佳記甜品

营业中

休息中

又一個食評介紹B仔涼粉？No..No..也不是介唔這間食店的橙色主題、更不是介紹不能久坐的圓桌圓凳 。因為，這裡仲有令你回味的甜點四大：必吃推薦一：榴槤班戟新鮮榴槤肉已佔88%，鮮忌廉僅佔兩成，樓面姨姨話每年僅供應六個月，四月至十月最佳，今年則上月開始再上市。原來冬天或春天都冇機會食到，況且長假期的宵夜時段、或翌日，其沽清比率高達99%，口福與否取決於時機和運氣！必吃推薦二：芒果班戟芒果肉足足有八成，鮮忌廉僅佔兩成，果肉成熟甜美，偶爾會有點酸，那證明沒有添加，原味道又美味！必吃推薦三：芒果河粉這不是熱食或咸點，而是冷食。河粉入口滑順，微帶芒果香，但每十次僅有五次供應，總是瞬間售罄。必吃推薦四：爽滑腸粉菜單標價$6/條，訂購兩條通常$10。建議搭配各式醬料，芝麻經炒香，入口更美味。考慮少用豉油，既減少鹽分又增添清爽風味，與眾不同。

這是一場商務活動，一行大概十人就拼了兩張枱，店小二都積極配合，晚上大概九點還有少量座位，再坐15分鐘左右就已經全場滿座了，主要都是情侶為主，也感覺大部分是區外的朋友。這裏的榴槤班戟朋友們表示最出色，不吃榴槤的我在遠處也聞到氣味，另外雞翼尖也是特色之一。同行有朋友是第一次到來，因此我們便解釋b仔涼粉份量是足夠三四人使用的，結果份量也預期，最後並未能全部吃掉。第一次到這所分店，最大感覺是衛生標準提高了，原本決定不會再去，那現在有多一項選擇了。

週末同朋友仔打卡一間很火嘅甜品店，試咗幾款招牌小食，真係超正❤❤蒜蓉雞翼尖🍗🍗濃郁蒜香就撲鼻而來，超勾人食慾。裹滿金黃蒜蓉，賣相一流。咬落去，表皮軟嫩，蒜香同雞肉鮮味完美融合，連骨頭都好入味，食完忍不住吮手指。混醬腸粉🍥🍥花生醬、甜醬同豉油混合醬汁比例恰好，賣相誘人。每口都嘗到三種醬料不同風味又融合得好。腸粉口感滑溜，一口下去滿是粵式美食嘅傳統經典味。楊枝甘露🥭🥭淡黃色嘅芒果汁，裡面漂浮住一塊塊新鮮嘅芒果肉，仲有粒粒圓滾滾嘅西米，非常吸引。一啖入口層次感令人驚喜，爽的楊枝甘露順喉而下，瞬間掃走之前食物的油膩感。

位於元朗鳳琴街22號金龍樓（佳記甜品 ）今日入到元朗，點可以唔食馳名元朗既甜品店，一條銜幾間舖都係佢嘅。雞翼尖嗌咗一份雞翼尖同一碗楊枝甘露，雞翼尖用左好多蒜同辣椒煮，雞翼非常滑，不愧係元朗馳名既小食。楊枝甘露食完雞翼尖辣辣地，食番碗楊枝甘露降返辣，楊枝甘露好足料，一碗入面起碼有半個芒果，又有好多西柚，加埋椰汁同芒果汁，撈埋西米一齊食，甜甜酸酸好好味。佳記甜品 (元朗)元朗鳳琴街22號金龍樓地下4-5號舖

打完羽毛球過嚟食宵夜～罪惡感低啲~🍨B仔類（雙拼）💰$95💰味道正常水準～生果夠新鮮～配埋花奶～好味～爽滑腸粉💰$10（4條）💰腸粉真係幾滑～醬汁都比得夠～幾好~豬皮/蘿蔔/魚蛋豬皮：好入味～個人覺得好好食～魚蛋：正常發揮～鍾意食魚蛋嘅可以叫～蘿蔔：都夠腍～不過就唔係好入味～有啲皮刨得唔夠乾淨～所以有少少渣~一大班朋友來分享嘅話都算幾抵食～入元朗值得一試～溫馨提示：宵夜時段～非常多人幫襯～員工人手好似唔係幾夠～落單都有啲耐～CP值：味道：

