呢間熟客,侍應見佢地無攞遮直接叫收銀熄冷氣。過了5分鐘,忍不住問佢地侍應:既然你熄冷氣,咁有無風扇可提供?(每人體質不同,室內沒冷氣會焗加上吃東西會發熱,想怎樣啊！)回應:等陣!(沒有任何感情)再等十分鐘也沒人理會,再次問另一人,看我一眼不出聲便繼續入單,完全不回應!再過分零鐘左右便示意收銀重開冷氣......再有客入又話冷氣大,侍應成機話:一個話熱一個話凍,好難就呀！(其實好多時去唔同地方食野,一定會有不同“感覺”,但從來只有聽到侍應提議:轉另一個“唔當風”位啦！只是來到這裡,未有聽到侍應給客提議,反而是投訴客人“難服侍”😪)

今晚約在朋友在旺角碰面，並且找咗間茶餐廳食飯。發現其實旺角砵蘭街一帶，已不知不覺開滿食店，種類也很多。我個人比較喜歡茶餐廳，貪佢夠快夠平。所以今次講下依間茶餐廳佳記。店鋪似裝飾完，燈光比較光猛，比人感覺幾舒服同衞生，坐位也很多。晚飯時間都坐滿8成客人。今晚點咗個美極蒜白汁雜扒飯，等咗約15分鐘，晚飯便送到。個飯只係暖的，不是熱的。個汁顏色雖然較深，但味道不濃。雜扒味道一般。連凍飲50多元。還可以接受，但食物質數，真心講句只係好一般。

下午茶黎食隻炸脾+蛋撻+奶油豬（唔記得相機食先），味道有保證、全部都好味，不過$40一個炸脾餐我覺得貴左少少，不過可能旺角租貴啦🤷🏻‍♀️ 最大問題係服務態度，其實佢地唔係「態度差」，而係無咩服務，又未至於要受面色既🤷🏻‍♀️

一次很棒餐食體驗！💨一、環境 環境很好，很乾淨。衹是坐的地方有點小。💨二、服務 恰逢午市，人很多。但waiter還是hin貼心的！💨三、口味1.麻辣蝦球烏冬 我不吃辣，選擇了走辣。本味很鮮，很棒！問waiter要了點醋，味道更棒了呢！2.野菌花菇雞球飯 味道很棒！！！

今朝入去食早餐，坐低叫菠蘿油加蛋撻，問佢要熱水，個呀姐問我飲咩，我話要熱水，佢即刻態度惡劣話唔叫餐，唔好係度食，叫我走！我問佢餐牌上面無寫一定要叫餐先可以入黎食，扮聽唔到！起身走人呀！態度好差！趕客！

晚同兩個朋友大約晚上十點半左右前來食晚餐，點知d侍應可以連廣東話都未講得正，服務態度又勁差，叫左差唔多五分鍾先知道我地想要乜，未算，我兩個朋友叫左兩份扒餐，一份要五成，一份要七成，點知到左上菜既時候，問d侍應邊份係五成邊份係七成，佢竟然話唔知，要估，你地話離唔離譜呀，所以建議大家千祈唔好去旺角間佳記餐廳食野

前兩日去咗食早餐，明明講咗話通粉轉出前一丁，你都之後變咗碗通粉，跟住個侍應講，佢話我同你落單我點會聽錯，佢話已經落左單冇得換，一口咬定話係我唔記得講，態度惡劣。未試過有一間茶餐廳做錯野仲可以鬧返個客，何況嗰個仲要係藍色衫嘅經理，嘢食又唔係話特別好食，價錢又唔係特別平，天花板不停滴冷氣機，支叉又有上手食過嘅飯黐住，水以後唔會再黎！

食物都已經一般，價錢又不是便宜，連服務也完全不好北菇雞煲已經好喊，奶醬豬又硬唔好食，到最後埋單，個收銀員又肥又西面，要找錢時又唔找要食客等埋她接外賣先找錢，叫她先找她態度很差的說：我夠知啦！真是以後唔會再來！

放假冇乜好嘢做最好就係約朋友周圍行吓傾吓計啱啱我哋一行三人好耐都冇見我約咗去旺角行街買下野三個男人食咩都其實冇乜要求所以就搵間茶餐廳食下海南雞飯香港都有好多地方有得食去咗旺角一個冇乜美食嘅地方我隨便去到一間餐廳想叫隻雞食下呢個海南雞飯肉質鮮嫩而且佢都比得幾多肉件唔會件件都係骨加上呢度個姜戎幾香而且個飯軟綿綿好有油香聽日旺角因為地方好雜亂要搵個好嘅地方食餐安樂茶飯都唔容易呢個海南雞飯係屬於水平以上買單大約＄60