佳記甜品

营业中

休息中

食物水準比以前下降，新店比舊店乾淨和面積大了，但是服務認真要改善一下。最有名氣的B仔涼粉不如以往，生果有點不太熟，帶點酸，服務方便就認真不是太好，奇異果🥝不是太甜，而且有點酸，有海底椰算是不錯，甜果比例算是平均，不會因為某一些生果廉價而多一點，但是木瓜有點不夠熟有點失望。食物款式雖然多，但多年年來都沒有改變，遲早會被時代淘汰。總評：食物價錢不算太貴，但是有很多東西都需要改善，希望下次到元朗再不會令我失望。

啱啱喺元朗食完晚飯，就行咗過去隔離街「佳記」食甜品，因為時間尚早七點多，冇乜人。一般甜品店都係細細間，但係「佳記甜品」就間間好似餐廳咁大間，而呢間新嘅店舖，我估可能係香港最大面積嘅甜品店...睇咗一陣，兩個人心多多，都未決定到B仔配什麼好，因有好多種不同配搭，例如：涼粉、大菜糕、杏仁豆腐、啫喱等等。唔知係咪店員聽到我哋講乜，佢好爽朗咁走埋嚟話：雙拼都得，一樣價錢，食唔晒，加一蚊可以打包！😆咁我哋就點咗「B仔涼粉拼紫米露」$84好快，一個好有氣勢，好似花果山咁樣嘅B仔雙拼就到咗，雖然入面只有一半喺新鮮水果🍉🍌🍓🍍🥝，其餘喺罐頭水果🥥🍑，但係拼埋一齊好得意，乜都有，食得好開心😆，好食。

放工無聊又有小小肚餓，在附近搵下野食，最後來到佳記，呢間不是老舖，是新開的，地方都好大，所以坐位比靠闊「海帶臭草綠豆沙」現好少有臭草的綠豆沙了「魚蛋配腸粉」腸粉滑，加埋混醬，超好味

因為自己住九龍區，所以都好少入元朗。今次咁啱入到去元朗就諗住試下b仔，畢竟呢間餐廳係元朗都好出名。今次食飽左飯先黎到，所以叫嘅野食唔係太多，而且咁啱今日星期六，人都比較多，但都唔需要等位，直接入去都仲有少量位置。一入到去就見到好多客人都食緊啲小食，令到自己就算有啲飽都諗住試下，所以叫左腸粉，魚蛋加個芒果糯米卷。腸粉口感都幾嫩滑，如果大條啲更好，好感會更加滿足。而魚蛋雖然比較細粒，但咬落去都算彈牙。芒果糯米卷外層幾黏韌，芒果唔算好甜，但未去到酸，所以芒果個甜度可以更好。

上一次食已經係四五年前係舊舖新舖就第一次黎食，新舖其實對於我黎講仲就腳d男友既雜果涼粉，一上黎我地都好驚訝甘大份，係我記憶以為B 仔系列先係大大兜同埋d 生果真係甜，佢既涼粉係爽口類似大菜糕，男友就麻麻依種，佢鐘意偏軟身類似仙草甘大兜，真係如果食完晚飯再黎下場，男仔都未必食得哂第一次食依度既湯圓，估唔到廿幾蚊都有四大粒芝麻湯圓，湯圓就唔係流心但都算彈牙煙韌～～～黑糯米唔係個種好稀，杰身d, 所以食完真係好飽最後比張對比圖，對比下涼粉係大兜好多。。。。甘耐無食，一食反而有驚喜感

