佳記餐廳

营业中

休息中

真係好嘢，夏天餐廳裏面比外面還熱，如果外面有33度，裏面應該再加三度。有人一行入去即刻走，好後悔冇走到。嘢食正常但是夏天真的不要入來，除非你想焗桑拿。服務正常，侍應懂得流利的港式粗口，一定是本地人。餐廳策略成功啲人一食完嘢即刻走。凍飲應該是加12元。那個什麼蝦伊麵主要都是姑來的。在朗豪坊附近想搵間茶餐廳食下嘢, 咁好死有多張枱可選擇都真係唔返係好嘢，要食好嘢都真係要等位。在這裏辛苦地打200字內提醒大家。

同媽媽行開旺角 見攰攰地就搵地方坐下食下野櫻花豬柳特餐係必食推介，豬柳個辣味係有少少令人一試再試既感覺 唔知係用左咩調味料 好特別 蛋好滑份量都多 丹麥包亦好味 麵質正常粟米吉列魚柳飯-炸得好靚好脆 粟米汁幾香幾濃粟米味 魚柳都算厚肉 不過話即炸 所以等左15分鐘總括嚟講係耐不耐都會食嘅一間餐廳 可以一試

以前揸夜間的士會經常來，佢凌晨三點就有早餐，沙爹牛肉麵，腸仔牛油餐包，牛油係畀一個你自己搽，好過幫你搽少少喺入面，牛油量多，凍熱奶茶都有茶味，聞到已經覺得香嘅奶茶，一定好飲，我都淨係會幫襯佳記嘅早餐同下午茶餐，因為平好多。

話說我一個人入到去坐底，跟住有個大嬸行埋嚟問我食咩，跟手我就拿起餐牌點餐，點左個80蚊到嘅小菜，之後個大嬸就問我飲咩同飲咩湯喇！在這段時間佢全程都無提及過加十蚊嘅話可以幫你轉做套餐，之後啲野到齊我先發現點解無飯嘅，跟住我再睇返個餐牌原來要加十蚊轉套餐先有飯同凍飲跟餐半價，之後我再睇返張單，杯野飲打正價26蚊加小菜80蚊，之後先知賴野，不過我沒有嘈！再之後在我食緊野嘅時候，我就聽到隔離枱係到點緊餐，幫佢點餐嘅係個呀叔，個個客人咁啱又係叫小菜，但今次個呀叔有提及過有套餐哩樣野！

下午茶時段嗌咗野食，諗住加兩件蛋撻，一個短捲髮肥呀姐應完剩係打得一個。同佢講佢漏咗，佢話返我哋剩係講一個，仲要態度極差。就事論事，我哋話係佢聽漏唔係我哋講漏，講講下個呀姐直請叫我哋走。餐廳都好污糟，要自備紙巾清潔。冇下次！

嘢食係凍既，員工話即炒既唔會凍，咁我食到係冰，我叫佢可以試下，根本就係啲嘢食冇兜熱，面嗰浸係熱底嗰浸係凍嘅，員工態度勁差。你整個碟俾我咪算囉，又要再出嚟串我。嬲嬲地叫取消張單又話唔取消得，依家係你啲嘢食唔夠熱啊，如果食到我肚痛咁點先？最後經理喺我面前發脾氣，倒咗碟嘢，呵，老細真係多得你哋唔少

又到lunch time諗食咩嘅時間與其左諗右諗，又睇食評又睇食物相咁樣，不如喺附近求其揀一間。就你啦，佳記茶餐廳～唔想有選擇困難症，其實好簡單，見到乜就揀乜就得第一眼望落去個餐牌度，就梗係睇價錢先啦，最平嘅$58 入邊，覺得蒸雞球比較安全，所以就揀咗A餐。係有少少意外嘅1⃣️竟然咁多肉（比起尋日食嗰間）2⃣️雞肉係嫩滑的食得飽，而且味道唔差，今次想比like👍

Not your typical igable tea restaurant nor is it a very famous cha chan teng, but I was pretty impressed by the quality of the food (and the awesome lighting 🤣) at this 茶餐廳!! We arrived just in time for their tea sets, which was $52 for a dish along with a free hot drink, or +$3 for a cold one. I haven’t had 乾炒牛河in a looong time, and I was happy at the fact that they were very generous with the portions of beef, and that it wasn’t overly oily! Their fried rice with pork cartilage was 粒粒分明, thoug

街坊街里落樓下買個包，買到背脊骨落。平時買佳記都唔預d阿姐有笑容，講多謝幫襯，但位佳記阿嬸，夾個包收個銀都對d客黑口黑面。未買嗰陣已經見佢對前面個客粗聲粗氣，到買嗰陣，叫佢畀個菠蘿包，佢畀咗菠蘿油，後面排隊唔關事嘅叔叔已經同佢講佢夾錯咗，叫佢夾返啱。跟住佳記阿嬸就鬧返我哋轉頭，又話咁鬼煩，多得我哋呢d客嘥曬佢啲時間...依家畀錢幫襯你，你做錯，仲要受你氣，咩玩法？附近大把茶餐廳好食過你，永不幫襯！！

