佛手柑素食 (已結業)

平日工作繁忙，最鍾意食零食減壓，正餐想食健康少少，是日午餐決定食齋。離太子地鐵站不遠，這間細細的地鋪，座位不算太多，但仍坐得舒適。ヾ(❀╹◡╹)ﾉ~一坐低，先揀咗經濟實惠嘅隨緣三餸飯套餐，一碟隨緣嘅三餸，一碗飯加一個素湯，$48 免加一。碟餸分量唔算少，唔太大食的人一定夠飽。但向來為食的我，又點會甘心只食一碟飯清清地，加多碟素雞絲粉皮，都唔算太過分嗻。素雞絲粉皮可加麻辣，但因爲我唔食辣的，所以只加了麻醬，天氣咁熱，叫碟涼拌，著實好享受。今餐似乎都食得好清淡，叫少少煎炸嘢都不為過，所以再來一碟輕煎腐皮卷。腐皮卷即叫即做，所以等候時間較耐，上枱時急不及待，食了一舊才記得影相。😅好好味，值得等候，如果再煎香多少少更好。相信這店廚房做嘢嘅人唔多，所以等候食物嘅時間會較長，如果唔趕時間，想靜靜地經濟實惠地享受一餐素菜，這裏是不錯的選擇。我是一個慢活的人，仲有咁多嘢未試，下次可以再來。

住太子附近，開始食「全素」近一年，成日苦惱附近冇乜好嘅素食選擇，直到今日終於搵到間有返咁上下水準嘅。打開餐牌，有廿零蚊嘅小食、40幾蚊嘅午餐、$55嘅海南雞飯餐、到幾十蚊嘅小菜都有。我見過個海南雞飯似乎係佢招牌菜，又有湯送咁抵，一於試吓。一嚟到就上咗碗酸辣湯先，都好足料，幾好飲，夠酸，少少辣，唯一係覺得偏鹹。已送嘅湯來講已經合格有餘。之後嚟主菜啦……個賣相都已經有7，8分，網絡真係似海南雞飯，尤其是係個有返，聞到都覺得香，食落去直情有八成似。仲有幾條白菜、少少蘿蔔絲送俾你，叫做同你嘅健康有個交代。至於海南雞，聽講係由蒟蒻同埋「纖維肉」去製成，我當然唔會強求佢個味會真係似雞，但食落都有小小雞皮同雞肉嘅口感，味道同出面素食餐廳嘅素肉差唔多，都係果d嘢。有兩款醬料提供——甜酸醬同姜蓉，兩款都好出色，點埋嚟食就有六成似海南雞。以$55呢個價錢來講，算係喜出望外，尤其是喺嗰頭素食選擇真係唔多，絕對會返頭。

今餐真係食得好好味，好耐未試過食一餐咁有質感嘅素食...尤其是那個牛柳炒豆...食落去嘅味道真係好似牛柳一樣...而且有個足料靚湯..感覺沒有加任何味精....還有一個雞絲粉皮...清涼可口...值得一試再試....而且入到去嘅環境...第一眼就見到一幅心經畫...令人得到片刻寧靜...尤其是對我呢個食肉獸來講...都係一幅特別嘅景象...我下次都可以帶我食肉獸既唔朋友來....試一試一個咁特別嘅素食...

自從在同一條街的素食店結束後，真係搵素食艱難，見到佛手柑，姑且入去一試。論價位，性價比不算高，但菜式有些令人眼前一亮，例如青芥末爆炒素鮑魚或酸菜魚，潮流元素兼備。既然是第一次，也不抱期望，點了青芥末爆炒素鮑魚及最穩陣的咕嚕素肉。咕嚕素肉是很簡單的菜式，但要整得好食也不易，這款是合格之上，最驚喜是加入了淮山，因為一般做法是配上菠蘿，現在改為淮山，咕嚕淮山真的很好吃。青芥末爆炒素鮑魚的賣相與想像有些不同，以為全份都是以素鮑魚為主，但現在被西蘭花追鏡了，不過主角素鮑魚沒有失色，用上青芥末炒，原來味道很夾，非常惹味。最後點了即叫即撞豆腐花，非常滑，值得再來。