雖然我住元朗，不過我都唔係成日食B仔涼粉。😅對上個次食已經係半年前。今日黎到B仔食咗好出名既雞翼尖，芒果涼粉撈，蘿蔔魚蛋同埋一杯香蕉鮮奶。🥛雞翼尖好入味，係真係唔錯既，芒果涼粉撈好特別，上面有鮮芒果同埋芒果冰係面，下面係涼粉。感覺幾特別。價錢都唔算貴，差唔多$40。蘿蔔魚蛋都唔錯，係我鍾意食既陳皮魚蛋☺️香蕉奶都飲到好新鮮既香蕉味。不過間鋪既衛生情況真係好麻麻。送野黎個陣佢地落單張紙係掂到個芒果涼粉撈。衛生唔太好。不過食物係幾特別。黎到元朗可以試下。不過唔好對衛生方便太有期望。有潔癖既更加唔好考慮黎🤮

新鋪開咗咁耐第一次食，地方大咗好多，感覺亦乾淨光猛好多👍🏻今次一行4人行完山經過，決定食啲嘢醫下肚，順便休息下。🎗B仔涼粉 ($84)超級大兜，呢個尺寸如果冇多幾個人幫手，真係冇可能食得哂😅其實冇乜特別，就係一大兜雜果涼粉，有大量生果，另上一碗花奶俾你自己分配。🎗芒果河粉 ($40)雖然個兜嘅大小真係冇辦法同B仔涼粉比，但真係好足料，滿瀉咁滯！河粉係椰子味，食落去口感似蒟蒻，好得意！加上鮮甜嘅芒果肉同冰凍濃稠嘅芒果汁，絕配😍🎗芒果汁 ($30)同芒果河粉上面嘅芒果汁一樣，鮮甜香濃，而且夠晒冰凍😋🎗蒜蓉香辣雞翼尖 ($19)呢個係佳記名物，都唔使多講，食過好多唔同地方嘅雞翼尖，味道始終比唔上佢😢越食越辣，越辣越刺激，令人停唔到口😋🎗豬皮蘿蔔魚蛋 ($19+$19+$10)經典小食組合，咖喱味好香濃，整體偏辣，又係越食越過癮🤩豬皮非常入味，魚蛋亦非常彈牙，偏向似用鯪魚肉整嘅味道😋🎗滷水雞中翼 ($19)滷水好入味，唔會過鹹，雞翼亦算大隻，但比起上面兩種小食，就冇咁吸引🙈🎗爽滑腸粉 ($10/四條)正正常常，中規中矩。

搬左咁耐舖 終於一嚐雞翼尖收工買左碗蕃薯糖水加雞翼尖糖水外賣加1 21蚊雞翼尖就19蚊蕃薯糖水薑味少得濟 唔夠香雞翼尖就冇得輸啦 都係個種味愈食愈想食 不過好似份量多左一個人食唔晒

今次係B仔 裝修新鋪以嚟第一次食新鋪寬闊 夠多位 咁耐都無點加價。可能個個介紹b仔都會話食B仔涼粉。但係我食咗咁耐B仔我就特別推介芒果河粉同芒果西米撈啦。芒果河粉好好味，因為佢河粉係用椰汁造既。芒果好大粒好新鮮，B仔糖水就出名係好食又平又分量夠。榴槤pancake佢唔係成日都有，因為好好賣，賣晒就會冇。佢餡料好夠多，好多榴槤。但我覺得今次榴槤唔太新鮮。最後，最識食，必食嘅當然係雞翼尖啦！夠入味。但我覺得佢哋啲雞翼尖好似越整越辣😂但拎嚟配甜品就一流啦!

今晚朋友專程揸車入元朗找我食糖水，順便聊聊天。因為當天是平日，好多糖水舖都關門了，所以決定食b仔。我地點了一份雞尖，龍眼杏仁豆漿和芒果西米露。b仔的雞尖是非常出色的，雖然用簡單得雞汁加大量辣椒和蒜頭煮成，但又有意想不到的美味。雞尖很嫩滑，每隻都吸滿了醬汁，忍不住一隻隻放入口啜😂但食到一半時候就會覺得辣味慢慢跑出來。這個時候便需要糖水解辣了，b仔的杏仁豆腐口感有點像日式凍豆腐，有責任的，每一口都充滿杏仁香味。而且水果份量也很多，所以一碗已經很足夠了。芒果西米露份量也不少，芒果伴着軟糯的西米和椰汁，口感豐富而且很美味。

