佳記甜品

营业中

休息中

星期日約左朋友仔，元朗打波，聽講B仔搬咗新舖，去支持下先。蒜蓉香辣雞翼尖，店家名物之一，每次都要叫黎食，非常辣要小心，主要係佢既汁最辣，開頭唔會覺得辣，慢慢辣味就會出曬黎，直頭流曬汗，好彩冷氣超勁，佢成個雞翼尖重口味之餘，送飯一流，如果佢有飯買。B仔涼粉，其實美食家們都知，主要係食賣相，食好似好多料既感覺，材料味道who care，始終香港有邊間甜品店有做咁大抽既涼粉，答案係冇，應該冇，個人推配料，係大樹菠蘿，其他唔係酸就過甜，好似椰果蘆薈，真係太甜，涼粉真係食到個人好飽 lol

食完大榮華，經朋友帶路之下黎左轉左鋪位既佳記（B仔)。當面人唔算多，可能係新分店既關係，星期六晚上九點左右一入都即刻有位。B仔可以話我係年少既回憶，仲記得以前成日得登入黎食大大碗涼粉同雞翼尖。今次嗌左一碟，四個人分。食落口個刻好失望，蒜味，辣味都不及從前。D汁就好似一攤水咁，咩味都無。幸好涼粉份量同從前一樣，D水果樣樣都好好味。我地四位都係榴槤愛好者，朋友介紹必試榴槤PANCAKE，因為唔係成日有。詢問之下今日仲有貨，即刻嗌左一份開心SHARE。一食落口，超香榴槤味，入面仲有D Cream。好夾！榴槤份量一D都唔少，非常足料，食完好想Encore，榴槤迷一定要試！

因為晚餐食得唔夠飽，所以我地一班人又黎左食b仔涼粉。因為有勁多客人，係出面排隊都排左半粒鐘！仲要差d漏左我地。😂最鐘意佢除左有甜品，仲要有小食！最正就係雞翼尖，夠辣，而腸粉魚蛋腸仔就正正常常，填飽肚最佳之選！不過依個價錢唔抵。今次我地叫得最多既係布甸系列，2碗芒果布甸，一碗蜜瓜杏仁布甸。原來布甸系列都幾正，上面d生果夠多，而且唔係細細舊，芒果布甸最扺食，好滿足！而冰丸黑糯米就次次必叫，食完即刻滿足哂😂

有天碰巧在元朗吃個晚飯，然之後就走到又新街看看有什麼新知，才發現原來B仔竟然會執笠！ ？😨後來才發現，原來只是搬到了雞地這邊😯，你可以說是方便，亦都可以說是不方便，如果用走路的方式，可能又新街會比較接近元朗市中心，但是如果以搭地鐵或是在商場即是元朗西鐵站附近，就肯定這邊方便些，位處於鳳琴街體育館對面。不算非常餓，但由於天氣太熱，腐竹糖水，平時很少會點凍的，這次也點了凍的。結果，這個糖水，冷的，果然口感比較差😕，第一，甜味不會那麼強勁，第二腐竹碎了，而又拌凍的糖水，感覺不太和諧。有人說搬了新店之後會比較好，但是我又不覺得特別寬敞，好像還有點而迫夾，而且外邊的排隊人流亦都逼着在街邊，不算太過吸引。

B仔涼粉搬左新舖，位置唔難搵，元朗西鐵站行天橋過黎10分鐘就到。新舖外面有小食外賣部，而店內坐位算多，眼見侍應仲有開接枱加位。8點幾黎到，唔使等就入得。叫左熱既椰汁紫米露（$20），凍龍眼西米露（$29）同必叫既雞翼尖（$19）。所有野上菜都超快，落單後5分鐘內有得食。其實佢既糖水，除左平之外都無咩可取，紫米露好稀，不過紫米都煲得夠稔既。龍眼西米露，味道一般，龍眼就食得出係罐頭浸過糖水既。而雞翼尖一如以往都係咁好食咁入味，份量都算多，非常推薦！👍🏻

一直都有光顧又新街嘅甜品舖，但執下一間、又一間就冇乜得揀。佳記即B仔涼粉搬咗去雞地鳯琴街，今日路過入去食下嘢睇睇新環境🧐新舖比以前大間咗，枱與枱的距離簡直跟之前有天淵之別，非常闊落，不會背碰背啊🤭感覺亦乾淨很多，唯一冇變就係落單亞姐d態度😢今日冇食糖水或甜品，只叫了小食。🔸鹵水雞翼$19一份有4隻，放到咀邊已👃🏿到好香嘅八角味，唔會太咸，若每份有5隻就好🤗🔸腸粉4條$10 + 魚蛋1份$10點腸粉時落單姐姐會問辣醬要唔要，咁自然地就順便話佢知你要乜醬🤣腸粉可以以做到爽滑但魚蛋超細粒😅總括來講，新店比舊店好得多👍🏻