今日咁難得同朋友由大埔踩單車經過上水粉嶺古洞到元朗，就梗係要食返個糖水啦揀糖水揀邊間，梗係要揀間出名嘅最出名當然係B仔涼粉啦。一去到門口就已經有10幾個人喺門口度排隊，等咗20幾分鐘終於入咗去裏面好大好光猛又多糖水選擇都見到有好多明星合照。喺簡餐買途中，因為太多選擇最後我同我朋友就揀咗兩杯嘢飲，分別係芒果沙冰同芝麻糊加湯圓，另外就叫咗燒賣魚蛋腸粉。雖然嗰度唔係出名做燒賣魚蛋，但係佢啲腸粉都好出色好有咬口而魚蛋，亦都係有陳皮魚蛋有一浸陳皮味，燒賣係豬肉燒賣有豬肉味。我叫左杯芒果沙冰更加裏面有半邊台灣呂宋芒。成餐飯好滿足果然冇嚟錯，果然係元朗名物。我同我朋友決定下星期再踩單車入嚟食過

佳記喺元朗YOHO食完晚餐，突然好想食甜品，就去咗元朗最出名既佳記甜品。我哋嗌咗一份雞翼尖同一碗楊枝甘露。雞翼尖雞翼尖煮得好腍，同埋都幾滑，最重要係辣得好過癮，越食越想食！楊枝甘露食完辣辣嘅雞翼尖，真係好需要楊枝甘露去中和返，會楊枝甘露好足料，有好大塊芒果，又有好多西柚，加埋椰汁同芒果汁，撈埋西米一齊食，甜甜酸酸，好好味嘅甜品！食完好滿足👍食到雞翼尖同楊枝甘露真係好開心，食甜品果然有大滿足既感覺👍

去左元朗佳記首先試左蒜辣雞翼尖,肉質軟嫩,皮脆中帶勁,蒜香味十足,辣度剛好唔會燒喉嚨。再嚐咗佢哋嘅馬來西亞渣咋,醬汁濃郁鮮甜,配搭彈牙嘅麵條非常合味。價錢平民,環境整潔,服務周到,絕對係附近最出色嘅甜品店之一!大家不妨約埋朋友來試下。

好耐都冇食過B仔涼粉，今日就食吓啦環境幾乾淨，冇問題，好舒適叫咗雞翼尖魚蛋燒賣，加埋都係$44都幾抵食嘅，味道保持水準雞翼尖夠酸辣，魚蛋燒賣OK另外叫咗個B仔西米露，水果種類都好多，兩個人都差啲食唔晒

每次入元朗都要打包兩份雞翼尖走真係太好食喇雖然係糖水舖但係我覺得佢地最好食係雞翼尖辣辣地，好入味😁雞翼尖都煮到好淋👍🏻至於甜品，講真到目前為止我都冇食過佢地招牌b仔涼粉，因為太大份😂佢地糖水種類都幾多，西米露都有好多款可以揀👍🏻今次試左佢地蘆薈西米露😁其他糖水舖好似好少見😆又幾好味喔😌蘆薈口感好好😉又唔會太甜👍🏻其他中式甜品就正常發揮，不過不失喇。同埋，呢間d糖水都好大碗ga！我覺得都幾抵食😋