雖然住喺元朗但係都唔係成日去街記甜品度食最近搬咗去YOHO MALL附近所以又幫襯下新店🤣🤣🤣新店嘅地方都好大因為新開，所以都比較乾淨企理服務員態度都親切👍🏻👍🏻👍🏻餐牌冇咩大嘅轉變甜品都係多樣化以前成日都係食B仔涼粉大大盤，幾個人分👍🏻✨價錢都由50幾蚊去到70幾蚊今次隔咗咁耐先幫襯都係食B仔生果盤個賣相係OK不過比較多罐頭生果新鮮生果只有西瓜、蜜瓜、奇異果之後嘅罐頭生果有蜜桃、大樹菠蘿、荔枝、菠蘿等等所以都比較偏甜想食新鮮生果都係去超級市場買雜果盤好啲🤣🤣🤣

B仔涼粉係每次去開元朗都必食的🤣其實真係好耐冇黎元朗啦！我平時就去開教育路個間的，今次就去左新舖個邊😂嘩！！竟然發現新舖感覺上好光猛同埋乾淨啲😚大家都知去得B仔一定要食蒜茸香辣雞翼尖😊真係好正！！！不過感覺好似比以前食已經遜色左，因為以前個味係超辣的，仲有啲麻既感覺tim😂再講下呢個鮮雜果涼粉，夏天食超爽啊，佢份量多到係完全可以兩個人食，而生果既種類都算好多，有西瓜、芒果、哈蜜瓜同火龍果！而我最欣賞當然係榴槤班戟🥳我係榴槤控，對所有榴槤既甜品都愛不釋手的！榴槤班戟最正係入面係啖啖榴槤肉配上忌廉🤗鐘意食榴槤既必定要試，同埋佢有時會冇貨架，都要睇下運氣🙈🙈

週末踩單車，下午茶小食以及夜晚宵夜一定要打卡美食的地方。其實都不需要餐牌。慣性叫B仔涼粉。我地就一定要果汁搭配。幾多碟都不足夠的雞翼尖。~未到夜晚，呢餐下午茶已經食到回味無窮喇。

星期日約左朋友仔，元朗打波，聽講B仔搬咗新舖，去支持下先。蒜蓉香辣雞翼尖，店家名物之一，每次都要叫黎食，非常辣要小心，主要係佢既汁最辣，開頭唔會覺得辣，慢慢辣味就會出曬黎，直頭流曬汗，好彩冷氣超勁，佢成個雞翼尖重口味之餘，送飯一流，如果佢有飯買。B仔涼粉，其實美食家們都知，主要係食賣相，食好似好多料既感覺，材料味道who care，始終香港有邊間甜品店有做咁大抽既涼粉，答案係冇，應該冇，個人推配料，係大樹菠蘿，其他唔係酸就過甜，好似椰果蘆薈，真係太甜，涼粉真係食到個人好飽 lol

食完大榮華，經朋友帶路之下黎左轉左鋪位既佳記（B仔)。當面人唔算多，可能係新分店既關係，星期六晚上九點左右一入都即刻有位。B仔可以話我係年少既回憶，仲記得以前成日得登入黎食大大碗涼粉同雞翼尖。今次嗌左一碟，四個人分。食落口個刻好失望，蒜味，辣味都不及從前。D汁就好似一攤水咁，咩味都無。幸好涼粉份量同從前一樣，D水果樣樣都好好味。我地四位都係榴槤愛好者，朋友介紹必試榴槤PANCAKE，因為唔係成日有。詢問之下今日仲有貨，即刻嗌左一份開心SHARE。一食落口，超香榴槤味，入面仲有D Cream。好夾！榴槤份量一D都唔少，非常足料，食完好想Encore，榴槤迷一定要試！