媽媽已經食素食左好多年 現在佢都越嚟越先進 會係d社交網站知道邊到開左最新素食嘅餐廳🍴今日就應媽媽要求 陪佢黎食這間新店-佛手柑素食這間是傳統嘅素食店主要都係食炒粉麵 但當中多左有素食車仔麵 但價錢是十分親密 可以做素既人都係比較有善心 $48已經有三送飯加埋湯！不過媽媽就比佢個素海南雞飯吸引咗 而我就點了星洲炒米加飲品 再另外點左個雞絲粉皮同齋滷味（小）素海南雞飯連足料素湯（$55）素湯冇改錯名 真係好足料 有蘿蔔 粟米 馬蹄素肉等等 好清甜而且肯定冇味精 而素海南雞飯幾大碟 素肉都有成8塊 再加黃油薑飯好香口星洲粉米（$58）又係大大碟 冇平時食既咁黃 但好入味 好似食到有孜然粉味 我覺得比落真肉既星洲粉米更好食😋雪梨生薑蜜（+$5）純天然飲品 應該係自製 唔會好甜而且薑味適中 唔會好辣 好解渴👍🏻齋滷味（小$30）我地要求只要叉燒 酸齋同埋腎 。酸齋最鐘意食 這間唔會太酸 腎都唔會話做得好硬，不過叉燒就較失色 有種特別嘅味道但我麻麻地雞絲粉皮（$35）你諗緊要唔要麻辣嘅時候 員工話可以幫我哋另上👍🏻 依碟麻辣真係精粹 好味到媽媽想買回家 可惜因為新店嘅關係未有時間製作出售 不過員

疫情稍為緩和同埋限聚令放寬，即時約朋友大吃一餐，由於朋友係素食者，佢揀左呢間位於太子，深水埗交界既佛手柑素食，有朋友推介俾佢。餐廳位置唔算難搵，只要識去深水埗金鳳就會搵到。餐廳沒有華麗裝修，反而多一種地道小店風味。我地揀左好多款食物，好多都想試。1) 齋滷味 ⭐️⭐️⭐️⭐️2) 乾炒羅漢齋⭐️⭐️⭐️3) 西蘭花野菌枝竹⭐️⭐️⭐️⭐️4) 咕嚕素肉⭐️⭐️⭐️⭐️5) 椒鹽海鮮菇⭐️⭐️⭐️⭐️6) 酸辣湯⭐️⭐️⭐️⭐️最後，記得要叫埋甜品，極力推介。7) 即撞豆腐花 ⭐️⭐️⭐️⭐️⭐️⭐️

最近大家都注重多左健康， 所以我同朋友仔約好左， 每一個月會食一次至兩次素菜， 所以我地都會上openrice 搵不同的素菜餐廳。 今次搵到位於太子的素菜餐廳， 因為食材係素食的關係， 4 人份可以叫到6樣餸食，唔會好似食肉咁唔可以點咁多款式。主菜我地點左酸辣湯例牌 🔥好味⭐️⭐️⭐️⭐️如果鍾意食辣嘅朋友絕對啱齋滷味小份⭐️⭐️⭐️味道好正常咕嚕素肉⭐️⭐️⭐️⭐️⭐️高評價， 味道好似🐖， 好鬆脆又唔會係厚粉漿椒鹽海鮮菇⭐️⭐️⭐️⭐️⭐️原來炸菇可以好好食， 上碟賣相好靚， 好似椒鹽🦑干炒羅漢齋⭐️⭐️⭐️ 不錯西蘭花野菌枝竹 ⭐️⭐️⭐️⭐️ 雖然呢味餸本身都係素菜無咩特別咁， 但西蘭花有處理過， 無草青味👍🏻甜品：即撞豆腐花 ( 小碗）🥰🥰🥰我大愛， 好滑好想講小店絕對良心同顧客人感受的， 樣樣餸出到嚟都熱辣辣㗎。👍🏻👍🏻👍🏻

