影片
以上资料只供参考，请与餐厅确认详情
深水埗新开咗呢间家常小菜餐厅🫶🏻环境光猛企理 菜式选择好多 有多款蒸饭套餐 又有养生炖汤、饺子、点心之类 仲可以预订私房菜价钱好亲民 味道好有家嘅感觉 不花巧但足料新鲜蒸饺配每日炖汤餐 $88呢个系养生之选 可以自选一款八只嘅蒸饺 我拣左云耳马蹄鲜肉饺 饺子好大只 外皮薄 但有啲烟韧 内馅好多菜好爽脆 简单得来亦几好味 套餐跟一盅炖汤 汤嘅款式都系每日唔同星期日就系花胶炖汤 用乌鸡 龙眼 红枣等等炖成 饮落好甘甜 非常滋补足料 蒸肉饼套餐 $55 （跟白饭例汤）老板娘介绍肉饼系用新鲜猪肉 无加鸡粉食落口感真系有啲唔同 唔系𠮶啲落左好多梳打粉松肉粉嘅肉饼 食落扎实 系啖啖肉味道唔会太咸 清蒸加啲豉油 好岩捞饭😌香煎黄金糕 $18最后嗌多咗呢款点心 煎到金黄色👍🏻外皮脆脆地 蜂巢质地好有咬口 甜甜地 做甜品就啱啱好啦
继续阅读
同友人到访这家店，芳姐友善待客贴心招待，非常有人情味嘅店家👍🏽 点咗小米糭，芫茜蒸饺，同两个乌鸡炖汤。先到乌鸡炖汤，材料足，药材味浓，少咸，无味精，钟意养生嘅朋友必点，但药材口味唔系小妹最爱😝第一次试小米糭，唔算大只，小米无糯米咁黏，所以比较易散开，口感柔软，咸猪肉好惹味，味道出色👍🏽芫茜猪肉饺味道鲜味，饺皮滑而烟韧，芫茜香味好清新，食得出系现包即蒸，绝对唔系预制菜嘅口味👍🏽但同行友人有少少投诉，因为暑期工弟弟丢笼芫茜饺落枱令佢不悦，如可以改善返感觉会好好多💪🏽💪🏽
继续阅读
私房菜每人收$280 一位，其实菜单睇落都好普通，我就以为味道好好啦，点知啲𩠌好业余，好普通。盐焗鸡又唔够滑又唔够味，胜瓜蒸虾滑淡到以为自己食紧医院餐…..蒸扇贝只可叫做一般，味道完全冇特色。手剁肉饼又系，大把人整得好食过佢，又唔够热。个功夫白肉系好似韩国啲蒸五花肉，但佢最初唔记得比个汁得地，所以味道劲淡😓仲有个荷塘月色劲求其同唔吸引，将啲莲藕，红萝卜，荷兰豆炒埋一碟。所有野都成本劲低同埋唔值呢个价啰！最后个炖蛋蒸到起晒水泡又出水仲好意思拎比人食😓呢间野平平地食个两𩠌饭或者点心可能ok gei 但私房菜menu 真系唔值！
继续阅读
我系深水埗街坊，住咗1年几，成为咗我嘅饭堂。我认为佳芳厨房系全深水埗区最underrated 嘅平民餐厅，有禾杆冚珍珠嘅感觉，表面上同普通一间餐厅一样，但食落就知好唔同，食材系新鲜嘅，唔用味精，系食得出嘅，因为食完唔会口苦鼻苦想饮水，的确系健康同平价之选。餐厅招牌菜式系皇帝粥（皮蛋瘦肉粥足料版本）+每日不同款嘅足料炖汤，但我个人更加喜欢食点心，食得出唔系预制，例如凤爪亦有新鲜南瓜托底，balance 到啲汁嘅咸味，仲有老板家乡菜式茂名捞粉，平时少见，用生蒜+熟蒜+橄榄油+豉油嘅配搭令我有一排食到上瘾。门口同普通餐厅完全冇分别，令你以为佢只系yet another 嘅茶餐厅之类，价钱都会令你误会食物水准，例如一客饭+汤+菜卖$68，如果呢个质素放喺铜锣湾／旺角，我觉得比到$98都唔过份，系深水埗价格，做到非常好的性价比，最重要系食得健康。呢度系熟客为主，基本上我隔几日就会来食，老板娘亦储紧熟客，虽然作为街坊都唔想自己个食堂出名，但老板娘系今时今日呢个饮食业状况仍然肯有心做饮食，我觉得系值得支持嘅。
继续阅读
买完六合彩！有少少肚饿见到佳芳厨房有下午茶餐好抵食又啱胃口😋系门口亚姐又好热情咁招呼我地🥰 所以叫咗两份下午茶餐：肉丝炒米粉一啲都唔咸配菜料足😋炸花生都比好多配三只汤饺👍汤头清甜而无放味精！汤饺皮薄！下午茶餐：全家福蒸饺芫荽鲜肉饺拼粟米鲜肉饺皮薄料多好食！睇出用心制作总括：绝对系抵食下午茶餐👍👍
继续阅读
您可能会有兴趣的...