呢一回我去到嘅呢家店，第一眼見到個招牌就知道係嗰種老字號氣息嘅地方，入到去人滿為患，好似香港夜晚嘅街市咁熱鬧🌃。首先，試咗佢哋嘅客家鹹香雞，啊，那個香味真係撲鼻而來，雞皮好香脆，入口即化，雞肉好juicy，啖啖肉感，實在滋味十足！擺脫咗主菜，我點咗碟三鮮滑腸，真係好得意！腸粉鬆滑得滯，個汁嘅味道鮮美得來又唔會太過搶鏡，啲蝦同豬肉完美融合到好似雲裡霧裡嘅，一啖嗲味就已經好滿足！甜品時間，點咗個蓮子百合糖水，我要讚下，呢碗糖水真係好對胃！蓮子同百合都煮到啱啱好，唔會太爛，啖啖都食到自然嘅甜味，簡直係夜晚嚟一碗，暖埋心窩窩啦！整體嚟講，今次嘅食物體驗真係正！安樂蝸咁，味道好有層次，唔止係填飽肚子咁簡單，而係欣賞到咁嘅香港普羅大眾嘅口味。仲有得益，今次食飯體驗真喺令人回味不已，期待下次再來探尋更多隱藏版美食！🍴👀👍🏻

想食芒果類甜品就會諗起b仔，全年都有得食🥭楊枝甘露應該全元朗最好食係呢到 不過今次黎就比較酸😖碗碗都滿瀉咁制糖不甩食粒湯圓好似浸咗糖水好鬼甜🥺西瓜汁足料🍉👍🏻雞翼尖就唔使講啦，要食越上癮😻🙌🏻芒果河粉 係用椰汁整成嘅河粉條 其他地方比較少見不過今次嚟啲芒果汁太酸🥴芒果西米露加芋圓，可能太耐冇嚟，而家原來可以加$10/份 好煙韌😆西瓜西米撈 沙冰好大堆，西米露仲要分開上🫨服務就無㗎啦🤭全場爆滿 個個做到無停手B仔涼粉喺元朗咁多年都咁旺，可能越簡單嘅嘢越多人鍾意？同時食緊一份回憶😬

❣️B仔涼粉有兩間店舖，都是在元朗的，個人認為這間坐位和空間比較舒服。❣️必食的一定有雞翼尖，小辣，但很惹味。❣️榴槤班戟和芒果班戟都是必食的，榴槤香，芒果甜，而且份量足料。❣️B仔涼粉當然是招牌甜品，他的份量頗大，建議與朋友一同分享。這個甜品基本上所有生果都會在裏面找到，當然還有涼粉、椰果、蘆薈等。店舖亦會提供花奶，你可以按自己喜好添加。❣️另外店內亦有很多不同的小食，腸粉、魚蛋和豬皮都是不錯的選擇。

飯後總想隨意吃上一碗甜品，所以周不時到訪元朗，也會想吃佳記甜品，價錢不貴款式選擇又多~都市人少食水果，今次二人到訪，吃不完一份B仔涼粉，就點了迷你版的B仔船 ($𝟞𝟜)，一次就可以食到多款水果，有西瓜、蜜瓜、哈密瓜、香蕉、蜜桃、椰果及蒟蒻等，冰冰涼涼，吃著吃著就好飽，十分滿足！同時當然少不了吃名物蒜蓉香辣雞翼尖，雞翼尖煮得軟淋入味，蒜香加上酒味濃，吃完了一整份都忘了拍照🏰佳記甜品📍元朗教育路大坑渠側📍元朗鳳琴街22號金龍樓地下4-5號舖

元朗B仔係我中學時期回憶，先吾講食物，不過不失。最大問題係有個員工既態度好差，店舖吾多客，只係坐左一半，今餐令我由開心跌到落谷底。餐牌上面的確寫住西米露/涼粉既配搭，我同朋友想加單，要哈密瓜涼粉多花奶，個員工答我無花奶，仲有呢個係沙冰梨。全程d態度衰到。。。我問佢，邊到寫住沙冰，佢話呢到無寫，係我話比你聽！之後朋友見到我金眼火眼就制止左我地之間既對話，同佢講就要哈密瓜涼粉加花奶吾該。麻煩老闆見到食評之後調整下員工嘅態度，資金來源係客人，冇要求態度需要非常好，但係都唔好差到咁樣，實在令人失望！