朋友有意食素，就相約假日一齊去食。整體間店舖不算大，是次用膳時間是下午，所以沒有很多人，和朋友可靜靜地品嚐和傾談。店內播放中式輕柔音樂，讓顧客可平靜下來，用心感受當下的食物。💛酸辣湯酸辣味同出面有點不一樣，感覺沒有味精 。湯入面好多配料，份量十分足料！湯也沒有很多芡，不會太濃稠。值得推介💛素海南雞飯飯是薑黃飯，飯質有口感，慢慢嘴嚼會不知不覺吃了一半，可能因為我本身喜歡食飯🙈其酸甜蘿蔔絲味道不濃烈，剛剛好，小酸小甜，也開胃。海南雞則是用素肉，本身也很有味道，不一定要點汁。而伴菜的兩款汁，薑汁是和一般海南雞飯汁一樣，反而是酸辣汁用檸檬+薑+辣椒調成，不濃烈，也是剛剛好。喜歡清淡不太濃味的朋友應該會喜歡這款汁。💛馬來西亞咖喱+酥餅咖喱除了雜菜外，還可以揀選一個材料。我跟朋友揀了鮮竹粒，原來是類似千層豆腐的東西，不過不失。而這個餐跟六塊酥皮，配搭咖喱一同進食不錯。咖哩是不辣的，雜菜很足料&新鮮👍🏻如果閣下喜歡吃辣辣咖喱，這要留意，因為是不辣的。而這是餐點，跟餐加$5可以另上豆漿一杯。豆漿有好香的豆味，並不是用粉沖的，感覺是自家製，喜歡這個。

朋友同我都終於搵到新工～可喜可賀，所以我哋就揀咗一間太子嘅素食店賀一賀佢～朋友食開素，而且住呢頭，話呢一間素嘅質素都唔錯！我哋五點幾就嚟到唔係好多人環境好闊落好舒適，睇睇餐牌佢哋除咗有啲套餐之外仲可以點小菜咁樣食，價錢經濟實惠！我哋先叫咗個齋滷味拼盤 (細) 一共有四款，我最鐘粒粒嗰種，好甜好有咬口！味道甜酸辣都有，好開胃～咕嚕素肉$62 做得好真！！！食緊嘅時候真係有啲肉絲架個素 omgg!!! 有一刻我以為我自己食緊真豬肉! 配菜佢哋有三色椒同埋淮山朋友話個淮山有驚艷到佢，好滿意～青芥末爆炒素鮑魚 $88鮑魚爆得好香好惹味加埋wasabi 醬咸咸辣辣超好味～～～佢每個配菜都可以加$5任選任何飲品 我地一日加咗一杯嘢飲金橘檸檬同雪梨生薑蜜最後我哋仲叫埋個豆腐花豆腐花好滑好綿好滿意～～～

比甜品鋪更出色的豆腐花～～～😛日日大魚大肉食得多 有時都會想食得健康d 今晚收工之後 我同大舊就忽發奇想 突然間想食素食做晚餐喺素食者朋友嘅極力推薦底下 我哋就嚟咗太子地鐵站附近嘅呢一間素食餐廳食晚餐～～～佢哋嘅餐牌選擇頗多 有晚市小菜 車仔麵 小食 炒粉麵飯 咖喱 海南雞飯同甜品等等 望落全部都好似幾吸引 睇到我哋三心兩意 揀咗好耐先揀到😁～～～最後我哋就叫咗芋頭魚 三餸車仔麵 青芥末秋葵 羅漢齋炒河 同一個即撞豆腐花～～～第一碟先上就係芋頭魚 切落去嘅卡擦卡擦聲 令我哋未食已經知道一定好香脆 果然一食落口 wow 完全係好食到令我哋精神為之一振 濃郁嘅芋頭味 外脆內軟嘅質感 就算唔額外點佢哋配搭嘅甜酸汁 都已經好食到不得了～～～然後再上嘅就係羅漢齋炒河 材料有黑木耳 各種菇菌類 腐竹 紅蘿蔔 小白菜等等 材料豐富之餘啲河粉都炒得好有鑊氣 味道調得啱啱好 好有驚喜～～～三餸車仔麵就相對清淡啲 我哋叫咗素乳豬作為其中一款素 佢哋竟然有上埋素乳豬汁 好有心思 另外甜酸齋汁係另上 令啲甜酸汁唔會擾亂湯底清甜嘅味道 幾細心 值得加分～～～芥末秋葵就整得好夠味 秋葵大大條 夠新鮮 顏色好翠綠