元朗區最有名氣的甜品店，新店好光猛又大！不過個人認為越有名氣反而無以前果種街坊風味的，不過就比以往坐得舒適一點！一行四人係 yoho mall 食完晚飯行左過去食甜品，星期五晚上九時多竟然不用等位！超驚喜呢！！因為驚涼粉會勁飽食唔灑所以今次揀B仔什果黑珍珠、芒果糯米糍及辣雞翼尖！！大大份什果黑珍珠，有大概十款水果係入面，椰果、蘆薈、西瓜、蜜瓜、大樹菠蘿、香蕉、菠蘿、水蜜桃、龍眼、荔枝及QQ圓，材料都幾豐富而花奶也可以另上的，味道不錯都跟以前差不多，加埋黑珍珠甜甜的都幾有口感！另外的芒果糯米糍，個皮帶有椰絲夠薄係幾好食的，可惜芒果太酸令整個糯米糍有點失色！B仔涼粉的雞翼尖其實都幾出名的，辣辣地有點酸好夠味，四個人很快就把它吃光光了，很滿足呢😋

唔講都唔知B仔開咗新舖，之前仲以為佢執左一間，原來只係搬左姐！同三個朋友食完晚飯就去B仔坐下食個糖水！🥰新舖比人嘅感覺好唔同，光鮮左好多，裝修亦都好左，keep住橙色牆身。以前去b仔最怕污糟，而家真係係乾淨晒！！💡🧡🐔必食蒜辣雞翼尖🌟本人覺得係b仔最值得食嘅野每次都一定要叫，之前試過一人一碟添🌟注鍾意食辣嘅朋友唔可以錯過！🌟重點係啲蒜，好林好正🍈蜜瓜西米撈🌟食辣野一定要有凍嘅糖水🌟呢碗係蜜瓜沙冰+西米🌟fresh fresh 之選（另外都推薦奇異果西米撈🥝）B仔搬左舖都一樣咁多人去食，雖然有時水準會比較參差，但都不失為一個食完飯同朋友聚會嘅好地方。💓

： 入元朗一定要食#B仔涼粉？？：🙅🏻‍♀️！！.《#鮮雜果黑珍珠 $43》其實#佳記甜品 仲有好多好野食比你發掘㗎😎！就好似我依加介紹嘅 #鮮雜果黑珍珠 咁，足料又抵食！其實 #鮮雜果系列 就係 #B仔涼粉系列 嘅 一人前版本😮，而且佢嘅水果都係新鮮水果，唔係b仔涼粉嘅罐頭雜果嚟㗎🤟🏻！雖則話係一人份，但其實佢都幾大碗，兩個人食叫埋d 小食腸粉個啲岩岩好👍😽！好啦以後去B仔就自己汁生要識揀啦！👌🏻👅.肥妹打分: 7/10😍❤️

B仔搬咗新鋪，新鋪都係咁上下大，閒日食完晚餐去食都唔洗等好耐就有位喇。其實都b仔最中意嗌嘅係木瓜奶，但好多時都冇，應該係要睇季節先有。所以試咗香蕉奶同哈蜜瓜奶，都係不過不失。大部份去b仔都係食雞翼尖，唔係特別好呢樣嘢就嗌咗其他小食，魚蛋腸粉不過不失，蘿蔔就幾入味幾淋。食得多b仔其實都唔知仲有咩好嗌，今次試咗呢個楊枝甘露芝士餅，都幾出色，餅底厚度啱啱好，唔係好重芝士味但甜度啱啱好，有機會會再食。嗌咗先知冰丸原來係雪米糍。

佳記由又新街搬左嚟鳳琴街，新舖又大間，光猛，乾淨，印象非常好地板非常乾淨我地叫左腸粉(10蚊4條)、魚旦(10蚊)同燒賣(10蚊)D腸粉好夠熱，D花生醬同甜醬都好好味，魚旦同燒賣都细细粒，冇特別麥米粥(20蚊)都好夠熱，仲有紅棗同薑，唔係間間都有，好有heart 同足料又叫多個糖不甩，24蚊8粒，嘩！D花生椰絲多到滿瀉咁滯，一D都唔孤寒，D糖不甩又大大粒，配埋花生椰絲真係very good因為有大多野食，下次再試其他