今日嘅行程係嚟到旺角啦去旺角lunch time嘅時間食一個普通嘅lunch啦咁旺角就好多茶餐廳嘅我就求其入一間食呢一間係叫做佳記餐廳係一間好地道嘅香港港式茶餐廳嚟我哋係lunch time時間去晒叫我叫一個午餐主食之前係先會有個餐湯茶餐廳質素係一般般嘅我亦都唔知我飲緊呢一個湯其實係咩湯跟住就係呢個主食啦個午餐餐牌呢個餐係叫做意大利芝士辣肉腸可以揀飯或者意粉豬扒當唔算太靭豬扒質素食落可以接受佢嘅辣肉腸就好似普通嘅脆皮腸或者芝士腸咁囉最後餐人一杯凍檸茶一個午餐$55都算OK可以接受嘅有湯有飯有嘢飲

今日lunch要快食，然後趕返公司見客，路經一間佳記餐廳，見裏面仲有位，即刻入去搵個位坐低先😉。店舖面積幾大，雖然座位都幾多，但空間好窄座位又逼，入到去裏面我都有啲後悔😑，應該外賣返公司食仲好。餐牌食物選擇多，但今日比較趕時間，見午餐牌都有心水想食，於是揮手叫阿姐落咗個午餐，炆枝竹牛腩飯 $56.-。午餐包湯(西湯或中湯)及餐飲是日西湯係羅宋湯，味道唔錯酸甜度適中，都有紅蘿蔔、洋蔥及薯仔等湯料。個飯4分鐘內上到枱(勁快)，可惜味道麻麻個汁好淡。枝竹同牛腩炆得唔夠腍，同樣淡而無味，飯質偏硬😢，真係無念過一個咁普通嘅飯，可能兩餸飯店煮得仲好食😅。餐飲熱咖啡，正常水準。

前幾日在旺角逛街攰了，到就近的茶餐廳食飯，來到佳記餐廳，見裡面乾淨企理，食客都唔少。餐廳的餐牌都豐富，早、午、晚、常餐都有，再嘴刁，都會找到一味喜歡食的服務員好快幫我們落單，我們叫左海南雞飯和滑蛋番茄炒牛肉飯。滑蛋番茄炒牛肉好快就到了，比較驚喜是番茄有去皮，五使食落嘴「加工」，每塊番茄都均勻沾上番茄醬汁，略嫌番茄醬汁有點酸，滑蛋的份量可以再多點就好了，牛肉切得大小適中，比較方便食，量都算多，這個餸送飯一流海南雞在茶餐廳來講，賣相算好了，提供了三款醬料，蒜蓉、酸青瓜紅白蘿蔔和甜醬，雞肉下面鋪滿了牙菜，還有三片生青瓜，素葷搭配夠曬均衡，雞肉都算嫩滑，不柴，還附送了豬骨老火湯總體而言，就茶餐廳來講，食物質素和賣相ok了

就嚟到月尾，又去到頹食晚餐嘅時候今日冇約人，同屋企人random搵咗一間茶餐廳食晚餐<特餐B$51>雖然係食晚餐，但係都有啲想食常餐見到佳記有常餐食，就衝左入去呢個常餐有啲特別有櫻花豬扒配公仔麵，再配平時嘅炒蛋同奶油豬櫻花豬扒我就唔係好識欣賞佢陣味啦，不過個奶油豬幾好食嘅，熱熱地脆脆地，係正嘅<焗雞扒飯$63>另外叫咗一個焗雞扒飯，飯底係用炒飯底個雞扒煎到金黃香脆，重點係上面鋪咗極多嘅芝士同埋蕃茄膏雖然個份量就唔係好多，但係食完真係超級滿足

今日同朋友黎同旺角佳記醫肚，每人叫左個麻辣炸醬肥牛烏冬+蛋撻+雞批。首先佢哋有自家師傅焗面包🥯個啲，所以去到仲有新鮮出爐熱辣辣嘅蛋撻$6同雞批$10👍🏻誠意滿滿。黎到一定要試佢哋嘅bakery🍞 味道方面：其實都係正常味道，不過新鮮熱辣辣出爐加咗唔少分，必食。下次黎會想叫埋佢個沙嗲牛肉包同埋流心雞尾包，好似都好正。另外佢個肥牛烏冬就合格啦，佢應該係用左重慶辣醬，唔係好辣但香味夠。佢個肉醬我唔係好食到，溶左係啲湯度，同埋唔係好鐘意佢放啲荷蘭豆係入面，完全唔夾，好怪🙂 所以都唔會再叫佢個烏冬😀

事隔一個月又黎寫食評如常叫雪菜肉絲米，配煎蛋腸仔另一個就叫火腿鮑絲通，都係配煎蛋腸仔，但係唔知點解黎嘅時候變咗兩隻煎蛋米粉同通粉都如常好食既😋😋最傷心既係佢轉左無跟一粒粒既牛油，而係直接搽埋俾你🙈如果可以跟番就好喇，因為個牛油香好多嘢飲就叫左一杯凍鴛鴦多奶少甜，另一杯就叫咗凍奶茶多奶，兩杯嘢飲落到枱都好似俾人飲咗兩啖咁，唔滿既🙈🙈今日坐張枱唔知點解有螞蟻🐜，隊冧左幾隻都仲有兩三隻周圍走不得不讚下呢間餐廳既胡椒粒同辣椒油都係超正兩個餐加兩杯凍飲埋單$80