朋友介紹我去一間質素不錯的素食店，位於太子荔枝角道100號的佛手柑素食。地方不算很大，但店內的格局很舒服店內播放著心經的音樂，讓人感覺到十分舒暢和平靜。而店員對顧客招呼十分殷勤有禮。我們點了齋滷味拼盤（細），齋雞絲粉皮，黑椒薯仔素牛肉粒，咕嚕素肉，馬來咖喱素牛肉配黃金酥餅，足料素湯等。足了料素湯裏面有蘿蔔，雪耳，栗子，花豆等，真的非常足料，雖然沒有落肉，但這湯味道卻是十分之鮮甜。齋滷味拼盤（細），很喜歡食齋滷味拼盤，因為裏面有不同素麵筋，口感豐富而且甜甜又酸酸尾尾，作為前菜十分醒胃。齋雞絲粉皮，這款做得很出色，雞絲好似，而且粉皮通透爽滑，像真度高之外，味道又好。黑椒薯仔送牛肉粒，有開胃又惹味的黑椒，薯仔炸過，味道十分香脆，是一道很惹味的素菜。咕嚕素肉，素肉做得好真，炸得香脆而且用鮮淮山代替菠蘿，追求味道之餘使餸菜更加有益，營養價值更高。馬來咖哩素牛肉粒配黃金酥餅，咖喱配酥餅是一個絕配，咖哩好香濃，有濃濃的椰香味道，配上酥餅食極都唔厭。總結：佛手柑素食是一間性價比很高的素食餐館，店位置坐得舒服，素菜亦做得很有水準，每一道菜都有它的好味之處，而店員亦十分殷勤有禮，是一間令人會返轉頭的好素菜

慶祝父親節食飯，帶左爸爸去試下食素👨🏻‍🦳原來食素都可以大魚大肉🥬🥒🥦🐠🐔雞絲粉皮+ 家鄉脆豆腐做前菜已經好有驚喜，真係好食😋鮮淮山野菌甜豆～ d 豆真係好嫩口，一d 渣都無。。芋頭魚細細條又好生猛（ 講笑）水煮素牛肉～ 唔係太辣的，容易入口，真係好似係食緊湖南四川菜咁🤣佢地份量都適中，價錢合理，所以可以試好多唔同菜式。。父親大人今餐表示滿意🤣🤣

豬小姐前排去左食素食自助餐 發現其實都幾岩自己口味 又夠健康今晚帶埋媽媽尼到「佛手柑素食」食齋菜 好過下下做食肉獸餐廳播住柔和純音樂 令人食得特別舒適恬靜三餸車仔麵(可選飯或撈麵) 我地揀左素蝦 素乳豬同素黃金扒素蝦樣子似足蝦仁 口感方面就爽爽地 似係菇菌類 不過當然就無真蝦嘅鮮味啦素乳豬味道似食燒味 算係比較濃味嘅齋素黃金扒外層金黃 偽炸豬扒手工麵幾滑溜 不過湯底方面就比較清 咸少少就好啦咕嚕素肉豬小姐極度推介係令我最驚喜嘅菜式賣相似都不在話下 味道顏色質感都似到十足素肉粒咬落脆口 好啖啖肉feel(誤)仲要有煎過嘅薯仔粒 原來薯仔配搭咕嚕汁都好夾 仲有我最鍾意食嘅三色椒係好有水準嘅素咕嚕素肉 難怪店員叫我必試芋頭魚好巨型 煎得香脆一啲都唔油膩 芋頭愛好者媽媽表示滿足 啖啖芋頭真心飽 點醬汁食醒胃得多素海南雞飯嘅海南雞唔知點解覺得個樣有啲似厚肉版薰蹄邊邊位嘅啫喱狀應該係扮雞嘅肥膏 好得意咬落都幾彈牙 沾埋酸辣醬食感覺似曾相識卻又新鮮 而且有成八舊咁多 份量唔少薑黃飯真材實料薑味重非常夠薑配菜嘅醃蘿蔔好酸不過我鍾意 本來想飲素湯 可惜無緣試到所以就叫左杯雪梨生薑蜜 生薑比平日食開嘅老薑

最近食太多肉覺得好唔健康，身體都變差了。依排都想食下齋，等自己身體refresh一下！今日專登入太子搵呢間新開嘅素食。餐廳播放住心經嘅純音樂，成個環境都好舒服，聽住音樂，有種好洗滌心靈嘅感覺！牆上面仲有一幅「般若波羅蜜多心經」，老闆話係逐隻逐隻字貼上去，非常有heart！食飯嘅時候，可以望吓牆身嘅心經，再聽住心經純音樂，心情相當平和。一坐底我哋先點了盅足料素湯，個湯完全冇味精，入面有節瓜、蟲草花、竹生等，真係名符其實好足料！我哋點左三款小菜，包括咕嚕素肉、水煮牛肉和輕煎腐皮卷。三款都令人相當驚喜！我最愛係咕嚕素肉，味道同平時食嘅咕嚕肉幾乎一模一樣！外層香脆，醬汁甜甜酸酸好開胃，素肉亦都好有口感，非常好味！水煮素牛肉好惹味，麻麻辣辣，湯底唔會好油，仲好味到可以飲埋！素牛肉質感幾好，同真嘅肉都幾似！入面仲有菇菌、芽菜等，吸晒啲麻辣汁，正呀喂！ 輕煎腐皮卷外皮煎得夠香，裏面主要係蘿蔔絲，點埋自家製嘅甜酸醬食，味道立即提升！最後叫埋甜品 - 即撞豆腐花，新鮮滾熱辣，真係即點即撞架！豆味好濃，而且好滑好香，嚟到必試！

人大了慢慢就食少咗肉，我宜家平時就久不久都會食齋，感覺好舒服，希望做到每一星期吃素一日，或一星期會有3-6餐呢間素食喺太子新開不久，餐廳環豐好簡約舒適樓底又夠高，仲一直播放純音樂心經，感覺好平靜今次經侍應介紹點了數款招牌菜， 輕煎腐皮卷係非油炸㗎，用輕煎到金黃色入面有滿滿香菇紅蘿蔔絲等，食落口感豐富，仲配埋自家製甜酸醬素雞絲粉皮夏天食很清新，雞絲口感很像喔，粉皮涼涼地滑滑的，配上濃香麻醬真係好美味呢個咕嚕素肉真係要重點推介，素肉炸到外層香脆，入面就真係有點像肉的口感，酸酸甜甜很開胃，送飯食一流，仲有薯仔粒都好好食，配菜有三色椒記得要加$10叫埋足料素湯，無味精又足料，水仲用試純淨水去煲，味道更清甜水煮素牛肉愛辣人士真係要試，麻香帶辣真係食到停唔到口，湯底好鮮甜入面有大量大豆芽菜及白菜，仲有雲耳同菇菌，素牛肉口感都似，所有配菜吸滿麻辣湯好惹味飯後要留肚食埋呢個甜品，係即叫即撞豆腐花，非常細滑豆味清香，唔算好甜又夠哂熱辣辣，正啊～